جۇڭگو كوممۋنيستىك پارتياسى ورتالىق كوميتەتى ساياسي بيۋروسى ٴماجىلىس اشتى
«20 ـ كەزەكتى ورتالىق كوميتەتتىڭ 3 ـ رەتكى شارلاۋ جاعدايى جونىندەگى جالپىلىق باياندامانى» قارادى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى
شينحۋا اگەنتتىگىنىڭ 10 ـ ايدىڭ 28 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 10 ـ ايدىڭ 28 ـ كۇنى ٴماجىلىس اشىپ، «20 ـ كەزەكتى ورتالىق كوميتەتتىڭ 3 ـ رەتكى شارلاۋ جاعدايى جونىندەگى جالپىلىق باياندامانى» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى.
ٴماجىلىس مىنالاردى اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شارلاۋ قىزمەتى وزەكتى ارقاۋ ەتۋگە، كەلەلى جاعدايعا قىزمەت وتەۋگە تاباندى بولىپ، ماسەلەنى باعدار ەتۋدى كورنەكتىلەندىرىپ، قاتاڭدىق نەگىزگى اۋەنىن دايەكتىلەندىرىپ، ۇيىمدىق تاسىلدە جاڭالىق اشىپ، جوعارى مەن تومەننىڭ بىرلەسىپ ارەكەتتەنۋىن تەرەڭدەتىپ، وتكىر سەمسەرلىك رولىن ٴۇرتىس ايگىلەدى. شارلاۋ جاعدايىنان قاراعاندا، ورتالىق پەن مەملەكەت ورگاندارىنىڭ، ورتالىق باسقاراتىن فينانس ورىندارىنىڭ پارتيا قۇرىلىسى كۇشەيتىلىپ، ٴتۇرلى قىزمەتتەردە تىڭ تابىسقا قول جەتكەنىمەن، الايدا ٴىشىنارا ماسەلەلەر دە ورىن تەۋىپ وتىر. شارلاۋ بويىنشا رەتتەۋ ـ تۇزەتۋدى قاتاڭ، مۇقيات ويداعىداي يگەرىپ، ”ٴبىرىنشى باسشىنىڭ“ جانە باسشىلىق القاسى مۇشەلەرىنىڭ ساياسي جاۋاپكەرشىلىگىن كۇشەيتىپ، شارلاۋ بويىنشا رەتتەۋ ـ تۇزەتۋ جونىندەگى ۇيىمداستىرىپ ٴبىر تۇتاس جوسپارلاۋدى جانە كۇندەلىكتى باقىلاۋدى كۇشەيتىپ، شارلاۋ بويىنشا رەتتەۋ ـ تۇزەتۋدى رەفورمانى تەرەڭدەتۋمەن ۇشتاستىرىپ، پارتيانى جاپپاي قاتاڭ باسقارۋمەن ۇشتاستىرىپ، باسشىلىق القاسى جانە كادرلار قوسىنى قۇرىلىسىمەن ۇشتاستىرىپ، كۇندەلىكتى قىزمەتپەن توعىستىرىپ، فۋنكتسيامەن، مىندەت جاۋاپكەرشىلىگىمەن توعىستىرىپ، رەتتەۋ ـ تۇزەتۋدىڭ ناقتى ونىمدىلىگى ارقىلى جوعارى ساپالى دامۋدى ىلگەرىلەتۋ كەرەك.
ٴماجىلىس مىنالاردى باسا دارىپتەدى: ٴار دارەجەلى پارتكومدار (پارتيا باسشىلىق گرۋپپاسى) ساياسي دەڭگەيدى ۇزدىكسىز جوعارىلاتىپ، مىندەت وتەۋدەگى ساياسي جاۋاپكەرشىلىك ارقالاۋدى كۇشەيتىپ، باتىلدىقپەن ٴىس تىندىرىپ، شەبەرلىكپەن ىسكەرلىك كورسەتىپ، قامال الىپ قيىندىقتى جەڭىپ، ىرىقتىلىقپەن پارتيانىڭ قامىن جەۋى، مەملەكەت ٴۇشىن جاۋاپكەرشىلىكتى ادا ەتۋى كەرەك. پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ ورنالاستىرۋلارىن مۇقيات دايەكتىلەندىرىپ، رەفورما مىندەتتەرىنىڭ تياناقتانۋىن شەگە قاعۋ رۋحىمەن ويداعىداي يگەرۋ كەرەك. تاۋقىمەت تانىمىن كۇشەيتىپ، دامۋ مەن حاۋىپسىزدىكتى ويداعىداي ٴبىر تۇتاس جوسپارلاپ، ٴتۇيىندى سالالارداعى حاۋىپ ـ قاتەرلەردەن كۇش سالا ساقتانىپ جانە ونى جويىپ، حاۋىپسىزدىك تومەنگى شەگىن مىقتاپ ساقتاۋ كەرەك. باسشىلىق القاسى قۇرىلىسىن كۇشەيتىپ، دەموكراتيالىق ورتالىقتاندىرۋ ٴتۇزىمىن قاتاڭ اتقارىپ، باسشى كادرلاردىڭ شىعا دا الاتىن، تۇسە دە الاتىن بولۋىن ىلگەرىلەتىپ، ۇيىستىرۋ قۋاتىن، جاۋىنگەرلىك قۋاتىن ۇزدىكسىز كۇشەيتۋ كەرەك. شىرىكتەسۋگە قارسى تۇرۋ كۇرەسىنىڭ جاعدايىن سەرگەكتىكپەن تانىپ، پارتيانى جاپپاي قاتاڭ باسقارۋدى ىشكەرىلەي ىلگەرىلەتىپ، تۇبەگەيلى وزىنە ـ ٴوزى توڭكەرىس جاساۋ رۋحىمەن شىرىكتەسۋگە قارسى تۇرۋ كۇرەسىن سوڭىنا دەيىن جۇرگىزىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ٴبىر تۇلعالاندىرا ىلگەرىلەتۋگە تاباندى بولىپ، ۇستىنەن وڭاۋ مەن تۇبىرىنەن وڭاۋدى، جۇيەلى وڭاۋدى تەرەڭدەتىپ، شىرىكتەسۋدى جازالاۋدىڭ تەگەۋرىندى كۇيىن ٴۇرتىس ساقتاپ، ۇقىقتى ۇلەستىرۋدى جانە جۇرگىزۋدى تەجەۋ مەحانيزمىن ۇزدىكسىز كەمەلدەندىرىپ، شىرىكتەسۋدىڭ تۋىلاتىن توپىراعى مەن شارت ـ جاعدايىن كۇش سالا الاستاپ، شىرىكتەسۋ ماسەلەسىنەن ساقتانۋدىڭ جانە ونى جونگە سالۋدىڭ ۇدايىلانۋىن، ۇزاق ۋاقىت ٴونىمدى بولۋىن جەبەۋ كەرەك.
ٴماجىلىس باسقا دا ىستەردى اقىلداستى.
