جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعىن قۇتتىقتاۋ قوناعاسى بەيجيڭدە سالتاناتپەن وتكىزىلدى
شي جينپيڭ ماڭىزدى ٴسوز سويلەدى
لي چياڭ باسقاردى، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتىناستى
9 - ايدىڭ 30 - كۇنى كەشتە جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعىن قۇتتىقتاۋ قوناعاسى بەيجيڭ حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قوناعاسىعا قاتىناستى ءارى ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
9 - ايدىڭ 30 - كۇنى كەشتە جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعىن قۇتتىقتاۋ قوناعاسى بەيجيڭ حالىق سارايىندا سالتاناتپەن وتكىزىلدى. شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلى پارتيا مەن مەملەكەت باسشىلارى جانە 3000عا تارتا جۇڭگولىق، شەتەلدىك قايراتكەر ءبىر ارادا شاتتىقپەن باس قوسىپ، جاڭا جۇڭگونىڭ 75 جىلدىق مەرەيتويىن بىرگە قۇتتىقتادى.
□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
شينحۋا اگەنتتىگىنىڭ 9 ـ ايدىڭ 30 ـ كۇنى بەيجيڭنەن بەرگەن حابارى. جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعىن قۇتتىقتاۋ قوناعاسى 9 ـ ايدىڭ 30 ـ كۇنى كەشتە حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ قوناعاسىعا قاتىناستى ٴارى ماڭىزدى ٴسوز سويلەدى. ول بىلاي دەپ باسا دارىپتەدى: جۇڭحۋا حالىق رەسپۋبليكاسى قۇرىلعان 75 جىلدان بەرى، پارتيامىز بۇكىل ەلدەگى ٴار ۇلت حالقىن ىنتىماقتاستىرىپ، باستاپ قاجىماي ـ تالماي كۇرەس جۇرگىزىپ، ەكونوميكانىڭ جىلدام دامۋى جانە قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتى جاراتتى، جۇڭگودا ۇلى بۇرىلىس بولعان اسا زور وزگەرىس تۋىلىپ، جۇڭحۋا ۇلتىنىڭ ۇلى گۇلدەنۋى بوگەۋ بەرمەس تاريحي ۇردىسكە اياق باستى. جاڭا داۋىردەگى جاڭا جورىقتا جۇڭگو حالقىنىڭ تىڭ دا اناعۇرلىم زور شۇعىلالى ناتيجە جاراتاتىندىعى ٴشۇباسىز، ادامزاتتىڭ بەيبىتشىلىك جانە دامۋ سىندى وسكەلەڭ ىسىنە تىڭ دا اناعۇرلىم زور ۇلەس قوساتىندىعى ٴشۇباسىز.
لي چياڭ قوناعاسىنى باسقاردى، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قوناعاسىعا قاتىناستى. 3000عا تارتا جۇڭگولىق، شەتەلدىك قايراتكەر ٴبىر ارادا شاتتىقپەن باس قوسىپ، جاڭا جۇڭگونىڭ 75 جىلدىق مەرەيتويىن بىرگە قۇتتىقتادى.
حالىق سارايىنىڭ قوناعاسى زالىندا اشەكەيلى شامدار جارقىراپ، مەرەيلى دە دۋماندى مەرەكەلىك لەپ ەستى. ٴتوراعالار مىنبەسىنىڭ جوعارعى جاعىنا ايبىندى مەملەكەت گەربى بيىك ٴىلىنىپ، ” 2024 _ 1949“ دەگەن ۇلكەن ٴارىپتى جىلناما نارت قىزىل تۋدىڭ ايشىقتاۋىندا ايرىقشا كوز تارتىپ تۇر.
ساعات 17دەن 30 مينۋت مولشەرىندە، دۋماندى «قوناق قارسى الۋ» مۋزيكاسىنىڭ ورىندالۋىمەن، شي جينپيڭ قاتارلىلار قوناعاسى زالىنا كىرىپ، كوپشىلىككە قول بۇلعاپ قۇرمەت ٴبىلدىردى، بۇكىل زالدان دۋ قول شاپالاق ٴۇنى كوتەرىلدى.
قوناعاسى باستالدى. بۇكىل زالداعىلار ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ٴانىن اسقاقتاتا شىرقادى، ايبىندى «ەرىكتىلەر مارشى» زالدى كەرنەپ تۇردى.
شارىقتاعان كەرنەي ٴۇنى ىشىندە شي جينپيڭ ٴتوراعالار مىنبەسىنە شىعىپ، ماڭىزدى ٴسوز سويلەدى. ول الدىمەن پارتيا ورتالىق كوميتەتى مەن مەملەكەتتىك كەڭەس اتىنان بۇكىل ەلدەگى ٴار ۇلت حالقىنا، جۇڭگو حالىق ازاتتىق ارمياسىنىڭ كوماندير ـ جاۋىنگەرلەرىنە جانە قارۋلى ساقشى ٴبولىمىنىڭ وفيتسەر ـ اسكەرلەرىنە، ٴارقايسى دەموكراتيالىق پارتيا ـ توپتارعا جانە پارتيادا، توپتا جوق قايراتكەرلەرگە وسكەلەڭ قۇرمەت ٴبىلدىردى، شياڭگاڭ ەرەكشە اكىمشىلىك رايونىنداعى باۋىرلاستارعا، اۋمىن ەرەكشە اكىمشىلىك رايونىنداعى باۋىرلاستارعا، تايۋانداعى باۋىرلاستارعا جانە شەتەلدەگى چياۋمين باۋىرلاستارعا ىقىلاستى سالەم جولدادى، جاڭا جۇڭگونىڭ قۇرىلىس ىستەرىنە كوڭىل بولگەن جانە قولداۋ كورسەتكەن دوس مەملەكەتتەرگە جانە حالىقاراداعى دوستارعا شىن جۇرەكتەن العىس ايتتى.
شي جينپيڭ بىلاي دەپ اتاپ كورسەتتى: جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋدى جاپپاي ىلگەرىلەتۋ _ جاڭا ٴداۋىردىڭ جاڭا جورىعىنداعى پارتيا مەن مەملەكەتتىڭ وزەكتى مىندەتى. رەسپۋبليكانىڭ مەرەيتويىن قۇتتىقتاۋداعى ەڭ جاقسى ارەكەت بۇرىنعىلار ىستەپ كورمەگەن وسى ۇلى ٴىستى ۇزدىكسىز العا ىلگەرىلەتۋ بولىپ تابىلادى. جۇڭگو ۇلگىسىندەگى وسىزامانداندىرۋدى ىلگەرىلەتۋدە، ٴسوز جوق، پارتيانىڭ جالپى جاعدايدى تۇگەل مەڭگەرەتىن، ٴار جاقتى سايكەستىرەتىن باسشىلىق ۇيتقى رولىنا باستان ـ اياق تاباندى بولىپ، پارتيا ورتالىق كوميتەتىنىڭ بەدەلى مەن ورتالىقتانعان ٴبىر تۇتاس باسشىلىعىن باتىل قورعاپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، پارتيانىڭ وزىنە ـ ٴوزى توڭكەرىس جاساۋى ارقىلى ۇلى قوعامدىق توڭكەرىسكە جەتەكشىلىك ەتۋگە قۇلشىنۋ كەرەك. ٴسوز جوق، جۇڭگوشا سوتسياليزم جولىنا باستان ـ اياق تاباندى بولىپ، رەفورمانى ونان ارى جاپپاي تەرەڭدەتىپ، ەسىك اشۋدى كەڭەيتىپ، جوعارى ساپالى دامۋدى كۇش سالا ىلگەرىلەتىپ، مەملەكەتتىڭ دامۋ، العا باسۋ تاعدىرىن جۇڭگو حالقىنىڭ وزىنە مىقتاپ يگەرتۋگە قۇلشىنۋ كەرەك. ٴسوز جوق، حالىقتى وزەك ەتۋگە باستان ـ اياق تاباندى بولىپ، بارلىعىن حالىق ٴۇشىن ىستەپ، بارلىعىندا حالىققا سۇيەنىپ، بۇكىل حالىقتى بىرگە كۇرەس جۇرگىزۋ بارىسىندا رەفورمانىڭ، دامۋدىڭ جەتىستىكتەرىنەن بىرگە يگىلىكتەندىرۋگە قۇلشىنۋ كەرەك. ٴسوز جوق، بەيبىت دامۋ جولىمەن جۇرۋگە باستان ـ اياق تاباندى بولىپ، بەيبىتشىلىك، دامۋ، سەلبەستىك، بىرگە يگىلىككە كەنەلۋ تۋىن بيىك ۇستاپ، دۇنيە ٴجۇزىنىڭ بەيبىتشىلىگىن، تىنىشتىعىن جانە ادامزاتتىڭ ورتاق العا باسۋىن قۇلشىنا جەبەۋ كەرەك.
شي جينپيڭ بىلاي دەپ باسا دارىپتەدى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ _ شياڭگاڭداعى باۋىرلاستاردى، اۋمىنداعى باۋىرلاستاردى، تايۋانداعى باۋىرلاستاردى قامتىعان بۇكىل جۇڭحۋا پەرزەنتتەرىنىڭ ورتاق تىلەگى. ”ٴبىر ەل، ەكى ٴتۇزىم“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“، وسكەلەڭ اۆتونوميا باعىتىن جاپپاي، دالمە ـ ٴدال، بۇلجىماي دايەكتىلەندىرىپ، شياڭگاڭنىڭ، اۋمىننىڭ ۇزاق ۋاقىت گۇلدەنىپ ـ كوركەيۋىن، ورنىقتىلىعىن بۇلجىماي قورعاۋ جانە جەبەۋ كەرەك.
شي جينپيڭ بىلاي دەپ اتاپ كورسەتتى: تايۋان _ جۇڭگونىڭ قاسيەتتى تەرريتورياسى، ەكى جاعالاۋ حالقى قانداس تۋىستار، ٴبىر ٴۇيدىڭ ادامدارى. ٴبىر جۇڭگو پرينسيبى مەن ”1992 ـ جىلعى ورتاق تانىمعا“ تاباندى بولىپ، ەكى جاعالاۋدىڭ ەكونوميكا، مادەنيەت اۋىس ـ كۇيىسىن، سەلبەستىگىن تەرەڭدەتىپ، ەكى جاعالاۋداعى باۋىرلاستاردىڭ كوڭىل توعىسۋىن جەبەپ، ”تايۋاندى دەربەستەندىرۋدى“ كوزدەيتىن بولشەكتەۋ ارەكەتتەرىنە باتىل قارسى تۇرۋ كەرەك. وتاننىڭ بۇكىلدەي بىرلىككە كەلۋىن جۇزەگە اسىرۋ _ زامانا اۋقىمى، ۇلى ادىلەت تياناعى، حالىق قالاۋى، تاريحتىڭ تەگەرشىگىن ەشكىم بوگەي المايدى.
شي جينپيڭ بىلاي دەپ باسا دارىپتەدى: ادامزات ٴبىر جەر شارىندا قاتار ٴومىر ٴسۇرىپ كەلەدى، ٴار ەل حالقى تاعدىرلاس. بۇكىل ادامزاتتىڭ ورتاق قۇندىلىعىن اسقاقتاتىپ، دۇنيە ٴجۇزىنىڭ تەپە ـ تەڭ، ٴتارتىپتى كوپ ۇيەكتەنۋىن، ەكونوميكانىڭ جالپىعا ٴتيىمدى، سيىسىمدى جاھاندانۋىن دارىپتەپ، الەمدىك دامۋ باستاماسىن، الەمدىك حاۋىپسىزدىك باستاماسىن، الەمدىك وركەنيەت باستاماسىن تياناقتاندىرۋدى ىلگەرىلەتىپ، الەمدىك باسقارۋ جۇيەسىنە رەفورما جاساۋعا جانە ونى قۇرۋعا بەلسەنە ات سالىسىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك.
شي جينپيڭ بىلاي دەپ اتاپ كورسەتتى: 75 جىلدىق ماشاقاتتى كۇرەس جۇرگىزۋ ارقىلى جۇڭگو ۇلگىسىندەگى وسىزامانداندىرۋ كوركەم كارتيناسى كەسكىندەلدى، سونداي ـ اق شەكسىز جارقىن دا نۇرلى بولاشاق ايگىلەندى. سونىمەن بىرگە العا باسۋ جولى جاپ ـ جازىق بولا بەرمەيدى، جاپا، قيىندىق، قاتەر، كەدەرگى بولاتىندىعى ٴسوزسىز. ٴبىز اماندىقتا جاماندىقتىڭ بولارىن ويلاپ، كۇنى بۇرىن سايلانىپ، بارلىق ايقىنسىز، بولجاۋسىز حاۋىپ ـ قاتەرلەردى، سىن ـ سايىستاردى باتىل جەڭۋىمىز كەرەك. ٴارقانداي قيىنشىلىق جۇڭگو حالقىنىڭ العا باسۋ قادامىن بوگەي المايدى.
دۋماندى مۋزيكا ٴۇنى ىشىندە جۇڭگولىق، شەتەلدىك قوناقتار، دوستار توست كوتەرىپ، جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعىن بىرگە قۇتتىقتاپ، جۇڭگونىڭ گۇلدەنىپ ـ كوركەيۋىن، حالىقتىڭ باقىتتى، امان ـ ەسەن بولۋىن، جۇڭگو حالقى مەن دۇنيە جۇزىندەگى ٴار ەل حالقىنىڭ دوستىعىنىڭ ماڭگى جالعاسۋىن تىلەدى.
قوناعاسىعا قاتىناسقانداردان تاعى ۋاڭ ي، يىن لي، شى تايفىڭ، ليۋ گوجۇڭ، لي گانجيە، لي شۋلەي، لي حۇڭجۇڭ، حى ۋيدۇڭ، حى ليفىڭ، جاڭ يوۋشيا، جاڭ گوچيڭ، چىن ۋىنچيڭ، لي رۇيحۋان، ۋىن جياباۋ، جيا چيڭلين، جاڭ دىجياڭ، يۇي جىڭشىڭ، لي جانشۋ، ۋاڭ ياڭ، لي لانچيڭ، زىڭ چيڭحۇڭ، ۋ گۋانجىڭ، لي چاڭچۇن، حى گوچياڭ، ليۋ يۇنشان، ۋاڭ چيشان، جاڭ گاۋلي، جۇڭگو كوممۋنيستىك پارتياسى ورتالىق كوميتەتى شۋجيچۋىنداعى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، ەڭ جوعارى حالىق سوتى مەكەمەسىندەگى، ەڭ جوعارى حالىق پروكۋراتۋراسىنداعى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى باسشى جولداستار جانە باسشىلىق مىندەتىنەن بوساعان جولداستار بار.
ورتالىقتىڭ پارتيا، ۇكىمەت، ارميا ورىندارىنىڭ، بۇقارالىق ۇيىمداردىڭ ٴارقايسى تاراۋلارىنىڭ جانە بەيجيڭ قالاسىنىڭ نەگىزگى جاۋاپتىلارى، ٴارقايسى دەموكراتيالىق پارتيا ـ توپتار ورتالىق كوميتەتىنىڭ، مەملەكەتتىك ساۋدا ـ ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، ٴار سالاداعى ايگىلى قايراتكەرلەردىڭ ۋاكىلدەرى، ٴبىر ٴبولىم مەملەكەتتىك حالىق قۇرىلتايىنىڭ ۋاكىلدەرى، مەملەكەتتىك ساياسي كەڭەستىڭ مۇشەلەرى، قارت جياڭجۇندەردىڭ، قارت كادرلاردىڭ ۋاكىلدەرى، بەيجيڭدەگى پارتيا مەن مەملەكەتتىڭ قايتىس بولعان باسشىلارىنىڭ جۇبايلارى، ”رەسپۋبليكا وردەنى“، ”دوستىق وردەنى“، ”1 ـ شىلدە وردەنى“، ” 1 ـ تامىز وردەنى“ جانە مەملەكەت داڭق اتاعى يەگەرلەرىنىڭ ۋاكىلدەرى، مەملەكەتتىك ەڭبەك ەرلەرى مەن وزات تۇلعالاردىڭ ۋاكىلدەرى، پاريج وليمپيادا سپورت جارىسىنداعى، مۇگەدەكتەر وليمپيادا سپورت جارىسىنداعى جۇڭگو دەنە تاربيە ۋاكىلدەر ۇيىرمەسىنىڭ ۋاكىلدەرى، ارميانى قولداۋ ۇلگىلەرىنىڭ، قۇرباندار وتباسىلارىنىڭ، توڭكەرىستىك مۇگەدەك اسكەريلەردىڭ، قوسىننان بوساعان اسكەريلەردىڭ ۋاكىلدەرى، مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ ـ سيلاۋ جينالىسىنا قاتىناسقان ٴبىر ٴبولىم ۋاكىلدەر، سونداي ـ اق از ۇلت ۋاكىلدەرى، بەيجيڭدەگى ٴبىر ٴبولىم شياڭگاڭ ەرەكشە اكىمشىلىك رايونىنىڭ قايراتكەرلەرى، اۋمىن ەرەكشە اكىمشىلىك رايونىنىڭ قايراتكەرلەرى، تايۋانداعى باۋىرلاستاردىڭ جانە حۋاچياۋلاردىڭ، حۋارىنداردىڭ ۋاكىلدەرى، ٴار ەلدىڭ جۇڭگودا تۇراتىن ەلشىلەرى، حالىقارالىق ۇيىمداردىڭ جۇڭگودا تۇراتىن ۋاكىلدەرى، ٴبىر ٴبولىم شەتەلدىك ماماندار مەن شەتەلدىك دوستار قاتارلىلار دا قوناعاسىعا قاتىناستى.
