انار بۇلت \ شينجياڭ گازەتىنىڭ ٴتىلشىسى جاڭ لەي 10 ـ ايدىڭ 29 ـ كۇنى ۇرىمجىدەن حابارلايدى. 10 ـ ايدىڭ 29 ـ كۇنى اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ۇرىمجىدە ورتا ازيا پارلامەنت مۇشەلەرى زەرتتەۋ ـ تالقى كۋرسىنداعىلارمەن كەزدەستى.
ٴزۇمىرات وبۇل زەرتتەۋ ـ تالقى كۋرسىنداعى پارلامەنت مۇشەلەرىن قىزۋ قارسى الاتىندىعىن ٴبىلدىردى. ول بىلاي دەدى: جۇڭگونىڭ ورتا ازيا ەلدەرىمەن قارىم ـ قاتىناسى تەرەڭ تاريحي قاينارعا، كەڭ امالياتتىق قاجەتكە، بەرىك حالىق رايى نەگىزىنە يە، جاڭا داۋىردە جالىندى تىرشىلىك تىنىسىن جانە تاسقىنداعان ومىرشەڭ كۇش قاۋلاتتى. ٴتوراعا شي جينپيڭ مەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، جۇڭگو شينجياڭى جۇڭگو ۇلگىسىندەگى وسىزامانداندىرۋ قۇرىلىسىن تىڭعىلىقتى ىلگەرىلەتتى، تيانشان الابىندا ەكونوميكانىڭ ومىرشەڭ كۇشى تاسقىنداعان، دامۋ ارىنى كۇشتى، قوعام تىنىش، جاراسىمدى تاماشا جاعداي جارىققا شىقتى. ٴبىز جەرگىلىكتى زاڭ ەرەجە شىعارۋ ارقىلى جۇڭگو شينجياڭىنداعى ٴار ۇلت حالقىنىڭ نەگىزگى ادامدىق ۇقىعىن پارمەندى قامتاماسىز ەتىپ، جالپى بارىستىق حالىق دەموكراتياسىن امالياتتا ايگىلەپ، ٴار ۇلت حالقىنىڭ تارتىپپەن ساياسيعا ات سالىسۋىن ۇزدىكسىز كەڭەيتتىك، حالىق قۇرىلتايى ٴتۇزىمىنىڭ كورنەكتى ارتىقشىلىعى شينجياڭدا جاندى بەينەلەندى. ٴبىز ٴتوراعا شي جينپيڭنىڭ ماڭىزدى نۇسقاۋىنىڭ رۋحىن مۇقيات تياناقتاندىرىپ، جۇڭگو مەملەكەتتىك حالىق قۇرىلتايىنىڭ، سونداي ـ اق ونىڭ تۇراقتى كوميتەتىنىڭ جەتەكشىلىگىندە، ورتا ازيا ەلدەرىنىڭ جەرگىلىكتى زاڭ ەرەجە شىعارۋ قۇرىلىمدارى اراسىندا، حالىق قۇرىلتايى ۋاكىلدەرى مەن پارلامەنت مۇشەلەرى اراسىندا سەلبەستىك ورىستەتۋگە بەلسەنە ات سالىسىپ، دەموكراتيانى دامىتۋ، زاڭمەن باسقارۋدى اقاۋسىزداندىرۋ سياقتى جاقتاردا اۋىس ـ كۇيىس جاساسىپ، ٴوزارا ۇلگى الىپ، جۇڭگونىڭ ورتا ازيا ەلدەرىمەن ەكونوميكا ـ ساۋدا، گۋمانيتارلىق ىستەر، زاڭمەن باسقارۋ سياقتى سالالارداعى ناقتى سەلبەستىگىن جەبەۋگە ۇلەس قوسامىز. كوپشىلىكتىڭ جۇڭگو شينجياڭىندا كورگەن ـ بىلگەندەرىن اناعۇرلىم كوپ ادامعا تانىستىرىپ، حالىقارالىق قوعامنىڭ شىنايى جۇڭگو شينجياڭىن اناعۇرلىم جالپى بەتتىك، وبيەكتيۆ تۇسىنۋىنە مۇمكىندىك جاساۋىن ٴۇمىت ەتەمىز.
قازاقستاننان، قىرعىزستاننان، تاجىكستاننان، وزبەكستاننان كەلگەن پارلامەنت مۇشەلەرى ۋاكىلدەرى جەكە ـ جەكە ٴسوز سويلەپ، جۇڭگو شينجياڭىمەن اۋىس ـ كۇيىستى، سەلبەستىكتى كۇشەيتۋ ويىن ٴبىلدىردى.
ۋاڭ ميڭشان، ٴمامتىمىن قادىر، مەملەكەتتىك حالىق قۇرىلتايى تۇراقتى كوميتەتى كەڭسەسىندەگى، مەملەكەتتىك دامۋ جانە رەفورما كوميتەتىندەگى، اۆتونوميالى رايوندىق سىرتقى ىستەر كەڭسەسىندەگى قاتىستى جولداستار كەزدەسۋگە قاتىناستى.
