قاھارمانداردى ۇلگى ەتىپ، زەيىن ـ زەردەنى، كۇش ـ قۋاتتى ۇيىستىرىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازامىز
_ باس شۋجي شي جينپيڭنىڭ مەملەكەت وردەنىن جانە مەملەكەت داڭق اتاعىن تابىس ەتۋ سالتىندا سويلەگەن ماڭىزدى ٴسوزى رايونىمىزدا قىزۋ اڭىس قوزعادى
انار بۇلت \ شينجياڭ گازەتىنىڭ ٴتىلشىسى جاڭ تيڭ، ٴجازيرا نەسىپبەك
9 ـ ايدىڭ 29 ـ كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ مەملەكەت وردەنىنە جانە مەملەكەت داڭق اتاعىنا يە بولعاندارعا وردەن، مەدال تابىس ەتتى ٴارى ماڭىزدى ٴسوز سويلەدى، بۇل رايونىمىزدا قىزۋ اڭىس قوزعادى. كوپشىلىك جابال بىلاي دەدى: باس شۋجيدىڭ ٴسوزى ادامدى شاتتاندىردى، ايرىقشا جىگەرلەندىك، قاھارمان ۇلگىلەردى ونەگە ەتىپ، ىنتىماقتاسا العا ۇمتىلىپ، ۇدەرە العا تارتىپ، زەيىن ـ زەردەنى، كۇش ـ قۋاتتى ۇيىستىرىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازامىز.
تاشقورعان تاجىك اۆتونوميالى اۋدانى تىزناپ اۋىلى تىزناپ قىستاعىنداعى بايەكە كەلدىبەكتىڭ ۇيىندە اۋىلداستار ٴبىر ارادا باس قوسىپ، تىكە تاراتىلىمدى كوردى، ”حالىق قورعاۋشىسى“ مەملەكەت داڭق اتاعىنىڭ يەگەرى بايەكە كەلدىبەكتىڭ ماداقتالىپ ـ سيلانعانىن كورگەندە، كوپشىلىك اسەرلەنىپ دۋ قول شاپالاق سوقتى.
تىزناپ قىستاعىنىڭ شەكارا قورعاۋشىسى ٴرابيا تايلي بىلاي دەدى: ”مەن بالا كەزىمنەن بايەكە اتاي وتباسىنىڭ اڭگىمەسىن تىڭداپ ەسەيدىم، ول كىسىنىڭ ماداقتالىپ ـ سيلانعانىن ەرەكشە ماقتانىش سەزىنەمىز، شەكارا قورعاۋشى رەتىندە، مەن قاھارمان ۇلگىلەردى ونەگە ەتىپ، وتاننىڭ ٴاربىر سۇيەم جەرىن ويداعىداي قورعايمىن“.
بايەكەنىڭ قىزى دولەتحان بايەكە بىلاي دەدى: ” اتام، اكەم جانە اعام شەكارا قورعاۋشى بولۋ ٴۇشىن كوپ بوداۋ بەرگەن بولسا دا، ٴبىزدىڭ وتباسىمىزداعىلار مۇنى ىستەۋگە ٴتيىستى ٴىس دەپ قارايدى، ويتكەنى اكەم بىزگە وتان تىنىش بولعاندا عانا، ٴبىزدىڭ تىنىش تۇرمىسىمىز بولادى دەيتىن، ٴبىز ۇزدىكسىز وتاندى ٴسۇيىپ، شەكارانى قورعاۋ رۋحىن جالعاستىرۋشى بولامىز“.
”مەملەكەتتى قۇدىرەتتەندىرۋ مۇراتىن كوكەيدە ساقتاپ، مەملەكەتتىڭ باي ـ قۇدىرەتتى بولۋىن ويلاپ، حالىقتىڭ باقىتىن كوكسەپ، وتاندى ادالدىقپەن ٴسۇيىپ، وتاننىڭ ٴۇمىتىن اقتاۋعا بەل بايلاپ، ٴوزىن مەملەكەت ىستەرىنە ارناپ، مەملەكەت ٴۇشىن بورىشىن اتقارۋ، حالىق ٴۇشىن قىزمەت ىستەۋ بارىسىندا وزىندىك قۇنىن جۇزەگە اسىرىپ، ٴومىر كەلبەتىن ايگىلەۋ كەرەك“. باس شۋجي شي جينپيڭنىڭ ماڭىزدى ٴسوزى التاي شەكارا باسقارۋ تارماق اترەتى قاناس شەكارا ساقشى بولىمشەسىنىڭ جەتەكشىسى ۋاڭ جيانى قاتتى تەبىرەنتتى.
”باس شۋجيدىڭ ماڭىزدى ٴسوزىن تىڭداعاننان كەيىن، مەن داڭق جونىندە، قاھارماندىق جونىندە اناعۇرلىم تەرەڭ تۇسىنىككە يە بولدىم. بايەكە وتباسىنداعى 3 ۇرپاق ادام ٴبىرىنىڭ ٴىزىن ٴبىرى باسىپ شەكارانى كۇزەتىپ، ٴىس جۇزىندىك ارەكەتى ارقىلى بورىش پەن جاۋاپكەرشىلىكتى ايگىلەدى“. ۋاڭ جيا بىلاي دەدى: جاڭا داۋىردەگى كوشى ـ قون باسقارۋ ساقشىسى رەتىندە، پارتياعا ادال بولىپ، حالىقتى قىزۋ ٴسۇيىپ، وتاننىڭ ٴۇمىتىن اقتاپ، بورىشىمدى ادا ەتىپ، داڭقتى قاستەرلەيمىن. مۇرات سەنىمىمدى بەكەمدەپ، اۋەلگى ماقساتتى ۇمىتپاي، ماڭگى كۇرەس جۇرگىزەمىن!
سول كۇنى ساعات 10دا جەمەنەي اۋدانى جەمەنەي قالاشىعى سارولەڭ قىستاعى قىستاق تۇرعىندار كوميتەتىنىڭ اۋلاسىندا پارتيا مۇشەلەرى، كادرلار مەن بۇقارا ۋاكىلدەرى قورالانا وتىرىپ، تابىس ەتۋ سالتىنىڭ تىكە تاراتىلىمىن كوردى.
”جۇڭگو ـ قازاقستان شەكاراسىنداعى ٴبىرىنشى قىستاق“ اتالعان سارولەڭ قىستاعى وتانىمىز تەرريتورياسىنىڭ باتىس سولتۇستىك بۇرىشىندا، قىستاق ۇلكەن ەمەس، بارلىق وتباسىنىڭ ەسىك الدىنا بەس جۇلدىزدى قىزىل تۋ ىلىنگەن. قويۋ شەكارا قورعاۋ مادەنيەتى وسى ارانىڭ وزگەشە كورىنىسىنە اينالعان.
سارولەڭ قىستاعى پارتيا ياچەيكاسىنىڭ شۋجيى مەرۋەرت سارقىت بىلاي دەدى: ”قاھارمان ۇلگىلەردىڭ ادال، تاباندى، قاراپايىم قاسيەتى بىزگە تەرەڭ اسەر ەتۋدە. قىستاق پارتيا ياچەيكاسىنىڭ شۋجيى رەتىندە، مەن قىستاق تۇرعىندارىن باستاپ وتاندى ٴسۇيۋ، شەكارانى كۇزەتۋ رۋحىن ۇزدىكسىز اسقاقتاتىپ، ’جۇڭگو _ قازاقستان شەكاراسىنداعى ٴبىرىنشى قىستاق‘ سىندى قىزىل بايلىققا سۇيەنىپ، سارا ساياحات جەلىسىن قالىپتاستىرىپ، مادەنيەت پەن ساياحاتتى توعىستىراتىن اناعۇرلىم كوپ ونىمدەردى اشىپ، شەكاراداعى قىستاقتىڭ ونان ارى كورىكتەنۋىنە، شەكاراداعى حالىقتىڭ ونان ارى بايۋىنا مۇمكىندىك جاسايمىن“، ـ دەدى.
باس شۋجي شي جينپيڭ بىلاي دەپ اتاپ كورسەتتى: بۇكىل پارتيا، بۇكىل ەلدەگى ٴار ۇلت حالقى قاھارمان ۇلگىلەردى ونەگە ەتىپ، ىنتىماقتاسا ەكپىندەي ىلگەرىلەپ، قايراتتانا العا باسىپ، مەملەكەتتى قۇدىرەتتەندىرۋ كەلەلى ىسىنە بىرگە كىرىسۋدىڭ تەلەگەي كۇشىن ۇيىستىرۋى كەرەك.
جىڭ اۋدانى تاقيا قالاشىعىنداعى ”اتتى ۇگىت لەكسيا اترەتىنىڭ“ ۇگىتشىسى ولۇنبايىر بايەكەنى وزىنە ونەگە تۇتتى. ”بايەكە پارتيانى ٴسۇيىپ، وتاندى ٴسۇيىپ، مىندەتىن ادالدىقپەن وتەپ، ٴىس جۇزىندىك ارەكەتى ارقىلى نەنىڭ ناعىز جاۋاپكەرشىلىك، نەنىڭ جاۋاپكەرشىلىك ارقالاۋ ەكەندىگىن ٴتۇسىندىردى“. ولۇنبايىر بىلاي دەدى: نەگىزگى ساتىداعى ۇگىتشى رەتىندە، نەگىزگى ساتىنى تياناق ەتىپ، بۇقارامەن ىشكەرىلەي ارالاسىپ، باس شۋجيدىڭ ٴسوزىنىڭ رۋحىن قاراپايىم دا ۇعىنىقتى تىلمەن ٴاربىر ادامعا جەتكىزىپ، ٴتىپتى دە كوپ ادامعا پارتيانىڭ مەيىرى مەن قامقورلىعىن سەزىندىرەمىن.
اۆتونوميالى رايوندىق پارتكوم بىرلىكساپ ٴبولىمىنىڭ كەلپىن اۋدانى يۇرچي اۋىلى ارا ايماق قىستاعىندا تۇراتىن قىزمەت اترەتىنىڭ ٴبىرىنشى شۋجيى ليۋ كاي مىنالاردى ٴبىلدىردى: بايەكە وتباسىنداعى 3 ۇرپاق ادامنىڭ مەملەكەت ٴۇشىن شەكارانى كۇزەتكەن اسەرلى ىزگى ىستەرى پامير ۇستىرتىندەگى بارلىق شەكارا كۇزەتشىلەرىنىڭ ”حالىقتىڭ ادال قورعاۋشىسى بولىپ، وتاننىڭ شەكاراسىن جاقسى كۇزەتكەن“ توپتىق بەينەسىنىڭ ىقشام كورىنىسى، جاڭا داۋىردە جۇڭحۋا ۇلتى ورتاق تۇلعا تانىمىن بەكەمدەۋدىڭ جاندى تۇسىندىرمەسى سانالادى. ”ٴبىز شينجياڭدى مادەنيەتپەن نارلەندىرۋ قىزمەتتەرىن تىڭعىلىقتى ىلگەرىلەتىپ، ’ٴبىزدىڭ جۇڭگو ارمانىمىز _ مادەنيەتتى سان مىڭداعان وتباسىنا جەتكىزۋ‘ سياقتى قيمىلداردى ورىستەتىپ، ٴار ۇلت ەگىنشى ـ مالشى بۇقاراسىن بەينەت پەن زەينەتتى بىرگە وتكەرىپ، داڭق پەن نامىستا بىرگە بولۋ، اششى ـ تۇششىنى بىرگە تاتىپ، تاعدىرلاس بولۋ سىندى ورتاق تۇلعا ۇستانىمىن بەرىك ورناتۋعا تاربيەلەپ، جەتەكتەپ، جۇڭگو پەيىلىن، جۇڭحۋا رۋحىن بەكەمدەپ، جاڭا داۋىردەگى ’العىس ايتا ۇدەرە العا تارتىپ پارتياعا ىلەسۋ، جاراسىمدى دا كورىكتى اۋىل ـ قىستاق جاڭا بەت ـ بەينەسىن ايگىلەۋ‘ نەگىزگى اۋەنىن كۇش بىرىكتىرە اسقاقتاتامىز“، ـ دەدى ليۋ كاي.
