قاھارمان قۇربانداردىڭ ۇلى ەڭبەگىن ەستە بەرىك ساقتاپ، ٴبىر نيەتپەن ٴداۋىر جاڭا تاراۋىن جازايىق
قۇربانداردى ەسكە الۋ كۇنى حالىق قاھارماندارىنا گۇل شارباق تارتۋ ەتۋ سالتى بەيجيڭدە سالتاناتپەن وتكىزىلدى
شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتىناستى
9 - ايدىڭ 30 - كۇنى تۇستەن بۇرىن پارتيا مەن مەملەكەت باسشىلارىنان شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار بەيجيڭ تيان - انمىن الاڭىنا كەلىپ، قاھارمانداردى ەسكە الۋ كۇنى حالىق قاھارماندارىنا گۇل شارباق تارتۋ ەتۋ سالتىنا قاتىناستى. سۋرەتتە: شي جينپيڭ گۇل شارباقتىڭ تورعىن لەنتاسىن رەتتەۋدە.
□ سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن
9 - ايدىڭ 30 - كۇنى تۇستەن بۇرىن پارتيا مەن مەملەكەت باسشىلارىنان شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار بەيجيڭ تيان - انمىن الاڭىنا كەلىپ، قاھارمانداردى ەسكە الۋ كۇنى حالىق قاھارماندارىنا گۇل شارباق تارتۋ ەتۋ سالتىنا قاتىناستى.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 9 ـ ايدىڭ 30 ـ كۇنى بەيجيڭنەن بەرگەن حابارى. جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعىن قۇتتىقتاۋ ساتىندە، قۇربانداردى ەسكە الۋ كۇنى، حالىق قاھارماندارىنا گۇل شارباق تارتۋ ەتۋ سالتى 9 ـ ايدىڭ 30 ـ كۇنى تۇستەن بۇرىن بەيجيڭ تيان ـ انمىن الاڭىندا سالتاناتپەن وتكىزىلدى. پارتيا مەن مەملەكەت باسشىلارىنان شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ٴار سالا ۋاكىلدەرىمەن بىرگە سالتقا قاتىناستى.
ايبىندى تيان ـ انمىن الاڭىندا بەس جۇلدىزدى نارت قىزىل تۋ جەلمەن جەلبىرەپ تۇر. الاڭنىڭ ورتالىعىندا ”وتانعا باقىت تىلەيمىز“ دەگەن جازۋ بار الىپ گۇل شارباق وتاننىڭ گۇلدەنىپ ـ كوركەيۋى جونىندەگى ىزگى تىلەكتەردى بەينەلەۋدە. قاسقايىپ بوي سوزعان حالىق قاھارماندارى ەسكەرتكىشىنىڭ سولتۇستىك جاعىنداعى ەكى قاتار گۇل تەكشەسىنە قوندىرىلعان بايجۇي سياقتى گۇلدەردەن قۇرالعان 18 گۇل ساقيناسى بۇكىل جۇڭحۋا پەرزەنتتەرىنىڭ قاھارمان قۇرباندارعا تەرەڭ ساعىنىشىن ايگىلەپ تۇر.
ساعات 10عا تاياعاندا، شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلى پارتيا مەن مەملەكەت باسشىلارى تيان ـ انمىن الاڭىنا كەلىپ، حالىق قاھارماندارىنا گۇل شارباق تارتۋ ەتۋ سالتىنا قاتىناستى.
ەسكەرتكىش الدىندا ٴار سالانىڭ 2400دەن استام ۋاكىلى قولدارىنا گۇل ۇستاپ قاتارعا تۇردى. ولاردىڭ اراسىندا قارتايعان ساقا جاۋىنگەرلەر، ساقا جولداستار، كەۋدەلەرىنە قىزىل لەنتا تاققان قۇربانداردىڭ تۋىس ـ تۋعاندارى، مەملەكەت وردەنىنە يە بولعانداردىڭ جانە مەملەكەت داڭق اتاعىنا يە بولعانداردىڭ ۋاكىلدەرى، ماداقتالىپ ـ سيلانعان ۇلتتار ىنتىماعى، العاباسارلىعىنداعى ۇلگىلەردىڭ ۋاكىلدەرى، جالىندى دا جىگەرلى جاس وقۋشىلار مەن جاس وسپىرىمدەر بار.
جۇڭگو حالىق ازاتتىق ارمياسى اسكەري وركەسترىنىڭ كىشى كەرنايشىلارى «قۇربانداردى ەسكە الۋ كۇنى كەرناي كۇيىن» تارتتى. سالماقتى ٴارى اسقاق كەرنەي ٴۇنى ادامداردىڭ ەسىنە تاريحتىڭ اساۋ تولقىندى الماعايىپ كۇندەرىن سالدى.
”قۇرمەت قاراۋىلدارى، دايىندال!“ بۇيرىق بەرىلىسىمەن ٴۇش ارميانىڭ قۇرمەت قاراۋىلدارى نىق قاداممەن ارشىنداي ٴجۇرىپ، قۇرمەت قادامىمەن ەسكەرتكىشتىڭ الدىنا بارىپ مىلتىقتارىن سەرت ۇستاپ تۇردى.
ساعات ٴدال 10دا، حالىق قاھارماندارىنا گۇل شارباق تارتۋ ەتۋ سالتى رەسمي باستالدى. اسكەري وركەستر «ەرىكتىلەر مارشىن» ورىندادى، بۇكىل الاڭداعىلار بىركەلكى داۋىسپەن جۇڭحۋا حالىق رەسپۋبليكاسىنىڭ مەملەكەت ٴانىن اسقاقتاتا شىرقادى.
مەملەكەت ٴانى شىرقالىپ بولعان سوڭ، بۇكىل الاڭداعىلار جىم ـ جىرت كۇيگە شومىپ، جۇڭگو حالقىنىڭ ازاتتىق ىستەرى مەن رەسپۋبليكانىڭ قۇرىلىس ىستەرى جولىندا ەرلىكپەن ٴومىرىن ارناعان قۇرباندارعا ٴۇنسىز ازا ٴبىلدىردى.
ٴۇنسىز ازا ٴبىلدىرۋ اياقتالعاننان كەيىن، قولدارىنا گۇل ۇستاعان جاس وسپىرىمدەر حالىق قاھارماندارى ەسكەرتكىشىنە قاراپ تۇرىپ، «ٴبىز كوممۋنيزم ٴىزباسارلارىمىز» ٴانىن اسقاقتاتا شىرقادى ٴارى پيونەرلەر وتريادىنىڭ سالەمىن جاسادى.
شارشى توپتىڭ الدىندا، جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى، دەموكراتيالىق پارتيا ـ توپتار، مەملەكەتتىك ساۋدا ـ ونەركاسىپشىلەر بىرلەستىگى جانە پارتيادا، توپتا جوق وتانشىل قايراتكەرلەر، حالىقتىق ۇيىمدار مەن ٴار سالا جۇرتشىلىعى، ساقا جاۋىنگەرلەر، ساقا جولداستار جانە قۇربانداردىڭ تۋىس ـ تۋعاندارى، جۇڭگو پيونەرلەر وتريادى اتىنان تارتۋ ەتىلگەن 9 ۇلكەن گۇل شارباق رەتىمەن قويىلدى، گۇل شارباقتاردىڭ قىزىل تورعىن لەنتاسىنا جازىلعان ”حالىق قاھارماندارى ماڭگى جاسايدى“ دەگەن جازۋلار ەرەكشە كوز تارتىپ تۇردى.
اسكەري وركەستر تەرەڭ سۇيىسپەنشىلىككە تولى «گۇل تارتۋ ەتۋ مۋزيكاسىن» ورىندادى، 18 قۇرمەت قاراۋىلى گۇل شارباقتاردى بايىپپەن كوتەرىپ، حالىق قاھارماندارى ەسكەرتكىشىنە قاراي باياۋ قادام تاستاپ، گۇل شارباقتاردى ەسكەرتكىشتىڭ تۇعىرىنا اكەلىپ قويدى.
شي جينپيڭ قاتارلى پارتيا مەن مەملەكەت باسشىلارى ەسكەرتكىش تۇعىرىنا شىعىپ، گۇل شارباقتاردىڭ الدىندا كىدىرىپ، كوز الماي قارادى. قۇلپىرعان حۇڭجاڭ، جايقالا اشىلعان ٴلالاگۇل، جامىراي اشىلعان ۋىنشينلان حالىق قاھارماندارىنا شەكسىز ساعىنىش پەن وسكەلەڭ قۇرمەتتى ايگىلەۋدە.
شي جينپيڭ الدىعا ٴجۇرىپ بارىپ، گۇل شارباقتىڭ تورعىن لەنتاسىن ىجداعاتپەن رەتتەدى. وسىدان كەيىن شي جينپيڭ قاتارلى پارتيا مەن مەملەكەت باسشىلارى باياۋ قاداممەن اينالىپ، حالىق قاھارماندارى ەسكەرتكىشىنە قۇرمەتپەن كوز تاستادى.
پارتيا 18 ـ قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا بۇكىل پارتيا، بۇكىل ارميا، بۇكىل ەلدەگى ٴار ۇلت حالقى ٴبىر نيەتپەن ىنتىماقتاسىپ، ۇدەرە ەكپىندەي ىلگەرىلەپ، تۋراشىلدىقتان اينىماي جاڭالىق اشىپ، پارتيا مەن مەملەكەتتىڭ ٴتۇرلى ىستەرىندە تاريحي تابىستارعا قول جەتكىزۋدى، تاريحي وزگەرىستەر تۋىلۋىن جەبەپ، جاڭا داۋىردەگى جۇڭگوشا سوتسياليزم ىستەرىندە جاڭا جاعداي اشتى. جاڭا جورىققا قادام تاستاعاندا ٴبىر ميلليارد 400 ميلليوننان استام جۇڭگو حالقى قاھارمان قۇربانداردىڭ رۋحىن جالعاستىرىپ، ودان ەكپىندەي ىلگەرىلەۋ كۇش ـ قۋاتىن قابىلداپ، تاسقىنداعان جىگەرمەن رەفورمانى ونان ارى جاپپاي تەرەڭدەتۋ ارقىلى ٴداۋىر جاڭا تاراۋىن قۇلشىنا جازىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ جولىندا قاجىماي ـ تالماي كۇرەس جۇرگىزۋدە.
جاس وسپىرىمدەردىڭ جانە ٴار سالا جۇرتشىلىعىنىڭ ۋاكىلدەرى دە رەتىمەن ەسكەرتكىشتىڭ الدىنا بارىپ، قولدارىنداعى گۇلدەرىن تارتۋ ەتتى ٴارى ەسكەرتكىشكە قۇرمەتپەن كوز تاستادى.
گۇل شارباق تارتۋ ەتۋ سالتىن جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، بەيجيڭ قالالىق پارتكومنىڭ شۋجيى يىن لي باسقاردى.
بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ورىنباسار ٴتوراعالارى جانە ورتالىق اسكەري ىستەر كوميتەتىنىڭ مۇشەلەرى سالتقا قاتىناستى.
ورتالىقتاعى پارتيا، ۇكىمەت، ارميا ورىندارىنىڭ، بۇقارالىق ۇيىمداردىڭ قاتىستى تاراۋلارىنىڭ جانە بەيجيڭ قالاسىنىڭ نەگىزگى جاۋاپتى جولداستارى، دەموكراتيالىق پارتيا ـ توپتاردىڭ ورتالىق كوميتەتتەرىنىڭ، مەملەكەتتىك ساۋدا ـ ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، بەيجيڭدەگى ساقا جاۋىنگەرلەردىڭ، ساقا جولداستاردىڭ جانە قۇربانداردىڭ تۋىس ـ تۋعاندارىنىڭ ۋاكىلدەرى، وردەنگە، داڭق اتاعىنا يە بولعانداردىڭ ۋاكىلدەرى، مەملەكەتتىك از ساندى ۇلتتار ەكسكۋرسيا ۇيىرمەسىنىڭ مۇشەلەرى، استاناداعى ٴار سالا جۇرتشىلىعىنىڭ ۋاكىلدەرى، ت.ب سالتقا قاتىناستى.
