شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 17 ـ رەتكى توپتىق ۇيرەنۋىندە بىلاي دەپ باسا دارىپتەدى
مادەنيەتتە قۋاتتى ەل قۇرۋ ستراتەگيالىق نىساناسىن كوزدەپ، جاڭا داۋىردەگى جۇڭگوشا سوتسياليستىك مادەنيەتتى ۇزدىكسىز دامىتۋ كەرەك
شينحۋا اگەنتتىگىنىڭ 10 ـ ايدىڭ 28 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 10 ـ ايدىڭ 28 ـ كۇنى تۇستەن كەيىن مادەنيەتتە قۋاتتى ەل قۇرۋ جونىندە 17 ـ رەتكى توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: 2035 ـ جىلى مادەنيەتتە قۋاتتى ەل قۇرۋ ستراتەگيالىق نىساناسىن كوزدەپ، ماركسيزم سىندى ٴتۇبىرلى جەتەكشى يدەياعا تاباندى بولىپ، ۇشان ـ تەڭىز جۇڭحۋا وركەنيەتىنە تامىر تارتىپ، ينفورماتسيا تەحنيكاسىنىڭ دامۋ اعىمىنا ۇيلەسىپ، قۇدىرەتتى يدەيالىق جەتەكشىلىك ەتۋ قۋاتىنا، رۋحاني ۇيىستىرۋ قۋاتىنا، قۇندىلىق باۋراۋ قۋاتىنا، حالىقارالىق ىقپالعا يە جاڭا داۋىردەگى جۇڭگوشا سوتسياليستىك مادەنيەتتى ۇزدىكسىز دامىتىپ، حالىقتىڭ رۋحاني كۇشىن ۇزدىكسىز نىعايتىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ مادەنيەت نەگىزىن بەكەمدەۋ كەرەك.
بەيجيڭ داشۋەسىنىڭ ورىنباسار باستىعى، پروفەسسور ۋاڭ بو جولداس وسى ماسەلە جونىندە تۇسىنىك جاساپ، قىزمەت ۇسىنىسىن ورتاعا قويدى. ورتالىق كوميتەت ساياسي بيۋروسىنداعى جولداستار تۇسىندىرمەنى مۇقيات تىڭدادى ٴارى تالقى جۇرگىزدى.
شي جينپيڭ تۇسىنىك پەن تالقىنى تىڭداعاننان كەيىن ماڭىزدى ٴسوز سويلەدى. ول بىلاي دەپ اتاپ كورسەتتى: پارتيا 18 ـ قۇرىلتايىنان بەرى ٴبىز مادەنيەت قۇرىلىسىن ەل باسقارۋدا كورنەكتى ورىنعا قويۋعا تاباندى بولىپ، ٴبىر قىدىرۋ كەلەلى ورنالاستىرۋلار جاساپ، جاڭا داۋىردەگى جۇڭگوشا سوتسياليستىك مادەنيەت يدەياسىن قالىپتاستىرىپ، مادەنيەت قۇرىلىسىنىڭ توركىنىن تۇزەپ قاينارىن تازارتۋدا، تۋراشىلدىقتان اينىماي جاڭالىق اشۋدا تاريحي تابىستارعا قول جەتكىزۋىن ىلگەرىلەتىپ، سوتسياليستىك مادەنيەتتە قۋاتتى ەل قۇرىلىسىندا نىق قادام تاستادىق.
شي جينپيڭ بىلاي دەپ باسا دارىپتەدى: جۇڭگوشا سوتسياليستىك مادەنيەتتى دامىتۋ جولىمەن بۇلجىماي ٴجۇرۋ كەرەك. پارتيانىڭ باسشىلىعىنا تاباندى بولىپ، ينفورماتسيالاندىرۋ شارت ـ جاعدايىنداعى مادەنيەت سالاسىن باسقارۋ قابىلەتىن جوعارىلاتىپ، پارتيانىڭ بيلىك جۇرگىزۋ نەگىزى مەن بۇقارالىق نەگىزىن يدەيالىق جاقتان، رۋحاني جاقتان، مادەنيەت جاعىنان بەكەمدەۋ كەرەك. ماركسيزمنىڭ يدەولوگيا سالاسىنداعى جەتەكشىلىك ورنى سىندى ٴتۇبىرلى تۇزىمگە تاباندى بولىپ، جاڭا داۋىردەگى جۇڭگوشا سوتسياليستىك مادەنيەت يدەياسىن جاپپاي دايەكتىلەندىرىپ، وسىزاماندانۋعا بەت العان، دۇنيە جۇزىنە بەت العان، بولاشاققا بەت العان، ۇلتتىق، عىلمي، بۇقارالىق سوتسياليستىك مادەنيەتتى دامىتۋ كەرەك. سوتسياليستىك وزەكتى قۇن كوزقاراسىن جەتەكشى ەتۋگە تاباندى بولىپ، جۇڭگو رۋحىن، جۇڭگو قۇنىن، جۇڭگو كۇشىن ۇزدىكسىز ورناتىپ، نەگىزگى اعىمدىق قۇندى، نەگىزگى اعىمدىق قوعامدىق پىكىردى، نەگىزگى اعىمدىق مادەنيەتتى دامىتۋ، زورايتۋ كەرەك.
شي جينپيڭ بىلاي دەپ اتاپ كورسەتتى: تۇتاس ۇلتتىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭ كۇشىن كۇش سالا قاۋلاتۋ كەرەك. حالىقتى وزەك ەتكەن جاسامپازدىق بەتالىسىنا تاباندى بولىپ، قوعامدىق ونىمدىلىكتى ماڭداي الدى ورىنعا قويۋعا، قوعامدىق ونىمدىلىك پەن ەكونوميكالىق ونىمدىلىكتى ٴوزارا ۇشتاستىرۋعا تاباندى بولىپ، جاڭالىق اشۋ، جاسامپازدىق جاراتۋ ومىرشەڭ كۇشىن تاسقىنداتۋدى مادەنيەت ٴتۇزىلىس ـ مەحانيزمى رەفورماسىن تەرەڭدەتۋدىڭ وزەكتى بۋىنى ەتىپ، مادەنيەتتى باسقارۋ ٴتۇزىلىسى مەن ٴوندىرىس ـ شارۋاشىلىق مەحانيزمىن جەدەل كەمەلدەندىرۋ كەرەك. مادەنيەتتەگى ٴتول جاسامپازدىق قابىلەتتى جوعارىلاتۋدى ارقاۋ ەتىپ، ادەبيەت ـ كوركەمونەر جاسامپازدىعىنا قىزمەت وتەۋ، جەتەكشىلىك ەتۋ، ۇيىمداستىرۋ قىزمەت مەحانيزمىن جاقسارتىپ، جۇرت جۇرەگىنە تەرەڭ ۇيالايتىن ٴبىر توپ داۋىرلىك كلاسسيكالىق شىعارمانى دۇنيەگە اكەلىپ، جۇڭحۋا مادەنيەتىنىڭ تىڭ بيىگىن تۇلعالاۋ كەرەك. تاماشا مادەنيەت ەكولوگياسىن بەلسەنە قالىپتاستىرىپ، ٴىلىم دەموكراتياسىن، ادەبيەت ـ كوركەمونەر دەموكراتياسىن تولىق ساۋلەلەندىرىپ، جازۋشىلاردىڭ، كوركەمونەرشىلەردىڭ جانە مامان ـ وقىمىستىلاردىڭ تۇرمىسقا تامىر تارتۋىنا، دەن قويا جاسامپازدىق جاراتۋىنا قولداۋ كورسەتىپ، مادەنيەتتە جاڭالىق اشۋدىڭ، جاسامپازدىق جاراتۋدىڭ ومىرشەڭ كۇشىن ۇزدىكسىز تاسقىنداتۋدى ىلگەرىلەتۋ كەرەك. مادەنيەت پەن عىلىم ـ تەحنيكانى توعىستىرۋدىڭ ٴونىمدى مەحانيزمى جونىندە ىزدەنىس جاساپ، مادەنيەت قۇرىلىسىندا سيفرلانىپ قۋات ۇستەۋدى، ينفورماتسيالاندىرىپ بۇرىلىس جاساۋدى جۇزەگە اسىرىپ، مادەنيەت بايلىعى باسىمدىعىن مادەنيەتتىڭ دامۋ باسىمدىعىنا اينالدىرۋ كەرەك.
شي جينپيڭ بىلاي دەپ باسا دارىپتەدى: مادەنيەت قۇرىلىسىندا ادامدى كوزدە ۇستاۋعا، ادامدى تياناق ەتۋگە باستان ـ اياق تاباندى بولۋ كەرەك. حالىق بۇقاراسىنىڭ الۋان ٴتۇرلى، كوپ ساتىلى، كوپ جاقتى رۋحاني مادەنيەت قاجەتىن قاناعاتتاندىرۋدى كوزدە ۇستاي وتىرىپ، مادەنيەتتىك قىزمەت وتەۋ جانە مادەنيەت ونىمدەرىمەن قامداۋ قابىلەتىن جوعارىلاتىپ، حالىق بۇقاراسىنىڭ مادەنيەت تابىس سەزىمىن، باقىت سەزىمىن كۇشەيتۋ كەرەك. مادەنيەتتىڭ ەرىك ـ جىگەردى جەتىلدىرۋ، مىنەز ـ قۇلىقتى جەتىلدىرۋ رولىن ساۋلەلەندىرۋگە ٴمان بەرىپ، بۇكىل ۇلتتىڭ تاسقىنداعان رۋحاني قاسيەتىن جەتىلدىرۋ كەرەك. دارىندىلاردىڭ ٴوسىپ ـ جەتىلۋ زاڭدىلىعىنا قۇرمەت ەتىپ، مادەنيەت سالاسىنىڭ ەرەكشەلىگىنە ۇيلەسەتىن دارىندىلاردى تاڭداپ ٴوسىرۋ، جەتىلدىرۋ، ىستەتۋ، شابىتتاندىرۋ مەحانيزمىن كەمەلدەندىرىپ، دارىندىلاردى تاني بىلەتىن، دارىندىلارعا ٴمان بەرەتىن، دارىندىلاردى ايالايتىن تاماشا ساياساتتىق ورتا قالىپتاستىرىپ، كولەمى زور، قۇرىلىمى ۇيلەسىمدى، باتىلدىقپەن جاڭالىق اشاتىن جوعارى دەڭگەيدەگى مادەنيەت دارىندىلارى قوسىنىن قۇرۋ كەرەك.
شي جينپيڭ بىلاي دەپ اتاپ كورسەتتى: جاسامپازدىقپەن كادەگە جاراتۋ جانە جاڭالىق اشا دامىتۋ بارىسىندا جۇڭحۋانىڭ مادەنيەت تامىرىن جالعاستىرۋ كەرەك. جۇڭحۋا ۇلتىنىڭ مادەنيەتتەگى نەگىزگى تۇلعالىق سيپاتىن اسقاقتاتىپ، تار جول، تايعاق كەشۋلەردى وتكەرىپ وسى كۇنگە جەتكەن جۇڭحۋا وركەنيەتىنىڭ جاۋھارىن ويداعىداي قورعاپ، ويداعىداي اسقاقتاتىپ، ويداعىداي دامىتۋ كەرەك. جۇڭحۋانىڭ تاڭداۋلى ٴداستۇرلى مادەنيەتىنىڭ رۋحاني ٴمانىن ىشكەرىلەي اشىپ جانە بايىمداپ، ماركسيزم ارقىلى جۇڭحۋانىڭ ٴداستۇرلى مادەنيەتىندەگى تاڭداۋلى فاكتورلاردى جانداندىرىپ ٴارى وعان جاڭا داۋىرلىك ٴمان بەرىپ، جاڭا داۋىردەگى جۇڭگوشا سوتسياليستىك مادەنيەتتى دامىتۋ كەرەك. تاريحقا قۇرمەت ەتۋ، مادەنيەتتى قىزۋ ٴسۇيۋ پەيىلىمەن قورعاۋدى ٴبىرىنشى ورىنعا قويۋ، ۇيلەسىمدى پايدالانۋ جانە ەڭ از كيلىگۋ پرينسيبىنە تاباندى بولىپ، مادەنيەت مۇرالارىن جۇيەلى قورعاۋدى جانە ونى ٴبىر تۇتاس باقىلاپ ـ باسقارۋدى ىلگەرىلەتۋ كەرەك. مادەنيەت مۇرالارىن قورعاۋ، جالعاستىرۋ ٴتۇزىلىس ـ مەحانيزمىن اقاۋسىزداندىرىپ، زاڭ ەرەجە، ٴتۇزىم جۇيەسىن جەدەل كەمەلدەندىرۋ كەرەك.
شي جينپيڭ بىلاي دەپ باسا دارىپتەدى: مەملەكەتتىڭ مادەنيەت جۇمساق كۇشى مەن جۇڭحۋا مادەنيەتىنىڭ ىقپال كۇشىن ۇزدىكسىز جوعارىلاتۋ كەرەك. حالىقارالىق تاراتۋ ارناسىن قايتا قۇرۋدى ىلگەرىلەتىپ، ينتەرنەتتىك سىرتقى ۇگىتتى جاڭالىق اشا ورىستەتىپ، كوپ ارنالى، ستەرەولدى سىرتقا تاراتۋ ارناسىن قالىپتاستىرۋ كەرەك. اناعۇرلىم ىرىقتىلىقپەن جۇڭگو باستاماسىن ۇگىتتەۋ جانە تانىستىرۋ، جۇڭحۋا مادەنيەتىن تاراتۋ، جۇڭگو وبرازىن ايگىلەۋ كەرەك. الۋان ٴتۇرلى فورماداعى حالىقارالىق گۋمانيتارلىق اۋىس ـ كۇيىستى، سەلبەستىكتى كەڭىنەن ورىستەتۋ كەرەك. ادامزاتتىڭ بارلىق تاڭداۋلى وركەنيەت جەتىستىكتەرىن اناعۇرلىم بەلسەندى، ىرىقتى تۇردە ۇيرەنىپ جانە ودان ۇلگى الىپ، بايىرعى مەن قازىرگىنى ۇشتاستىرعان، جۇڭگو مەن شەتەلدى توعىستىرعان ٴبىر توپ مادەنيەت جەتىستىكتەرىن جاراتۋ كەرەك.
شي جينپيڭ سوڭىندا بىلاي دەپ باسا دارىپتەدى: مادەنيەتتە قۋاتتى ەل قۇرۋ _ بۇكىل پارتيانىڭ، بۇكىل قوعامنىڭ ورتاق مىندەتى. پارتيا ورتالىق كوميتەتىنىڭ ۇگىت، يدەيا، مادەنيەت قىزمەتىنە ورتالىقتانعان ٴبىر تۇتاس باسشىلىعىن كۇشەيتىپ، مادەنيەت قۇرىلىسىنا باسشىلىق ەتۋ، باسقارۋ ٴتۇزىلىس ـ مەحانيزمىن كەمەلدەندىرۋ كەرەك. ٴار دارەجەلى پارتكومدار مەن ۇكىمەتتەر ۇيىمدىق باسشىلىقتى شىن مانىندە كۇشەيتىپ، كادرلاردى دايىنداۋ، دارىندىلاردى باۋلۋ، بايلىق ۇسىنىلىمى سياقتى قىزمەتتەردى ويداعىداي ىستەپ، ٴار جاقتىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرىپ، مادەنيەتتە قۋاتتى ەل قۇرۋدىڭ قۇدىرەتتى بىرىككەن كۇشىن ۇيىستىرۋى كەرەك.
