ورتالىق كوميتەت كەڭسەسى، مەملەكەتتىك كەڭەس كەڭسەسى «پىكىر» باسىپ تاراتتى
دوكتور اسپيرانت وقۋ ـ اعارتۋىنىڭ جوعارى ساپالى دامۋىن جەدەل ىلگەرىلەتۋ كەرەك
شينحۋا اگەنتتىگىنىڭ 10 ـ ايدىڭ 20 ـ كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «دوكتور اسپيرانت وقۋ ـ اعارتۋىنىڭ جوعارى ساپالى دامۋىن جەدەل ىلگەرىلەتۋ جونىندەگى پىكىردى» (تومەندە قىسقارتىلىپ «پىكىر» دەلىنەدى) باسىپ تاراتىپ، دوكتور اسپيرانت وقۋ ـ اعارتۋى كەشەندى رەفورماسىن ٴۇرتىس تەرەڭدەتۋ جونىندە جۇيەلى ورنالاستىرۋ جاسادى.
«پىكىردە» مىنالار اتاپ كورسەتىلدى: دوكتور اسپيرانت وقۋ ـ اعارتۋى حالىق وقۋ ـ اعارتۋىنىڭ ەڭ جوعارى ساتىسى، مەملەكەتتىڭ جاڭالىق اشۋ جۇيەسىنىڭ شەشۋشى تىرەگى. دوكتور اسپيرانت وقۋ ـ اعارتۋىنىڭ جوعارى ساپالى دامۋىن جەدەل ىلگەرىلەتۋدە شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ٴمورال ارقىلى تاربيەلەۋگە، سۇرانىسقا قىزمەت وتەۋگە، رەفورما جاساۋعا، جاڭالىق اشۋعا، ەسىك اشۋعا، توعىستىرۋعا تاباندى بولىپ، كولەمىن كەڭەيتۋ مەن ماندىك قۇرىلىستى سايكەستىرۋدى ىلگەرىلەتىپ، جۇڭگوشا ەرەكشەلىككە يە، دۇنيە جۇزىندە بىرەگەي دوكتور اسپيرانت وقۋ ـ اعارتۋى جۇيەسىن تۇلعالاپ، دۇنيە جۇزىندەگى ماڭىزدى دوكتور اسپيرانت وقۋ ـ اعارتۋى ورتالىعىن جەدەل قۇرىپ، مەملەكەتتىڭ ستراتەگيالىق دارىندىلارى مەن شۇعىل قاجەتتى، ەرەكشە تاپشى دارىندىلارىن نىسانالى باۋلىپ، دۇنيە جۇزىندەگى ماڭىزدى دارىندىلار ورتالىعى مەن جاڭالىق اشۋ بيىگىن قۇرۋعا، جوعارى دەڭگەيلى عىلىم ـ تەحنيكادا ٴوز كۇشىنە سۇيەنۋگە، ٴوزىن الۋەتتەندىرۋگە، جاپپاي سوتسياليستىك وسىزاماندانعان قۇدىرەتتى ەل قۇرۋعا پارمەندى تىرەك ازىرلەۋ كەرەك.
«پىكىردە» مىنالار اتاپ كورسەتىلدى: ٴپان ـ ماماندىق جۇيەسىن كەمەلدەندىرىپ، مەملەكەتتىڭ ستراتەگيالىق دارىندىلارىن باۋلۋدىڭ كورەگەندىكپەن ورنالاستىرىلۋىن كۇشەيتۋ كەرەك. ٴپان ـ ماماندىقتار ورنالاسىمىن ساپالىلاندىرىپ، مەملەكەتتىڭ قاجەتىنە دەر كەزىندە ٴۇن قوساتىن ٴپان ـ ماماندىق ورنالاستىرۋ، قۇرۋ جانە رەتتەۋ مەحانيزمىن كەمەلدەندىرىپ، جاراتىلىستىق عىلىمدار، اۋىل شارۋاشىلىعى، مەديتسينا جانە نەگىزدىك پاندەر، جاڭادان گۇلدەنگەن پاندەر، ايقاسپالى پاندەر عىلمي اتاعىن بەرۋ وكىلەتتىك تۇيىندەرى قۇرىلىسىن كۇشەيتىپ، دوكتور كاسىپتىك عىلمي اتاعىن وكىلەتتى بەرۋ تۇيىندەرىنىڭ يەلەيتىن سالىستىرماسىن جوعارىلاتىپ، شەشۋشى سالالاردىڭ ٴپان ـ ماماندىق قۇرىلىسىن جەدەلدەتىپ، پاندەردىڭ ايقاسپالى، توعىسپالى دامۋىن كۇشەيتۋ كەرەك. باۋلۋ تارتىپتەرىن، فاكتورىن جاڭالاپ، دارىندىلاردى دەربەس باۋلۋ ساپاسىن جاپپاي جوعارىلاتۋ كەرەك. يدەيالىق ـ ساياسي جەتەكشىلىكتى كۇشەيتىپ، وقۋشى قابىلداۋدى باسقارۋ ۇلگىسىنە رەفورما جاساپ، باۋلۋ بارىسىن ساپالىلاندىرىپ، ٴبولۋدى، شەگىنۋدى جانە كوپ باعىتتى تاڭداۋدى كۇشەيتىپ، عىلمي اتاق پەن كاسىپتىك اتاق بويىنشا باۋلۋدى تۇرگە ٴبولىپ دامىتۋدىڭ، اينالىمعا ٴتۇسىرۋدىڭ جاڭاشا مەحانيزمىن ورناتۋ جونىندە ىزدەنىس جاساپ، باعالاۋ جۇيەسىن كەمەلدەندىرىپ، جوعارى دەڭگەيلى جەتەكشى ۇستازدار قوسىنىن قۇرىپ، حالىقارالىق اۋىس ـ كۇيىستى، سەلبەستىكتى تەرەڭدەتۋ جانە وعان جاڭالىق ەنگىزۋ كەرەك. سايكەستىرۋ مەحانيزمىن قايتا ورناتىپ، تاڭداۋلى جاڭاشىل دارىندىلاردى باۋلۋ قابىلەتىن جوعارىلاتۋ كەرەك. عىلىم مەن وقىتۋدى توعىستىرۋدىڭ ومىرشەڭدىك كۇشىن قاۋلاتىپ، ٴوندىرىس پەن وقىتۋدى توعىستىرۋدىڭ قوزعاۋشى قۋاتىن جانداندىرىپ، ٴوڭىردىڭ جاڭالىق اشا دامۋىنا قۋات ۇستەپ، وقۋ ـ اعارتۋ تىزبەگىنىڭ، دارىندىلار تىزبەگىنىڭ جانە كاسىپ سالاسى تىزبەگىنىڭ، جاڭالىق اشۋ تىزبەگىنىڭ ورگانيكالى ٴتۇيىلىسۋىن ىلگەرىلەتۋ كەرەك.
«پىكىردە» مىنالار باسا دارىپتەلدى: بايلىقتى ورنالاستىرۋدى ساپالىلاندىرىپ، ٴبىر تۇتاس جوسپارلاپ باسشىلىق ەتۋدى كۇشەيتۋ كەرەك. دوكتور اسپيرانت وقۋ ـ اعارتۋىنا ۇسىنىلىم سەرپىنىن ارتتىرىپ، ورنىقتى قولداۋ كورسەتۋ مەحانيزمىن ورناتۋ، اقاۋسىزداندىرۋ كەرەك. شارت ـ جاعدايى بار وڭىرلەر مەن باۋلۋ ورىندارىنىڭ رەفورما سىناق تۇيىندەرىن الدىمەن اتقارۋىنا، الدىمەن سىناق ەتۋىنە، تۇرگە، توپقا ٴبولىپ ورىستەتۋىنە قولداۋ كورسەتۋ كەرەك.
