اۆتونوميالى رايوندىق پارتكوم تۇراقتى كوميتەتى ٴماجىلىس اشتى
جۇڭگو كوممۋنيستىك پارتياسى ورتالىق كوميتەتى ساياسي بيۋروسى ٴماجىلىسىنىڭ جانە باس شۋجي شي جينپيڭنىڭ ماڭىزدى سوزدەرىنىڭ، ماڭىزدى نۇسقاۋىنىڭ رۋحىن جەتكىزدى، ۇيرەندى، دايەكتىلەندىردى
ورتالىق ٴتارتىپ تەكسەرۋ كوميتەتىنىڭ، مەملەكەتتىك باقىلاۋ ـ تەكسەرۋ كوميتەتىنىڭ بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىن شوعىرلى وڭاۋ قىزمەتى جونىندەگى ورنالاستىرۋلارىن، تالاپتارىن دايەكتىلەندىرۋدى اقىلداستى
ما شيڭرۇي ٴماجىلىستى باسقاردى
انار \ بۇلت شينجياڭ گازەتىنىڭ ٴتىلشىسى ۋاڭ شيڭرۇي 9 ـ ايدىڭ 29 ـ كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 9 ـ ايدىڭ 29 ـ كۇنى تۇستەن بۇرىن ٴماجىلىس اشتى، ٴماجىلىس جۇڭگو كوممۋنيستىك پارتياسى ورتالىق كوميتەتى ساياسي بيۋروسى ٴماجىلىسىنىڭ جانە باس شۋجي شي جينپيڭنىڭ جۇڭگو حالىق ساياسي ٴماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىندا جانە مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ ـ سيلاۋ جينالىسىندا، ايدى بارلاۋ ينجەنەرياسى چاڭى ـ 6 مىندەتىنە قاتىستى زەرتتەۋگە، سىناققا قاتىناسقان قىزمەتكەرلەردىڭ ۋاكىلدەرىن قابىلداعاندا سويلەگەن ماڭىزدى سوزدەرىنىڭ رۋحىن جەتكىزدى، ۇيرەندى، دايەكتىلەندىردى، باس شۋجي شي جينپيڭنىڭ ورتالىق كوميتەت پارتيا مەكتەبى شينجياڭ ۇلتتار كادرلارىن باۋلۋ كلاسى اشىلعاندىعىنىڭ 70 جىلدىعى بايلانىسىمەن بەرگەن ماڭىزدى نۇسقاۋىنىڭ، بۇكىل ەلدەگى قالىڭ شارۋالارعا جانە اۋىل شارۋاشىلىعى، اۋىل ـ قىستاق، شارۋالار شەبىندە قىزمەت ىستەپ جاتقان جولداستارعا جولداعان سالەمىنىڭ رۋحىن مۇقيات ۇيرەندى، دايەكتىلەندىردى، ورتالىق ٴتارتىپ تەكسەرۋ كوميتەتىنىڭ، مەملەكەتتىك باقىلاۋ ـ تەكسەرۋ كوميتەتىنىڭ بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىن شوعىرلى وڭاۋ قىزمەتى جونىندەگى ورنالاستىرۋلارىن، تالاپتارىن دايەكتىلەندىرۋدى اقىلداستى. اۆتونوميالى رايوندىق پارتكومنىڭ شۋجيى ما شيڭرۇي ٴماجىلىستى باسقاردى.
ٴماجىلىس مىنالاردى باسا دارىپتەدى: يدەيا مەن ارەكەتتى جۇڭگو كوممۋنيستىك پارتياسى ورتالىق كوميتەتى ساياسي بيۋروسى ٴماجىلىسىنىڭ قازىرگى ەكونوميكالىق جاعدايعا جاساعان تالداۋىمەن، تۇجىرىمىمەن جانە الداعى ەكونوميكالىق قىزمەت جونىندەگى شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، پارتيا ورتالىق كوميتەتىنىڭ تالاپتارىن تياناقتاندىرىپ، شينجياڭنىڭ ٴىس جۇزىندىك جاعدايىمەن ۇشتاستىرىپ، تۇتاس جىلدىق ەكونوميكالىق، قوعامدىق دامۋ نىسانا ـ مىندەتتەرىن باتىل ورىنداۋ كەرەك. دامۋ سەنىمىن بەكەمدەپ، مەملەكەتتىڭ ساياسات، شارالارىنان ويداعىداي پايدالانىپ، جەرگىلىكتى ساياسات، شارالاردىڭ باعىتتامالىعى مەن ونىمدىلىگىن جوعارىلاتىپ، ساياساتتى تياناقتاندىرۋدىڭ ”ەڭ سوڭعى ٴبىر كيلومەترىن“ ىركىلىسسىزدەندىرۋگە ٴۇرتىس كۇش سالۋ كەرەك. نازاردى ٴتۇيىندى سالالارعا شوعىرلاندىرىپ، شەشۋشى بۋىنداردى يگەرىپ، ارتىقشىلىقتاردى اسىرۋعا، ولقىلىقتاردى تولىقتاۋعا كۇش سالىپ، ٴتۇيىندى نىساندارعا قارجى قوسىپ قۇرىلىس جۇرگىزۋدى جەدەلدەتىپ، سىرتقى ساۋدانىڭ بەلسەندى جاعدايىن بەكەمدەپ، كەڭەيتىپ، قالا، اۋىلدىڭ تۇتىنۋىن ورنىقتىرۋ جانە كەڭەيتۋ كەرەك. حالىق تۇرمىسىن قامتاماسىز ەتۋ سەرپىنىن ارتتىرىپ، ٴتۇيىندى قاۋىمنىڭ جۇمىستانۋىن ويداعىداي يگەرىپ، حالىق تۇرمىسىنا ساياتىن ناقتى ىستەردى كۇش سالا ويداعىداي تىندىرىپ، قازىنانىڭ باياندىلىعىن كۇشەيتىپ، نەگىزگى ساتىنىڭ ”ٴۇشتى قامتاماسىز ەتۋ“ تومەنگى شەگىن بەكەمدەۋ، ناقتىلاندىرۋ كەرەك. ٴار دارەجەلى باسشى كادرلار، اسىرەسە، پارتكومدارداعى، ۇكىمەتتەردەگى نەگىزگى جاۋاپتى جولداستار جاۋاپكەرشىلىك سەزىم مەن كوكەي تەستىلىك سەزىمدى كۇشەيتىپ، ەكونوميكالىق جاعدايعا جانە ٴتۇيىندى ماسەلەلەرگە دەر كەزىندە دالمە ـ ٴدال تۇجىرىم جاساپ، ادام تاڭداۋدىڭ، ادام ىستەتۋدىڭ باعدار كورسەتكىشىن ويداعىداي ورناتىپ، قالىڭ پارتيا مۇشەلەرىن، كادرلاردى باتىلدىقپەن جاۋاپكەرشىلىك ارقالاۋعا، باتىلدىقپەن جاڭالىق اشۋعا جەتەكتەپ، ەكونوميكانىڭ ٴۇرتىس قايتا ورلەۋىن، جاقسارۋىن ىلگەرىلەتۋى كەرەك.
ٴماجىلىس مىنالاردى باسا دارىپتەدى: باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، جەتە ٴتۇسىنىپ، باس شۋجي شي جينپيڭنىڭ جۇڭگو حالىق ساياسي ٴماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىندا سويلەگەن ماڭىزدى ٴسوزىنىڭ رۋحىن مۇقيات ۇيرەنىپ، دايەكتىلەندىرىپ، دۇرىس ساياسي بەتالىسقا تاباندى بولىپ، پارتيا باسشىلىعىنىڭ، بىرلىكساپتىڭ، كەڭەستىك دەموكراتيانىڭ ورگانيكالىق ۇشتاسۋىنا تاباندى بولىپ، كەڭەستىك دەموكراتيانىڭ كەڭ كولەمدى، كوپ ساتىلى تۇزىمدەنىپ دامۋىن ۇزدىكسىز ىلگەرىلەتۋ كەرەك. نازاردى شينجياڭنىڭ رەفورما، دامۋ، ورنىقتىلىق ىستەرىندەگى ٴتۇيىندى، قيىن، قولامتالى ماسەلەلەرگە شوعىرلاندىرىپ، كورنەكتى ساياسي ابزالدىلىقتى ساۋلەلەندىرىپ، ناقتى ىستەپ، جاۋاپكەرشىلىك ارقالاپ، مىندەت اتقارىپ، جاۋاپكەرشىلىك وتەپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ات سالىسۋ، ۇكىمەت ٴىسىن كەڭەسۋ دەڭگەيىن ۇزدىكسىز جوعارىلاتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە جۇرت تىلەگىن اناعۇرلىم ويداعىداي ۇيىستىرىپ، كۇش ـ قۋات توپتاۋ كەرەك. ٴار دارەجەلى پارتكومدار ساياسي كەڭەس قىزمەتىنە باسشىلىقتى كۇشەيتۋى، ٴار دارەجەلى ساياسي كەڭەس پارتيا باسشىلىق گرۋپپالارى بەتالىستى يگەرۋ، كەلەلى جاعدايدى باسقارۋ، تياناقتاندىرۋعا كەپىلدىك ەتۋ سىندى باسشىلىق رولىن ويداعىداي ساۋلەلەندىرىپ، پارتيانىڭ ساياسي قۇرىلىسىن ٴبىر تۇتاس باسشىلىققا الا وتىرىپ پارتيانىڭ ساياسي كەڭەستەگى ٴتۇرلى قۇرىلىسىن جاپپاي ىلگەرىلەتىپ، تاماشا ساياسي ەكولوگيا قالىپتاستىرۋى كەرەك.
ٴماجىلىس مىنالاردى باسا دارىپتەدى: باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن جاپپاي دايەكتىلەندىرىپ، باس شۋجي شي جينپيڭنىڭ مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ ـ سيلاۋ جينالىسىندا سويلەگەن ماڭىزدى ٴسوزىنىڭ رۋحىن مۇقيات ۇيرەنىپ، دايەكتىلەندىرىپ، ۇلت ماسەلەسىن شەشۋدىڭ جۇڭگوشا دۇرىس جولىمەن بۇلجىماي ٴجۇرىپ، جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىن مىقتاپ يگەرىپ، شينجياڭنىڭ ۇلت قىزمەتىنىڭ جوعارى ساپالى دامۋىن تىڭعىلىقتى ىلگەرىلەتىپ، جۇڭحۋا ۇلتى ورتاق تۇلعا قۇرىلىسىنا شينجياڭ ۇلەسىن قوسۋ كەرەك. پارتيا باسشىلىعىنا باستان ـ اياق تاباندى بولىپ، ۇلتتاردىڭ ىنتىماقتاسا كۇرەس جۇرگىزۋ ورتاق يدەيالىق ـ ساياسي نەگىزىن ۇزدىكسىز بەكەمدەۋ كەرەك. شىنايى مويىنداۋدى كۇشەيتۋدى نىسانا ەتە وتىرىپ شينجياڭدى مادەنيەتپەن نارلەندىرۋدى ىشكەرىلەي ورىستەتىپ، جۇڭحۋانىڭ تاڭداۋلى ٴداستۇرلى مادەنيەتىن بار كۇشپەن اسقاقتاتىپ، جاستار مەن ورەندەردىڭ ”نەگىز قالاۋ“ ينجەنەرياسىن ىشكەرىلەي ىلگەرىلەتىپ، مەملەكەتتە ٴبىر تۇتاس قولدانىلاتىن ٴتىل ـ جازۋدى جالپىلاستىرۋ، كەڭەيتۋ قىزمەتىن ناقتى ىستەپ، ٴار ۇلت بۇقاراسىنىڭ ”بەستى شىنايى مويىنداۋىن“ ٴۇرتىس كۇشەيتۋ كەرەك. كىرىكپەلى قالا ـ قالاشىقتاندىرۋ قۇرىلىسىن جەدەل ىلگەرىلەتىپ، ٴار ۇلت بۇقاراسىنىڭ ارالاسۋىنىڭ، ىشتەسۋىنىڭ، توعىسۋىنىڭ اياسى مەن تەرەڭدىگىن كەڭەيتۋ كەرەك. دامۋدا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، ۇلتتاردىڭ جۇڭگو ۇلگىسىندەگى وسىزامانداندىرۋ قۇرىلىسىنىڭ جەتىستىكتەرىنەن بىرگە يگىلىكتەنۋىن ىلگەرىلەتۋ كەرەك. ۇلت ىستەرىن زاڭ بويىنشا باسقارۋدى شينجياڭدى جاپپاي زاڭمەن باسقارۋ قىزمەتى جالپى جاعدايىنا ەنگىزىپ، ۇلت ىستەرىن باسقارۋ قابىلەت دەڭگەيىن جوعارىلاتۋ كەرەك. جۇڭحۋا ۇلتى ورتاق تۇلعا تانىمىن بەكەمدەۋ ٴتۇزىم ـ مەحانيزمىن اقاۋسىزداندىرىپ، وزات تيپتەردىڭ ۇلگىلىك، جەتەكشىلىك رولىن ساۋلەلەندىرىپ، تۇتاس قوعامدا ۇلت قىزمەتىنە كوڭىل بولەتىن، قولداۋ كورسەتەتىن تاماشا راي قالىپتاستىرۋ كەرەك.
ٴماجىلىس مىنالاردى باسا دارىپتەدى: باس شۋجي شي جينپيڭنىڭ ايدى بارلاۋ ينجەنەرياسى چاڭى ـ 6 مىندەتىنە قاتىستى زەرتتەۋگە، سىناققا قاتىناسقان قىزمەتكەرلەردىڭ ۋاكىلدەرىن قابىلداعاندا سويلەگەن ماڭىزدى ٴسوزىنىڭ رۋحىن مۇقيات ۇيرەنىپ، دايەكتىلەندىرىپ، دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارىپ، دارىندىلاردى دامىتۋ قورىنان ويداعىداي پايدالانىپ، جاڭالىق اشۋ بايلىعىن اناعۇرلىم زور سەرپىنمەن توپتاپ، عىلىم ـ تەحنيكا جاسامپازدىق قابىلەتىن جوعارىلاتىپ، شينجياڭنىڭ جوعارى ساپالى دامۋىنا جەتەكشىلىك ەتۋ، دەم بەرۋ كەرەك.
ٴماجىلىس مىنالاردى باسا دارىپتەدى: ورتالىق پارتيا مەكتەبى شينجياڭ ۇلتتار كادرلارىن باۋلۋ كلاسى اشىلعاندىعىنىڭ 70 جىلدىعى بايلانىسىمەن باس شۋجي شي جينپيڭ ارناۋلى ماڭىزدى نۇسقاۋ بەرىپ، ماڭىزدى تالاپتار قويىپ، باس شۋجيدىڭ جانە پارتيا ورتالىق كوميتەتىنىڭ شينجياڭ قىزمەتىنە كوڭىل بولەتىندىگىن، قامقورلىعىن جانە شينجياڭنىڭ كادرلار قوسىنىنا ايرىقشا ٴمان بەرەتىندىگىن تولىق ايگىلەدى. شينجياڭ كادرلارىن تاربيەلەۋ ـ باۋلۋ قىزمەتىن كۇشەيتۋدىڭ ماڭىزدىلىعىن تەرەڭ تانىپ، شينجياڭ كلاسى سىندى دانەكەردەن شىن مانىندە ويداعىداي پايدالانىپ، باۋلۋ جوسپارىن عىلمي جاساپ، كۋرسانتتاردى تاڭداۋدى مۇقيات ويداعىداي ىستەپ، ادال، كىرشىكسىز، جاۋاپكەرشىلىك ارقالايتىن اناعۇرلىم كوپ جوعارى ساپالى ٴار ۇلت كادرلارىن باۋلۋ، جەتىلدىرۋ كەرەك. شينجياڭداعى ٴار دارەجەلى پارتيا مەكتەپتەرىنىڭ (اكىمشىلىك شۋەيۋان) كادرلاردى تاربيەلەۋ ـ باۋلۋ ساپاسىن ونان ارى جوعارىلاتىپ، ٴبىر تۇتاس جوسپارلاپ ورنالاستىرۋدى كۇشەيتىپ، ٴتاسىلدى، ٴادىستى جاڭالاپ، ٴار ۇلت كادرلارىنىڭ جوعارى ساپالى دامۋدى ىلگەرىلەتۋ قابىلەتىن، بۇقاراعا قىزمەت وتەۋ قابىلەتىن، حاۋىپ ـ قاتەرلەردەن ساقتانۋ جانە ونى جويۋ قابىلەتىن، كۇرەسكەرلىك رۋحىن جانە كۇرەس جۇرگىزۋ قابىلەتىن ۇزدىكسىز كۇشەيتۋ كەرەك. كادرلار قوسىنى قۇرىلىسى قىزمەتىن جۇيەلى، ۇزاق بولاشاقتى كوزدەي وتىرىپ جوسپارلاپ، ادام ىستەتۋدىڭ ايقىن باعدارىن ورناتىپ، ٴار دارەجەلى پارتيا، ۇكىمەت باسشىلىق القالارىنا، اسىرەسە، ٴبىرىنشى باسشىلىققا ۇزدىكتەردى تاڭداپ، مىقتىلاردى ورنالاستىرىپ، كادرلاردىڭ شينجياڭ ٴىشى ـ سىرتىندا اۋىس ـ كۇيىس جاساۋ مەحانيزمىن كەمەلدەندىرىپ، كورىكتى شينجياڭدى اناعۇرلىم ويداعىداي قۇرۋعا اناعۇرلىم پارمەندى كادر ـ دارىندىلار تىرەگىن ازىرلەۋ كەرەك.
ٴماجىلىس مىنالاردى باسا دارىپتەدى: باس شۋجي شي جينپيڭنىڭ 7 ـ رەتكى جۇڭگو شارۋالار مول ٴونىم مەرەكەسى قارساڭىندا جولداعان سالەمىنىڭ رۋحىن ىشكەرىلەي ۇيرەنىپ، ٴتۇسىنىپ، اۋىل شارۋاشىلىعى، اۋىل ـ قىستاق، شارۋالار قىزمەتىن جاپپاي، جۇيەلى ويداعىداي يگەرۋ كەرەك. كۇزگى جيىن ـ تەرىن، كۇزگى جەر جىرتۋ، كۇزگى ەگىس قىزمەتىن تىڭعىلىقتى ويداعىداي ىستەپ، استىقتىڭ ٴونىمىن ورنىقتىرۋدى، ٴونىمىن ارتتىرۋدى جانە ماڭىزدى اۋىل شارۋاشىلىعى ونىمدەرىمەن حاۋىپسىز، ورنىقتى قامداۋدى تيتتەي دە بوساڭسىماي مىقتى يگەرىپ، اۋىل شارۋاشىلىعى كاسىپ سالاسى تىزبەگىن ٴۇرتىس كەڭەيتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدىڭ، كەڭەيتۋدىڭ ٴتۇرلى شاراسىن تياناقتاندىرىپ، شارۋالاردىڭ كىرىسىن ارتتىرۋ ارناسىن ٴۇرتىس كەڭەيتىپ، اۋىل ـ قىستاقتىڭ جاپپاي گۇلدەنۋىن پارمەندى، ٴونىمدى ىلگەرىلەتۋ كەرەك.
ٴماجىلىس مىنالاردى باسا دارىپتەدى: پارتيا ورتالىق كوميتەتىنىڭ ورنالاستىرۋلارىن، تالاپتارىن ىشكەرىلەي دايەكتىلەندىرىپ، تياناقتاندىرىپ، بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىن شوعىرلى وڭاۋ قىزمەتىن اناعۇرلىم قاتاڭ تالاپپەن، اناعۇرلىم زور سەرپىنمەن ىلگەرىلەتىپ، ماسەلەنى شەشۋدى باعدار ەتىپ، جاۋاپكەرشىلىكتى تاعى دا ناقتىلاندىرۋدى، دەلو بىتىرۋدەن تاعى دا قامال الۋدى، وڭاۋدى تاعى تەرەڭدەتۋدى، رەفورمانى تاعى دا ىلگەرىلەتۋدى، قۋزاۋ ـ جەتەكشىلىك ەتۋدى تاعى دا كۇشەيتە ٴتۇسۋدى جەبەپ، بۇقارانىڭ اڭىسى كۇشتى كورنەكتى ماسەلەلەردى ٴۇرتىس تۇزەتىپ، بۇقارا سەزىپ بىلە الاتىن، حالىق تۇرمىسىنا ساياتىن ناقتى ىستەردى تىندىرىپ، بۇقارانىڭ مۇددەسىن قورعايتىن ۇدايىلانعان ۇزاق ۋاقىتتىق ٴونىمدى مەحانيزم قالىپتاستىرۋ كەرەك.
ٴماجىلىس مىنالاردى باسا دارىپتەدى: مەملەكەت مەرەكەسى دەمالىسى تاياپ قالدى، جەر ـ جەر، تاراۋلار ”ٴاردايىم قام جەپ تۇراتىن“ جاۋاپكەرشىلىك سەزىمدى شىن مانىندە كۇشەيتىپ، تومەنگى شەكتە ويلاۋ، ەڭ جوعارى شەكتە ويلاۋ ارقىلى ٴتۇرلى سالاداعى ەلەۋلى حاۋىپ ـ قاتەرلەردەن ساقتانۋ جانە ونى جويۋ قىزمەتىن ويداعىداي ىستەۋى كەرەك. ورنىقتىلىقتى ماڭداي الدى ورىنعا قويۋعا، ساقتىق دابىلىن ۇزاق ۋاقىت قاعۋعا، ۇنەمى ساقتاندىرۋعا تاباندى بولىپ، ”ٴۇش ٴتۇرلى كۇشكە“ زاڭ بويىنشا قاتاڭ سوققى بەرۋ تەگەۋىرىندى كۇيىن ساقتاپ، لاڭكەستىككە قارسى تۇرىپ ورنىقتىلىقتى قورعاۋدى زاڭمەن باسقارۋدىڭ، ۇدايىلاندىرۋدىڭ ٴتۇرلى شارالارىن تياناقتاندىرىپ، ەگجەي ـ تەگجەيلىلەندىرىپ، جاڭا جۇڭگو قۇرىلعاندىعىنىڭ 75 جىلدىعىنا حاۋىپسىز، ورنىقتى ساياسي قوعامدىق ورتا قالىپتاستىرۋ كەرەك. ٴوندىرىس حاۋىپسىزدىگى تومەنگى شەگىن بەرىك ساقتاپ، قالىپسىز اۋا رايى مەن ٴتۇرلى اپاتتاردان الدىن الا مالىمەت بەرۋ، ساقتاندىرۋدى كۇشەيتىپ، كومىرلى القاپ، كەن، جول ـ قاتىناس، ساياحات كورىنىس ٴوڭىرى سياقتى ٴتۇيىندى سالالارداعى حاۋىپسىزدىك كومەسكى كىناراتتارىن ٴبىر ـ بىردەن تەكسەرۋدى، جويۋدى كورنەكتى تۇردە ويداعىداي يگەرىپ، ەلەۋلى، ەرەكشە، ٴىرى ٴوندىرىس حاۋىپسىزدىگى شىرعالاڭدارىنىڭ تۋىلۋىنان باتىل ساقتانۋ كەرەك.
