«ىزدەنۋ» جۋرنالىندا باس شۋجي شي جينپيڭنىڭ ماڭىزدى ماقالاسى جاريالانادى
ۇلى وتانشىلدىق رۋحتى زور كۇشپەن اسقاقتاتىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن ۇزدىكسىز العا ىلگەرىلەتۋ كەرەك
شينحۋا اگەنتتىگىنىڭ 9 ـ ايدىڭ 30 ـ كۇنى بەيجيڭنەن بەرگەن حابارى. 10 ـ ايدىڭ 1 ـ كۇنى باسپادان شىعاتىن «ىزدەنۋ» جۋرنالىنىڭ 19 ـ سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ «ۇلى وتانشىلدىق رۋحتى زور كۇشپەن اسقاقتاتىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن ۇزدىكسىز العا ىلگەرىلەتۋ كەرەك» اتتى ماڭىزدى ماقالاسى جاريالانادى. وعان باس شۋجي شي جينپيڭنىڭ 2012 ـ جىلى 11 ـ ايدان 2024 ـ جىلى 5 ـ ايعا دەيىنگى مەزگىلدەگى قاتىستى ماڭىزدى بايىمداۋلارىنان ۇزىندىلەر ەنگىزىلگەن.
ماقالادا مىنالار باسا دارىپتەلدى: وتاندى ٴسۇيۋ _ دۇنيەدەگى ەڭ تەرەڭ قاتپارلى، ەڭ باياندى سۇيىسپەنشىلىك. وتانشىلدىق _ جۇڭحۋا ۇلتىنىڭ رۋحاني ۇيتقىسى، ۇرپاقتان ـ ۇرپاققا جالعاسقان جۇڭحۋا پەرزەنتتەرىن وتاننىڭ دامۋى، گۇلدەنۋى جولىندا قاجىماي ـ تالماي كۇرەس جۇرگىزۋگە ىنتالاندىرۋدا. 5000 جىلدان استام ۋاقىتتان بەرى جۇڭحۋا ۇلتىنىڭ سانسىزداعان ادامنىڭ ويى جەتپەيتىن حاۋىپ ـ قاتەرلەرگە جانە سىن ـ سايىستارعا توتەپ بەرۋىن، باستان ـ اياق تاسقىنداعان ومىرشەڭدىك كۇشىن ساقتاپ، ٴوسىپ ـ ٴونىپ، ۇرپاقتان ـ ۇرپاققا جالعاسۋىن جۇڭحۋا ۇلتىندا تەرەڭ، باياندى وتانشىلدىق ٴداستۇرىنىڭ بولۋىنان بولە قاراۋعا بولمايدى. وتانشىلدىق _ جۇڭگو حالقىن ۇلت تاۋەلسىزدىگى مەن ۇلتتىڭ ار ـ نامىسىن قورعاۋعا، تاريح تاسقىنىندا ەرلىكپەن العا ىلگەرىلەۋگە جىگەرلەندىرەتىن قۇدىرەتتى رۋحاني قوزعاۋشى كۇش، جۇڭحۋا ۇلتى سىندى كەمەنىڭ تولقىن جارا، ەرلىكپەن العا ىلگەرىلەۋىنە دەم بەرەتىن كۇشتى قوزعالتقىش، جۇڭگو حالقى مەن جۇڭحۋا ۇلتىن تاۋ قوپارىپ، تەڭىز قوتاراتىن تاريحي ۇلى كۇشتى تاسقىنداتۋعا، العا باسۋ جولىنداعى بارلىق جاپا ـ ماشاقاتتى، قيىنشىلىقتى، حاۋىپ ـ قاتەردى، كەدەرگىنى جەڭۋگە باستايتىن ايبىندى تۋ!
ماقالادا مىنالار اتاپ كورسەتىلدى: وتانشىلدىق _ ناقتى، رەال. قازىرگى جۇڭگودا وتانشىلدىقتى اسقاقتاتۋدا، ٴسوز جوق، مىنانى جەتە تانۋ كەرەك: جۇڭگو كوممۋنيستىك پارتياسىنىڭ باسشىلىعىنا جانە جۇڭگو سوتسياليزم تۇزىمىنە، ٴسوز جوق، ۇزاق ۋاقىت تاباندى بولۋ، ودان استە اۋىتقىماۋ كەرەك؛ جۇڭگو كوممۋنيستىك پارتياسى جۇڭگو حالقىنا باسشىلىق ەتىپ اشقان جۇڭگوشا سوتسياليزم جولىنا، ٴسوز جوق، ۇزاق ۋاقىت تاباندى بولۋ، ودان استە اۋىتقىماۋ كەرەك؛ جۇڭگو كوممۋنيستىك پارتياسى مەن جۇڭگو حالقىنىڭ جۇڭگونىڭ بايتاق دالاسىنا تامىر تارتىپ، ادامزات وركەنيەتىنىڭ تاڭداۋلى جەتىستىكتەرىنەن ۇلگى الىپ، مەملەكەتتىڭ دامۋىن دەربەس، ٴوز كۇشىنە سۇيەنە وتىرىپ جۇزەگە اسىرۋداعى كەلەلى باعىت ـ ساياساتتارعا، ٴسوز جوق، ۇزاق ۋاقىت تاباندى بولۋ، ودان استە اۋىتقىماۋ كەرەك. وتاندى ٴسۇيۋ مەن پارتيانى ٴسۇيۋدىڭ، سوتسياليزمدى ٴسۇيۋدىڭ ٴوزارا بىرلىگىنە تاباندى بولعاندا عانا، وتانشىلدىق جاندى، شىنايى بولادى، بۇل قازىرگى جۇڭگوداعى وتانشىلدىق رۋحتىڭ ەڭ ماڭىزدى بەينەسى.
ماقالادا مىنالار اتاپ كورسەتىلدى: وتانشىلدىق رۋحتى اسقاقتاتۋدا، ٴسوز جوق، وتانشىلدىق تاربيەنى ماڭگىلىك نەگىزگى تاقىرىپ ەتۋ، ٴسوز جوق، وتانشىلدىق پەن سوتسياليزمنىڭ ٴوزارا بىرلىگىنە تاباندى بولۋ، ٴسوز جوق، وتان تۇتاستىعىن جانە ۇلتتار ىنتىماعىن قورعاۋ، ٴسوز جوق، جۇڭحۋا ۇلتىنىڭ تاريحى مەن مادەنيەتىنە قۇرمەت ەتۋ جانە ونى جالعاستىرۋ، ٴسوز جوق، ۇلتتى تياناق ەتۋگە ٴارى دۇنيە جۇزىنە بەت الۋعا تاباندى بولۋ كەرەك.
ماقالادا مىنالار اتاپ كورسەتىلدى: ٴوسپىرىم بالالار _ وتاننىڭ بولاشاعى، وتانشىلدىق رۋحتى اسقاقتاتۋدى ٴوسپىرىم بالالاردان باستاپ مىقتى يگەرۋ كەرەك. وقۋشىلاردى ٴوز مۇراتىن وتاننىڭ بولاشاعىمەن، ٴوز تاعدىرىن ۇلت تاعدىرىمەن تىعىز بايلانىستىرۋعا تاربيەلەپ، جەتەكتەپ، وقۋشىلاردى دۇرىس تاريح كوزقاراسىن، ۇلت كوزقاراسىن، مەملەكەت كوزقاراسىن، مادەنيەت كوزقاراسىن ورناتىپ جانە وعان تاباندى بولىپ، وتانشىلدىق تانىمدى جانە وتانشىلدىق سۇيىسپەنشىلىكتى كۇشەيتىپ، ۇلتتىڭ ماقتانىش سەزىمىن جانە وزىنە سەنىمدى كۇشەيتۋگە جەتەكتەپ، وتانشىلدىق رۋحتىڭ وقۋشىلاردىڭ جۇرەك تۇكپىرىندە تەرەڭ تامىر تارتۋىنا، ولاردىڭ وزدەرىنىڭ جۇڭگولىق ەكەنىن قاشاندا ۇمىتپاۋىنا مۇمكىندىك جاساۋ كەرەك.
ماقالادا مىنالار باسا دارىپتەلدى: مەيلى ٴداۋىر قالاي دامىسىن، ٴبىز جۇدىرىقتاي جۇمىلىپ، ٴبىر نيەتپەن كۇش قوساتىن ۇلت كۇش ـ قۋاتىن توپتاۋىمىز كەرەك. بۇگىن سوتسياليستىك جۇڭگو دۇنيەنىڭ شىعىسىندا اسقاق تۇلعاسىمەن تۇر، ەشقانداي كۇش ٴبىزدىڭ ۇلى وتانىمىزدىڭ ورنىن تەڭسەلتە المايدى، ەشقانداي كۇش جۇڭگو حالقى مەن جۇڭحۋا ۇلتىنىڭ العا باسۋ قادامىنا بوگەت بولا المايدى. ۇلى وتانشىلدىق رۋحتى زور كۇشپەن اسقاقتاتىپ، قيىنشىلىقتان قورىقپايتىن، جاپا ـ ماشاقاتتان، حاۋىپ ـ قاتەردەن تايسالمايتىن، كۇرەس جۇرگىزۋگە باتىل بولاتىن، جەڭىسكە جەتۋگە باتىل بولاتىن رۋحتى جالعاستىرىپ، ساۋلەلەندىرىپ، حالىققا تىعىز سۇيەنىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن ۇزدىكسىز العا ىلگەرىلەتۋ كەرەك.
