شينحۋا اگەنتتىگىنىڭ 10 ـ ايدىڭ 29 ـ كۇنى بەيجيڭنەن بەرگەن حابارى. 10 ـ ايدىڭ 29 ـ كۇنى مەملەكەت ٴتوراعاسى شي جينپيڭ كامبودجا پاتشاسى سيحامونيعا تەلەگرامما جولداپ، ونىڭ تاحقا وتىرعاندىعىنىڭ 20 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: سيحاموني پاتشا تاحقا وتىرعاننان بەرى كامبودجانىڭ بەيبىتشىلىگى مەن ورنىقتىلىعىنا، دامۋى مەن گۇلدەنۋىنە، حالىقارالىق بارىس ـ كەلىسىنە ماڭىزدى ۇلەس قوسىپ، جۇڭگو _ كامبودجا ٴداستۇرلى دوستىعىن اسقاقتاتۋعا ۇزاق ۋاقىت كۇش سالىپ كەلدى. ٴسىز ەكەۋىمىزدىڭ بىرگە جەتەكشىلىك ەتۋىمىزدە جۇڭگو _ كامبودجا تاعدىرلاس ورتاق تۇلعاسى جوعارى ساپالى، جوعارى دەڭگەيلى، جوعارى ولشەمدى جاڭا داۋىرگە قادام تاستاپ، ”الماستىڭ التى قىرى“ سەلبەستىك جۇلگەسى ۇزدىكسىز تەرەڭدەپ، ناقتىلانىپ، ”ونەركاسىپتى دامىتۋ ٴدالىزى“ جانە ”بالىق، كۇرىش ٴدالىزى“ قۇرىلىسىندا بەلسەندى ىلگەرىلەۋشىلىكتەرگە قول جەتىپ، ”جۇڭگو _ كامبودجا گۋمانيتارلىق اۋىس ـ كۇيىس جىلى“ جاندى دا جالىندى وتكىزىلىپ، ەكى ەل حالقىن ناقتى پايداعا كەنەلتتى.
شي جينپيڭ بىلاي دەپ باسا دارىپتەدى: جۇڭگو مەن كامبودجا بەينەتتە دە، زەينەتتە بىرگە بولاتىن، ٴبىر ـ بىرىنە قارايلاساتىن قۇرىشتاي بەرىك دوستار. مەن جۇڭگو _ كامبودجا قارىم ـ قاتىناسىنىڭ دامۋىنا باسا ٴمان بەرەمىن، كامبودجا پاتشا اۋلەتىمەن ٴداستۇرلى دوستىقتى بارىنشا قاستەرلەيمىن، سيحاموني پاتشامەن بىرگە قۇلشىنىپ، ەكى ەل قارىم ـ قاتىناسىنا ستراتەگيالىق جەتەكشىلىكتى كۇشەيتۋدى، جۇڭگو _ كامبودجا تاعدىرلاس ورتاق تۇلعاسى قۇرىلىسىنىڭ اناعۇرلىم مول ناتيجەلەرگە قول جەتكىزۋىن ىلگەرىلەتۋدى قالايمىن.
