اۆتونوميالى رايوندىق حالىق قۇرىلتايى تۇراقتى كوميتەتى تۇراقتى كوميتەت ماجىلىسىنە سىرتتاي قاتىناسقان ۋاكىلدەر اڭگىمە ٴماجىلىسىن اشتى
ىرىقتىلىقپەن مىندەت وتەپ، جاۋاپكەرشىلىك ارقالاپ، شينجياڭنىڭ رەفورماسىنا، دامۋىنا كۇش ۇستەپ ارلەندىرۋ كەرەك
انار بۇلت \ شينجياڭ گازەتىنىڭ ٴتىلشىسى جاڭ لەي 9 ـ ايدىڭ 26 ـ كۇنى ۇرىمجىدەن حابارلايدى. 9 ـ ايدىڭ 25 ـ كۇنى تۇستەن كەيىن اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 14 ـ ماجىلىسىنە سىرتتاي قاتىناسقان ۋاكىلدەر اڭگىمە ٴماجىلىسى اشىلىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنۋدى، ۇگىتتەۋدى، دايەكتىلەندىرۋدى ارقاۋ ەتىپ، اۆتونوميالى رايوندىق 10 ـ كەزەكتى پارتكوم ون ەكىنشى جالپى ٴماجىلىسىنىڭ رۋحىن دايەكتىلەندىرىپ، تياناقتاندىرىپ، حالىق قۇرىلتايى ۋاكىلدەرىنىڭ رولىن تولىق ساۋلەلەندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋ جونىندە پىكىر اۋىستىرىلىپ، تاجىريبە ـ اسەرلەر ايتىلدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ٴماجىلىستى باسقاردى ٴارى ٴسوز سويلەدى.
”ٴىس جۇزىندىك ارەكەتىمىز ارقىلى پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسى رۋحىنىڭ تياناقتانىپ تامىر تارتۋىن ىلگەرىلەتەمىز“، ”رەفورمانى كوزدەۋگە، رەفورمانى يگەرۋگە، رەفورمانى ىلگەرىلەتۋگە بار كۇشتى سالىپ، رەفورما تاباندىلىعىن باستان ـ اياق ساقتايمىز“، ”كاسىپ باسىمدىعىن تولىق ساۋلەلەندىرىپ، نەگىزگى ساتىنى باسقارۋ قىزمەتىن جەبەۋدە الدىڭعى لەكتە جۇرەمىز“... ماجىلىستە ماجىلىسكە سىرتتاي قاتىناسقان مەملەكەتتىك جانە اۆتونوميالى رايوندىق حالىق قۇرىلتايىنىڭ 10 ۋاكىلى نەگىزگى تاقىرىپتى ارقاۋ ەتىپ، وزدەرىنىڭ مىندەت وتەۋ جاعدايىمەن ۇشتاستىرىپ، تۇرلىشە تۇرعىدان پىكىر اۋىستىرىپ، لەبىز ٴبىلدىردى، سىرتتاي قاتىناسقان 10 ۋاكىل جازباشا پىكىر اۋىستىردى. ٴزۇمىرات وبۇل مىنالاردى ٴبىلدىردى: كوپشىلىكتىڭ ۇسىنىس ـ پىكىرلەرىن مۇقيات سارالاپ، جيناقتاپ، اقىلداسىپ قابىلدايمىز نەمەسە قاتىستى تاراۋلاردىڭ اقىلداسىپ ٴبىر جاقتى ەتۋىنە دەر كەزىندە جولدايمىز.
ٴزۇمىرات وبۇل بىلاي دەپ اتاپ كورسەتتى: حالىق قۇرىلتايى ۋاكىلدەرى حالىق قۇرىلتايىنىڭ نەگىزگى تۇلعاسى رەتىندە، ٴتىپتى دە ٴتۇزىم سەنىمىن بەكەمدەپ، تاريحي ىرىقتىلىقتى كۇشەيتىپ، حالىق قۇرىلتايى تۇزىمىنە ويداعىداي تاباندى بولۋى، ونى ويداعىداي كەمەلدەندىرۋى، ويداعىداي جۇرگىزۋى كەرەك. باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، پارتياعا ادال بولۋ سىندى ۇلى ٴمورالدى، حالىقتى باقىتقا كەنەلتۋ سىندى الەۋمەتتىك ٴمورالدى، وزىنە قاتاڭ تالاپ قويۋ ٴمورالىن قاستەرلەپ، جۇڭگو ۇلگىسىندەگى وسىزامانداندىرۋدى ىلگەرىلەتۋ بارىسىندا كورىكتى شينجياڭدى ونان ارى ويداعىداي قۇرۋعا تىڭ دا اناعۇرلىم زور ۇلەس قوسۋ كەرەك.
ٴزۇمىرات وبۇل بىلاي دەپ باسا دارىپتەدى: سانالى تۇردە رەفورمامەن توعىسىپ، رەفورمانى قولداپ، رەفورماعا ات سالىسىپ، ٴوز قىزمەت ورنىندا رەفورمانى امالياتتا ايگىلەپ، ۋاكىلدىك قىزمەت ورنىندا رەفورمانى ىلگەرىلەتىپ، حالىقتان اقىل ـ كەڭەس الۋعا، حالىقتىڭ قاجەتىن بىلۋگە تاباندى بولىپ، ٴار ۇلت بۇقاراسىنىڭ اقىل ـ پاراساتى مەن كۇش ـ قۋاتىن رەفورماعا بارىنشا شوعىرلاندىرىپ، رەفورمانى جاپپاي تەرەڭدەتۋدىڭ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدىڭ قۋاتتى بىرىككەن كۇشىن قالىپتاستىرۋ كەرەك. ”جۇڭحۋا ۇلتى ورتاق تۇلعا تانىمىن بەكەمدەۋ · 10 مىڭ ۋاكىل 10 مىڭ وتباسىن ارالاۋ“ ۇگىتتەۋ، ۇگىت لەكسيا نەگىزگى تاقىرىپتىق قيمىلىن ۇزدىكسىز تەرەڭدەتىپ، كەڭەيتىپ، فورماسى مەن مازمۇنىن ۇزدىكسىز بايىتىپ، ٴار ۇلت بۇقاراسىنىڭ تۇسىنۋىنە، ۇعىنۋىنا، پەيىلىمەن ات سالىسۋىنا، وڭاي قابىلداۋىنا مۇمكىندىك جاساۋ كەرەك.
ٴزۇمىرات وبۇل بىلاي دەپ باسا دارىپتەدى: حالىقتى وزەك ەتۋگە باستان ـ اياق تاباندى بولىپ، حالىق بۇقاراسىمەن بايلانىستى ونان ارى جيىلەتىپ، بۇقارا ٴجىتى قاداعالاپ وتىرعان تۇيىندەردى سانالى تۇردە مىندەت اتقارۋدىڭ كۇش سالۋ ٴتۇيىنى ەتىپ، بۇقارانىڭ قيىنشىلىعىن، تالاپ ـ تىلەگىن كوبىرەك ۇعىسىپ، باعىتتامالىلىعى كۇشتى پىكىر ـ ۇسىنىستاردى العا قويىپ، ٴىس جۇزىندىككە ۇيلەسەتىن شارالار مەن ادىستەردى ۇسىنىپ، جالپى بارىستىق حالىق دەموكراتياسىنىڭ تارتىمدى، اسەرلى، جارامدى بولۋىنا مۇمكىندىك جاساپ، حالىقتىڭ ۇنىنە جاۋاپ قاتۋدى شىنايى ورىنداۋ كەرەك.
لي نيڭپيڭ اڭگىمە ماجىلىسىنە قاتىناستى.
