”ۇلتتار ىنتىماعىنىڭ كۇش ـ قۋاتىن تەرەڭ سەزىندىم“
— حۋبەيدە ادىلەت جولىندا ايانباعان شينجياڭدىق جىگىت ٴيۇسۇپجان ابيبوللامەن سۇحبات
انار بۇلت \ شينجياڭ گازەتىنىڭ ٴتىلشىسى ياڭ شۋحان
قاراقاش اۋدانىنداعى 95 ـ جىلدان كەيىن تۋعان جاس ٴيۇسۇپجان ابيبوللا حۋبەي ولكەسىنىڭ جيڭجوۋ قالاسىندا، جيانلي قالاسىندا چاڭجياڭ بويىندا سۋعا ٴتۇسىپ كەتكەن 3 ادامدى ارت ـ ارتىنان قۇتقارىپ الدى. بۇل عانا ەمەس، ٴيۇسۇپجان تاعى سول جەردەگى ”انار ٴدانى“ ەرىكتى قىزمەت وتەۋشىلەر اترەتىنە ٴوتىنىش بەرىپ قوسىلىپ، ٴوز باسىنان ونەگە كورسەتىپ، سان الۋان ەرىكتى قىزمەت وتەۋ قيمىلدارىمەن شۇعىلداندى. ەكى جىلدان بەرى ٴيۇسۇپجان ارت ـ ارتىنان ”حۋبەيدەگى جاقسى ادام“، ”حۋبەي ولكەسى جاستار 4 ـ مامىر مەدالى“، ”حۋبەي ولكەسىنىڭ ٴمورال ۇلگىسى“ سياقتى سيلىق ـ اتاقتارعا يە بولدى ٴارى داڭقپەن ”جۇڭگوداعى جاقسى ادامدار“ تىزىمىنەن كورىندى. 9 ـ ايدىڭ 25 ـ كۇنى ٴتىلشى حۋبەيدە ”اتاعى شىققان“ وسى شينجياڭدىق جىگىتكە تىلشىلىك جاسادى.
”ەكى بىردەي جان يەسى عوي، ەشكىمدى تاستامايمىن“
ٴيۇسۇپجان ابيبوللا بالا كەزىندە اكەسى قايتىس بولىپ، وتباسىنىڭ اۋىر جۇگىن ەرتە باستان ارقالاعان ەدى، وتكەن 10 نەشە جىلدا ول بۇكىل مەملەكەتتىڭ كوپتەگەن جەرىندە بولدى، الايدا، جيانلي قالاسىنىڭ ٴوزىنىڭ ەكىنشى اۋىلى بولىپ قالارىن ويلاماعان ەدى.
2022 ـ جىلى 4 ـ ايدىڭ ٴبىر كۇنى، ٴيۇسۇپجان چاڭجياڭ ٴدارياسى بويىنداعى ٴوزىنىڭ كاۋاپ دۇكەنىندە كادۋەلگىدەي قاربالاس بولىپ جاتقان بولاتىن، كەنەتتەن ٴداريا بويىنان ”بىرەۋ سۋعا ٴتۇسىپ كەتتى! تەزىرەك كەلىپ قۇتقارىڭدار!“ دەپ قۇتقارۋعا شاقىرعان جەدەل داۋىس شىعادى. ول داۋىس شىققان جاققا كوز سالعاندا، ەكى ادامنىڭ سۋ ىشىندە جانتالاسىپ بارا جاتقانىن كورەدى، ٴيۇسۇپجاننىڭ جۇرەگى زۋ ەتە ٴتۇسىپ، دەرەۋ اتىلىپ جەتىپ بارادى. 4 ـ ايداعى ٴداريا سۋىنىڭ سۋىعى سۇيەكتەن وتسە دە، ول تيتتەي دە ٴارى ـ ٴسارى بولماي ـ اق سۋعا سەكىرىپ ٴتۇستى.
كۇنى بۇگىنگە دەيىن، ٴيۇسۇپجان سول كەزدى ويلاسا جۇرەگى ٴالى دۇرسىلدەيتىنىن جاسىرمادى، الايدا ٴومىردى قادىرلەۋ مەن قاستەرلەۋ بارلىعىن باسىپ ٴتۇستى. بىرنەشە جىلدىڭ الدىندا، ول ٴىنىسى روزى ابيبوللامەن بىرگە كاۋاپ دۇكەنىن اشادى، ٴيۇسۇپجان تۇرمىسىمىز بارعان سايىن جاقساراتىن بولدى دەپ وتىرعاندا، روزى ابيبوللا ٴبىر جولى سىرتتا بالىق اۋلاپ ٴجۇرىپ باقىتقا قارسى سۋعا كەتىپ قايتىس بولادى.
”سوندىقتان مەنەن ادام قۇتقارعاندا نە ويلاعانىمدى سۇراساڭىز، ەكى بىردەي جان يەسى عوي، ەشكىمدى تاستامايمىن دەپ ويلادىم“. مۇنداي كەشىرمە ونى ٴار رەتكى ادام قۇتقارۋ بارىسىندا ەشتەڭەدەن تايىنباي العا ۇمتىلۋعا جەتەلەدى. 9 ـ ايدىڭ 23 ـ كۇنى جيانلي قالاسى پۋگۇڭيىڭ مەيىر جەتكىزۋ قوعامىنىڭ ەرىكتىسى بولعان ٴيۇسۇپجان ارنايى اۆتوكولىكپەن جيانلي قالاسى شاڭچى قالاشىعىنىڭ تايپيڭچياۋىنا بارىپ، ٴوزى سۋدان قۇتقارىپ العان ەكى ادامعا امانداسادى.
ٴيۇسۇپجان چاڭجياڭنىڭ بويىندا ەكى كۇن ىشىندە سۋعا ٴتۇسىپ كەتكەن ٴۇش بۇقارانى ەرلىكپەن قۇتقارعان سوڭ، ول وسى وتباسىلارىمەن ەتەنە جاقىن بولىپ كەتەدى، ولار ٴبىر ـ بىرىن تۋىس دەپ قاراۋعا كەلىسەدى. ونىڭ ەرلىك ىزگى ىستەرى لەزدە سول جەرگە كەڭىنەن تارالىپ، ەر جۇرەكتىگى مەن اق پەيىلدىگى جەرگىلىكتى بۇقارانى ەرەكشە اسەرلەندىردى.
”ۇلتتار ىنتىماعىن ٴوز ومىرىمدەي قاستەرلەيمىن“
جيانليدە شارۋاشىلىق قۇرعان العاشقى مەزگىلدە، ٴار جولى ٴتىل جاعىندا اۋىس ـ كۇيىس جاساۋدا كەدەرگىگە جولىققاندا، ول اۋزىن اشپاي جاتىپ، ماڭايىنداعى تانىس كورشىلەرى مەن جول بويىنداعى ىقىلاستى جۇرگىنشىلەردىڭ بارلىعى ىرىقتىلىقپەن كەلىپ اۋدارماشى بولاتىن. ”بۇل عانا ەمەس، ولار تاعى كەزەكتەسە ماعان ىرىقتىلىقپەن مەملەكەتتە ٴبىر تۇتاس قولدانىلاتىن ٴتىلدى ۇيرەتتى، ٴتىپتى تاعى ماعان جەرگىلىكتى ديالەكتتە سويلەۋدى دە ۇيرەتىپ جىبەردى، سوندىقتان قازىر تىڭداساڭىز، مەن قازىر بارىنە سۋداي ٴجۇرىپ تۇرمىن، مۇنىڭ بارلىعى دا كورشىلەردىڭ ارقاسى“، ـ دەدى ٴيۇسۇپجان.
ٴبىر جولى قاريدارمەن اڭگىمەلەسۋ بارىسىندا، قاريدار ٴيۇسۇپجاننىڭ شينجياڭنىڭ حوتانىنان كەلگەندىگىن بىلگەننەن كەيىن قاتتى تاڭ قالىپ: ”سونشا الىستان كەلىپ شارۋاشىلىق قۇرعان ەكەنسىز، قاتتى جاپالى بولعان شىعار؟ بۇدان بىلاي تۋىس ـ تۋعان، دوس ـ جاراندارىما ايتىپ قويايىن، كوبىرەك كەلىپ ساۋداڭىزعا قارايلاسا ٴجۇرسىن“، ـ دەيدى. ٴيۇسۇپجان بىلاي دەيدى: ”وسى مەيىرلى سوزدەردىڭ ٴبارى كوكەيىمە ۇيالادى، ۇلتتار ىنتىماعىنىڭ كۇش ـ قۋاتىن تەرەڭ سەزىندىم“.
شالعايدا جات جەردە جۇرگەنىمەن، ول مەيلى قاسىنداعى ادامدار قانداي قيىنشىلىققا جولىقسا دا سۇيىسپەنشىلىكپەن كومەكتەسىپ، شىن نيەتىمەن ارالاستى، ۋاقىت وتە كەلە ٴيۇسۇپجان جيانلي قالاسىندا ابدەن تابان تىرەپ تياناقتاپ، اس ـ سۋ شارۋاشىلىعى شالقي ٴتۇستى.
ٴيۇسۇپجان ”انار ٴدانى“ ەرىكتى قىزمەت وتەۋشىلەر اترەتىنە ٴوتىنىش ەتىپ قوسىلىپ، قاسىنداعى ٴار ۇلت دوستارىن ەرىكتى قىزمەت وتەۋ قيمىلدارىنا بىرگە قاتىناسۋعا جۇمىلدىردى، ىلگەرىندى ـ كەيىندى 20 مىڭ يۋاننان استام قارجى توپتاپ، قورشاعان ورتا تازالىقشىلارىنان حال سۇرادى، ۇيدە قالعان بالالارعا تالاي رەت ۇيرەنۋ بۇيىمدارىن جەتكىزىپ بەردى، ونىڭ ٴوزى تالاي رەت ۇسىنىس بويىنشا ورتا، باستاۋىش مەكتەپ وقۋشىلارىمەن ادام قۇتقارۋ كەشىرمەسى جونىندە وي ٴبولىسىپ، ۇلتتار ىنتىماعى جونىندە ۇگىت لەكسيا جاسادى.
ٴيۇسۇپجان بىلاي دەيدى: ”جەرگىلىكتى ادامدار ماعان كومەكتەستى، قارايلاستى، مەن دە ٴىس جۇزىندىك ارەكەتىممەن كوپشىلىكتىڭ ٴۇمىتىن اقتاۋىم كەرەك. مەن اناعۇرلىم كوپ ادامدى ۇلتتار ىنتىماعىن ٴوز ومىرىندەي قاستەرلەۋگە جەبەيمىن“.
”ٴبىز 56 ۇلت ٴبىر شاڭىراقتىڭ ادامدارىمىز“
كاۋاپ دۇكەنى ساۋداسىنىڭ كۇن سايىن گۇلدەنۋىنە ىلەسە، ٴيۇسۇپجاننىڭ قوعامنىڭ جاقسىلىعىن وتەۋ بەكىمى دە اناعۇرلىم بەكەمدەلە ٴتۇستى.
ٴيۇسۇپجان ٴوزىنىڭ حيكايالارى ارقىلى اناعۇرلىم كوپ شينجياڭدىق اۋىلداسىن اۋىلدان شىعىپ، حۋبەيگە كەلىپ وراي ىزدەۋگە ىنتالاندىردى. ونىڭ جانە ەكى جەر ۇكىمەتىنىڭ قۇلشىنۋىندا، حۋبەي جيانلي ەكونوميكالىق اشۋ رايونىنداعى شينجياڭدىق قىزمەتكەرلەر اۋەلگى 100 نەشەدەن كوبەيىپ 600 نەشەگە جەتتى. مۇنىڭ ىشىندە سىچۋاڭ ەلەكترون شەكتى سەرىكتەستىگى جيانليدان شىعىپ، قاشقار ايماعىندا قارجى قوسىپ، زاۆود اشىپ، جەرگىلىكتى ورىنداعى 3000نان استام بۇقارانىڭ ”ۇيلەرىنىڭ ماڭىندا“ جۇمىستانۋىن جۇزەگە اسىردى.
ٴيۇسۇپجان تاعى باسىم كوپ زەيىن ـ زەردەسىن جەرگىلىكتى ورىنداعى الەۋمەتتىك يگىلىك ىستەرىنە ارنادى. جيانلي قالاسى پۋگۇڭيىڭ مەيىر جەتكىزۋ قوعامىنا قوسىلعاننان بەرى، ٴوزىنىڭ قانشا رەت مەيىر جەتكىزۋ الەۋمەتتىك قيمىلىنا قاتىناسقانى ەسىندە قالمادى.
”باسقالارعا كومەك قاجەت كەزدە كومەك قول سوزۋ ٴاربىر ادام ىستەۋگە ٴتيىستى ٴىس، ٴبىز 56 ۇلت ٴبىر شاڭىراقتىڭ ادامدارىمىز، ٴوزارا كومەكتەسۋ باس تارتۋعا بولمايتىن جاۋاپكەرشىلىگىمىز“. ٴيۇسۇپجان ٴوزىنىڭ ۇلتتار ىنتىماعى جونىندەگى تۇسىنىگىن وسىلايشا ەڭ قاراپايىم تىلمەن جەتكىزدى.
