گازەتىمىزدىڭ شولۋشىسى
وراي مىقتىلارعا ٴتان، ارا الىس بولعانىمەن، كوڭىل جاقىن. 10 ـ ايدىڭ 14 ـ كۇنى 6 ـ كەزەكتى دۇنيە جۇزىلىك مەديا باسشىلار ٴماجىلىسى ۇرىمجىدە شىمىلدىعىن اشتى. 106 مەملەكەت جانە وڭىردەن كەلگەن نەگىزگى اعىمدىق مەديا، ۇكىمەت تاراۋى سياقتى 208 قۇرىلىم، سونداي ـ اق بىرلەسكەن مەملەكەتتەر ۇيىمى قۇرىلىمدارى مەن حالىقارالىق ۇيىمداردىڭ 500دەن استام ۋاكىلى شينجياڭدا باس قوسىپ، مەديا دامۋىنىڭ الدىڭعى لەكتىك نەگىزگى تاقىرىبى جونىندە اۋىس ـ كۇيىس جاساپ، تالقى وتكىزدى، شىنايى، ستەرەولدى، جان ـ جاقتى جۇڭگونى تانىدى. بۇل الەمدىك مەديا سالاسىنىڭ سالتاناتتى باس قوسۋى ٴارى بۇكىل دۇنيە جۇزىنە جۇڭگونىڭ شينجياڭىن ناقتى تۇسىندىرەتىن ماڭىزدى تەرەزە.
دۇنيە جۇزىلىك مەديا باسشىلار ٴماجىلىسى _ الەمدەگى مەديالاردىڭ سەلبەستىكتى تەرەڭدەتۋىنىڭ، اۋىس ـ كۇيىس جاساپ تىلدەسۋىنىڭ ماڭىزدى تۇعىرى، وركەنيەتتەردىڭ ٴوزارا ۇلگى الۋىن جەبەۋگە، دۇنيە ٴجۇزىنىڭ ورتاق تانىمىن ۇيىستىرۋعا بەلسەندى ۇلەس قوسىپ كەلەدى. وسى كەزەكتى باسشىلار ٴماجىلىسى ٴار ەل مەديالارىنىڭ ينفورماتسيالانۋ داۋىرىندە وزىندىك دامۋدى جۇزەگە اسىرىپ، تۇتاس ادامزاتتىڭ ورتاق قۇندىلىعىن ٴتىپتى دە ويداعىداي ساۋلەلەندىرىپ، ادامزاتتىڭ تاعدىرلاس ورتاق تۇلعاسىن ورناتۋدى جەبەۋىندە اسا ماڭىزدى مانگە يە. جۇڭگو شينجياڭىنىڭ تۇڭعىش رەت وسىنداي كولەمدى حالىقارالىق مەديالار سالتاناتتى جينالىسىن وتكىزۋى ٴارى جۇڭگو شينجياڭىنىڭ دۇنيە جۇزىمەن تىلدەسۋىنە، اۋىس ـ كۇيىس، سەلبەستىك جاساۋىنا جاڭا كوپىر ورناتتى. ٴار ەل مەديالارىنىڭ شينجياڭداعى كوزبەن كورىپ، قۇلاقپەن ەستىگەندەرىنىڭ، ٴىشىنارا باتىس مەديالارىنىڭ شينجياڭ جونىندەگى سىڭار جاقتىلى كوزقاراسىن، ٴسوزسىز، پارمەندى تۇردە وزگەرتە الاتىندىعى داۋسىز. سونىمەن بىرگە بۇكىل دۇنيە جۇزىندەگى مەديالاردىڭ اپپارات كوزى الدىندا جۇڭگونىڭ شينجياڭى اشىق، سەنىمدى بەينەسىن ايگىلەي تۇسەتىن بولادى.
بۇگىنگى تاڭداعى شينجياڭ ەسىكتى اشىق ۇستاعاندىعى سەبەپتى سەنىمدى. تاريحقا قايىرىلا قاراعانىمىزدا، جىبەك جولى جۇڭگو مەن دۇنيە ٴجۇزىن ٴوزارا بايلانىستىردى، ”دۇنيە جۇزىندەگى ٴتورت ۇلكەن وركەنيەت“ شينجياڭدا توعىسىپ، ٴوزارا ۇلگى الىپ، ادامزات وركەنيەتىنىڭ گۇلدەنۋىنىڭ ايبىندى تاراۋىن جازدى. قازىرگى جاڭا تاريحي ورىندى تياناق ەتىپ، جۇڭگونىڭ سىرتقا ەسىكتى ونان ارى ايقارا اشۋىنىڭ، ”ٴبىر بەلدەۋ، ٴبىر جولدى“ بىرگە قۇرۋدىڭ ۇزدىكسىز تەرەڭدەۋىنە ساي، شينجياڭنىڭ ”5 وتكەلى 8 ەلگە تۇتاسقان، ٴبىر جولى ەۆروپا مەن ازيانى جالعاعان“ وزگەشە وڭىرلىك ورىن باسىمدىعى ٴتىپتى دە كورنەكتىلەنە ٴتۇستى. مەملەكەت جالپى جاعدايىنداعى ستراتەگيالىق ورنىن كوزدەگەن شينجياڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، دامۋ مەن حاۋىپسىزدىكتى، ەسىك اشۋ مەن ورنىقتىلىقتى ٴبىر تۇتاس جوسپارلاپ، ٴىس جۇزىندىكتى شىعار ٴتۇيىن ەتىپ جوعارى دەڭگەيدەگى سىرتقا ەسىك اشۋدى ىلگەرىلەتىپ، ”ٴبىر بەلدەۋ،ٴ بىر جول“ وزەكتى رايون قۇرىلىسىن جەدەلدەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنىڭ جاڭا بەينەنى ايگىلەۋىن جەبەدى.
بۇگىنگى تاڭداعى شينجياڭ وزىنە سەنىمدى بولعاندىعى ٴۇشىن ەسىكتى اشىق ۇستادى. قازىرگى تاڭدا شينجياڭدا قوعام ورنىقتى، ەكونوميكا گۇلدەنگەن، ٴار ۇلت حالقى تىنىش ٴومىر، شات ـ شادىمان تىرشىلىك كەشىرىپ، دامۋ جاعدايى ۇزدىكسىز جاقسارۋعا قاراي بەت الۋدا. الايدا حالىقارادا جۇڭگوعا قارسى ٴىشىنارا كۇشتەر شىندىقپەن ساناسپاي، جۇڭگونىڭ شينجياڭىندا ”ٴناسىل جويۋ“، ”زورلىقپەن ەڭبەككە سالۋ“ جايتى بار دەگەن سياقتى قۇيداي وتىرىكتى قاساقانا ويدان ويىپ شىعارىپ، جات نيەتپەن سىڭار جاقتى جازالاۋ جۇرگىزدى، ولاردىڭ ٴتۇپ ماقساتى _ شينجياڭداعى ٴار ۇلت حالقىن كەدەي، مەشەۋ كۇيگە ٴتۇسىرۋ، سول ارقىلى ”شينجياڭ ارقىلى جۇڭگونى شاۋجايلاۋ“ قاسكۇنەمدىگىن جۇزەگە اسىرۋ. شىندىقتىڭ الدىندا وتىرىكتىڭ وزدىگىنەن ـ اق تاس ـ تالقانى شىعادى، اۆتونوميالى رايوندىق ەكى ٴماجىلىس شەتەلدىك قوناقتاردى سىرتتاي تىڭداۋعا، شەتەل مەديالارىن حابارلاۋعا ۇسىنىس ەتتى، ٴتۇرلى مادەنيەت اۋىس ـ كۇيىس قيمىلدار جانە حالىقارالىق ماجىلىستەر وتكىزىپ، شەتەلدىك مامانداردى، وقىمىستىلاردى ناقتى ورىندا تەكسەرۋگە ۇسىنىس ەتتى، وزىنە سەنىمدى شينجياڭ كەڭ دە ىقىلاستى قۇشاعىن جايىپ، رياسىز، شىنايى، اشىق پوزيتسيامەن بۇكىل دۇنيە جۇزىندەگى دوستاردىڭ گۇلدەنىپ دامىعان، ۇلتتارى ىنتىماقتى، قوعامى جاراسىمدى شينجياڭدى تىكەلەي سەزىنۋلەرىن قارسى الدى.
مەديا _ جۇرت تىلەگىنىڭ توعىسۋىن جەبەيتىن كوپىر، دانەكەر، وسى رەتكى باسشىلار ٴماجىلىسى ٴدال جۇڭگونى ٴتۇسىنۋدىڭ، شينجياڭدى ٴتۇسىنۋدىڭ ورايلى ٴساتى. باس شۋجي شي جينپيڭ مەن پارتيا ورتالىق كوميتەتىنىڭ شىنايى قامقورلىعىنىڭ، ورتالىقتىڭ جانە ٴارقايسى شينجياڭعا كومەكتەسكەن ولكە، قالالاردىڭ بارىنشا قولداۋىنىڭ، قالتقىسىز كومەگىنىڭ، تۇتاس رايونداعى ٴار ۇلت بۇقاراسىنىڭ ىنتىماقتاسا كۇرەس جۇرگىزۋىنىڭ ارقاسىندا، شينجياڭ ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا بۇرىن بولماعان تابىستارعا قول جەتكىزدى. شينجياڭنىڭ دامۋ امالياتى مىنانى تولىق دالەلدەدى: جۇڭگو كوممۋنيستىك پارتياسىنىڭ باسشىلىعى مەن سوتسياليستىك ٴتۇزىم كورنەكتى ارتىقشىلىققا يە، جۇڭگو كوممۋنيستىك پارتياسىنىڭ ۇلت جانە ٴدىن ساياساتى ٴىس جۇزىندىككە ۇيلەسەدى، حالىق تىلەگىنە باپ كەلەدى، شينجياڭداعى ٴار ۇلت حالقى ٴومىر ٴسۇرۋ ۇقىعى، دامۋ ۇقىعى سياقتى ٴتۇرلى ۇقىقتاردان تولىق يگىلىكتەنىپ وتىر. وبيەكتيۆ، ٴادىل تۇرعى ۇستانىپ، اقپارات ەتيكاسىنا تاباندى بولىپ، مەديا قۇندىلىعىن ساۋلەلەندىرگەندە، ٴار ەل مەديالارى، ٴسوزسىز، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ٴومىر، شات ـ شادىمان تىرشىلىك كەشىرگەن، ەكولوگياسى تاماشا كورىكتى شينجياڭدى ايگىلەيتىن بولادى.
100 جىلدىق وزگەرىس جاعدايىندا، بۇكىل الەم بەينەت پەن قايعىنى تەڭ كورىپ، ادامزات تاعدىرلاس بولدى، دۇنيە جۇزىلىك مەديا باسشىلار ٴماجىلىسىنىڭ وسى ساتتە اشىلۋىنىڭ ماقساتى _ ادامزاتتىڭ تاعدىرلاس ورتاق تۇلعاسىن ورناتۋدى، اناعۇرلىم كوركەم دۇنيە ٴجۇزىن قۇرۋدى جەبەۋگە قۋاتتى مەديا كۇشىن ۇيىستىرۋ. بۇگىنگى باسشىلار ٴماجىلىسى حالىقارالىق قوعامعا ورنىقتى، گۇلدەنگەن، ومىرشەڭدىك كۇشكە تولى، اشىق تا سەنىمدى كورىكتى شينجياڭدى اناعۇرلىم جان ـ جاقتى، وبيەكتيۆ تۇردە تۇسىندىرەدى جانە تانىتادى، ەرتەڭگى شينجياڭنىڭ، ٴسوزسىز، ٴتىپتى دە اشىق، سەنىمدى بەينەمەن جاڭا ورايدى قارسى الىپ، جاڭا دامۋدى جۇزەگە اسىرا الاتىندىعىنا سەنەمىز.
