اۆتونوميالى رايوننىڭ جۇڭگو حالىق ساياسي ٴماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ اڭگىمە ٴماجىلىسى اشىلدى
جاڭا داۋىردەگى حالىق ساياسي كەڭەسىنىڭ ابزالدىلىعى مەن رولىن تولىق ساۋلەلەندىرىپ، كورىكتى شينجياڭ قۇرۋ ٴۇشىن كەڭ كولەمدە جۇرت تىلەگىن توعىستىرۋ، كۇش ـ قۋات ۇيىستىرۋ كەرەك
ما شيڭرۇي ءسوز سويلەدى
ەركىن تۇنياز، ٴزۇمىرات وبۇل، نۇرلان ٴابىلماجىن، حى جۇڭيوۋ قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 9 ـ ايدىڭ 30 ـ كۇنى ۇرىمجىدەن حابارلايدى. 9 ـ ايدىڭ 30 ـ كۇنى اۆتونوميالى رايوننىڭ جۇڭگو حالىق ساياسي ٴماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ اڭگىمە ٴماجىلىسى ۇرىمجىدە اشىلدى. ٴماجىلىس باس شۋجي شي جينپيڭنىڭ جۇڭگو حالىق ساياسي ٴماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىندا سويلەگەن ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، حالىق ساياسي كەڭەسى ٴتۇزىمىنىڭ شينجياڭداعى جاندى امالياتىنا قايىرىلا قاراپ، ونى قورىتىندىلاپ، جاندى دا جالىندى، تىنىش تا ىنتىماقتى ساياسي جاعدايدى ۇزدىكسىز بەكەمدەپ جانە دامىتىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى قۇرۋعا اناعۇرلىم كوپ اقىل ـ پاراسات جانە كۇش ـ قۋات توپتادى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي ماجىلىسكە قاتىناستى ٴارى ٴسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ماجىلىسكە قاتىناستى ٴارى باس شۋجي شي جينپيڭنىڭ ماڭىزدى ٴسوزىنىڭ رۋحىن جەتكىزدى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ ماجىلىسكە قاتىناستى. اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن ٴماجىلىستى باسقاردى.
ماجىلىستە نۇرلان ٴابىلماجىن، ىلە قازاق اۆتونوميالى وبلىستىق ساياسي كەڭەستىڭ ٴتوراعاسى سەرجان ۇعىباي، جۇڭگو شارۋا ـ جۇمىسشى دەموكراتيالىق پارتياسى شينجياڭ رايوندىق كوميتەتىنىڭ مەڭگەرۋشىسى مىڭ چيڭساي، شينجياڭ جاڭا قوعامدىق جىك قايراتكەرلەرى دوستىق بىرلەستىگىنىڭ باستىعى رۇڭ چىڭ، قاشقار ايماعى مارالباسى اۋداندىق ساياسي كەڭەستىڭ ٴتوراعاسى ابلىكىم ابلىميت پىكىر اۋىستىرىپ ٴسوز سويلەدى.
كوپشىلىكتىڭ ٴسوزىن تىڭداعاننان كەيىن، ما شيڭرۇي بىلاي دەپ اتاپ كورسەتتى: جۇڭگو كوممۋنيستىك پارتياسىنىڭ 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ”ەكىنى ۇشتاستىرۋعا“ تاباندى بولىپ، امالياتتىق جاسامپازدىق نەگىزىندە حالىق ساياسي كەڭەسى نازارياسىندا جاڭالىق اشۋدى ىلگەرىلەتىپ، باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن قالىپتاستىردى. باس شۋجي شي جينپيڭ جۇڭگو حالىق ساياسي ٴماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىندا ماڭىزدى ٴسوز سويلەپ، كەڭەستىك دەموكراتيانىڭ كەڭ كولەمدى، كوپ ساتىلى تۇزىمدەنىپ دامۋىن ۇزدىكسىز ىلگەرىلەتۋ جونىندە ايقىن تالاپ قويىپ، كەزەكتە جانە بۇدان بىلايعى ٴبىر مەزگىلدە حالىق ساياسي كەڭەسى قىزمەتىن ويداعىداي ىستەۋ جونىندە جاپپاي ورنالاستىرۋ جاساپ، جاڭا ٴداۋىردىڭ جاڭا جورىعىندا حالىق ساياسي كەڭەسى ىستەرىنىڭ جوعارى ساپالى دامۋىنا ٴتۇبىرلى بويسۇنۋ ولشەمىن ازىرلەدى. ٴبىز ”ەكىنى تۇراقتاندىرۋدى“ تاباندىلىقپەن قولداۋ، ”ەكىنى قورعاۋدى“ باتىل ورىنداۋ ساياسي بيىگىنەن باس شۋجي شي جينپيڭنىڭ ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ونعا تاباندى بولۋ“ زاڭدىلىق تانىمىن مىقتاپ يگەرىپ، جۇڭگونىڭ جاڭاشا ساياسي پارتيا تۇزىمىنە شىن مانىندە ويداعىداي تاباندى بولىپ، ونى ويداعىداي دامىتىپ، ويداعىداي كەمەلدەندىرىپ، شينجياڭ ساياسي كەڭەس قىزمەتىنىڭ جانە كوپ پارتيا سەلبەستىگى ىستەرىنىڭ تىڭ ساتىعا كوتەرىلۋىن قۇلشىنا ىلگەرىلەتۋىمىز كەرەك.
ما شيڭرۇي بىلاي دەپ باسا دارىپتەدى: شينجياڭ ساياسي كەڭەسى 1951 ـ جىلى قۇرىلعاننان بەرى، جۇڭگو كوممۋنيستىك پارتياسىنىڭ باسشىلىعىندا پارتيانىڭ ٴار داۋىردەگى ساياسي كەڭەس جانە بىرلىكساپ قىزمەتى جونىندەگى باعىت ـ ساياساتتارىن مۇقيات دايەكتىلەندىرىپ، قارىم ـ قاتىناستى سايكەستىرۋ، كۇش ـ قۋات ۇيىستىرۋ، ۇسىنىس قويىپ، كەڭەس بەرۋ، كەلەلى جاعدايعا قىزمەت وتەۋ سىندى فۋنكتسياسىن، رولىن تولىق ساۋلەلەندىردى. جۇڭگو كوممۋنيستىك پارتياسىنىڭ 18 ـ قۇرىلتايىنان بەرى شينجياڭنىڭ ٴار دارەجەلى ساياسي كەڭەستەرى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، بارلىق بەلسەندى فاكتورلاردى قۇلشىنا جۇمىلدىرىپ، بارلىق ىنتىماقتاسۋعا بولاتىن كۇشتەرمەن ىنتىماقتاسىپ، شينجياڭنىڭ رەفورما، دامۋ، ورنىقتىلىق ىستەرى ٴۇشىن ماڭىزدى ۇلەس قوستى. ما شيڭرۇي اۆتونوميالى رايوندىق پارتكوم، ۇكىمەت جانە بيڭتۋان اتىنان شينجياڭنىڭ ساياسي كەڭەس ىستەرى ٴۇشىن ماڭىزدى ۇلەس قوسقان ٴار كەزەكتى ساياسي كەڭەس باسشىلارىنا، ساياسي كەڭەس مۇشەلەرىنە جانە ساياسي كەڭەس قىزمەتكەرلەرىنە وسكەلەڭ قۇرمەت ٴبىلدىرىپ، شينجياڭ ساياسي كەڭەسىنە قاتىناسقان ٴارقايسى پارتيا ـ توپ، ۇيىم، ٴار ۇلت، ٴار سالا قايراتكەرلەرىنە شىنايى سالەم جولدادى.
ما شيڭرۇي بىلاي دەپ باسا دارىپتەدى: جاڭا جورىقتا بۇكىل رايونداعى ٴار دارەجەلى ساياسي كەڭەستەر ساياسي جاۋاپكەرشىلىكتى ەستە بەرىك ساقتاپ، تاڭداۋلى ٴداستۇردى اسقاقتاتىپ، پارتيا باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋعا تاباندى بولىپ، مەملەكەتتىڭ جالپى جاعدايىنداعى شينجياڭنىڭ ستراتەگيالىق ورنىن كوزدەپ، ارناۋلى كەڭەس قۇرىلىمىندىق رولىن تولىق ساۋلەلەندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋ ٴۇشىن كەڭ كولەمدە جۇرت تىلەگىن ۇيىستىرۋى، ورتاق تانىم ۇيىستىرۋى، اقىل ـ پاراسات ۇيىستىرۋى، كۇش ـ قۋات ۇيىستىرۋى كەرەك. دۇرىس ساياسي بەتالىسقا تاباندى بولىپ، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىمەن باستان ـ اياق وسكەلەڭ ٴبىر اۋىزدىلىقتى ساقتاپ، نازاريامەن قارۋلانۋدى ۇزدىكسىز كۇشەيتىپ، ىنتىماقتاسا كۇرەس جۇرگىزۋ يدەيالىق ـ ساياسي نەگىزىن بەكەمدەپ، ٴارقايسى پارتيا ـ توپتاردىڭ، ۇيىمداردىڭ جانە ٴار ۇلت، ٴار سالا قايراتكەرلەرىنىڭ ساياسي جاقتاعى ىنتىماق پەن سەلبەستىكتى، يدەيالىق جاقتاعى بىرگە العا باسۋدى، ارەكەت جاعىنداعى قادامىنىڭ بىركەلكى بولۋىن ونان ارى جۇزەگە اسىرۋىن ىلگەرىلەتۋ كەرەك. كەڭەسىپ ۇكىمەت ىسىنە اقىل ـ كەڭەس بەرۋدى ىشكەرىلەي ىلگەرىلەتىپ، دارىندىلار توپتالۋ، اقىل ـ پاراسات شوعىرلانۋ باسىمدىعىن ساۋلەلەندىرىپ، نازاردى پارتيا مەن مەملەكەتتىڭ كەلەلى شەشىمدەرىنە، ورنالاستىرۋلارىنا شوعىرلاندىرىپ، شينجياڭنىڭ باياندى تىنىشتىعىنا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ارقاۋ ەتىپ، ىشكەرىلەي تەكسەرۋ ـ زەرتتەۋ جۇرگىزىپ، بەلسەنە ۇسىنىس قويىپ، كەڭەس بەرىپ، اناعۇرلىم كوپ ستراتەگيالىق، بولجامدى، باعىتتامالى شارالاردى، ۇسىنىستاردى العا قويۋ كەرەك. زەيىن ـ زەردەنى شوعىرلاندىرىپ، كۇش ـ قۋاتتى توپتاپ، ىنتىماقتى جەبەپ، بىرلىكساپتىڭ جۇرت تىلەگىن توعىستىرۋ، كۇش ـ قۋات ۇيىستىرۋ سىندى ساياسي فۋنكتسياسىن تولىق ساۋلەلەندىرىپ، ٴارقايسى دەموكراتيالىق پارتيا ـ توپتاردىڭ جانە پارتيادا، توپتا جوق قايراتكەرلەردىڭ مىندەتىن اناعۇرلىم ويداعىداي اتقارىپ، جاۋاپكەرشىلىگىن ادا ەتۋىنە قولداۋ كورسەتىپ، ەڭ ۇلكەن سەنترلەس شەڭبەردى ويداعىداي سىزۋ كەرەك. جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، اۆتونوميالى رايوندىق پارتكومنىڭ ۇلت، ٴدىن قىزمەتىن ويداعىداي ىستەۋىنە سەلبەسىپ، شەتەلدەگى چياۋمين باۋىرلاستارمەن كەڭ كولەمدە ىنتىماقتاسىپ، بايلانىس جاساپ، جۇڭگو شينجياڭىنىڭ حيكاياسىن بەلسەنە ويداعىداي بايانداۋ، جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ شينجياڭداعى تابىستى امالياتىن ويداعىداي بايانداۋ كەرەك. قىزمەت ٴتۇزىم ـ مەحانيزمىن كەمەلدەندىرىپ، جالپى بارىستىق حالىق دەموكراتياسى ٴتۇزىم جۇيەسىن اقاۋسىزداندىرىپ، ساياسي كەڭەس كەڭەسۋىنىڭ باسقا دا كەڭەسۋ فورمالارىمەن سايكەسۋىن، سەلبەسۋىن كۇشەيتىپ، ۇكىمەت ٴىسىن كەڭەسۋ ارناسىن ساپالىلاندىرىپ، پارتيا، ۇكىمەت نەگىزگى باسشىلارىنىڭ ساياسي كەڭەستىڭ ٴتۇيىندى ۇسىنىس جوبالارىن الدىمەن قۋزاپ ٴبىتىرۋى سياقتى تۇزىمدەردى تياناقتاندىرىپ، ارناۋلى كەڭەس قۇرىلىمىندىق ونىمدىلىگىن جوعارىلاتۋ كەرەك. ساياسي كەڭەس مۇشەلەرى قوسىنى قۇرىلىسىن كۇشەيتىپ، قالىڭ ساياسي كەڭەس مۇشەلەرىن ساياسي سالاۋاتىن قاستەرلەپ، ساياسي قاسيەتىن شىڭداپ، ساياسي قابىلەتىن جوعارىلاتىپ، زەيىن ـ زەردەنى ۇيىستىرىپ، كۇش ـ قۋات توپتاۋدىڭ، شەشىم جاساپ اقىل ـ كەڭەس بەرۋدىڭ، كەڭەستىك دەموكراتيانىڭ، قوعامدىق باسقارۋدىڭ ٴبىرىنشى شەبىنە بەلسەنە ات سالىسۋعا جەتەكتەۋ كەرەك.
ما شيڭرۇي بىلاي دەپ باسا دارىپتەدى: جۇڭگو كوممۋنيستىك پارتياسىنىڭ حالىق ساياسي كەڭەسىنە جالپى بەتتىك باسشىلىعىن كۇشەيتىپ، جاڭا داۋىردەگى ساياسي كەڭەس قىزمەتىن شينجياڭنىڭ رەفورما، دامۋ، ورنىقتىلىق كەلەلى جاعدايىن كوزدەي وتىرىپ ىلگەرىلەتىپ، حالىق ساياسي كەڭەسىنىڭ فۋنكتسياسىن اتقارۋىنا بەلسەنە قولداۋ كورسەتىپ، ساياسي كەڭەس قىزمەتىنىڭ كەلەلى ماسەلەلەرىن اقىلداسىپ شەشۋ كەرەك، ٴار دارەجەلى پارتكومدارداعى، ۇكىمەتتەردەگى نەگىزگى جاۋاپتى جولداستار ساياسي كەڭەستىڭ ماڭىزدى قيمىلدارىنا باستاماشىلدىقپەن قاتىناسىپ، پارتيا سىرتىنداعى دوستارمەن كەڭىنەن ارالاسۋى كەرەك. ساياسي كەڭەس پارتيا باسشىلىق گرۋپپاسى بەتالىستى يگەرۋ، كەلەلى جاعدايدى باسقارۋ، تياناقتاندىرۋعا كەپىلدىك ەتۋ سىندى باسشىلىق رولىن ويداعىداي ساۋلەلەندىرىپ، پارتيانىڭ ساياسي قۇرىلىسىن ٴبىر تۇتاس باسشىلىققا الا وتىرىپ ساياسي كەڭەستەگى پارتيانىڭ ٴتۇرلى قۇرىلىسىن جاپپاي ىلگەرىلەتىپ، كۇش سالا تاماشا ساياسي ەكولوگيا قالىپتاستىرىپ، جاڭا داۋىردەگى ساياسي كەڭەس قىزمەتىنىڭ جاڭا جاعدايىن قۇلشىنا اشۋى كەرەك.
نۇرلان ٴابىلماجىن ٴماجىلىستى باسقارعاندا بىلاي دەپ اتاپ كورسەتتى: باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى ساياسي كەڭەس قىزمەتىن ويداعىداي ىستەۋ ساياسي سانالىلىعىن، يدەيالىق سانالىلىقتى جانە ارەكەت سانالىلىعىن ونان ارى كۇشەيتۋ كەرەك. نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە شوعىرلاندىرىپ، رەفورمانى ونان ارى جاپپاي تەرەڭدەتۋ، جوعارى ساپالى دامۋدى ىلگەرىلەتۋ، قوعامنىڭ ورنىقتىلىعىن، جاراسىمدىلىعىن قورعاۋ سياقتى قىزمەتتەردى ارقاۋ ەتىپ، ىشكەرىلەي تەكسەرۋ ـ زەرتتەۋ جۇرگىزىپ، تەرەڭدەي ۇكىمەت ىسىنە اقىل ـ كەڭەس بەرىپ، دەموكراتيالىق باقىلاۋدى تەرەڭدەتىپ، حالىق ساياسي كەڭەسىنىڭ ابزالدىلىعىن، رولىن شىن مانىندە ساۋلەلەندىرۋ كەرەك. جۇڭگو كوممۋنيستىك پارتياسىنىڭ باسشىلىعىن ساياسي كەڭەس قىزمەتىنىڭ جالپى بارىسىندا، ٴارقايسى جاعىندا تياناقتاندىرىپ، حالىق ساياسي كەڭەسى قىزمەتى ٴتۇزىم ـمەحانيزمىن كەمەلدەندىرىپ، كادرلار قوسىنى قۇرىلىسىن كۇشەيتىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋعا تىڭ دا اناعۇرلىم زور ۇلەس قوسۋ كەرەك.
ەلزات احمەتجان، اۆتونوميالى رايوندىق ساياسي كەڭەستىڭ ورىنباسار ٴتوراعالارى، شينجياڭ اسكەري رايونىنداعى قاتىستى باسشىلار، اۆتونوميالى رايوندىق حالىق سوتى مەكەمەسىندەگى، حالىق پروكۋراتۋراسىنداعى نەگىزگى جاۋاپتى جولداستار، كەزىندە اۆتونوميالى رايوندىق ساياسي كەڭەستە باسشىلىق مىندەتىن وتەگەن ٴىشىنارا ساقا جولداستار؛ اۆتونوميالى رايوندىق ساياسي كەڭەستەگى قاتىستى جولداستار، اۆتونوميالى رايوننىڭ قاتىستى تاراۋلارىنداعى جاۋاپتى جولداستار، وبلىس ـ قالالاردىڭ ساياسي كەڭەستەرىنىڭ جانە ايماقتىق ساياسي كەڭەس قىزمەت كوميتەتتەرىندەگى، ٴارقايسى دەموكراتيالىق پارتيا ـ توپتاردىڭ شينجياڭ رايوندىق كوميتەتتەرىندەگى، اۆتونوميالى رايوندىق ساۋدا ـ ونەركاسىپشىلەر بىرلەستىگىندەگى، قاتىستى حالىقتىق توپتارداعى، اۆتونوميالى رايونعا توتە قاراستى ٴارقايسى اۋدان دارەجەلى قالالاردىڭ ساياسي كەڭەستەرىندەگى جاۋاپتى جولداستار؛ شينجياڭدا تۇراتىن ٴىشىنارا مەملەكەتتىك ساياسي كەڭەس مۇشەلەرى جانە اۆتونوميالى رايوندىق ساياسي كەڭەس مۇشەلەرى، ٴىشىنارا نەگىزگى ساتى ساياسي كەڭەس مۇشەلەرى جانە ساياسي كەڭەس قىزمەتكەرلەرى ماجىلىسكە قاتىناستى.
