— ولكە، مينيسترلىك دارەجەلى نەگىزگى باسشى كادرلاردىڭ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ ـ تالقى كۋرسىنان ەستەلىك
شينحۋا اگەنتتىگىنىڭ تىلشىلەرى ياڭ ۋيحان، لين حۇي، ديڭ شياۋشي
جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدىڭ شەشۋشى كەزەڭىندە، بۇكىل پارتيا، بۇكىل ەل پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ جاتقان ماڭىزدى ساتتە، ولكە، مينيسترلىك دارەجەلى نەگىزگى باسشى كادرلار ورتالىق كوميتەت پارتيا مەكتەبىندە (مەملەكەتتىك اكىمشىلىك شۋەيۋانى) باس قوسىپ، يدەيا مەن ارەكەتتى ونان ارى بىرلىككە كەلتىرىپ، جالپى ٴماجىلىستىڭ رۋحىن اناعۇرلىم ويداعىداي دايەكتىلەندىرۋدى، تياناقتاندىرۋدى ىلگەرىلەتتى.
وقۋ باستاۋ سالتىندا باس شۋجي شي جينپيڭ رەفورمانى ونان ارى جاپپاي تەرەڭدەتۋدەگى ٴبىرقانشا كەلەلى نازاريالىق جانە امالياتتىق ماسەلەلەردى تەرەڭ بايىمداپ، جاڭا تاريحي باستامادا رەفورمانى ونان ارى جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندە قايتالاي اتتانىسقا كەلتىرىپ، قايتالاي ورنالاستىرۋ جاساپ، بۇكىل پارتيانىڭ ”شەشۋشى ازشىلىعىن“ رەفورما جاساۋ، ەسىك اشۋ تۋىن تاباندىلىقپەن بيىك ۇستاپ، رەفورمانى العان بەتتەن قايتپاي العا ىلگەرىلەتۋگە جەتەكشىلىك ەتتى.
جاڭا جورىقتا ەكپىندەي ىلگەرىلەپ، جاڭا ٴورىس اشتى. رەفورمانى جاپپاي تەرەڭدەتۋ ۇزدىكسىز ىشكەرىلەي ىلگەرىلەپ، جۇڭگو ۇلگىسىندەگى وسىزامانداندىرۋعا سارقىلماس قۇدىرەتتى قوزعاۋشى كۇش ۇستەدى.
رەفورما سەنىمىن بەكەمدەدى _
”جاڭا داۋىردە رەفورمانى جاپپاي تەرەڭدەتۋ كەلەلى امالياتتىق جەتىستىككە، تۇزىمدىك جەتىستىككە، نازاريالىق جەتىستىككە قول جەتكىزىپ، ەلىمىزدىڭ رەفورما جاساۋ، ەسىك اشۋ تاريحي ۇردىسىندەگى ەڭ ايبىندى تاراۋدىڭ ٴبىرى بولدى“
ورتالىق كوميتەت پارتيا مەكتەبى نەگىزگى عيماراتىنىڭ سولتۇستىك جاعىندا ماركس پەن ەنگەلستىڭ تولىق ٴمۇسىنى قاسقايىپ تۇر، ارت جاعىنداعى قاراعاي كوك تىرەيدى.
2024 ـ جىلى 10 ـ ايدىڭ 29 ـ كۇنى پارتيا ىشىندەگى وسى ەڭ جوعارى وقۋ ورنى تاعى ٴبىر رەتكى يدەيالىق سالتاناتتى قارسى الدى.
زال ىشىندە قىزىل كەرمە تۋداعى ”اماليات _ اقيقاتتى سىننان وتكىزۋدەگى بىردەن ـ ٴبىر ولشەم“ دەپ جازىلعان سارى ٴتۇستى ۇلكەن جازۋ ەرەكشە كوز تارتادى. ٴتوراعالار مىنبەسىنىڭ جوعارعى جاعىنا ”ولكە، مينيسترلىك دارەجەلى نەگىزگى باسشى كادرلاردىڭ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ ـ تالقى كۋرسى“ دەگەن كەرمە تۋ بيىك ٴىلىنىپتى.
تۇستەن بۇرىن ساعات 10دا زەرتتەۋ ـ تالقى كۋرسى وقۋ باستادى. قىزۋ قول شاپالاق ٴۇنى ىشىندە باس شۋجي شي جينپيڭ ماڭىزدى ٴسوز سويلەدى.
”الدىمەن قالاي ىستەگەنىمىزدى كورۋىمىز كەرەك، بۇل كەلەسى قادامدا العا ىلگەرىلەۋىمىزدىڭ العى شارتى“. باس شۋجي تۋ باستا ـ اق نەگىزگى ماقساتتى ٴتۇسىندىردى.
پارتيا 18 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى جاڭا داۋىردە رەفورمانى جاپپاي تەرەڭدەتۋ، رەفورمانى جۇيەلى، جالپى تۇلعالىق جوبالاۋدى ىلگەرىلەتۋ جاڭا جورىعىن باستاپ، ەلىمىزدىڭ رەفورما جاساۋىنىڭ، ەسىك اشۋىنىڭ شىت جاڭا جاعدايىن اشتى، بۇل ٴداۋىر بولگىش مانگە يە. 10 نەشە جىلدان بەرى، رەفورمانى جاپپاي تەرەڭدەتۋ ۇدەرە العا تارتىپ، تەز، ورنىقتى قاداممەن العا باستى، ٴبىر قىدىرۋ كەلەلى جەتىستىكتەر كۇللى الەمدى جالت قاراتتى، ىقپالى تەرەڭ بولدى.
بۇل اماليات بارىسىنداعى كەرەمەت قارىشتاۋ _
ىشكى ٴوندىرىستىڭ جالپى ٴونىم قۇنى 2012 ـ جىلعى 54 تريلليون يۋاننان 2023 ـ جىلى 126 تريلليون يۋانعا جەتىپ، ەكونوميكانىڭ جالپى مولشەرىنىڭ دۇنيە ٴجۇزى ەكونوميكاسىنداعى سالىستىرماسى %11 شاماسىنان %17 شاماسىنا كوتەرىلىپ، دۇنيە ٴجۇزى بويىنشا 2 ـ ورىندى يەلەدى؛ كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، مۇلدە كەدەيلىك ماسەلەسىن تاريحي سيپاتتى شەشتى؛ دۇنيە ٴجۇزى بويىنشا كولەمى ەڭ ۇلكەن وقۋ ـ اعارتۋ جۇيەسىن، قوعامدىق قامتاماسىزداندىرۋ جۇيەسىن، ەمدەۋ، دەنساۋلىق ساقتاۋ جۇيەسىن ورناتىپ، حالىقتىڭ تۇرمىس ساپاسى ۇزدىكسىز جوعارىلادى...
رەفورمادان قوزعاۋشى كۇش الىپ، رەفورما ارقىلى ومىرشەڭدىكتى جانداندىرىپ، بىرىككەن كۇش ۇيىستىردى. باس شۋجي شي جينپيڭ بىلاي دەپ تەرەڭدەي اتاپ كورسەتتى: ”جاڭا دامۋ ۇستانىمى رەفورما بارىسىندا قالىپتاسقان، جوعارى ساپالى دامۋعا ىقپال جاسايتىن جانە ونى تەجەيتىن يدەيالىق كوزقاراس پەن ٴتۇزىلىس مەحانيزمى كىناراتتارى رەفورما بارىسىندا جويىلادى، ەكونوميكانىڭ دامۋ ساپاسىنىڭ ٴونىمدى جوعارىلاۋى مەن سانىنىڭ ۇيلەسىمدى ارتۋى دا رەفورما بارىسىندا بىرتىندەپ جۇزەگە اسادى“.
رەفورمانى جاپپاي تەرەڭدەتۋ ارقىلى ەلىمىزدىڭ ەكونوميكالىق ناقتى قۋاتى، عىلىم ـ تەحنيكالىق ناقتى قۋاتى، جالپىلىق مەملەكەت قۋاتى جاڭا ساتىعا كوتەرىلىپ، زاڭمەن باسقارۋ قۇرىلىسى، ەكولوگيالىق وركەنيەت قۇرىلىسى، مەملەكەت قورعانىسى جانە ارميا قۇرىلىسى سياقتى سالالاردا كەلەلى تابىستارعا قول جەتتى.
بۇل ٴتۇزىم جاعىنداعى كۇن سايىن كەمەلدەنۋ _
جاڭا داۋىردە رەفورمانى جاپپاي تەرەڭدەتىپ، جۇڭگوشا سوتسياليستىك ٴتۇزىمدى كەمەلدەندىرۋ جانە دامىتۋ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ سىندى باس نىسانانى كوزدەپ، نەگىزدى بەكەمدەپ، باسىمدىقتى ساۋلەلەندىرىپ، ولقىلىقتاردى تولىقتاپ، ٴالسىز بۋىنداردى كۇشەيتىپ، سوتسياليستىك ٴتۇزىمنىڭ كورنەكتى باسىمدىعى ۇزدىكسىز بەكەمدەلىپ، ٴتۇزىمنىڭ باسەكەلىك قۋاتى ۇزدىكسىز جوعارىلادى، ەلىمىزدىڭ ٴتۇبىرلى ٴتۇزىمى، نەگىزگى ٴتۇزىمى، ماڭىزدى ٴتۇزىمى اناعۇرلىم كەمەلدەنگەن، عىلمي ارناعا تۇسكەن، جۇيەسى مۇلتىكسىز، اينالىمى ٴونىمدى ٴتۇزىم جۇيەسى كۇن سايىن كەمەلدەنىپ، تۇراقتاندى.
”بۇلاردىڭ بارلىعى قازىرگى جوسپار عانا ەمەس، ونان دا ماڭىزدىسى، مەملەكەتتىڭ باياندى تىنىشتىعى ٴۇشىن جاسالعان جوبا“. باس شۋجي شي جينپيڭ ۇزاق بولاشاققا كوز جىبەرىپ، تەرەڭ تولعاندى.
بۇل نازاريالىق جاقتاعى تولىسۋ، دامۋ _
جاڭا داۋىردە رەفورمانى جاپپاي تەرەڭدەتۋ ەلىمىز رەفورماسىنىڭ قامال الۋ كەزەڭىنە جانە تەرەڭ ايدىنعا قادام تاستاعان جاعدايىندا جوسپارلاندى جانە ىلگەرىلەتىلدى، قامتۋ كولەمى كەڭ، شارپۋ مۇددەسى تەرەڭ، قامال الۋ قيىندىعى زور، بايلانىسۋ سيپاتى، بىرلەسە قيمىلداۋ سيپاتى كۇشتى بولۋ سياقتى كورنەكتى ەرەكشەلىكتەردى كورسەتتى.
ۋاقىت جانە جاعداي، حاۋىپ ـ قاتەر جانە وراي. كۋرسانتتار مىنالاردى ٴبىلدىردى: باس شۋجي شي جينپيڭ بۇكىل پارتيانى رەفورما ٴدوپ كەلىپ وتىرعان جاعداي مەن مىندەتتى عىلمي يگەرىپ، جاڭا تاجىريبەلەردى دەر كەزىندە قورىتىندىلاپ، رەفورمانىڭ زاڭدىلىعى جونىندەگى تانىمدى ۇزدىكسىز تەرەڭدەتۋگە باستاپ، رەفورمانى جاپپاي تەرەڭدەتۋ جونىندە ٴبىرسىپىرا جاڭا يدەيالاردى، جاڭا كوزقاراستاردى، جاڭا تۇجىرىمداردى جاسامپازدىقپەن العا قويىپ، مازمۇنى باي، جۇيەسى عىلمي يدەيالىق جۇيە قالىپتاستىرىپ، جۇڭگوشا سوتسياليستىك رەفورما نازارياسىن تىڭ دەڭگەيگە كوتەردى.
كوكەيىڭدە ۇلى مۇرات بولسا ەگەر، بار قيىندىق ەڭسەرىلىپ جول بەرەر.
جاڭا داۋىردە رەفورمانى جاپپاي تەرەڭدەتۋ جان ـ جاقتى، تەرەڭ قاتپارلى، ٴتۇبىرلى سيپات الادى، قول جەتكەن تابىستار تاريحي، توڭكەرىستىك، جاسامپازدىق سيپات الادى، ”ەلىمىزدىڭ رەفورما جاساۋ، ەسىك اشۋ تاريحي ۇردىسىندەگى ەڭ ايبىندى تاراۋدىڭ ٴبىرى“.
كۋرسانتتار ٴبىر اۋىزدان بىلاي دەپ قارادى: جاڭا داۋىردە رەفورمانى جاپپاي تەرەڭدەتۋ جاپپاي دوڭگەلەك داۋلەتتى قوعام ورناتۋعا، ”ەكى ۇلكەن كەرەمەتتى“ ۇزدىكسىز جازۋعا قۇدىرەتتى قوزعاۋشى كۇش جانە تۇزىمدىك كەپىل ازىرلەدى، سونداي ـ اق جاڭا جورىقتا رەفورمانى ونان ارى جاپپاي تەرەڭدەتۋگە بەرىك نەگىز جانە قۇندى تاجىريبە ازىرلەدى. باس شۋجي شي جينپيڭنىڭ جول باستاپ، رول ۇستاۋىندا، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، بۇكىل پارتيا، بۇكىل ەلدەگى ٴار ۇلت حالقى رەفورمانى ونان ارى جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋدىڭ كەڭ بولاشاعىن اشۋ جونىندە، ٴسوز جوق، جەڭىسكە جەتۋ سەنىمىنە يە بولدى.
داڭعىل جولداعى ٴورىسىمىز كەڭ دە شەكسىز.
”قازىر دۇنيە ٴجۇزى 100 جىلدا بولماعان زور وزگەرىسكە ٴدوپ كەلدى، وسىنداي ٴبىر ٴداۋىر جۇڭحۋا ۇلتىنىڭ گۇلدەنۋىنىڭ شۇعىلاسىن ٴتىپتى دە كوپ تۋىنداتادى“. باس شۋجي شي جينپيڭ ايبىندى ۋاقىت پەن كەڭىستىك دەڭگەيىندە مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ العا باسۋ بەتالىسىنا جەتەكشىلىك ەتتى.
رەفورمادان رەفورمانى جاپپاي تەرەڭدەتۋگە، ودان رەفورمانى ونان ارى جاپپاي تەرەڭدەتۋگە دەيىن، جۇڭگو كوممۋنيستىك پارتياسى جۇڭگو حالقىنا باسشىلىق ەتىپ، نىق سەنىممەن، نىق قاداممەن كوركەم بولاشاققا قادام تاستادى.
رەفورما جاساۋ ٴادىسىن ايقىندادى _
”رەفورما _ جۇيەلى ينجەنەريا، ول عىلمي ٴادىستى دارىپتەپ، ٴار جاقتىڭ قاتىناسىن ويداعىداي ٴبىر جاقتى ەتۋدى قاجەت ەتەدى“
وقۋ باستاۋ سالتىندا رەفورمانى ونان ارى جاپپاي تەرەڭدەتۋدى اۋىزعا العاندا، ”جوعارى دەڭگەيدە جوبالاۋ مەن ىزدەنە ٴجۇرىپ جول تابۋدى ٴوزارا ۇشتاستىرۋ كەرەك“ دەدى، باس شۋجي شي جينپيڭ جاندى تەڭەۋ ارقىلى ”ىزدەنە ٴجۇرىپ جول تابۋ _ كەرباقپالىق پەن جۇرەكسىزدىك“ دەيتىن قاتە سىڭايعا جاۋاپ قايتاردى.
”تانىس جولداعى رەفورما بەينە مالتاۋ كولشىگى سياقتى، بەلگى سىزىعى بولادى، قاي جەرى تاياز، قاي جەرى تەرەڭ ەكەنىن ٴبىر كورىپ ـ اق بىلۋگە بولادى. اساۋ وزەندە ابايلاپ ٴجۇرىپ جول تاپپاسا قايتىپ بولادى؟ رەفورما جاساپ، ەسىك اشقانىمىزعا نەشە ون جىل بولدى، قازىر بارلىق ماسەلەگە قانىقپىز دەۋگە كەلمەيدى. ەگەر بارلىعىنا قانىق بولساق، وندا رەفورما جۇرگىزۋدىڭ كەرەگى نە؟“، ـ دەدى باس شۋجي.
ٴارقانداي ٴىستى ٴبىتىرۋدىڭ شاراسى بولادى، ۇيلەسىمدى شاراسىن تاپقاندا عانا ىستەن ناتيجە شىعارۋعا بولادى. رەفورمانى ىلگەرىلەتۋدە، ٴسوز جوق، ”عىلمي ٴادىستى قولدانۋعا شەبەر بولۋ“ كەرەك.
2024 ـ جىلى 5 ـ ايدىڭ 23 ـ كۇنى كاسىپورىندار مەن ماماندار اڭگىمە ماجىلىسىندە باس شۋجي شي جينپيڭ رەفورمانى ونان ارى جاپپاي تەرەڭدەتۋدىڭ ٴادىس ـ امالدارىن بايىمدادى، ونداعى ٴبىرىنشى تارماق ”تۋراشىلدىقتان اينىماي، جاڭالىق اشۋعا تاباندى بولۋ“ بولدى. ٴبىر ايدان استام ۋاقىتتان كەيىن، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ «قاۋلىسىندا» ”تۋراشىلدىقتان اينىماي، جاڭالىق اشۋعا تاباندى بولۋ“ رەفورمانى ونان ارى جاپپاي تەرەڭدەتۋدە، ٴسوز جوق، دايەكتىلەندىرۋگە ٴتيىستى 6 كەلەلى پرينسيپتىڭ ٴبىرى دەپ ايقىن بەلگىلەندى.
وسى رەتكى وقۋ باستاۋ سالتىندا باس شۋجي شي جينپيڭ ”تۋراشىلدىقتان اينىماي، جاڭالىق اشۋعا تاباندى بولۋدىڭ“ تەرەڭ مانىنە قايتالاي تالداۋ جاسادى:
”تۋراشىلدىقتان اينىماۋ مەن جاڭالىق اشۋ ديالەكتيكالىق بىرلىككە يە، تۋراشىلدىقتان اينىماعاندا عانا، جاڭالىق اشۋدىڭ باستان ـ اياق دۇرىس بەتالىسپەن العا ىلگەرىلەۋىنە كەپىلدىك ەتۋگە بولادى، تەك ۇزدىكسىز جاڭالىق اشقاندا عانا، اناعۇرلىم ويداعىداي تۋراشىلدىقتان اينىماۋعا بولادى“.
كۋرسانتتار بىلاي دەپ قارادى: تۋراشىلدىقتان اينىماۋ دەگەنىمىز رەفورماعا تاباندى بولۋدا باعىت بولۋ، پرينسيپ بولۋ، مۇندا پارتيانىڭ جالپى بەتتىك باسشىلىعىنا تاباندى بولۋ، ماركسيزمگە تاباندى بولۋ، جۇڭگوشا سوتسياليزمگە تاباندى بولۋ، حالىق دەموكراتياسى ديكتاتۋراسىنا تاباندى بولۋ، قوعامنىڭ ادىلدىگىن، ادىلەتتىلىگىن جەبەۋدى، حالىقتىڭ قۇت ـ ىرىسىن ارتتىرۋدى شىعار ٴتۇيىن جانە تابان تىرەر تياناق ەتۋ سياقتى ٴتۇبىرلى نارسەلەردەن تيتتەي دە اۋىتقىماۋ؛ جاڭالىق اشۋ دەگەنىمىز العان بەتتەن قايتپايتىن جۇرەكتىلىكپەن جانە باتىلدىقپەن ٴداۋىر دامۋىنىڭ جاڭا بەتالىسىنا، امالياتتىق دامۋدىڭ جاڭا تالابىنا، حالىق بۇقاراسىنىڭ جاڭا تىلەگىنە سايكەسىپ، رەفورمادا جاڭا سەرپىلىستەرگە ۇزدىكسىز قول جەتكىزۋدى ىلگەرىلەتۋ كەرەك.
”قاي ـ قاشان دا باس نىسانا نۇسقاعان بەتالىسپەن العا ىلگەرىلەپ، رەفورما جاساۋعا تيىستىلەرىنە رەفورما جاساپ، رەفورما جاساماۋعا تيىستىلەرىنە رەفورما جاساماۋ كەرەك“. باس شۋجي شي جينپيڭنىڭ ماڭىزدى تۇجىرىمى تۋى ايقىن، كەسەتىمدى بولدى.
تاريحتىڭ العا ىلگەرىلەۋ لوگيكاسىمەن العا ىلگەرىلەپ، ٴداۋىردىڭ دامۋ اعىمىنا ۇيلەسىپ دامىدى. جاڭا داۋىردە جۇڭگو كوممۋنيستەرى ەكونوميكالىق ٴتۇزىلىس رەفورماسى سىندى ماڭىزدى ٴتۇيىندى كورنەكتىلەندىرىپ، ٴتۇرلى جاقتاعى رەفورمانى جاپپاي سايكەستى ىلگەرىلەتىپ، باستان ـ اياق دۇرىس جولمەن ٴجۇرىپ، جاڭا جول اشۋعا شەبەر بولدى.
”رەفورما _ جۇيەلى ينجەنەريا، عىلمي ادىسكە ٴمان بەرىپ، جان ـ جاقتى قاتىناستاردى ويداعىداي ٴبىر جاقتى ەتۋدى قاجەت ەتەدى“. وقۋ باستاۋ سالتىندا باس شۋجي شي جينپيڭ ”ٴتورت جۇپ قارىم ـ قاتىناستان“ پايدالانىپ رەفورمانى ونان ارى جاپپاي تەرەڭدەتۋگە عىلمي جەتەكشىلىك ەتتى.
رەفورما جاساۋ مەن زاڭمەن باسقارۋدىڭ بىرلىگىنە تاباندى بولۋ _ ”رەفورما كۇشى ارقىلى زاڭمەن باسقارۋدى كەمەلدەندىرىپ، زاڭمەن باسقارۋ سالاسىنداعى رەفورمانى ونان ارى تەرەڭدەتۋ كەرەك“، ”زاڭمەن باسقارۋدىڭ رەفورما جاساۋداعى كەدەرگىنى الاستاۋداعى، رەفورما جەتىستىگىن بەكەمدەۋدەگى بەلسەندى رولىن اناعۇرلىم ويداعىداي ساۋلەلەندىرىپ، زاڭمەن باسقارۋ وي جەلىسىنەن جانە زاڭمەن باسقارۋ تاسىلىنەن شەبەر پايدالانىپ، رەفورمانى ىلگەرىلەتۋ كەرەك“.
كۇشىنەن قالدىرۋ مەن ورناتۋدىڭ ديالەكتيكالىق بىرلىگىنە تاباندى بولۋ _ ”ٴتۇرلى رەفورما شارالارىن تولىق دالەلدەۋ، دەن قويا جوبالاپ، حاۋىپ ـ قاتەردى باعالاۋدى ىشكەرىلەي ورىستەتىپ، ۋاقىتىن، دەڭگەيىن، ونىمدىلىگىن ويداعىداي يگەرۋ كەرەك“، ”ورناتۋعا تيىستىلەرىن بەلسەندى، ىرىقتى تۇردە ورناتىپ، كۇشىنەن قالدىرۋعا تيىستىلەرىن ورناتۋ نەگىزىندە دەر كەزىندە كۇشىنەن قالدىرىپ، كۇشىنەن قالدىرۋ مەن ورناتۋدىڭ بىرلىگى بارىسىندا رەفورما اياق الىسىنىڭ تەز ٴارى ورنىقتى بولۋىن جۇزەگە اسىرۋ كەرەك“.
رەفورما جاساۋ مەن ەسىك اشۋدىڭ بىرلىگىنە تاباندى بولۋ _ ”رەفورما نەعۇرلىم تەرەڭدەگەن سايىن، ەسىك اشۋ دەڭگەيى جونىندەگى تالاپ سولعۇرلىم جوعارى بولادى؛ ەسىك اشۋ دەڭگەيى نەعۇرلىم جوعارى بولعان سايىن، رەفورمانى جەبەۋ رولى سولعۇرلىم زور بولادى“.
ورنالاستىرۋ مەن تياناقتاندىرۋدىڭ قاتىناسىن ويداعىداي ٴبىر جاقتى ەتۋ _ ”حۇجات جاساۋعا ٴمان بەرىپ، تياناقتاندىرۋدى قۋزاۋعا جەڭىل ـ جەلپى قاراۋ سياقتى جايتتەردەن ساقتانۋ، ٴبىر ٴىستى اياعىنا شىعارماۋدان ساقتانۋ“، ”جاۋاپكەرشىلىگى ايقىن، تىزبەگى كەمەلدى، بۋىن ـ بۋىن بويىنشا قابىسقان قىزمەت مەحانيزمىن ورناتىپ، اقاۋسىزداندىرىپ، ونىمدىلىگىن قاداعالاپ قۋزاستىرۋدى كۇشەيتىپ، رەفورما شارالارىنىڭ ناقتى، تىڭعىلىقتى، ەگجەي ـ تەگجەيلى تياناقتانۋىن ىلگەرىلەتۋ كەرەك“.
رەفورمادا بار كۇشىن سالىپ ىستەۋ ٴارى شاماسىنا قاراي ىستەۋ كەرەك. باس شۋجي شي جينپيڭ: ”ۇستامدى بولۋ كەرەك، تاريحي ۇستامدىلىق بولۋ كەرەك“ دەپ باسا دارىپتەدى.
باتىس بولىكتەن كەلگەن ٴبىر كۋرسانت مىنالاردى ٴبىلدىردى: رەفورمادا، ٴسوز جوق، ورنىقتىلىق بارىسىندا ىلگەرىلەۋگە، تارتىپپەن بىرتىندەي ىلگەرىلەۋگە تاباندى بولۋ، جۇيەلى شوعىرلاندىرۋعا اناعۇرلىم ٴمان بەرۋ، ماڭىزدى ٴتۇيىندى كورنەكتىلەندىرۋگە اناعۇرلىم ٴمان بەرۋ، رەفورمانىڭ ناقتى ونىمدىلىگىنە اناعۇرلىم ٴمان بەرۋ كەرەك. تۇپتەپ كەلگەندە، بارلىعىندا ٴىس جۇزىندىكتى شىعار ٴتۇيىن ەتىپ، رەفورمانىڭ تەبىنىن دامۋدىڭ قارقىنىمەن، قوعامنىڭ كوتەرىمدىلىك دەڭگەيىمەن بىرلىككە كەلتىرىپ، ٴوندىرىس قاتىناسى مەن وندىرگىش كۇشتەردىڭ، قوندىرما مەن بازيستىڭ، مەملەكەتتى باسقارۋ مەن قوعامدىق دامۋدىڭ اناعۇرلىم ويداعىداي سايكەسۋىن ىلگەرىلەتىپ، جۇڭگو ۇلگىسىندەگى وسىزامانداندىرۋ قۇرىلىسىنا اناعۇرلىم كوپ رەفورما پايداسىن جاراتۋ كەرەك.
زەرتتەۋ ـ تالقى كۋرسى كەزىندە كۋرسانتتار 16 گرۋپپاعا ٴبولىنىپ ىشكەرىلەي تالقى ورىستەتتى. ساباقحانادا كوپشىلىك اسەرلەرىن سويلەپ، تانىمدارىن ايتىپ، تاماشا شارالاردى جوسپارلاپ، قىزۋ ىنتامەن، بۇكپەسىز، شىنايى سىرلاسىپ، يدەيانىڭ ۇشقىنىن ۇزدىكسىز قاۋلاتتى.
كوپشىلىك ٴبىر اۋىزدان بىلاي دەپ قارادى: باس شۋجي شي جينپيڭنىڭ ماڭىزدى ٴسوزى ٴادىسنامانى قامتىعان تانىم نازارياسىن ايگىلەپ، ”وزەننەن ٴوتۋ“ مىندەتىن ورنالاستىرۋمەن قاتار، ”كوپىر نەمەسە كەمەنىڭ“ ماسەلەسىن شەشۋگە ٴجون سىلتەدى، ول وتە كۇشتى ساياسي سيپاتقا، نازاريالىق سيپاتقا، باعىتتامالىلىق سيپاتقا، جەتەكشىلىك سيپاتقا يە بولىپ، بۇكىل پارتياعا جەتەكشىلىك ەتىپ رەفورمانى ونان ارى جاپپاي تەرەڭدەتۋدى العا ىلگەرىلەتەتىندىگى، تەرەڭدەتەتىندىگى ٴسوزسىز.
رەفورما بىرىككەن كۇشىن ۇيىستىردى _
”كەڭ كولەمدە ورتاق تانىم ۇيىستىرىپ، بارلىق بەلسەندى فاكتورلاردى تولىق جۇمىلدىرۋ رەفورمانى ٴساتتى ىلگەرىلەتۋدە ايرىقشا ماڭىزدى“
رەفورمانى ونان ارى جاپپاي تەرەڭدەتۋدە ”شەشۋشى ازشىلىق“، ٴسوز جوق، شەشۋشى جاۋاپكەرشىلىك ارقالاپ، شەشۋشى رول اتقارۋى كەرەك.
باس شۋجي شي جينپيڭ باسشى كادرلاردان، اسىرەسە، جوعارى دارەجەلى باسشى كادرلاردان ”ساياسي جاۋاپكەرشىلىك سەزىمدى، تاريحي بورىشتىلىق سەزىمدى كۇشەيتىپ“، ”قايشىلىقتارعا، ماسەلەلەرگە ٴدوپ كەلگەندە تايساقتاماي، ٴسىڭىستى كىناراتتار مەن قاساڭ دەرتتەردى الاستاۋدا جاسقانباي، حاۋىپ ـ قاتەرگە، سىن ـ سايىستارعا توتەپ بەرۋدە شەگىنشەكتەمەي، رەفورما جاساۋدىڭ، دامۋدىڭ جاڭا ٴورىسىن قۇلشىنا اشۋدى“ شىنايى ورىنداۋدى تالاپ ەتتى.
ٴوز بويىنان ونەگە كورسەتىپ، ۇلگى كورسەتىپ، باستاماشى بولدى؛ اۋىر مىندەت ارقالاپ، شىنايى ناقتى ىستەدى.
مەكتەپتە كۋرسانتتار عيماراتىنىڭ الدىنداعى جياۋ يۇيلۋ مەن گۋ ۋىنچاڭنىڭ جارتى دەنە ٴمۇسىنى الىستان ٴۇن قوسىپ، تاڭداۋلى كوممۋنيستىك پارتيا مۇشەلەرىنىڭ باتىلدىقپەن جاۋاپكەرشىلىك ارقالاۋىن جانە قالتقىسىز ۇلەس قوسۋىن ايگىلەپ تۇر.
”باسشى كادرلار رەفورما جولىنداعى باستاماشى، تىرەكتى كۇش بولىپ، القانى ويداعىداي يگەرىپ، قوسىندى ويداعىداي باسقارىپ، كاسىپتى ويداعىداي ىستەپ، مۇقيات، ەگجەي ـ تەگجەيلى ىستەپ، سالماقتى، بايىپتى بولىپ، نەگىزدىك رەفورمانى، بولجالدىق رەفورمانى، سايكەستى رەفورمانى قۇلشىنا ويداعىداي ىستەپ، جاڭا باستامادا كوپشىلىكتى باستاپ ٴتىپتى دە تەرەڭ قاتپارلى سالاعا قاراي قادام تاستاۋ كەرەك“، ـ دەدى ورتالىق جانە مەملەكەت ورگانىنان كەلگەن ٴبىر كۋرسانت.
”كەڭ كولەمدە ورتاق تانىم ۇيىستىرىپ، بارلىق بەلسەندى فاكتورلاردى تولىق جۇمىلدىرۋ رەفورمانى ٴساتتى ىلگەرىلەتۋدە ايرىقشا ماڭىزدى“.
باس شۋجي شي جينپيڭ رەفورمانى ونان ارى جاپپاي تەرەڭدەتۋدىڭ تاماشا رايىن قالىپتاستىرۋ جونىندە ارناۋلى ورنالاستىرۋ جاساپ، رەفورمانىڭ قوعامدىق پىكىر جەتەكشىلىگى قىزمەتىن شىنايى ويداعىداي ىستەپ، ۇنامدى ۇگىتتى كۇشەيتىپ، نەگىزگى اۋەندى اسقاقتاتىپ، وڭ ەنەرگيا جەتكىزۋدى تالاپ ەتتى.
باس شۋجي مىنالاردى تالاپ ەتتى: جالپى ٴماجىلىس «قاۋلىسىندا» العا قويىلعان كەيبىر كەلەلى نازاريالاردى، كوزقاراستاردى زەرتتەۋ مەن ٴتۇسىندىرۋدى، اسىرەسە، نەگىزگى ساتىعا جانە بۇقاراعا باعىتتالعان ۇگىتتەۋدى، ٴتۇسىندىرۋدى كۇشەيتىپ، دەر كەزىندە كۇدىك ـ كۇماننان ارىلتىپ، قوعام ٴجىتى قاداعالاپ وتىرعان ىستەرگە جاۋاپ قايتارىپ، كەڭ كولەمدە ورتاق تانىم ۇيىستىرىپ، بۇكىل پارتيا، بۇكىل قوعام رەفورمانى بىرگە يگەرۋ يدەيالىق نەگىزىن، بۇقارالىق نەگىزىن بەكەمدەۋ كەرەك. كادرلاردى، بۇقارانى كەلەلى جاعداي تانىمىن كۇشەيتۋگە، رەفورما بارىسىنداعى مۇددە قاتىناسىنىڭ رەتتەلۋىنە جانە جەكە باسىنىڭ پايدا ـ زيانىنا دۇرىس مامىلەدە بولۋعا جەتەكتەۋ كەرەك.
ۇگىت، يدەيا، مادەنيەت شەبىنەن كەلگەن ٴبىر كۋرسانت تەرەڭ اسەرلەنىپ بىلاي دەدى: رەفورمانى ونان ارى جاپپاي تەرەڭدەتۋدىڭ اقپاراتتىق قوعامدىق پىكىر قىزمەتىن ويداعىداي ىستەۋدە، ٴسوز جوق، نەگىزگى ساتىعا ىشكەرىلەي بارىپ، جاڭا داۋىردەگى بۇقارالىق لۋشيانمەن ويداعىداي ٴجۇرىپ، بۇقارانىڭ ماڭىنداعى ۇساق حيكايالار ارقىلى رەفورمانىڭ ۇلكەن قاعيداسىن ويداعىداي ٴتۇسىندىرىپ، رەفورمادا قول جەتكەن تاريحي سيپاتتى تابىستاردى تولىق ايگىلەۋ كەرەك. شەشۋشى ساتتە، ماڭىزدى تۇيىندەردە باتىلدىقپەن ٴۇن قاتىپ، ٴۇن قاتۋعا شەبەر بولىپ، رەفورمانى ونان ارى جاپپاي تەرەڭدەتۋگە پارمەندى قوعامدىق پىكىر قولداۋىن كورسەتۋ كەرەك.
ورتاق تانىمدى ۇيىستىرىپ، كۇش ـ قۋاتتى تاسقىنداتتى؛ ٴبىر باعىتتا ساپارلاس بولىپ، تەڭ قاداممەن كۇش سالدى.
حالىق _ باستان ـ اياق پارتيامىزدىڭ رەفورما ىستەرى لوگيكاسىنىڭ باستالۋ ٴتۇيىنى جانە قۇن ماقساتىنىڭ تياناعى.
”رەفورما _ حالىق بۇقاراسىنىڭ ٴوز ٴىسى، تۇتاس حالىق بىرگە ات سالىسىپ، ٴبىر نيەتپەن ىنتىماقتاسىپ قيىندىقتاردى جەڭىپ، قامال الۋى كەرەك“. باس شۋجي شي جينپيڭ تەرەڭ سۇيىسپەنشىلىكپەن بىلاي دەدى: ”ناقتى ناتيجە، ناقتى ونىمدىلىك جانە حالىق بۇقاراسىنىڭ رازىلىعى ارقىلى رەفورمانى ساراپتاپ، حالىق بۇقاراسىنىڭ رەفورمادا تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋىنە شىن مانىندە مۇمكىندىك جاساۋ كەرەك“.
11 ـ ايدىڭ 1 ـ كۇنى تۇستەن كەيىن زەرتتەۋ ـ تالقى كۋرسى اياقتادى. تۇرلىشە سالادان كەلگەن 10 كۋرسانت ۋاكىل وزدەرىنىڭ ۇيرەنۋ اسەرلەرىن ٴبولىستى.
”رەفورمادان قامال الۋدى ۇزدىكسىز تەرەڭدەتىپ، تۇتاس جىلدىق ەكونوميكالىق، قوعامدىق دامۋ نىسانا ـ مىندەتتەرىن جوعارى ساپامەن قۇلشىنا جۇزەگە اسىرامىز“، ”نەگىزگى ساتىنىڭ رەفورمانى يگەرۋ، دامۋدى جەبەۋ بەلسەندىلىگىن، ىرىقتىلىعىن، جاسامپازدىعىن ونان ارى جۇمىلدىرىپ، كادرلاردى ٴورىس اشا العا ىلگەرىلەۋگە، ٴىس تىندىرىپ ناتيجە جاراتۋعا شابىتتاندىرامىز“، ”اتويلاۋ رۋحىن، جاڭالىق اشۋ ارىنىن، ىستەۋ ستيلىن ماڭگى ساقتاپ، ٴبىر ـ بىرىنە جالعاستىرا ىستەپ، كۇش جالعاپ العا ۇمتىلامىز“...
باسىپ وتكەن جولدى ەستەن شىعارماۋ، الداعى جولمەن ويداعىداي ٴجۇرۋ كەرەك.
يدەيالىق شىڭدالۋدى باستان وتكەرىپ، رەفورما جوباسىن كوكەيدە ساقتاپ، مول ٴونىمدى التىن كۇزدە تاعى دا ساپارعا اتتاندى، بايتاق جۇڭگو دالاسىندا رەفورمانىڭ ايشىقتى تاراۋى جازىلۋدا.
(شينحۋا اگەنتتىگىنىڭ 11 ـ ايدىڭ 2 ـ كۇنى بەيجيڭنەن بەرگەن حابارى)
