— باس شۋجي شي جينپيڭنىڭ ولكە، مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ ـ تالقى كۋرسىنىڭ وقۋ باستاۋ سالتىندا سويلەگەن ماڭىزدى ٴسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
”پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋدى، دايەكتىلەندىرۋدى ۇزدىكسىز تەرەڭدەتىپ، بۇكىل پارتيانى، بۇكىل ەل حالقىن باستاپ رەفورما سەنىمىن بەكەمدەپ، زەيىن ـ زەردەنى، كۇش ـ قۋاتتى اناعۇرلىم ويداعىداي شوعىرلاندىرا وتىرىپ رەفورمانىڭ نىق قاداممەن الىسقا جەتۋىن ىلگەرىلەتۋ كەرەك“.
ولكە، مينيسترلىك دارەجەلى نەگىزگى باسشى كادرلاردىڭ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ ـ تالقى كۋرسىنىڭ وقۋ باستاۋ سالتىندا باس شۋجي شي جينپيڭ ماڭىزدى ٴسوز سويلەپ، جاڭا داۋىردەگى رەفورمانى جاپپاي تەرەڭدەتۋدە قول جەتكەن تاريحي تابىستاردى تەرەڭدەي قورىتىندىلاپ، رەفورمانى ونان ارى جاپپاي تەرەڭدەتۋدىڭ ٴبىرقىدىرۋ كەلەلى نازاريالىق جانە امالياتتىق ماسەلەلەرىن تەرەڭدەي پايىمداپ، تۋراشىلدىقتان اينىماي جاڭالىق اشۋعا تاباندى بولۋ، عىلمي ادىسكە ٴمان بەرۋ، تاماشا راي قالىپتاستىرۋ جونىندە ايقىن تالاپ قويدى. باس شۋجي شي جينپيڭنىڭ ماڭىزدى ٴسوزىنىڭ ويى ورەلى، يدەياسى تەرەڭ، بايىمداۋى سىندارلى، مازمۇنى باي بولىپ، ٴبىزدىڭ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جاپپاي، دالمە ـ ٴدال ٴتۇسىنىپ، جاڭا جورىقتا رەفورمانىڭ نىق قاداممەن الىسقا جەتۋىن ىلگەرىلەتۋىمىز، رەفورما شارالارىنىڭ دالمە ـ ٴدال تياناقتانىپ ونىمدىلىك كورسەتۋىن ىلگەرىلەتۋىمىز جونىنەن توتەنشە ماڭىزدى ٴمان الادى.
رەفورما جاساۋ، ەسىك اشۋ جالعاسا بەرەدى، توقتامايدى. پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسى رەفورمانى ونان ارى جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندە جۇيەلى ورنالاستىرۋ جاسادى. پارتيا ورتالىق كوميتەتىنىڭ وسى رەتكى ولكە، مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ ـ تالقى كۋرسىن ۇيىمداستىرۋى يدەيا مەن ارەكەتتى ونان ارى بىرلىككە كەلتىرىپ، جالپى ٴماجىلىس رۋحىنىڭ اناعۇرلىم ويداعىداي دايەكتىلەنۋىن، تياناقتانۋىن ىلگەرىلەتۋ ٴۇشىن بولىپ تابىلادى. ٴبىز باس شۋجي شي جينپيڭنىڭ ماڭىزدى ٴسوزىنىڭ رۋحىن ىشكەرىلەي ۇيرەنىپ، ٴتۇسىنىپ، رەفورمانى ونان ارى جاپپاي تەرەڭدەتۋدىڭ جەتەكشى يدەياسىن، جالپى تۇلعالىق نىساناسىن، كەلەلى پرينسيبىن، عىلمي ٴادىسىن ىشكەرىلەي يگەرىپ، رەفورما سەنىمىن بەكەمدەپ، رەفورما بەتالىسىن ٴدال يگەرىپ، رەفورما جاۋاپكەرشىلىگىن كۇشەيتىپ، رەفورمانىڭ بىرىككەن كۇشىن ۇيىستىرىپ، بۇرىن بولىپ كورىلمەگەن جۇرەكتىلىكپەن جانە باتىلدىقپەن، جالپى ٴماجىلىس «قاۋلىسىنىڭ» دايەكتىلەنۋىن، تياناقتانۋىن ٴبىر نيەتپەن سەلبەسىپ ويداعىداي يگەرۋىمىز كەرەك.
سەنىمدى بەكەمدەپ زەيىن ـ زەردەنى، كۇش ـ قۋاتتى شوعىرلاندىرىپ، رەفورمانىڭ ورنىقتى قاداممەن الىسقا جەتۋىن ىلگەرىلەتۋدە، ەڭ الدىمەن جاڭا داۋىردە رەفورمانى جاپپاي تەرەڭدەتۋدە قول جەتكىزگەن تاريحي تابىستاردى دۇرىس تانۋ جانە يگەرۋ كەرەك. پارتيا 18 ـ كەزەكتى ورتالىق كوميتەتى ٴۇشىنشى جالپى ٴماجىلىسى جاڭا داۋىردەگى رەفورمانى جاپپاي تەرەڭدەتۋدىڭ، رەفورمانى جۇيەلى، جالپى تۇلعالىق جوبالاپ ىلگەرىلەتۋدىڭ جاڭا جورىعىن باستاپ، ەلىمىزدىڭ رەفورما جاساپ، ەسىك اشۋىنىڭ جاڭا جاعدايىن اشتى، بۇل ٴداۋىر بولگىشتىك مانگە يە. جاڭا داۋىردەن بەرى رەفورمادان قوزعاۋشى كۇش الۋعا تاباندى بولىپ، رەفورما ارقىلى ومىرشەڭ كۇشتى قاۋلاتىپ، بىرىككەن كۇش ۇيىستىرىپ، ەلىمىزدىڭ ەكونوميكالىق قۋاتىنىڭ، عىلىم ـ تەحنيكالىق قۋاتىنىڭ، جالپىلىق مەملەكەت قۋاتىنىڭ تىڭ ساتىعا كوتەرىلۋىن ىلگەرىلەتتى؛ كۇش سالا ٴتۇبىردى بەكەمدەپ، باسىمدىقتى اسىرىپ، ولقىلىقتاردى تولىقتاپ، ٴالسىز تۇستاردى كۇشەيتىپ، ەلىمىزدىڭ سوتسياليستىك ٴتۇزىمىنىڭ كورنەكتى ابزالدىلىعىن ۇزدىكسىز بەكەمدەدى جانە دامىتتى؛ رەفورما بارىسىندا نازاريالىق جاڭالىق اشۋدى ۇزدىكسىز ىلگەرىلەتىپ، رەفورمانى ونان ارى جاپپاي تەرەڭدەتۋدە بويسۇنۋعا ٴتيىستى ”التى تاباندى بولۋ“ كەلەلى پرينسيبى سياقتىلاردى جيناقتاپ قالىپتاستىردى. جاڭا داۋىردە رەفورمانى جاپپاي تەرەڭدەتۋ كەلەلى امالياتتىق جەتىستىككە، تۇزىمدىك جەتىستىككە، نازاريالىق جەتىستىككە قول جەتكىزىپ، دۇنيەنى جالت قاراتتى، ىقپالى اسا تەرەڭ بولىپ، جاپپاي دوڭگەلەك داۋلەتتى قوعام ورناتۋعا، ”ەكى ۇلكەن كەرەمەتتى“ جالعاستىرا جازۋعا پارمەندى قوزعاۋشى كۇش جانە تۇزىمدىك قامتاماسىزدىق ازىرلەدى.
جاڭا داۋىردە رەفورمانى جاپپاي تەرەڭدەتۋ ەلىمىز رەفورماسىنىڭ قامال الۋ كەزەڭىنە جانە تەرەڭ ايدىنعا قادام تاستاعان جاعدايىندا جوسپارلاندى جانە ىلگەرىلەتىلدى، قامتۋ كولەمى كەڭ، شارپۋ مۇددەسى تەرەڭ، قامال الۋ قيىندىعى زور، بايلانىسۋ سيپاتى، بىرلەسە قيمىلداۋ سيپاتى كۇشتى بولۋ سياقتى كورنەكتى ەرەكشەلىكتەردى كورسەتتى. تەرەڭ ايدىنعا باتىلدىقپەن بويلاپ، قيىن تۇيىندەردەن باتىلدىقپەن قامال الىپ، حاۋىپ ـ قاتەردى باستان كەشىرۋدەن جاسقانباي، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەل حالقىن ىنتىماقتاستىرىپ جانە باستاپ، ۇلى تاريحي ىرىقتىلىقپەن، وراسان زور ساياسي باتىلدىقپەن، كۇشتى جاۋاپكەرشىلىك ارقالاۋمەن، يدەيا ـ كوزقاراستاعى بۇعاۋلاردى بۇزىپ، قاتىپ ـ سەمگەن مۇددەلىك بوگەتتەردى باتىل تالقانداپ، ٴار جاقتاعى ٴتۇزىلىس ـ مەحانيزمدىك كىناراتتاردى باتىل جويىپ، رەفورمادا ٴىشىنارالىق ىزدەنىس جاساۋدان، تىڭعا تۇرەن سالۋدان جۇيەلى دە شوعىرلى، جاپپاي تەرەڭدەتۋگە قاراي بۇرىلىس جاساۋدى جۇزەگە اسىردى. جاڭا داۋىردە رەفورمانى جاپپاي تەرەڭدەتۋ ەلىمىزدىڭ رەفورما جاساۋ، ەسىك اشۋ تاريحي ۇردىسىندەگى ەڭ ايبىندى تاراۋدىڭ ٴبىرى، قول جەتكىزگەن ۇلى تابىسى ناقتى، تاريح پەن حالىقتىڭ سىنىنان وتە الادى. بۇل جۇڭگو كوممۋنيستىك پارتياسىنىڭ ۇلى رەفورما جاساۋ، جاڭالىق اشۋ رۋحى بار ساياسي پارتيا ەكەندىگىن تولىق ايگىلەپ، ”ەكىنى تۇراقتاندىرۋدىڭ“ حاۋىپ ـ قاتەرلەرگە، سىن ـ سايىستارعا توتەپ بەرۋىمىز، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋىمىز جونىنەن شەشۋشى ٴمان الاتىندىعىن تولىق دالەلدەدى.
باس شۋجي شي جينپيڭ بىلاي دەپ اتاپ كورسەتتى: جاڭا داۋىردە رەفورمانى جاپپاي تەرەڭدەتۋ ”جاڭا جورىقتا رەفورمانى ونان ارى جاپپاي تەرەڭدەتۋگە دە بەرىك نەگىز جانە قۇندى تاجىريبە ازىرلەدى“. ۇلى ىستەردىڭ ٴبارى ۇزدىكسىز كۇرەس جاساۋ بارىسىندا العا ىلگەرىلەيدى، جۇڭگوشا سوتسياليستىك ٴتۇزىمدى كەمەلدەندىرۋ قوزعالىستاعى بارىس. پارتيا 18 ـ قۇرىلتايىنان بەرى پارتيامىز جاڭا تاجىريبەلەردى دەر كەزىندە قورىتىندىلاپ، رەفورما جونىندەگى زاڭدىلىق سيپاتتى تانىمدى ۇزدىكسىز تەرەڭدەتىپ، باس شۋجي شي جينپيڭنىڭ رەفورمانى جاپپاي تەرەڭدەتۋ جونىندەگى ٴبىرقىدىرۋ جاڭا يدەيالارىن، جاڭا كوزقاراستارىن، جاڭا تۇجىرىمدارىن قالىپتاستىرىپ، رەفورمانى ونان ارى جاپپاي تەرەڭدەتۋگە ٴتۇبىرلى بويسۇنۋ ولشەمىن ازىرلەدى. ٴتۇزىم قۇرىلىسى سىندى وسى نەگىزگى جەلىنى كورنەكتىلەندىرىپ، جۇڭگوشا سوتسياليستىك ٴتۇزىمنىڭ اناعۇرلىم تولىسۋىن، اناعۇرلىم قالىپتانۋىن ىلگەرىلەتىپ، ”رەفورما جاساۋ، ەسىك اشۋ ٴجۇز ميلليونداعان حالىقتىڭ ٴىسى“ دەيتىن ورتاق تانىمدى كەڭ كولەمدە ۇيىستىرىپ، بۇكىل پارتيا، بۇكىل قوعام رەفورمانى بىرگە يگەرەتىن يدەيالىق نەگىز، بۇقارالىق نەگىز قالىپتاستىردى. جاڭا جورىقتا شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، رەفورمانى ونان ارى جاپپاي تەرەڭدەتۋ باس نىساناسىن كوزدەپ، قىمباتتى تاجىريبەدەن ويداعىداي پايدالانىپ، بارلىق بەلسەندى فاكتورلاردى جۇمىلدىرساق، ٴسوزسىز، رەفورمانىڭ دۇرىس بەتالىستى بويلاپ نىق قاداممەن الىسقا جەتۋىن ىلگەرىلەتە الامىز.
بۇگىنگى جۇڭگو مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ شەشۋشى مەزگىلىنە ٴوتىپ، بارعان سايىن قيىنداعان، ىلگەرىلەگەن سايىن قاتەرلى بولعان ٴارى ىلگەرىلەمەسە شەگىنەتىن، ىلگەرىلەمەسە بولمايتىن مەزگىلدە تۇر. نەعۇرلىم قيان ـ كەسكى كۇردەلى ورتادا ىلگەرىلەسەك، سولعۇرلىم سەنىمدى بەكەمدەپ، زەيىن ـ زەردەنى، كۇش ـ قۋاتتى شوعىرلاندىرىپ، ”شىڭنىڭ ۇشار باسىنا شىقپاي تۇرىپ، استە ەڭبەگىڭدى اۋىزعا الما“ دەيتىن تەبىنمەن، رەفورمانىڭ، دامۋدىڭ تىڭ ٴورىسىن قۇلشىنا اشۋىمىز كەرەك. ٴبىز مىناعان كامىل سەنەمىز: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى تۇرعاندا، بۇكىل پارتيا، بۇكىل ەل حالقىنىڭ جۇدىرىقتاي جۇمىلىپ، ٴورىس اشا العا ۇمتىلۋى تۇرعاندا، جۇڭگو ۇلگىسىندەگى وسىزامانداندىرۋ، ٴسوزسىز، رەفورما جاساۋ، ەسىك اشۋ بارىسىندا كەڭ كەلەشەك اشا الادى.
(شينحۋا اگەنتتىگىنىڭ 10 ـ ايدىڭ 29 ـ كۇنى بەيجيڭنەن بەرگەن حابارى)
