پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جانە باس شۋجي شي جينپيڭنىڭ مەملەكەت دارەجەلى ەكونوميكالىق، تەحنيكالىق اشۋ رايونى قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اشۋ رايوندارىنىڭ جوعارى ساپالى دامۋىن ىلگەرىلەتۋ قىزمەتى ٴماجىلىسى جۇندۇڭدا اشىلدى
جاڭالىق اشۋ ومىرشەڭ كۇشىن جانە ىشكى قوزعاۋشى كۇشتى ۇزدىكسىز قاۋلاتىپ، رەفورمانى تەرەڭدەتۋدى جاپپاي ىلگەرىلەتىپ، شينجياڭ ەرەكشەلىگىنە، باسىمدىققا يە وسىزاماندانعان كاسىپ سالاسى جۇيەسىن جەدەل قالىپتاستىرۋ كەرەك
ما شيڭرۇي ٴسوز سويلەدى، ەركىن تۇنياز باسقاردى، حى جۇڭيوۋ، جاڭ جۋ قاتىناستى
11 - ايدىڭ 3 - كۇنى شينجياڭ جۇندۇڭ ەكونوميكالىق، تەحنيكالىق اشۋ رايونىندا اشۋ رايوندارىنىڭ جوعارى ساپالى دامۋىن ىلگەرىلەتۋ قىزمەتى ءماجىلىسىن اشتى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي ماجىلىسكە قاتىناستى ءارى ءسوز سويلەدى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 11 ـ ايدىڭ 3 ـ كۇنى سانجىدان حابارلايدى. 11 ـ ايدىڭ 3 ـ كۇنى شينجياڭ جۇندۇڭ ەكونوميكالىق، تەحنيكالىق اشۋ رايونىندا اشۋ رايوندارىنىڭ جوعارى ساپالى دامۋىن ىلگەرىلەتۋ قىزمەتى ٴماجىلىسىن اشىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردە باتىس بولىكتى قاۋىرت اشۋدى ىلگەرىلەتۋ اڭگىمە ٴماجىلىسىنىڭ رۋحىن جانە باس شۋجي شي جينپيڭنىڭ مەملەكەت دارەجەلى ەكونوميكالىق، تەحنيكالىق اشۋ رايونى قىزمەتى جونىندەگى ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، بۇكىل شينجياڭداعى اشۋ رايوندارىنىڭ جانە باقشا رايوندارىنىڭ رەفورماسىن، دامۋىن ىلگەرىلەتۋ قىزمەتىن جۇيەلى اقىلداستى، تەرەڭدەي ىلگەرىلەتتى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي ماجىلىسكە قاتىناسىپ ٴارى ٴسوز سويلەپ، بىلاي دەپ باسا دارىپتەدى: شينجياڭنىڭ اشۋ رايونى قىزمەتىن، باقشا رايونى قىزمەتىن ستراتەگيالىق جانە جالپى جاعداي تۇرعىسىنان جوسپارلاۋعا تاباندى بولىپ، يدەيانى، كوزقاراستى ازات ەتىپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، رەفورمانى ونان ارى جاپپاي تەرەڭدەتۋ ارقىلى جاڭالىق اشۋ ومىرشەڭ كۇشىن جانە ىشكى قوزعاۋشى كۇشتى قاۋلاتىپ، ٴتۇرلى اشۋ رايوندارىنىڭ جانە باقشا رايوندارىنىڭ كوتەرىمدىلىك قۋاتىن، جەتەكشىلىك قۋاتىن جانە باسەكەلىك قۋاتىن ۇزدىكسىز جوعارىلاتىپ، شينجياڭ ەرەكشەلىگىنە، باسىمدىققا يە وسىزاماندانعان كاسىپ سالاسى جۇيەسى قۇرىلىسىنىڭ قۋاتتى قوزعالتقىشىن جانە ماڭىزدى شەبىن كۇش سالا تۇلعالاپ، جاڭا جورىقتا جوعارى ساپالى دامۋدى ىلگەرىلەتۋگە پارمەندى تىرەك ازىرلەۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴماجىلىستى باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيى جاڭ جۋ ماجىلىسكە قاتىناستى.
اۆتونوميالى رايوندىق پارتكوم وسى رەتكى ماجىلىسكە ايرىقشا ٴمان بەرىپ، دەن قويا دايىندالىپ، جۇڭگو كاسىپورىن بىرلەستىگى، جۇڭگو كاسىپورىنشىلار بىرلەستىگى پارتكومىنىڭ شۋجيى، ۇنەمىلىك ىستەرگە جاۋاپتى ورىنباسار باستىعى ٴارى باس حاتشى جۋ حۇڭرىندى جەتەكشىلىك ەتۋ بايانداماسىن جاساۋعا ۇسىنىس ەتتى، تۋىسقان ولكە ـ رايونداردىڭ كاسىپ سالاسى بازالارىنداعى، اشۋ رايوندارىنداعى جاۋاپتى جولداستار تاجىريبە اۋىستىردى. ماجىلىستە جۋ حۇڭرىن بۇكىل ەلدەگى باقشا رايوندارىنىڭ دامۋ احۋالىن تانىستىرىپ، شينجياڭنىڭ باقشا رايوندارىنىڭ دامۋىنداعى ارتىقشىلىقتارعا، جەتەرسىزدىكتەرگە تالداۋ جاساپ، شينجياڭ باقشا رايوندارىنىڭ جوعارى ساپالى دامۋىن ونان ارى ىلگەرىلەتۋ جونىندە ويلارى مەن ۇسىنىستارىن ورتاعا قويدى. نيڭشيا نيڭدۇڭ ەنەرگيا، حيميا ونەركاسىبى بازاسى جانە شانشي يۇيلين ەكونوميكالىق، تەحنيكالىق اشۋ رايونى پارتيا قىزمەتى كوميتەتتەرىندەگى قاتىستى جاۋاپتى جولداستار باقشا رايوندارىنىڭ كاسىپ سالالارىن شوعىرلاندىرۋى، رەفورما جاساپ، جاڭالىق اشۋى سياقتىلار توڭىرەگىندە تاجىريبەلەرىن تانىستىردى.
ما شيڭرۇي بىلاي دەپ اتاپ كورسەتتى: اشۋ رايوندارى مەن باقشا رايوندارى _ شينجياڭنىڭ ناقتى ەكونوميكانى زورايتۋداعى ماڭىزدى شەبى، كاسىپ سالالارى شوعىرىن جەتىلدىرۋدەگى ماڭىزدى دانەكەرى، سىرتقا ەسىك اشۋدى ىلگەرىلەتۋدەگى ماڭىزدى تۇعىرى، وسىزاماندانعان كاسىپ سالاسى جۇيەسىن قۇرۋ، اشىق ەكونوميكالىق جاڭا ٴتۇزىلىس قۇرىلىسىن ىلگەرىلەتۋ، وڭىرلەردىڭ سايكەستى دامۋىن جەبەۋ جونىنەن كەلەلى ٴمان الادى. شينجياڭنىڭ اشۋ رايونى، باقشا رايونى قىزمەتىن ويداعىداي ىستەۋدە شينجياڭعا شينجياڭ تۇرعىسىنان عانا قاراۋعا بولمايدى، سونداي ـ اق باقشا رايوندارىن باقشا رايوندارى تۇرعىسىنان عانا تالقىلاۋعا بولمايدى. ٴسوز جوق، پارتيا مەن مەملەكەت قىزمەتىنىڭ جالپى جاعدايىنا قىزمەت ەتۋدى شىعار ٴتۇيىن ەتىپ، مەملەكەتتىڭ ەنەرگيا، ستراتەگيالىق كەن ونىمدەرى بايلىعى جانە استىق حاۋىپسىزدىگىن قامتاماسىز ەتۋ ستراتەگيالىق بيىك تۇرعىسىنان تانىپ، جوعارى دەڭگەيدە ەسىك اشۋدى كەڭەيتۋ، جاڭا دامۋ ارناسىنا قىزمەت وتەۋ جانە ونىمەن توعىسۋ سىندى ۇزاق بولاشاقتىق تۇرعىنى كوزدەپ يگەرىپ، وسىزاماندانعان كاسىپ سالاسى جۇيەسىن قۇرۋدىڭ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدىڭ رەال قاجەتىن تياناق ەتىپ ىلگەرىلەتۋ كەرەك. جەر ـ جەر، تاراۋلار ساياسي دەڭگەيدى باتىل جوعارىلاتىپ، باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ ٴبىر قىدىرۋ كەلەلى شەشىمدەرىن، ورنالاستىرۋلارىن شىن مانىندە تەرەڭدەي ۇيرەنىپ، جەتە ٴتۇسىنىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ كەلەلى رەفورما شارالارىنا تۋرالانىپ، ونان ارى يدەيانى ازات ەتىپ، رەفورمانى تەرەڭدەتىپ، ٴتۇرلى اشۋ رايوندارىنىڭ جانە باقشا رايوندارىنىڭ دامۋ قابىلەت دەڭگەيىن كۇش سالا كوتەرىپ، بازارداعى باسەكەلىك قۋاتىن، دەربەس جاڭالىق اشۋ قۋاتىن، جەتەكشىلىك ەتۋ، قامتۋ قۋاتىن جانە وڭىرلىك ىقپال قۋاتىن ۇزدىكسىز ارتتىرۋى كەرەك.
ما شيڭرۇي بىلاي دەپ اتاپ كورسەتتى: مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جۇڭگو ۇلگىسىندەگى وسىزامانداندىرۋ ارقىلى ىلگەرىلەتۋدىڭ جاڭا جورىعىندا شينجياڭ جوعارى ساپالى دامۋدىڭ ماڭىزدى ستراتەگيالىق وراي مەزگىلىندە تۇر، شينجياڭنىڭ ەنەرگيا بايلىعى شوعىرلانۋ سياقتى كوپتەگەن ايرىقشا باسىمدىعى بار ەكەندىگىن، اسىرەسە، ”ٴبىر بەلدەۋ، ٴبىر جولدى“ بىرگە قۇرۋدىڭ جانە جاڭا داۋىردە باتىس بولىكتى قاۋىرت اشۋدى ىلگەرىلەتۋدىڭ ىشكەرىلەي اتقارىلۋىنا ىلەسە، شينجياڭنىڭ اشۋ رايوندارىنىڭ جانە باقشا رايوندارىنىڭ دامۋ كەلەشەگى اناعۇرلىم كەڭ بولاتىندىعىن كورە ٴبىلۋ كەرەك. سونىمەن بىرگە شينجياڭداعى ٴتۇرلى اشۋ رايوندارىنىڭ جانە باقشا رايوندارىنىڭ كولەمى، قۋاتى، جوبالاپ قۇرۋ دەڭگەيى سياقتى جاقتاردا ٴالى دە كوپتەگەن پارىقتار جانە ولقىلىقتار ورىن تەۋىپ وتىرعاندىعىن جەتە تانۋ كەرەك. سەنىمدى بەكەمدەپ، ورايدى مىقتى يگەرىپ، اناعۇرلىم ويداعىداي ارتىقشىلىقتاردى اسىرىپ، ولقىلىقتاردى تولىقتاپ، اشۋ رايوندارىنىڭ، باقشا رايوندارىنىڭ رەفورماسىن، دامۋىن ىلگەرىلەتۋ شارالارىن جۇيەلى جوسپارلاپ، كاسىپ سالالارىنىڭ باقشا رايوندارىنا شوعىرلانۋىن، فۋنكتسيالاردىڭ باقشا رايوندارىنا توپتالۋىن، فاكتورلاردىڭ باقشا رايوندارىنا جينالۋىن ىلگەرىلەتىپ، اشۋ رايوندارىن، باقشا رايوندارىن شىن مانىندە ەكونوميكانىڭ تيبىن وزگەرتىپ، دارەجەسىن جوعارىلاتۋدى ىلگەرىلەتۋدىڭ جانە جوعارى ساپالى دامۋدى جۇزەگە اسىرۋدىڭ جالىندى كۇشى ەتىپ تۇلعالاۋ كەرەك.
ما شيڭرۇي بىلاي دەپ باسا دارىپتەدى: جوعارى دەڭگەيلى جوبانى ويداعىداي جاساپ، جەرگىلىكتى جاعدايعا قاراي ىستەۋگە تاباندى بولىپ، اشۋ رايونى، باقشا رايونى قىزمەتىن جوعارى دەڭگەيدە ىلگەرىلەتۋ كەرەك. جۇيەلى ويلاۋدى كۇشەيتىپ، مەملەكەتتىڭ ستراتەگيالىق قاجەتىمەن جانە شينجياڭنىڭ دامۋ قاجەتىمەن تىعىز بايلانىستىرىپ، جەر ـ جەردىڭ وڭىرلىك ورىن شارت ـ جاعدايى، بايلىق ارتىقشىلىعى، كاسىپ سالاسى نەگىزى سياقتىلاردى تياناق ەتىپ، اشۋ رايوندارىنىڭ جانە باقشا رايوندارىنىڭ دامۋ ورنالاسىمىن ساپالىلاندىرىپ، فۋنكتسيالىق ورنىن ايقىنداپ، ەرەكشەلىگىن، باسىمدىعىن كورنەكتىلەندىرىپ، باسىمدىققا يە بايلىقتاردى جانە ساپالى كاسىپورىنداردى كاسىپ سالاسىنىڭ ورنالاسىمىنا ۇيلەسەتىن باقشا رايوندارىنا شوعىرلانۋعا جەتەكتەپ، ”ٴىرى دە قۋاتتى بولۋ“، ”ارنايىلانۋ ٴارى كەمەلدەنۋ“ بەتالىسىنا قاراي ۇزدىكسىز ارشىنداي العا باسۋ كەرەك. جاڭالىق اشۋ ارقىلى دامۋعا دەم بەرۋگە تاباندى بولىپ، اشۋ رايوندارىنىڭ، باقشا رايوندارىنىڭ جوعارى ساپالى دامۋىنداعى ٴبىرىنشى قوزعاۋشى كۇشتى قۋاتتى سومداۋ كەرەك. شينجياڭنىڭ ٴتۇيىندى كاسىپ سالالارى شوعىرىنىڭ، ٴتۇيىندى كاسىپ سالالارى تىزبەگىنىڭ دامۋىنداعى بوگەتتەر، شەكتەمەلەر توڭىرەگىندە باسىمدىققا يە بايلىقتاردى جانە سايلاۋىت كۇشتەردى شوعىرلاندىرا وتىرىپ تەحنيكالىق قامال الۋدى ىلگەرىلەتىپ، ٴتۇيىندى كاسىپ سالالارى مەن شەشۋشى سالالاردا تەحنيكالىق جاڭالىق اشۋ قابىلەتىن كۇشەيتۋ كەرەك. نازاردى جاسىل، تومەن كومىر قىشقىل گازدى دامۋعا شوعىرلاندىرىپ، لاستانۋدى ازايتىپ، كومىر قىشقىل گازىنىڭ شىعارىلۋىن تومەندەتۋدەگى الدىڭعى لەكتىك عىلىم ـ تەحنيكا تاسىلدەرىنىڭ قولدانىلۋىن جەدەلدەتىپ، اشۋ رايوندارى، باقشا رايوندارى جوعارى ساپالى دامۋىنىڭ جاسىل ٴتۇپ بوياۋىن ۇزدىكسىز قانىق ەتۋ كەرەك. كاسىپ سالالارىن شوعىرلاندىرۋ، كاسىپورىنداردى كۇشەيتۋ سىندى تەتىكتى يگەرىپ، اشۋ رايوندارىنىڭ، باقشا رايوندارىنىڭ كولەمىن، قابىلەت دەڭگەيىن جانە باسەكەلىك قۋاتىن جوعارىلاتۋ كەرەك. باستاماشى كاسىپ سالالارىن، باسىمدىققا يە كاسىپ سالالارىن كوزدەپ، وزەكتى تەحنيكالىق قابىلەتى كورنەكتى، شوعىرلى جاڭالىق اشۋ قۋاتى كۇشتى، جەتەكتەۋ جانە قامتۋ قۋاتى كورنەكتى ٴبىر توپ جەتەكشى كاسىپورىندى، بىرەگەي كاسىپورىندى ەنگىزىپ جانە جەتىلدىرىپ، نازاردى ٴبىر توپ كاسىپ سالاسى تىزبەگى ”تىزبەك باسى“ كاسىپورنىنا جانە كاسىپ سالالارى شوعىرى ”شوعىر باسى“ كاسىپورنىنا شوعىرلاندىرىپ، ەرەكشەلىككە، باسىمدىققا يە كاسىپ سالالارىنىڭ تىزبەكتى ۇزارتۋىن، تىزبەكتى تولىقتاۋىن، تىزبەكتى كۇشەيتۋىن ۇزدىكسىز ىلگەرىلەتىپ، ٴبىر توپ 100 ميلليارد يۋان دارەجەسىندەگى جانە 10 ميلليارد يۋان دارەجەسىندەگى كاسىپ سالالارى باقشا رايونىن تۇلعالاۋ كەرەك. جوعارى دەڭگەيدە ەسىك اشۋدى بەلسەنە كەڭەيتىپ، جاڭا دامۋ ارناسىنا قىزمەت وتەۋدىڭ جانە ونىمەن توعىسۋدىڭ اشىق بيىگىن تۇلعالاۋ كەرەك. شينجياڭنىڭ ەركىن ساۋدا سىناق رايونىن جوعارى ولشەممەن قۇرىپ، اشۋ رايوندارىنىڭ، باقشا رايوندارىنىڭ توڭىرەكتەگى ەلدەرمەن تەرەڭ سەلبەستىگىن كۇشەيتىپ، حالىقارالىق سەلبەستىكتىڭ جاڭا ۇلگىسىن بەلسەنە قاراستىرىپ، ”ٴبىر بەلدەۋ، ٴبىر جولدى“ بىرگە قۇراتىن ەلدەرمەن باقشا رايوندارىنىڭ ەكونوميكا ـ ساۋدا ەرەجەسى، جۇمىس جۇرگىزۋ ۇلگىسى سياقتىلاردا ٴتۇيىلىسۋدى كۇشەيتىپ، ٴتۇرلى اشۋ رايوندارىن، باقشا رايوندارىن شينجياڭنىڭ سىرتقا ەسىك اشۋىنىڭ تاماشا تانىسقىسىنا اينالدىرۋ كەرەك. باسقارۋ مەحانيزمى رەفورماسىن ۇزدىكسىز تەرەڭدەتىپ، اشۋ رايوندارىنىڭ، باقشا رايوندارىنىڭ باسقارۋ، جۇمىس جۇرگىزۋ دەڭگەيىن كوتەرۋ كەرەك. باقشا رايوندارىنىڭ ۇقىعى مەن جاۋاپكەرشىلىگىن سالالاپ، ەكونوميكالىق فۋنكتسيالىق ورنىن كورنەكتىلەندىرىپ، بازارلانعان شارۋاشىلىق جۇرگىزۋ مەحانيزمىن جەدەل كەمەلدەندىرىپ، باسشىلىق القاسىنا ۇزدىكتەردى تاڭداپ، مىقتىلاردى ورنالاستىرىپ، جوعارى ورەلى شارۋاشىلىق جۇرگىزۋ، باسقارۋ دارىندىلارىن توپتاپ، ىشكى قوزعاۋشى كۇشتى، ومىرشەڭ كۇشتى ۇزدىكسىز قاۋلاتۋ كەرەك. كاسىپورىن قاجەتىن باعدار ەتكەن قىزمەت وتەۋ تانىمىن بەرىك ورناتىپ، نىسانداردى تەكسەرىپ بەكىتۋ ونىمدىلىگىن جوعارىلاتىپ، زاڭ بويىنشا، بەلگىلەمە بويىنشا كاسىپورىنداردىڭ قيىنشىلىعىن شەشىپ، ناقتى ٴىس ىستەپ، بىرەگەي شارۋاشىلىق ـ ساۋدا ورتاسىن قۇلشىنا تۇلعالاۋ كەرەك. دامۋ مەن حاۋىپسىزدىكتى ٴبىر تۇتاس جوسپارلاپ، جوعارى ساپالى دامۋعا تاماشا ورتا قالىپتاستىرۋ كەرەك. ٴوندىرىس حاۋىپسىزدىگى جاۋاپكەرشىلىك ٴتۇزىمىن قاتاڭ تياناقتاندىرىپ، ٴتۇيىندى كاسىپتەر مەن سالالارداعى حاۋىپسىزدىكتى باقىلاۋ ـ باسقارۋدى كۇشەيتىپ، باقشا رايوندارىنداعى كاسىپورىنداردىڭ، باسقارۋ كوميتەتىنىڭ تۇلعالىق جاۋاپكەرشىلىگىن كورنەكتى تۇردە قاتايتىپ، حاۋىپسىز دامۋ تومەنگى شەگىن باتىلدىقپەن مىقتى ساقتاپ، جوعارى دەڭگەيلى حاۋىپسىزدىك ارقىلى اشۋ رايوندارىنىڭ، باقشا رايوندارىنىڭ جوعارى ساپالى دامۋىن قامتاماسىز ەتۋ كەرەك.
ما شيڭرۇي بىلاي دەپ باسا دارىپتەدى: پارتيانىڭ باسشىلىعىن كۇشەيتىپ، پارتكوم ٴبىر تۇتاس جوسپارلايتىن، ۇكىمەت باستاماشى بولاتىن، تاراۋلار، ورىندار تەڭ يگەرىپ، بىرگە باسقاراتىن قىزمەت ارناسىن قالىپتاستىرۋ كەرەك. ٴار دارەجەلى پارتكومدار مەن ۇكىمەتتەر، اسىرەسە، ”ٴبىرىنشى باسشىلار“ ويداعىداي ”قۇرىلىس اترەتى باستىعى“ بولىپ، اشۋ رايونى، باقشا رايونى قىزمەتىن تۇگەلدەي وزدەرى كىرىسىپ يگەرۋى كەرەك. قاتىستى تاراۋلار، ورىندار ٴارقايسىسى ٴوز مىندەتتەرىن وتەپ، تىعىز سايكەسىپ، جۇرەكتىلىكپەن رەفورما جاساپ، باتىلدىقپەن ۇقىقتى بەرىپ، اشۋ رايوندارىنىڭ، باقشا رايوندارىنىڭ قۇرىلىسىن زور كۇشپەن قولداۋى كەرەك. ٴتۇرلى اشۋ رايوندارى، باقشا رايوندارى تۇلعالىق جاۋاپكەرشىلىكتى تياناقتاندىرىپ، باسقارۋ مەحانيزمىندە بەلسەنە جاڭالىق اشىپ، شارۋاشىلىق جۇرگىزۋ قابىلەتىن جوعارىلاتىپ، جوعارى ساپالى دامۋدى قۇلشىنا ىلگەرىلەتۋى كەرەك.
ەركىن تۇنياز ٴماجىلىستى باسقارعاندا بىلاي دەپ اتاپ كورسەتتى: شينجياڭنىڭ اشۋ رايوندارىنىڭ، باقشا رايوندارىنىڭ جوعارى ساپالى دامۋىن ىلگەرىلەتۋدىڭ كۇش سالۋ ٴتۇيىنىن، سەرپىلىس ٴتۇيىنىن دالمە ـ ٴدال يگەرىپ، ەرەكشەلەندىرىلگەن، شوعىرلاندىرىلعان، سيفرلاندىرىلعان، جاسىلداندىرىلعان دامۋ جولىنا جەدەل ٴتۇسۋ كەرەك. نازاردى اشۋ رايوندارىنىڭ، باقشا رايوندارىنىڭ دامۋىنداعى ولقىلىقتارعا شوعىرلاندىرىپ، اقىلداسۋدى، جوسپارلاۋدى كۇشەيتىپ، تۇرلەر بويىنشا ماسەلەنى شەشىپ، قامال الىپ، باسقارۋ ٴتۇزىمى رەفورماسىن تىڭعىلىقتى ىلگەرىلەتۋ كەرەك. قىزمەتتىڭ ماڭىزدى ٴتۇيىنىن كورنەكتىلەندىرىپ، كاسىپ سالالارىنىڭ دەڭگەيىن كوتەرۋدى، جاڭالىق اشۋ ارقىلى دەم بەرۋدى جانە جوعارى دەڭگەيدە ەسىك اشۋدى مىقتى يگەرىپ، اشۋ رايوندارى، باقشا رايوندارى دامۋىنىڭ ساپاسىن، ونىمدىلىگىن جاپپاي جوعارىلاتىپ، جوعارى ساپالى دامۋعا ماڭىزدى تىرەك ازىرلەۋ كەرەك. جەر ـ جەر، تاراۋلار جانە اشۋ رايوندارى، باقشا رايوندارى اۆتونوميالى رايوندىق پارتكومنىڭ تالابىن جاپپاي تياناقتاندىرىپ، ٴتورتىنشى ماۋسىمعا جاۋاپكەرشىلىك ارقالاپ، ىسكەرلىك كورسەتە ۇمتىلىپ، تۇتاس جىلدىق ەكونوميكالىق، قوعامدىق دامۋدىڭ نىسانا ـ مىندەتتەرىن قۇلشىنا ورىنداۋى كەرەك.
ماجىلىستە اۆتونوميالى رايوندىق پارتكومنىڭ شتات كەڭسەسىندەگى جانە ٴۇرىمجى جوعارى، جاڭا تەحنيكالىق كاسىپ سالالارىن اشۋ رايونىنداعى، جۇندۇڭ ەكونوميكالىق، تەحنيكالىق اشۋ رايونىنداعى، ارال ەكونوميكالىق، تەحنيكالىق اشۋ رايونىنداعى، شينجياڭ ەركىن ساۋدا سىناق رايونى قاشقار اۋماعىنداعى، قورعاس ەكونوميكالىق، تەحنيكالىق اشۋ رايونىنداعى، تارباعاتاي ٴتۇيىندى وركەندەتۋ، ەسىك اشۋ سىناق رايونىنداعى، كورلا شاڭكۋ جوعارى، جاڭا تەحنيكالىق كاسىپ سالالارىن اشۋ رايونىنداعى، قۇمىل جوعارى، جاڭا تەحنيكالىق كاسىپ سالالارىن اشۋ رايونىنداعى قاتىستى جاۋاپتى جولداستار پىكىر اۋىستىرىپ لەبىز ٴبىلدىردى.
چىن ۋيجۇن، ٴيۇسۇپجان مامەت، قادەن كابەن، اۆتونوميالى رايوندىق ۇكىمەتتەگى، ساياسي كەڭەستەگى، بيڭتۋانداعى قاتىستى باسشىلار، اۆتونوميالى رايون مەن بيڭتۋاننىڭ قاتىستى ورىندارىنداعى، ورتالىقتىڭ شينجياڭدا تۇراتىن ٴىشىنارا ورىندارىنداعى جاۋاپتى جولداستار، ٴارقايسى ايماق، وبلىس، قالالارداعى جانە بيڭتۋاننىڭ شى، قالالارىنداعى نەگىزگى جاۋاپتى جولداستار، سالاعا جاۋاپتى جولداستار جانە قاراستى اشۋ رايوندارىنداعى، باقشا رايوندارىنداعى جاۋاپتى جولداستار، شينجياڭعا كومەكتەسەتىن ٴارقايسى ولكە ـ قالالاردىڭ الدىڭعى جاق قولباسشىلىق شتابىنداعى جاۋاپتى جولداستار، قاتىستى كاسىپورىنداردىڭ ۋاكىلدەرى قاتارلىلار ماجىلىسكە قاتىناستى.
