ما شيڭرۇي اۆتونوميالى رايوندىق پارتكوم اۋىل ـ قىستاق قىزمەتى باسشىلىق گرۋپپاسىنىڭ ماجىلىسىندە بىلاي دەپ باسا دارىپتەدى
استىقپەن جانە ماڭىزدى اۋىل شارۋاشىلىق ونىمدەرىمەن حاۋىپسىز، ورنىقتى قامداۋدى كۇش سالا ويداعىداي يگەرىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل ـ قىستاقتىڭ جاپپاي گۇلدەنۋىن تىڭعىلىقتى ىلگەرىلەتۋ كەرەك
ەركىن تۇنياز، ٴزۇمىرات وبۇل، نۇرلان ٴابىلماجىن، حى جۇڭيوۋ، جاڭ جۋ قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 9 ـ ايدىڭ 30 ـ كۇنى ۇرىمجىدەن حابارلايدى. اۆتونوميالى رايوندىق پارتكوم اۋىل ـ قىستاق قىزمەتى باسشىلىق گرۋپپاسى 9 ـ ايدىڭ 29 ـ كۇنى ٴماجىلىس اشىپ، باس شۋجي شي جينپيڭنىڭ اۋىل شارۋاشىلىعى، اۋىل ـ قىستاق، شارۋالار قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوننىڭ اۋىل شارۋاشىلىعى، اۋىل ـ قىستاق، شارۋالار قىزمەتىنىڭ ٴتۇيىندى مىندەتتەرىن اقىلداستى، ورنالاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكوم اۋىل ـ قىستاق قىزمەتى باسشىلىق گرۋپپاسىنىڭ باستىعى ما شيڭرۇي ٴماجىلىستى باسقاردى ٴارى ٴسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيى جاڭ جۋ ماجىلىسكە قاتىناستى.
ٴماجىلىس اۆتونوميالى رايوننىڭ مەملەكەتتىڭ 2023 ـ جىلعى كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل ـ قىستاقتى گۇلدەندىرۋمەن ٴونىمدى ٴتۇيىلىستىرۋ بويىنشا باعالاۋ ـ ساراپتاۋىندا اڭىس ەتىلگەن ماسەلەلەردى رەتتەۋ ـ تۇزەتۋ جاعدايى جونىندەگى دوكلاتتى تىڭداپ، «2024 ـ جىلعى ايماقتىق (وبلىس، قالا) پارتكوم جانە ۇكىمەتتىڭ (اكىمشىلىك مەكەمەسى) اۋىل ـ قىستاقتى گۇلدەندىرۋدى ىلگەرىلەتۋ ستراتەگياسىنىڭ ناقتى ناتيجەسىن باعالاۋدى (كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى باعالاۋ ـ ساراپتاۋ قامتىلادى) اتقارۋ جوباسىن» قاراپ، اۆتونوميالى رايوننىڭ 2025 ـ جىلعى استىق، ماي ٴوندىرىسى نىسانا ـ مىندەتتەرى جاعدايى جونىندەگى دوكلاتتى تىڭدادى.
ما شيڭرۇي بىلاي دەپ باسا دارىپتەدى: يدەيا مەن ارەكەتتى باس شۋجي شي جينپيڭنىڭ جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، مەملەكەتتىڭ استىق حاۋىپسىزدىگىن قامتاماسىز ەتۋ ساياسي جاۋاپكەرشىلىگىن باتىل ارقالاپ، شينجياڭنىڭ مەملەكەت بويىنشا ساپالى ەگىن، مال شارۋاشىلىق ونىمدەرىمەن قامداۋ ماڭىزدى بازاسىن قۇرۋ ستراتەگيالىق ورنىن ارقاۋ ەتىپ، استىقپەن جانە ماڭىزدى اۋىل شارۋاشىلىق ونىمدەرىمەن حاۋىپسىز، ورنىقتى قامداۋدى بار كۇشپەن ويداعىداي يگەرۋ كەرەك. نازاردى تۇتاس جىلدىق استىق ٴونىمىن ارتتىرۋ نىساناسىنا شوعىرلاندىرىپ، كۇزگى استىق جيناۋ قىزمەتىن ناقتى يگەرىپ، تۇتاس جىلعى استىقتان مول ٴونىم الىپ، كەلەر جىلعى استىق ٴوندىرىسى نىسانا ـ مىندەتتەرىن عىلمي جوسپارلاپ، شينجياڭنىڭ استىق ٴونىم مولشەرىنىڭ ورنىقتى ارتۋىن جەبەۋ كەرەك. استىقتى جيناۋ، قامبالاۋ قىزمەتىن ٴبىر تۇتاس جوسپارلاپ ويداعىداي ىستەپ، استىق ەگەتىن شارۋالاردىڭ مۇددەسىن قورعاۋ كەرەك. استىق وندىرىسىندە جەرگە سۇيەنۋ، استىق وندىرىسىندە تەحنيكاعا سۇيەنۋ ستراتەگياسىن تياناقتاندىرىپ، جوعارى ولشەمدى ەگىنجاي قۇرىلىسىن تىڭعىلىقتى ىلگەرىلەتىپ، سورتاڭ جەرلەردى جان ـ جاقتى وڭاۋدى عىلمي ورىستەتىپ، ەگىستىك جەردى ارتتىرۋ كومەسكى كۇشىن جەرگىلىكتى جاعدايعا قاراي اشىپ، ەگىستىك جەر كولەمىن كەڭەيتۋ كەرەك. سۋ بايلىعىن جان ـ جاقتى، جوعارى ٴونىمدى پايدالانۋدى كۇشەيتىپ، اۋىل شارۋاشىلىعىنىڭ دامۋ كەڭىستىگىن كەڭەيتىپ، اۋىل شارۋاشىلىعىندا ونىمدىلىكتى ارتتىرۋدى، شارۋالاردىڭ كىرىسىن ارتتىرۋدى ٴونىمدى قامتاماسىز ەتۋ كەرەك.
ما شيڭرۇي بىلاي دەپ باسا دارىپتەدى: اۋىل ـ قىستاقتى گۇلدەندىرۋدى اۋىل شارۋاشىلىعى، اۋىل ـ قىستاق، شارۋالار قىزمەتىنىڭ ٴتۇيىنى رەتىندە ناقتى يگەرىپ، ويداعىداي يگەرىپ، اۋىل شارۋاشىلىعىن، اۋىل ـ قىستاقتى وسىزامانداندىرۋدى كۇش سالا ىلگەرىلەتۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، كولەمدى قايتا كەدەيلەسۋ تۋىلماۋ تومەنگى شەگىن باتىل ساقتاۋ كەرەك. شينجياڭنىڭ ەگىن، مال شارۋاشىلىق بايلىعى باسىمدىعىن ساۋلەلەندىرىپ، استىق، ماي، ماقتا جانە توقىماشىلىق، كيىم ـ كەشەك، جاسىل، ورگانيكالى جەمىس ـ جيدەك، كوكونىس، ساپالى مال ونىمدەرى كاسىپ سالاسى شوعىرى قۇرىلىسىن جەدەل ىلگەرىلەتىپ، ازىق ـ تۇلىك ٴوندىرىس بازاسىن بەلسەنە تۇلعالاۋ كەرەك. اۋىل شارۋاشىلىعىنا ساياتىن كاسىپورىنداردى، توپتاردى جەتىلدىرىپ، زورايتىپ، شينجياڭنىڭ اۋىل شارۋاشىلىق ونىمدەرى كاسىپ سالاسى تىزبەگىنىڭ ۇزدىكسىز كەڭەيۋىن، قۇن تىزبەگى دەڭگەيىنىڭ جوعارىلاۋىن جەبەپ، اناعۇرلىم ورنىقتى مۇددەنى بايلانىستىرۋ مەحانيزمىن ورناتىپ، ٴار ۇلت ەگىنشى ـ مالشىلارىن كاسىپ سالاسىنىڭ ارتقان قۇن پايداسىنان اناعۇرلىم كوپ يگىلىكتەندىرۋ كەرەك.
ما شيڭرۇي بىلاي دەپ باسا دارىپتەدى: باعالاۋ ـ ساراپتاۋدى تۇتقا ەتۋگە تاباندى بولىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل ـ قىستاقتى گۇلدەندىرۋمەن ٴونىمدى ٴتۇيىلىستىرۋدىڭ قىزمەت ونىمدىلىگىن ۇزدىكسىز جوعارىلاتۋ كەرەك. شىندىقتى ٴىس جۇزىنەن ىزدەۋگە تاباندى بولىپ، ناقتى ناتيجەگە، ناقتى ونىمدىلىككە ٴمان بەرىپ، قاتاڭ ولشەممەن باعالاۋ ـ ساراپتاۋ مىندەتتەرىن ناقتى تياناقتاندىرىپ، ماسەلەنى دەر كەزىندە بايقاپ، ولقىلىقتاردى، ٴالسىز تۇستاردى تولىقتاۋ كەرەك. ماسەلەنى رەتتەۋ ـ تۇزەتۋدى كۇشەيتىپ، ”تاباندا تۇزەتۋدى“ جانە ”باياندى مەحانيزم ورناتۋدى“ ٴوزارا ۇشتاستىرۋعا تاباندى بولىپ، ۇزاق ۋاقىت جارامدى بولاتىن قىزمەت مەحانيزمىن ورناتىپ، شىنايى تۇزەتۋ، ناقتى تۇزەتۋ بارىسىندا قىزمەت ساپاسىن، ونىمدىلىگىن ۇزدىكسىز جوعارىلاتۋ كەرەك. باعالاۋدىڭ جۇيەلىلىگىن، جالپى تۇلعالىلىعىن، سايكەستىلىگىن كۇشەيتىپ، فورماشىلدىقتان، تورەشىلدىكتەن قاتاڭ ساقتانىپ، نەگىزگى ساتىنىڭ اۋىرتپالىعىن جەڭىلدەتۋدەگى ٴتۇرلى تالاپتاردى قاتاڭ تياناقتاندىرىپ، نەگىزگى ساتىنىڭ اناعۇرلىم كوپ ۋاقىتىن جانە قاجىر ـ قايراتىن قىزمەتتى تياناقتاندىرۋدى ويداعىداي يگەرۋگە جۇمساۋىنا مۇمكىندىك جاساۋ كەرەك.
تيان شياڭلي، چىن ۋيجۇن، ۋاڭ جيانشين، ٴيۇسۇپجان مامەت، ەلزات احمەتجان، ۋاڭ لين، اۆتونوميالى رايوندىق پارتكومنىڭ اۋىل ـ قىستاق قىزمەتى باسشىلىق گرۋپپاسىنىڭ مۇشەلەرى جانە مۇشە ورىندارداعى جاۋاپتى جولداستار ماجىلىسكە قاتىناستى.
