جۇرت جۇرەگىن جىلىتاتىن حالىق تۇرمىسى جاۋاپناماسىن قۇلشىنا جازدى
_ جاڭا جۇڭگو قۇرىلعان 75 جىلدان بەرگى شينجياڭنىڭ قوعامدىق قۇرىلىس تابىستارى جونىندە جالپى شولۋ
□ انار بۇلت \ شينجياڭ گازەتىنىڭ ٴتىلشىسى جاۋ چۇنحۋا
جۇڭگو ۇلگىسىندەگى وسىزامانداندىرۋدا حالىق تۇرمىسى بارىنەن ماڭىزدى.
حالىقتىڭ وزىنە ـ ٴوزى قوجايىن بولۋىنان سوتسياليستىك نەگىزگى ٴتۇزىمنىڭ ورناۋىنا دەيىن، ادامدى نەگىز ەتكەن عىلمي دامۋ كوزقاراسىنان جالپى حالىقتىڭ بىرگە بايۋىن جۇزەگە اسىرۋ سىندى جاڭا ارمان ـ تىلەككە دەيىن، جاڭا جۇڭگونىڭ 75 جىلدىق ايبىندى تاريح ٴۇردىسى _ جۇڭگو كوممۋنيستىك پارتياسىنىڭ پارمەندى باسشىلىعىندا، بۇكىل ەلدەگى ٴار ۇلت حالقى ٴبىر نيەتپەن ىنتىماقتاسىپ، ٴورىس اشا العا ىلگەرىلەپ، توماعا ـ تۇيىق، مەشەۋ كۇيدەن ەسىك اشۋعا، العا باسۋعا قادام تاستاعان، ٴيىنى كيىمگە، قارنى اسقا جارىماۋدان جاپپاي دوڭگەلەك داۋلەتتىلىككە، كەدەي ٴارى دارمەنسىزدىكتەن گۇلدەنىپ ـ كوركەيۋگە، بايۋعا، قۇدىرەتتەنۋگە قادام تاستاعان كۇرەس تاريحى دا سانالادى.
پارتيانىڭ 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى وتانىمىزدىڭ شينجياڭىن ٴارقاشان كوكەيىندە ساقتاپ، ”ٴوندىرىس، تۇرمىس شارت ـ جاعدايىن جاقسارتاتىن نىسانداردى كوبىرەك اتقارىپ، حالىق تۇرمىسىنا تيىمدىلىك جەتكىزەتىن ناقتى ىستەردى كوبىرەك ىستەپ، ٴار ۇلت بۇقاراسىنىڭ كوكەي تەستى ماسەلەلەرىن كوبىرەك شەشىپ، ٴار ۇلت بۇقاراسىنا پارتيانىڭ قامقورلىعى مەن وتان ۇلى شاڭىراعىنىڭ مەيىرىن شىنايى سەزىندىرۋ كەرەك“ دەپ باسا دارىپتەدى. اۆتونوميالى رايوندىق پارتكوم جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جاڭا دامۋ ۇستانىمىن جەتەكشى ەتكەن جوعارى ساپالى دامۋدىڭ جىلدام ارناسىندا حالىقتى وزەك ەتكەن دامۋ يدەياسىنا مىقتاپ تاباندى بولىپ، دامۋ بارىسىندا حالىق تۇرمىسىن قامتاماسىز ەتىپ جانە جاقسارتىپ، حالىق ەڭ كوڭىل ٴبولىپ وتىرعان، ەڭ تىكە، ەڭ رەال مۇددە ماسەلەلەرىن مۇمكىندىگىنشە ويداعىداي شەشىپ، ٴار ۇلت بۇقاراسىنىڭ تاماشا تۇرمىسقا تالپىنىسىن ۇزدىكسىز قاناعاتتاندىردى.
وتانىمىزدىڭ مەملەكەت جەر اۋدانىنىڭ التىدان ٴبىرىن ۇستايتىن وسى مەكەننىڭ بار الابىنان تيانشان پەرزەنتتەرىنىڭ باقىتتى تۇرمىسقا دەگەن ماداق جىرى شىرقالۋدا.
دامۋ بارىسىندا ادىلدىكتى، ادىلەتتىلىكتى جەبەدى
حالىقتى باقىتقا كەنەلتۋ، ۇلتتى گۇلدەندىرۋ _ پارتيامىزدىڭ وسىزامانداندىرۋ قۇرىلىسىنا باسشىلىق ەتۋىنىڭ شىعار ٴتۇيىنى جانە تابان تىرەر تياناعى ٴارى جاڭا دامۋ ۇستانىمىنىڭ ”تامىرى“ مەن ”جانى“.
ٴۇرىمجى قالاسى ميدۇڭ رايونى گۋمۋدي قالاشىعىنىڭ 68 جاستاعى تۇرعىنى جاڭ يۇيلان ەرەن بازاردان تاۋار ساتىپ الىپ جاتىپ، اسەرلەنە بىلاي دەدى: ”كىشكەنتاي كەزىمدە اپەكە ـ سىڭلىلەرىم كوپ بولعان سوڭ استىق جەتىسپەي قالاتىن، كۇزگى جيىن ـ تەرىننەن كەيىن، ٴبىز ٴوندىرىس اترەتىنىڭ ٴبيداي اتىزىنا، كارتوپ اتىزىنا بارىپ استىق تەرەتىنبىز، كۇنىنە ٴۇش ۋاق كارتوپ جەۋ قالىپتى شارۋا بولاتىن. قازىر تۇرمىس شارت ـ جاعدايىمىز جاقسارىپ، نە جەگىمىز كەلسە سونى ساتىپ الاتىن بولدىق “.
زامان جاڭارىپ، دۇنيە وزگەردى. جاڭا جۇڭگو قۇرىلعان 75 جىلدان، اسىرەسە، پارتيانىڭ 18 ـ قۇرىلتايىنان بەرى، اۆتونوميالى رايوندىق پارتكوم دامۋدى شينجياڭنىڭ باياندى تىنىشتىعىنىڭ ماڭىزدى نەگىزى ەتىپ، حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتۋگە تاباندى بولدى.
2023 ـ جىلى شينجياڭدا قالا ـ قالاشىق تۇرعىندارىنىڭ جان باسىندىق قولداعى تابىسى 40 مىڭ 578 يۋانعا جەتىپ، 1978 ـ جىلعى 319 يۋاننىڭ 127 ەسەسىنەن دە كوپ بولدى.
2023 ـ جىلى شينجياڭدا اۋىل ـ قىستاق تۇرعىندارىنىڭ جان باسىندىق قولداعى تابىسى 17 مىڭ 948 يۋانعا جەتىپ، 1978 ـ جىلعى 119 يۋاننىڭ 150 ەسەسىنەن دە كوپ بولدى.
2023 ـ جىلى شينجياڭنىڭ وڭىرلىك ٴوندىرىس جالپى ٴونىم قۇنى، قارجى قوسۋ، تۇتىنۋ، يمپورت ـ ەكسپورت، قازىنا، تۇرعىندار كىرىسى سياقتى 6 كورسەتكىشتىڭ ارتۋ قارقىنى بۇكىل ەل بويىنشا الدىڭعى ورىندى يەلەدى.
دامۋ قوزعاۋشى قۋاتىن ٴونىمدى كۇشەيتۋ، دامۋ كومەسكى كۇشىن بىرتىندەپ جارىققا شىعارۋ، دامۋ ساپاسىن، ونىمدىلىگىن ۇزدىكسىز جوعارىلاتۋمەن بىرگە، اۆتونوميالى رايوندىق پارتكوم دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن جۇرت تىلەگىنىڭ تىعىز بايلانىسىن جەتە تانىپ، دامۋ حالىق ٴۇشىن بولۋعا، دامۋدا حالىققا سۇيەنۋگە، دامۋ جەتىستىكتەرىنەن حالىقتى تەڭ يگىلىكتەندىرۋگە تاباندى بولدى. قازىنالىق شىعىستىڭ %75تەن استامىن حالىق تۇرمىسىن قامتاماسىز ەتۋگە جانە جاقسارتۋعا جۇمساپ، اۆتونوميالى رايوننىڭ 10 ٴىرى حالىق تۇرمىسى ناقتى ىستەرىن باسا ىلگەرىلەتىپ، قوعامنىڭ ادىلدىگىن، ادىلەتتىلىگىن جەبەپ، جالپىعا ٴتيىمدى، نەگىزدىك سيپاتتى، تومەنگى شەكتەن تۇسىرمەۋ سيپاتتى حالىق تۇرمىسى قىزمەتىن بار كۇشپەن ويداعىداي ىستەپ، دامۋ جەتىستىگى ارقىلى حالىق تۇرمىسىنا ۇزدىكسىز پايدا جەتكىزۋدى، جۇرت تىلەگىن ۇيىستىرۋدى ىلگەرىلەتتى.
1949 ـ جىلى شينجياڭدا باستاۋىش مەكتەپ جاسىنداعى بالالاردىڭ وقۋعا ٴتۇسۋ سالىستىرماسى نەبارى %19.8 بولاتىن.
بۇگىنگى تاڭدا، شينجياڭدا ورتا ەسەپپەن 102 بالاعا ٴبىر بالاباقشا تۋرا كەلەدى، 783 باستاۋىش مەكتەپ وقۋشىسىنا ٴبىر باستاۋىش مەكتەپ تۋرا كەلەدى، ورتا مەكتەپ ساتىسىندا جالپى وقۋعا كىرۋ سالىستىرماسى %98.25كە جەتتى. وڭتۇستىك شينجياڭنىڭ قالا، اۋىلدارىندا بالاباقشادان ورتا مەكتەپكە دەيىن 15 جىلدىق تەگىن وقۋ ـ اعارتۋ جۇزەگە اسىرىلدى.
جاڭا جۇڭگو قۇرىلۋدان بۇرىن، شينجياڭنىڭ ەمدەۋ، دەنساۋلىق ساقتاۋ دەڭگەيى تومەن بولىپ، ادامداردىڭ مەجەدەگى ورتاشا عۇمىرى 30 جاسقا جەتپەيتىن.
بۇگىنگى تاڭدا، شينجياڭدا قالا، اۋىلدى قامتىعان ەمدەۋ، دەنساۋلىق ساقتاۋ قىزمەت وتەۋ تورى نەگىزىنەن قۇرىلدى، قىستاقتىڭ بارىندە ولشەمدەنگەن ەمحانا بار، اۋدان دارەجەلى شيپاحانانىڭ بارلىعىندا قاشىقتان ەمدەۋ جۇزەگە اسىرىلدى، ”كىشى ـ گىرىم ناۋقاستى قىستاقتا كورسەتۋ، ۇنەمى كەزدەسەتىن ناۋقاستاردى اۋىل ـ قالاشىقتاردا كورسەتۋ، سالماقتى ناۋقاستاردى اۋداندا كورسەتۋ“ جۇزەگە اسىرىلدى.
بۇرىن اۋىل ـ قىستاقتاعى ۇيلەردىڭ ٴبارى تام ٴۇي بولاتىن.
بۇگىنگى تاڭدا، شينجياڭداعى اۋىل ـ قىستاقتاردا جالپى 2 ميلليون 700 مىڭ جەر سىلكىنىسىنە ٴتوزىمدى بەيقۇت ٴۇي سالىنىپ، 11 ميلليوننان استام ەگىنشى ـ مالشى جاڭا ۇيگە كوشىپ كىردى.
وقيتىن مەكتەبى، ەمدەلەتىن شيپاحاناسى، تۇراتىن ٴۇيى بار... حالىققا ٴتيىمدى ىستەردى، ٴسوز جوق، كوركەيتۋ كەرەك. اۆتونوميالى رايوندىق پارتكوم دامۋ ۇستانىمىندا حالىق تۇرمىسى سۇيىسپەنشىلىگىن تەرەڭ ورناتىپ، تيانشان الابىندا ٴار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى اناعۇلىم تولىق، ناقتى، اناعۇرلىم قامتاماسىز ەتىلگەن، اناعۇرلىم باياندى حالىق تۇرمىسى كارتيناسىن كەستەلەدى.
شۇعىل، قيىن، ۋايىمداعان، ٴزارۋ ىستەردى مۇمكىندىگىنشە شەشتى
75 جىل قايسارلىقپەن ەڭبەكتەنىپ، 75 جىل اۋەلگى ماقساتىنا بولاتتاي بەرىك بولدى. 9 ميلليون 600 مىڭ شارشى كيلومەتر كەلەتىن كەڭ ـ بايتاق جۇڭگو دالاسىندا تەرەڭ سۇيىسپەنشىلىككە تولى قالاممەن ”ادام“ دەگەن ٴارىپ ايشىقتاپ جازىلدى.
كيىم ـ كەشەك ”كوك، جاسىل، سۇرى، قارا تۇستەن“ ”كۇن سايىن ٴار الۋان تۇرلەنۋگە“، اس ـ سۋ ”تەك قارىن تويدىرۋدان” “سالاماتتى ازىقتانۋعا“، تۇرعىن ٴۇي ”الاسا، مۇجىق تام ۇيلەردەن” “زەردەلى ٴۇي جيھازدارىنا“ وزگەردى... پارتيانىڭ 18 ـ قۇرىلتايىنان بەرى، وتان قۇشاعىنداعى شينجياڭ ولقىلىقتاردى تولىقتاۋ مەن قىزمەت وتەۋدى جوعارىلاتۋدى ٴوزارا ۇشتاستىرۋعا تاباندى بولىپ، بۇقارانىڭ كوپ تۇرلىلەنگەن، كوپ نەگىزدەنگەن قاجەتتى سۇرانىسىن شەشۋدى باستان ـ اياق حالىق تۇرمىسىن جاقسارتۋدىڭ، قۇت ـ ىرىستى ارتتىرۋدىڭ ماڭىزدى مازمۇنى ەتىپ، بۇقارانىڭ شۇعىل، قيىن، ۋايىمداعان، ٴزارۋ ىستەرىن كوزدەپ، مۇمكىندىگىنشە شىعار جول ىزدەپ، ٴادىس ـ امال قاراستىردى.
حالىق بۇقاراسىنىڭ اۋرۋ ەمدەتۋىنە، اۋرۋ ەمدەتە الۋىنا، اۋرۋىن جاقسى ەمدەتە الۋىنا مۇمكىندىك جاساپ، شينجياڭ ەمدەۋ ارقىلى حالىققا تيىمدىلىك جاساۋدى ماڭىزدى حالىق تۇرمىسى ينجەنەرياسى جانە حالىق قالاۋى ينجەنەرياسى رەتىندە يگەرىپ، ەمدەۋ قوسىنى مەن ەمدەۋ جۇيەسى قۇرىلىسىندا ۇزدىكسىز ىلگەرىلەپ، ەمدەۋمەن قامتاماسىز ەتۋ تورىن ۇزدىكسىز ٴجيى توقىدى.
”قازىر باس اۋىرىپ، قىزۋ ورلەسە، مال شارۋاشىلىق وڭىرلەرىندەگى ەمحاناعا بارىپ ناۋقاس كورسەتىپ، ٴدارى الامىز، ەمدەۋ قامىسزداندىرۋى ارقىلى ەسەپتەن كوتەرىلەتىن بولدى، بۇل ٴبىزدى ۋايىمنان ارىلتتى“. تاياۋدا التاي قالاسى الاعاق قالاشىعى بىتەۋتال قىستاعىنىڭ مالشىسى باقىتگۇل اسقار مىناداي ٴبىر ەسەپ جاسادى: ناۋقاس كورسەتۋگە 95.14 يۋان اقشا جۇمسادىم، تەك ەمدەۋ قامسىزداندىرۋىنىڭ وزىنەن 42.5 يۋاندى ەسەپتەن كوتەردى. ”پارتيانىڭ ساياساتى جاقسى، ٴبىز ٴۇيىمىزدىڭ جانىندا ەمدەۋ قامىسىزداندىرۋى بويىنشا قىزمەت وتەۋدەن يگىلىكتەنە الاتىن بولدىق“، ـ دەدى ول.
”قارتتار مەن بالالار“ _ جۇيەلى حالىق تۇرمىسى ينجەنەرياسى ٴارى جان سانىنىڭ قارتتانۋىنا بەلسەنە توتەپ بەرۋدىڭ ماڭىزدى شاراسى. شينجياڭ سۇرانىستى باعدار ەتۋگە تاباندى بولىپ، قارتتاردىڭ ٴۇيىن قارتتار تۇرمىسىنا ۇيلەستىرىپ وزگەرتۋدى زەينەتكەرلىككە قىزمەت وتەۋ جۇيەسى قۇرىلىسىنا ەنگىزۋ بارىسىندا ٴبىر تۇتاس جوسپارلاپ ىلگەرىلەتىپ، ەرەكشە قيىنشىلىعى بار قارتتاردىڭ ٴۇيىن قارتتار تۇرمىسىنا ۇيلەستىرىپ وزگەرتۋدى تىڭعىلىقتى ىلگەرىلەتتى.
”بولماشى عانا وزگەرىس بولعانىمەن، كوپتەگەن قولايلىلىق اكەلدى“. كۇيتۇن قالاسى ٴۇرىمجى شىعىس جولى ٴمالىسى قۇلانبۇلاق الەۋمەتتىك اۋماعىنىڭ تۇرعىنى لياڭ شيۋميڭ بيىل جىل باسىندا كۇيتۇن قالالىق حالىق ىستەرى مەكەمەسىنىڭ ٴۇيىن قارتتار تۇرمىسىنا ۇيلەستىرىپ وزگەرتىپ بەرگەندىگىن ايتىپ، بىلاي دەدى: ”بۇرىشقا، دارەت شەلەگىنىڭ جانىنا جاقتاۋ ورناتۋمەن قاتار، تازالىق ۇيگە، اسحاناعا تۇتقىر توسەنىش جاتقىزدى. قازىر ۇيدە جالعىز جۇرسەم دە قورىقپايتىن بولدىم“.
وسى وقۋ ماۋسىمىندا ۇلىقشات اۋدانى وقسالۇر اۋىلىنىڭ سەنترلى بالاباقشاسى وقسالۇر قىستاعى بولىمشە باقشاسىندا 6 جاستاعى نۇرتىلەك ىلعاربەك باقشاعا ەندى عانا كەلگەن دوستارىن كورىپ، شەشەسىنىڭ قولىنان سىتىلىپ شىعۋعا اسىقتى.
نۇرتىلەكتىڭ شەشەسى قۋانا بىلاي دەدى: ”قازىرگى بالالار ٴۇيدىڭ جانىنان ـ اق تاماشا مەكتەپكە دەيىنگى تاربيەدەن يگىلىكتەنە الادى، ٴبىز ٴتىپتى الاڭسىز بولدىق“.
شينجياڭ بۇقارانىڭ شۇعىل، قيىن، ۋايىمداعان، ٴزارۋ ىستەرى ماسەلە تىزىمدىگىن جاۋاپكەرشىلىك تىزىمىنە، مىندەت تىزىمىنە اينالدىردى. حالىق تۇرمىسىنا تيىمدىلىك جاسايتىن، جۇرت جۇرەگىن جىلىتاتىن، حالىق قالاۋىنا سايكەسەتىن حالىق تۇرمىسى ناقتى ىستەرى ”حالىقتى باقىتتى تۇرمىسقا كەنەلتۋ ’مەملەكەتتىڭ ٴىرى ٴىسى“‘ دەگەن مەيىرلى سەرتتى جاندى ايگىلەدى.
رەفورما تەبىنى ارقىلى حالىق تۇرمىسىنا تيىمدىلىك جەتكىزدى
حالىق بۇقاراسىنىڭ تىڭ تىلەگى الدىندا، ٴسوز جوق، سانالىلىقپەن رەفورمانى اناعۇرلىم كورنەكتى ورىنعا قويۋ كەرەك.
جاڭا جۇڭگو قۇرىلعان 75 جىلدان، اسىرەسە، پارتيانىڭ 18 ـ قۇرىلتايىنان بەرى، شينجياڭ رەفورمانى جاپپاي تەرەڭدەتۋ سىندى وسى ”شەشۋشى شارادان“ جانە ”ماڭىزدى اسىلدان“ ويداعىداي پايدالانۋعا تاباندى بولىپ، حالىق مۇددەسىن نەگىزگە الىپ، رەفورما وي جەلىسىن جوسپارلاپ، رەفورما شارالارىن بەلگىلەپ، رەفورما تەبىنى ارقىلى حالىق تۇرمىسىنىڭ جىلۋىن جوعارىلاتىپ، حالىقتىڭ تاماشا تۇرمىسقا تالپىنىسىن ۇزدىكسىز رەالدىققا اينالدىردى.
شينجياڭ جۇمىستاندىرۋ ٴتۇزىلىس ـ مەحانيزم رەفورماسىن تەرەڭدەتۋدى قوزعاۋشى كۇش ەتىپ، ”تومەندەتۋ، قايتارۋ، تولىقتاۋ، كەڭەيتۋ“ سياقتى اۋىرتپالىقتى جەڭىلدەتىپ، جۇمىس ورنىن ورنىقتىرۋعا، جۇمىستاندىرۋدى كەڭەيتۋگە، حالىق تۇرمىسىن قامتاماسىز ەتۋگە ٴتيىمدى ٴبىر قىدىرۋ ساياساتتى اتقارىپ، جوعارى مەكتەپ بىتىرگەن وقۋشىلار سياقتى جۇمىستانۋداعى ٴتۇيىندى قاۋىمنىڭ جۇمىستاۋىنا جاپپاي كومەكتەستى، سۇيەمەلەدى _
9 ـ ايدىڭ 20 ـ كۇنى شينجياڭ مەينيكاڭ كوز اۋرۋلارى شيپاحاناسىندا بيىل ٴۇرىمجى كاسىپتىك داشۋەسىنەن وقۋ بىتىرگەن حى يۇيشۋان ناۋقاستىڭ كورۋ قۋاتىن تەكسەرىپ جاتتى.
”بىلتىر ۇكىمەت ٴبىر ادامدى جۇمىسقا قابىلداسا، 1500 يۋاندىق ولشەممەن ٴبىر رەتتىك جۇمىس ورنىن كەڭەيتۋ جاردەماقىسىن بەرگەن بولاتىن. بيىل ٴبىز تاعى جوعارى مەكتەپ بىتىرگەن 5 وقۋشىنى قىزمەتكە قابىلدادىق، ساياسات اۋىرتپالىقتى جەڭىلدەتتى ٴارى بىزگە جىگەر بەردى“، ـ دەدى شينجياڭ مەينيكاڭ كوز اۋرۋلارى شيپاحاناسى شەكتى سەرىكتەستىگى كادرلار ىستەرىنىڭ جاۋاپتىسى ياڭ فان.
شينجياڭ ساندى مالىمەتتەن بىرگە يگىلىكتەنۋدى كۇشەيتىپ، سالىستىرمالى ساندى مالىمەت ينفورماتسياسىن جولداپ، تۇرلەر بويىنشا شارا اتقارىپ، قوعامدىق قامتاماسىزداندىرۋدىڭ قامتۋ كولەمىن ۇزدىكسىز كەڭەيتتى. ۇكىمەت اتىنان تولەۋ ساياساتىن ۇزدىكسىز تياناقتاندىرىپ، قيىنشىلىعى بار قاۋىمنىڭ اقى تولەۋ اۋىرتپالىعىن جەڭىلدەتتى _
”وتباسىمىزدا قيىنشىلىق بولعان سوڭ، مەن ٴۇرتىس 5 جىل ۇكىمەت اتىنان زەينەتكەرلىك قامسىزداندىرۋ قاراجاتىن تولەۋ ٴتيىمدى ساياساتىنان يگىلىكتەندىم، قازىر قىستاقتا تۇراتىن قىزمەت اترەتى قىزمەت تاۋىپ بەردى، ەندى تۇرمىسىم جاقسارعاننان كەيىن، زەينەتكەرلىك قامسىزداندىرۋ قاراجاتىن ٴوزىم تولەيمىن“، ـ دەدى ونسۋ اۋدانى گۇلاۋات اۋىلى باقچى قىستاعى قىستاق تۇرعىندار كوميتەتىنىڭ اسحاناسىندا قۋىرماش قۋىرىپ جاتقان قىستاق تۇرعىنى گۇلپيام مامەت ٴوزىنىڭ بولاشاق تۋرالى جاڭا ٴۇمىتىن تىلگە تيەك ەتىپ.
”قارتتار مۇگەدەك بالاسىن باعاتىن“، ”ٴبىر وتباسىندا كوپ مۇگەدەك جان بار“ وتباسىلاردىڭ ٴىس جۇزىندىك قيىنشىلىعىن شەشۋ ٴۇشىن، شينجياڭ قوعامدىق قۇتقارۋ ـ كومەكتەسۋ تۇزىمىنە رەفورما جاساپ جانە ونى كەمەلدەندىرىپ، قۇتقارۋ ـ كومەكتەسۋدىڭ قامتۋ كولەمىن اناعۇرلى كەڭەيتىپ، ”جالعىز ادامدىق وتباسى“ بويىنشا ەڭ تومەنگى تۇرمىستى قامتاماسىز ەتۋ كولەمىنە ەنگىزۋدى ٴوتىنىش ەتكەن ەڭ تومەنگى تۇرمىسى قامتاماسىز ەتىلۋدىڭ شەگىندە تۇرعان وتباسىلارىنداعى سالماقتى ناۋقاستار، اۋىر مۇگەدەكتەر قاتارىن ازامات جاسىنا تولعان، جۇمىسسىز قالعان، اۋىر مۇگەدەكتەرگە دەيىن كەڭەيتتى _
”ٴىنىم اي سايىن ەڭ تومەنگى تۇرمىستى قامتاماسىز ەتۋ قاراجاتىن العاننان كەيىن، وتباسىمىزدىڭ اۋىرتپالىعى كوپ جەڭىلدەدى“. 2023 ـ جىلى ازامات جاسىنداعى، جۇمىسسىز قالعان، اۋىر مۇگەدەكتەرگە باعىتتالعان ”جەكە ادامدى قامتاماسىز ەتۋ“ ساياساتىنىڭ تياناقتانىپ اتقارىلۋىنا بايلانىستى، بۋىرشىن اۋدانى بۋىرشىن قالاشىعىندا تۇراتىن ا xتىڭ رۋحاني 2 ـ دارەجەلى مۇگەدەك ٴىنىسى ەڭ تومەنگى تۇرمىستى قامتاماسىز ەتۋ كولەمىنە ەنگىزىلگەننەن كەيىن، وسى وتباسىنىڭ تۇرمىسىندا تاعى ٴبىر قامتاماسىزدىق كوبەيدى.
”بيلىك دەگەنىمىز حالىق، حالىق دەگەنىمىز بيلىك” .“حالىق دەگەن ٴسوزدىڭ تەرەڭ ماعىناسى جاڭا جۇڭگو قۇرىلعان 75 جىلدان بەرى، تيانشان الابىنداعى ٴار ۇلت بۇقاراسىنىڭ باقىتتى تۇرمىسىنىڭ ٴاربىر ساتىندە ايگىلەنۋدە. حالىقتى وزەك ەتۋگە مىقتاپ تاباندى بولعان شينجياڭ امالياتىنان تۋىنداعان كۇشتى جىلى اعىس جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋعا مىزعىماس تەلەگەي كۇش ۇيىستىرۋدا.
