— باس شۋجي شي جينپيڭنىڭ ولكە، مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ ـ تالقى كۋرسىنىڭ وقۋ باستاۋ سالتىندا سويلەگەن ماڭىزدى ٴسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
”كەڭ كولەمدە ورتاق تانىم ۇيىستىرىپ، بارلىق بەلسەندى فاكتورلاردى تولىق جۇمىلدىرۋ رەفورمانى ٴساتتى ىلگەرىلەتۋدە ايرىقشا ماڭىزدى“. ولكە، مينيسترلىك دارەجەلى نەگىزگى باسشى كادرلاردىڭ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ ـ تالقى كۋرسىنىڭ وقۋ باستاۋ سالتىندا باس شۋجي شي جينپيڭ رەفورمانى ونان ارى جاپپاي تەرەڭدەتۋدىڭ تاماشا رايىن قالىپتاستىرۋ جونىندە ايقىن تالاپتار قويىپ، ”رەفورمانىڭ قوعامدىق پىكىر جەتەكشىلىگى قىزمەتىن شىنايى ويداعىداي ىستەپ، ۇنامدى ۇگىتتى كۇشەيتىپ، نەگىزگى اۋەندى اسقاقتاتىپ، وڭ ەنەرگيا جەتكىزۋ كەرەك“ دەپ باسا دارىپتەدى.
ورتاق تانىم ەكپىندەي ىلگەرىلەۋدىڭ قوزعاۋشى كۇشى، ورتاق تانىم بولعاندا ىنتىماق بولادى، ورتاق تانىم بولعاندا كۇش ـ قۋات بولادى. جاڭا داۋىردە رەفورمانى جاپپاي تەرەڭدەتۋ ايبىندى بولىپ، قۇلاشىن كەڭ جايدى، رەفورما جاساۋدا ٴىشىنارالىق ىزدەنىس جاساۋدان، سەڭدى بۇزىپ، قورشاۋدى تالقانداۋدان جۇيەلى شوعىرلاندىرۋعا، جاپپاي تەرەڭدەۋگە ويىسۋ جۇزەگە اسىرىلدى، ٴتۇرلى سالانىڭ نەگىزدىك ٴتۇزىم جۇلگەسى نەگىزىنەن ورناتىلدى، كوپتەگەن سالادا تاريحي وزگەرىس، جۇيەلى قايتا قۇرۋ، تۇتاس تۇلعالىق قايتا قۇرىلىمداۋ جۇزەگە اسىپ، كەلەلى امالياتتىق جەتىستىكتەرگە، تۇزىمدىك جەتىستىكتەرگە، نازاريالىق جەتىستىكتەرگە قول جەتتى، مۇندا توتەنشە ماڭىزدى ٴبىر سەبەپ _ رەفورما جاساۋ ورتاق تانىمىنىڭ كەڭ كولەمدە ۇيىستىرىلىپ، كادرلاردىڭ، بۇقارانىڭ رەفورمانى ىلگەرىلەتۋ بەلسەندىلىگىنىڭ، ىرىقتىلىعىنىڭ، جاسامپازدىعىنىڭ تولىق جۇمىلدىرىلعاندىعى. پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ «قاۋلىسى» جۇڭگو ۇلگىسىندەگى وسىزامانداندىرۋدى ىلگەرىلەتۋ سىندى وسى نەگىزگى تاقىرىپتى تىعىز ارقاۋ ەتە وتىرىپ رەفورمانى ونان ارى جاپپاي تەرەڭدەتۋدىڭ ستراتەگيالىق شاراسىن كەسكىندەدى، بۇل جاڭا داۋىردەگى جاڭا جورىقتا رەفورمانى جاپپاي تەرەڭدەتۋدىڭ كەڭدىككە جانە تەرەڭدىككە قاراي شەرۋ تارتۋىن ىلگەرىلەتۋدەگى جالپىلىق جۇمىلدىرۋ، جالپىلىق ورنالاستىرۋ. ٴبىز ىشكەرىلەي ۇيرەنۋ، دالمە ـ ٴدال ٴتۇسىنۋ، جاپپاي يگەرۋ جاعىنا كۇش سالىپ، جالپى ٴماجىلىس «قاۋلىسىندا» العا قويىلعان كەلەلى نازاريالىق كوزقاراستاردى زەرتتەۋدى جانە ٴتۇسىندىرۋدى كۇشەيتۋىمىز، اسىرەسە، نەگىزگى ساتىنى جانە بۇقارانى بەتكە العان ۇگىتتى، ٴتۇسىندىرۋدى كۇشەيتۋىمىز كەرەك. پارتيا ورتالىق كوميتەتىنىڭ ستراتەگيالىق تولعانىسىن دۇرىس ٴتۇسىنىپ، ٴتۇرلى رەفورما شارالارىنىڭ رەال ٴمانىن، نىسانا بەتالىسىن دۇرىس ٴتۇسىنىپ، بۇكىل پارتيانىڭ، تۇتاس قوعامنىڭ رەفورمانى بىرگە يگەرۋدەگى يدەيالىق نەگىزىن، بۇقارالىق نەگىزىن بەكەمدەۋىمىز كەرەك.
ٴبىر ميلليارد 400 ميلليوننان استام جان سانى بار جۇڭگو سىندى مەملەكەتتە رەفورمانى تەرەڭدەتۋ استە وڭاي ـ وسپاق شارۋا ەمەس. رەفورما _ ٴبىر رەتكى توڭكەرىس، ول ٴتۇزىلىس ـ مەحانيزمدى وزگەرتىپ، قاساڭ مۇددەلەرگە سوقتىعادى. رەال جاعدايدان قاراعاندا، مەيلى سەرپىنى بۇرىن بولىپ كورمەگەن پارتيا مەن مەملەكەت قۇرىلىمدارى رەفورماسىن تەرەڭدەتۋدە، قۇرىلىم، قىزمەت جاۋاپكەرشىلىگى، قىزمەتكەر سياقتىلاردى تالاپ بويىنشا دەر كەزىندە رەتتەپ ورىنداۋعا شىنايى كەپىلدىك ەتۋدە بولسىن، الدە مەملەكەت بويىنشا ٴبىر تۇتاس ٴىرى بازاردى جەدەل قۇرىپ، ٴتۇرلى فورماداعى جەرگىلىكتى قورعامپازدىقتى باتىل الاستاۋدا، بازار قامالىن جويۋدا بولسىن... ساياسيدى دارىپتەپ، كەلەلى جاعدايمەن ساناسىپ، قاعيداعا بويسۇنىپ، كەلەلى جاعدايدا ىرىقتى تۇردە وي جۇگىرتىپ، كەلەلى جاعداي اياسىندا ارەكەتتەنگەندە عانا، ٴتۇرلى رەفورما شارالارىنىڭ تياناقتانۋىن، ەگجەي ـ تەگجەيلىلەنۋىن، ناقتىلانۋىن ىلگەرىلەتۋگە بولادى. رەفورما دەگەنىمىز مۇددە جاعدايى رەتتەلەتىن بارىس، بارلىق ادامنىڭ مۇددە تالاپ ـ تىلەگىن ٴبىر ۋاقىتتا قاناعاتتاندىرۋ مۇمكىن ەمەس، رەفورمانىڭ ۇزدىكسىز ىلگەرىلەۋىنە ساي، مۇددە قاتىناسىنا سوقتىعۋ دا بارعان سايىن تەرەڭدەي تۇسەدى. ٴبىز كەلەلى جاعداي تانىمىن كۇشەيتىپ، رەفورما بارىسىنداعى مۇددە قاتىناسىن رەتتەۋ مەن جەكەلەردىڭ مۇددە جاعىنداعى پايدا ـ زيانىنا دۇرىس قاراۋىمىز كەرەك. رەفورما بىرتىندەي ىلگەرىلەۋ بارىسى، لەزدە ورىندالا سالمايدى. جىلدام تىندىرامىن دەپ ارىپتالاسۋعا، قول جەتپەسكە قول سوزۋعا كەلمەيدى، اۋەندى بيىك شىعانداتۋعا، اۋىزدى ارانداي اشۋعا كەلمەيدى، قايتا شىندىقتى ٴىس جۇزىنەن ىزدەپ، بارلىعىندا ٴىس جۇزىندىك جاعدايدى شىعار ٴتۇيىن ەتىپ، تىڭعىلىقتى، ورنىقتى جۇرگىزىپ، كىشى جەڭىستەر ارقىلى ۇلكەن جەڭىسكە قول جەتكىزۋ كەرەك.
حالىق ٴۇشىن رەفورما جاساعاندا عانا، رەفورمانىڭ ٴمانى بولادى؛ حالىققا سۇيەنىپ رەفورما جاساعاندا عانا، رەفورمادا قوزعاۋشى كۇش بولادى. رەفورما جاساۋ، ەسىك اشۋ سان ميلليونداعان حالىقتىڭ ٴتول ٴىسى، بۇل تۇتاس حالىقتىڭ بىرگە ات سالىسۋىنا، ٴبىر نيەتپەن ىنتىماقتاسا قيىندىقتى بىرگە ەڭسەرۋىنە مۇقتاج. حالىقتى وزەك ەتە وتىرىپ رەفورمانى ىلگەرىلەتۋگە تاباندى بولىپ، ناقتى ناتيجە جانە حالىق بۇقاراسىنىڭ رازىلىعى ارقىلى رەفورمانى ساراپتاپ، حالىق بۇقاراسىنىڭ رەفورما بارىسىندا تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋىنە شىن مانىندە مۇمكىندىك جاساۋ كەرەك. قوعامدىق پىكىر بەتالىسى دۇرىس بولعاندا جۇرت تىلەگىن ۇيىستىرۋعا، كۇش ـ قۋات توپتاۋعا بولادى، تاماشا قوعامدىق پىكىر رەفورمانىڭ، دامۋدىڭ ”ىلگەرىلەتكىشىنە“ اينالادى. دۇرىس قوعامدىق پىكىر بەتالىسىن يگەرىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىمەن يدەيانى بىرلىككە كەلتىرىپ، كۇش ـ قۋات توپتاپ، ىنتىماقتىلىققا، ورنىقتىلىققا دەم بەرۋگە، ۇنامدى ۇگىتتى نەگىز ەتۋگە تاباندى بولىپ، بۇقارانىڭ جانىنداعى شاعىن حيكايالاردان ۇلكەن قاعيدانى ويداعىداي بايانداۋعا شەبەر بولىپ، دەر كەزىندە ٴتۇسىندىرىپ، ۇعىندىرىپ، قوعام ٴجىتى قاداعالاپ وتىرعان ماسەلەلەرگە جاۋاپ قايتارىپ، ينتەرنەتتە، ينتەرنەتتەن تىسقارىدا سەنترلەس شەڭبەر ورناتىپ، ەڭ قالىڭ حالىقتىڭ اقىل ـ پاراساتى مەن كۇش ـ قۋاتىن رەفورماعا ۇيىستىرىپ، رەفورماعا بەلسەنە قولداۋ كورسەتەتىن، رەفورماعا جابال ات سالىساتىن جاندى جاعدايدىڭ قالىپتاسۋىن جەبەۋ كەرەك.
بۇگىنگى تاڭدا جۇڭگو ۇلگىسىندەگى وسىزامانداندىرۋ كوركەم كارتينانى كەسكىندەدى ٴارى شەكسىز نۇرلى بولاشاقتى اڭعارتتى. سونىمەن بىرگە العا باسۋ جولى قاشاندا داڭعىل بولا بەرمەيدى، ٴتۇرلى جاپاعا، قيىندىققا، حاۋىپ ـ قاتەرگە، بوگەتتەرگە ۇشىرايتىنىمىز داۋسىز، كوپتەگەن اساۋ تولقىنداردىڭ، ٴتىپتى، داۋىلدى تولقىنداردىڭ اۋىر سىناعىنا جولىعۋىمىز مۇمكىن. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، كەڭ كولەمدە ورتاق تانىم ۇيىستىرىپ، بارلىق بەلسەندى فاكتورلاردى تولىق جۇمىلدىرىپ، ويدى ٴبىر اراعا شوعىرلاندىرىپ، كۇشتى ٴبىر اراعا جۇمساپ، رەفورمانىڭ، دامۋدىڭ تىڭ ٴورىسىن قۇلشىنا اشقانىمىزدا ىستەرىمىزدىڭ جەڭىستى بولاتىندىعى داۋسىز.
(شينحۋا اگەنتتىگىنىڭ 11 ـ ايدىڭ 1 ـ كۇنى بەيجيڭنەن بەرگەن حابارى)
