— باس شۋجي شي جينپيڭنىڭ ولكە، مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ ـ تالقى كۋرسىنىڭ وقۋ باستاۋ سالتىندا سويلەگەن ماڭىزدى ٴسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
تۋراشىلدىقتان اينىماۋ مەن جاڭالىق اشۋ ديالەكتيكالىق بىرلىككە يە، تۋراشىلدىقتان اينىماعاندا عانا جاڭالىق اشۋدىڭ باستان ـ اياق دۇرىس بەتالىسپەن العا ىلگەرىلەۋىنە كەپىلدىك ەتۋگە بولادى، تەك ۇزدىكسىز جاڭالىق اشقاندا عانا اناعۇرلىم ويداعىداي تۋراشىلدىقتان اينىماۋعا بولادى. ولكە، مينيسترلىك دارەجەلى نەگىزگى باسشى كادرلاردىڭ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ ـ تالقى كۋرسىنىڭ وقۋ باستاۋ سالتىندا باس شۋجي شي جينپيڭ: ”تۋراشىلدىقتان اينىماي جاڭالىق اشۋ _ رەفورمانى ونان ارى جاپپاي تەرەڭدەتۋدە، ٴسوز جوق، مىقتاپ يگەرەتىن، باستان ـ اياق تاباندى بولاتىن كەلەلى پرينسيپ“، ـ دەپ باسا دارىپتەدى، ”جۇڭگوشا سوتسياليستىك ٴتۇزىمدى ۇزدىكسىز كەمەلدەندىرۋ جانە دامىتۋ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ سىندى رەفورما باس نىساناسىنا تاباندى بولىپ، قاي ـ قاشان دا باس نىسانا نۇسقاعان بەتالىسپەن العا ىلگەرىلەۋ كەرەك“، ـ دەپ اتاپ كورسەتتى.
ٴبىزدىڭ رەفورمامىزدىڭ باعىتى، پرينسيبى بار. نەنى رەفورمالاۋ، نەنى رەفورمالاماۋ، قاي جەردى رەفورمالاۋ، قالاي رەفورمالاۋدا تۇگەلدەي باستان ـ اياق وي ـ سانانى سەرگەك ۇستاپ، ساياسيدا اڭعارلى ادام بولۋ كەرەك. باس شۋجي شي جينپيڭ بىلاي دەپ باسا دارىپتەدى: ”پارتيانىڭ جاپپاي باسشىلىعىنا تاباندى بولۋ، ماركسيزمگە تاباندى بولۋ، جۇڭگوشا سوتسياليزم جولىنا تاباندى بولۋ، حالىق دەموكراتياسى ديكتاتۋراسىنا تاباندى بولۋ، قوعامنىڭ ادىلدىگىن، تۋراشىلدىعىن جەبەۋدى، حالىقتىڭ قۇت ـ ىرىسىن ارتتىرۋدى شىعار ٴتۇيىن جانە تابان تىرەر تياناق ەتۋ كەرەك، وسىنىڭ بارلىعى ٴتۇبىردى مەڭگەرگەندىك، بەتالىستى مەڭگەرگەندىك، ۇزاق بولاشاقتى مەڭگەرگەندىك، ول پارتيانىڭ سيپاتى مەن باس ماقساتىن ايگىلەيدى، ەلىمىزدىڭ مەملەكەت جاعدايىنا ۇيلەسەدى، حالىقتىڭ ٴتۇبىرلى مۇددەسىنە ۇيلەسەدى، ٴارقانداي كەزدە، ٴارقانداي جاعدايدا ودان تيتتەي دە اۋىتقۋعا بولمايدى“. ٴبىز، ارينە، رەفورما تۋىن بيىك ۇستاۋىمىز كەرەك، ايتسەدە ٴبىزدىڭ رەفورمامىز جۇڭگوشا سوتسياليزم جولىندا ۇزدىكسىز العا ىلگەرىلەيتىن رەفورما ەكەنىن، ٴسوز جوق، تەرەڭ تانىپ جەتۋىمىز كەرەك. ٴارى توماعا ـ تۇيىق، توقىراعان كونە سۇردەكپەن جۇرمەۋ، ٴارى باعداردان اداستىراتىن تەرىس جولعا تۇسپەۋ كەرەك، رەفورما جاساۋعا تيىستىلەرىنە باتىل رەفورما جاساپ، رەفورما جاساماۋعا تيىستىلەرىنە رەفورما جاساماعاندا عانا، رەفورمانىڭ دۇرىس بەتالىسپەن نىق قاداممەن الىسقا جەتۋىنە شىنايى كەپىلدىك ەتۋگە بولادى.
پارتيانىڭ وزەكتى مىندەتىن ارقاۋ ەتە وتىرىپ رەفورمانى جوسپارلاۋ جانە ىلگەرىلەتۋ _ رەفورمادا تابىسقا جەتۋدىڭ ماڭىزدى تاجىريبەسى. رەفورمانى ونان ارى جاپپاي تەرەڭدەتۋدى، ٴسوز جوق، جۇڭگو ۇلگىسىندەگى وسىزامانداندىرۋدى ىلگەرىلەتۋ سىندى نەگىزگى تاقىرىپتى مىقتاپ ارقاۋ ەتە وتىرىپ ورىستەتۋ كەرەك. جۇڭگو ۇلگىسىندەگى وسىزامانداندىرۋدى ىلگەرىلەتۋ _ شىت جاڭا ٴىس، جاپالىلىعى مەن كۇردەلىلىگى بۇرىن بولماعان، العا باسۋ جولىندا ٴتۇرلى قايشىلىقتار مەن حاۋىپ ـ قاتەرلەرگە، سىن ـ سايىستارعا جولىعارىمىز ٴسوزسىز. ايبىندى جوبانى كوركەم رەالدىققا اينالدىرۋدىڭ ٴتۇبىرلى نەگىزى رەفورمانى اناعۇرلىم جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە كەدەرگى بولىپ وتىرعان يدەيالىق كوزقاراس پەن ٴتۇزىلىس ـ مەحانيزم اقاۋىن باتىل تالقانداپ، رەفورما جاساۋ، جاڭالىق اشۋ ارقىلى ىستەردىڭ دامۋىن ىلگەرىلەتۋدە، مۇندا استە سىڭار ەزۋلىككە باسۋعا، تەر توكپەي يگىلىكتەن دامەتۋگە بولمايدى. ٴبىز العان بەتتەن قايتپايتىن جۇرەكتىلىكپەن جانە باتىلدىقپەن ٴداۋىر دامۋىنىڭ جاڭا بەتالىسىنا، امالياتتىق دامۋدىڭ جاڭا تالابىنا، حالىق بۇقاراسىنىڭ جاڭا تىلەگىنە سايكەسىپ، ەكونوميكالىق ٴتۇزىلىس رەفورماسى سىندى وسى ماڭىزدى ٴتۇيىندى كورنەكتىلەندىرىپ، ٴار جاقتاعى رەفورمانى جاپپاي سايكەستى ىلگەرىلەتىپ، نازاريادا جاڭالىق اشۋدى، امالياتتا جاڭالىق اشۋدى، تۇزىمدە جاڭالىق اشۋدى، مادەنيەتتە جاڭالىق اشۋدى، سونداي ـ اق باسقا دا جاقتاردا جاڭالىق اشۋدى بار كۇشپەن ىلگەرىلەتىپ، جۇڭگو ۇلگىسىندەگى وسىزامانداندىرۋعا قۋاتتى قوزعاۋشى كۇش جانە تۇزىمدىك قامتاماسىزدىق ازىرلەۋىمىز كەرەك.
ەكونوميكالىق ٴتۇزىلىس رەفورماسى _ رەفورمانى جاپپاي تەرەڭدەتۋدىڭ ماڭىزدى ٴتۇيىنى ٴارى رەفورمانى ونان ارى جاپپاي تەرەڭدەتۋدىڭ جەتەكشىسى. پارتيا 18 ـ كەزەكتى ورتالىق كوميتەتى ٴۇشىنشى جالپى ماجىلىسىندە ”بازاردىڭ بايلىقتى جايعاستىرۋداعى شەشۋشى سيپاتتى رولىن ساۋلەلەندىرۋگە مۇمكىندىك جاساۋ جانە ۇكىمەتتىڭ رولىن ٴتىپتى دە جاقسى ساۋلەلەندىرۋدى“ جاسامپازدىقپەن العا قويۋدان پارتيا 20 ـ كەزەكتى ورتالىق كوميتەتى ٴۇشىنشى جالپى ماجىلىسىندە جوعارى دەڭگەيدەگى سوتسياليستىك بازار شارۋاشىلىعى ٴتۇزىلىسىن ورناتۋدى كورنەكتى ورىنعا قويىپ، ”ەكىدەن تيتتەي دە اۋىتقىماۋعا“ تاباندى بولىپ جانە ونى تياناقتاندىرىپ، بۇكىل ەل بويىنشا ٴبىر تۇتاس ٴىرى بازار قالىپتاستىرۋ سياقتى كەلەلى رەفورما شارالارىن العا قويۋعا دەيىن، جاڭا داۋىردە رەفورمانى جاپپاي تەرەڭدەتۋدىڭ باستان ـ اياق سوتسياليستىك بازار شارۋاشىلىعى رەفورما بەتالىسىنا تاباندى بولاتىندىعىن اماليات تولىق دالەلدەدى. جاڭا جورىقتا ماڭىزدى ٴتۇيىندى ۇزدىكسىز كورنەكتىلەندىرىپ، ۇكىمەت پەن بازاردىڭ قاتىناسى سىندى وسى وزەكتى ماسەلەنى ويداعىداي ٴبىر جايلى ەتىپ، ەلىمىزدىڭ نەگىزگى شارۋاشىلىق تۇزىمىنە تاباندى بولىپ جانە ونى دامىتىپ، جوعارى دەڭگەيدەگى سوتسياليستىك بازار شارۋاشىلىق ٴتۇزىلىسىن جەدەل ورناتىپ، قوعامدىق وندىرگىش كۇشتەردى ۇزدىكسىز ازات ەتىپ جانە دامىتىپ، قوعامنىڭ ومىرشەڭ كۇشىن تاسقىنداتىپ جانە كۇشەيتىپ، وندىرىستىك قاتىناس پەن وندىرگىش كۇشتەردىڭ، قوندىرما مەن بازيستىڭ، مەملەكەتتى باسقارۋ مەن قوعامدىق دامۋدىڭ اناعۇرلىم ويداعىداي سايكەسۋىن ىلگەرىلەتۋ كەرەك.
جۇڭگو ۇلگىسىندەگى وسىزاماندانۋدىڭ مازمۇنى وتە باي، رەفورمانى ونان ارى جاپپاي تەرەڭدەتۋ دە جان ـ جاقتى بولاتىنى، ٴسوزسىز. جاڭا داۋىردەن بەرى، جالپى بارىستىق حالىق دەموكراتياسى ٴتۇزىمى جۇيەسىن اقاۋسىزداندىرۋدان، سوتسياليستىك كەڭەستىك دەموكراتيانى كەڭ كولەمدە، كوپ ساتىدا تۇزىمدەندىرىپ دامىتۋدى ىلگەرىلەتۋدەن ٴادىليا ٴتۇزىلىسىنىڭ جالپىلىق سايكەستى رەفورماسىن تەرەڭدەتىپ، ٴادىليالىق جاۋاپكەرشىلىك ٴتۇزىمىن جاپپاي دالمە ـ ٴدال تياناقتاندىرۋعا دەيىن، ودان ەكولوگيالىق وركەنيەت ٴتۇزىلىسى رەفورماسىن تەرەڭدەتىپ، ەكولوگيالىق وركەنيەت قۇرىلىسىن تۇزىمدەندىرۋ، زاڭمەن باسقارۋ ارناسىنا ەنگىزۋگە دەيىن... ٴارقايسى سالاداعى رەفورما ورنىقتى قاداممەن ىلگەرىلەپ، ونىمدىلىگى كورنەكتى بولدى. جالپى ٴماجىلىس «قاۋلىسىندا» ”بەستى ٴبىر تۇلعالاندىرۋ“ جالپى تۇلعالىق ورنالاستىرۋىن ٴبىر تۇتاس ىلگەرىلەتۋ، ”ٴتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋ جۇلگەسىندە رەفورما شارالارى جوسپارلاندى جانە ورنالاستىرىلدى، بۇل ەكونوميكا، دەموكراتيا، زاڭمەن باسقارۋ، مادەنيەت، قوعام، ەكولوگيالىق وركەنيەت، مەملەكەت حاۋىپسىزدىگى، مەملەكەت قورعانىسى جانە ارميا قۇرىلىسى سياقتى جاقتارداعى ٴتۇزىلىس، مەحانيزمىندە جاڭالىق اشۋدى جانە پارتيا قۇرىلىسى ٴتۇزىمى رەفورماسىن قامتىدى. ٴبىز جاپپاي دايەكتىلەندىرىپ، تياناقتاندىرىپ، جاپپاي سايكەستى ىلگەرىلەتىپ، جالپى تۇلعالىق ونىمدىلىك قالىپتاستىرۋعا قۇلشىنۋىمىز كەرەك.
ٴبىزدىڭ ىستەپ وتىرعانىمىز بۇرىنعىلار ىستەپ كورمەگەن ۇلى ٴىس، جۇرگەنىمىز دۇرىس جول، باسقانىمىز داڭعىل جول. جولدى وزگەرتپەيتىن، جىگەردى وزگەرتپەيتىن اسا كۇشتى تاباندىلىقتى ساقتاپ، باتىلدىقپەن جاڭالىق اشاتىن، باتىلدىقپەن قامال الاتىن جىگەردى تاسقىنداتىپ، رەفورمادا ۇزدىكسىز جاڭا ناتيجەگە قول جەتكىزۋدى ىلگەرىلەتسەك، ٴسوز جوق، ەلىمىزدىڭ دامۋ، العا باسۋ تاعدىرىن ٴوز قولىمىزدا بەرىك ۇستاپ، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋدە كەدەرگىلەردەن، بوگەتتەردەن تايسالماي ٴوتىپ، ارىنداي العا ىلگەرىلەي الامىز.
(شينحۋا اگەنتتىگىنىڭ 10 ـ ايدىڭ 30 ـ كۇنى بەيجيڭنەن بەرگەن حابارى)
