انار بۇلت \شينجياڭ گازەتىنىڭ ٴتىلشىسى جاڭ يۇنمەي 9 ـ ايدىڭ 29 ـ كۇنى ۇرىمجىدەن حابارلايدى. 9 ـ ايدىڭ 28 ـ كۇنى اۆتونوميالى رايوننىڭ «مەملەكەت بويىنشا پارتيا، ۇكىمەت باسشىلىق القالارى قۇرىلىسى جوبا باعدارلاماسىن (2024 ـ جىلدان 2028 ـ جىلعا دەيىنگى)» (تومەندە قىسقارتىلىپ «جوبا باعدارلاماسى» دەلىندى) ۇيرەنۋ، دايەكتىلەندىرۋ اڭگىمە ٴماجىلىسى ۇرىمجىدە اشىلدى. اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ٴبولىمىنىڭ باستىعى ۋاڭ لين ماجىلىسكە قاتىناستى ٴارى ٴسوز سويلەدى.
ٴماجىلىس باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن ۇيرەنۋدى، دايەكتىلەندىرۋدى ارقاۋ ەتە وتىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن دايەكتىلەندىرىپ، تياناقتاندىرىپ، ساياسي جاقتان ٴبىر تۇتاس جەتەكشىلىك ەتۋ، نازاريامەن قارۋلانۋ، جارامدىلاردى تاڭداپ مىندەتكە قويۋ، ستراتەگيالىق باۋلۋ، قاتاڭ باسقارۋ، قامقورلىق جاساۋ سىندى 5 جاقتاعى ٴتۇيىندى مىندەتتى كورنەكتىلەندىرىپ، «جوبا باعدارلاماسىن» ۇيىمداستىرىپ اتقارۋدى ويداعىداي يگەرۋ، باسشىلىق القالارى قۇرىلىسىن جوعارى ساپالى ىلگەرىلەتۋ جونىندە جان ـ جاقتى ورنالاستىرۋ جاسادى.
ٴماجىلىس مىنالاردى تالاپ ەتتى: باس شۋجي شي جينپيڭنىڭ باسشىلىق القالارى قۇرىلىسىن كۇشەيتۋ جونىندەگى ٴبىرقىدىرۋ جاڭا ۇستانىمدارىن، جاڭا يدەياسىن، جاڭا تۇجىرىمدارىن ىشكەرىلەي ۇيرەنىپ، ٴتۇسىنىپ، «جوبا باعدارلاماسىن» دايەكتىلەندىرۋدى ماڭىزدى ساياسي مىندەت ەتىپ، ٴبىر تۇتاس جوسپارلاۋدى كۇشەيتىپ، جۇيەلى ىلگەرىلەتۋگە ٴمان بەرىپ، تياناقتاندىرۋ شارالارىن ەگجەي ـ تەگجەيلىلەندىرىپ، «جوبا باعدارلاماسىندا» تۇراقتاندىرىلعان نىسانا ـ مىندەتتەر مەن اۆتونوميالى رايوندىق پارتكومنىڭ تالابى بويىنشا، جوسپارلى تۇردە ۇيىمداستىرىپ اتقارۋدى ويداعىداي يگەرىپ، ٴار دارەجەلى باسشىلىق القالارى قۇرىلىسىن شي جينپيڭ جاڭا ٴداۋىر جۇڭگوشا سوتسياليزم يدەياسىن ادالدىقپەن امالياتتا ايگىلەيتىن، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرەتىن، تياناقتاندىراتىن، ٴداۋىردىڭ اۋىر مىندەتىن ارقالاي الاتىن پارمەندى باسشىلىق كوللەكتيۆى ەتىپ قۇرىپ، جاڭا جورىقتا مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋ ۇلى ٴىسىنىڭ شينجياڭ تاراۋىن قۇلشىنا جازۋعا پارمەندى ۇيىمدىق كەپىل ازىرلەۋ كەرەك.
