ٴميناۋار ٴالي:
ۇلتتار ىنتىماعى گۇلىن سۋاراتىن باعبان بولامىن
انار بۇلت \ شينجياڭ گازەتىنىڭ ٴتىلشىسى شىن زۋشياۋ
”مەيلى قاي كەزدە بولسىن وقىتۋشىعا تەلەفون جالعاساق، ول سابىرلىلىقپەن تىڭدايدى.“ ”ۇيرەنۋدە، تۇرمىستا قانداي قيىنشىلىق بولسا دا، وقىتۋشىنى ىزدەسەك بولعانى، ول ۇنەمى امالىن تاۋىپ بىزگە كومەكتەسىپ شەشىپ بەرەدى“... وقۋشىلاردىڭ اۋزىنداعى بۇل وقىتۋشى نيڭبو كاسىپتىك ـ تەحنيكالىق شۋەيۋانىنىڭ جەتەكشىسى ٴميناۋار ٴالي. يدەيالىق ـ ساياسي تاربيە سالاسىندا ون نەشە جىل تەرەڭ تامىر تارتقان، مەملەكەت دارەجەلى كوپتەگەن داڭققا يە بولعان ۇزدىك تاربيەشى. بيىل ٴميناۋار داڭقپەن ”مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە“ اتاعىنا يە بولدى.
2006 ـ جىلى 20 جاستاعى ٴميناۋار يوپۇرعا اۋدانىنان نيڭبو داشۋەسىنە وقۋعا كەلگەندە، جىجياڭعا العاش كەلگەن شينجياڭدىق وقۋشىلار سياقتى تاماقتانۋ ادەتى، تىلدىك قارىم ـ قاتىناس سياقتى قيىنشىلىقتارعا ٴدوپ كەلىپ، ٴبىر مەزەت جالتارعىسى كەلگەن ەدى. ”سول كەزدەگى تاربيەشىم بۇلاردى بايقاپ ىشتەي ابىرجىپ جۇرەدى ەكەن، دەمالعان كەزدەرىمدە مەنى جەرگىلىكتى ورىننىڭ اۋىل سالتىن، سالت ـ ساناسىن سەزىنۋگە ەرتىپ بارىپ، جان اشىر جاقىنىمداي مەيىر سيلادى“. سول كەزدەن باستاپ ٴميناۋار وسى مەيىردى باسقالارعا جەتكىزىپ، ٴتىپتى دە كوپ جات جەرلىك ادامداردىڭ جىجياڭعا ۇيىرلەسۋىنە مۇمكىندىك جاساۋ ويىندا بولدى. نيڭبو قالاسىن بارعان سايىن تۇسىنۋىنە بايلانىستى، ول وسى قالانى بىرتىندەپ ۇناتا باستادى.
2011 ـ جىلى نيڭبو كاسىپتىك ـ تەحنيكالىق شۋەيۋانى از ۇلت وقۋشىلارىنىڭ مەكتەپكە، نيڭبوعا اناعۇرلىم تەز ۇيىرلەسۋىنە كومەكتەسۋ ٴۇشىن ٴبىر جەتەكشى قابىلدايتىن بولدى. بۇل حاباردى ەستىگەن ٴميناۋار دەرەۋ بارىپ تىزىمدەلدى. ”نيڭبو ماعان مەيىر سيلاپ كەلەدى، مەن دە ٴبىر كىسىلىك ۇلەسىمدى قوسىپ، وقۋشىلاردىڭ نيڭبوعا اناعۇرلىم جاقسى ۇيىرلەسۋىنە، وسى ارادا ٴتىپتى دە جاقسى ۇيرەنۋىنە كومەكتەسسەم دەپ ويلايمىن“، ـ دەدى ول.
مەكتەپتە تاربيەشى بولعانىمەن، وقۋشىلار ونى ”ٴميناۋار اپەكە“ دەپ شاقىرعاندى ۇناتادى. ٴميناۋار وقۋشىلاردىڭ ۇيرەنۋ ناتيجەسىنە كوڭىل ٴبولىپ قانا قويماي، تۇرمىسى مەن پسيحيكالىق سالاماتتىعىنا دا ٴمان بەرىپ، ولاردىڭ جالپىلىق ساپاسىن جوعارىلاتۋىنا كومەكتەستى.
”داعدارعان كەزىمدە، ٴميناۋار اپەكەم ماعان جول كورسەتتى، ٴميناۋار اپەكەم مەيىرلى سوزدەرىمەن، ٴىس جۇزىندىك ارەكەتىمەن ۇيرەنۋ، تۇرمىس بارىسىنداعى ٴتۇرلى ماسەلەلەرىمدى شەشتى“. وقۋشى ٴمۇتالىپ ٴماتتۇردى ٴميناۋاردىڭ ٴوزىنىڭ ۇستازى عانا ەمەس، ونان دا ماڭىزدىسى، دوسىنداي، تۋعانىنداي بولىپ كەتكەندىگىن ايتتى.
وقۋشىلاردىڭ ەسەيىپ ـ ەرجەتۋىنە، العا باسۋىنا كوڭىل بولۋمەن بىرگە، ٴميناۋار ۇلتتار ىنتىماعى، العاباسارلىعى تاربيەسىن مەكتەپتىڭ ٴىس جۇزىندىك جاعدايىمەن ۇشتاستىرىپ، جوعارى مەكتەپتەردەگى از ۇلت وقۋشىلاردىڭ يدەيا ـ ساياسي تاربيەسىنىڭ جاڭا ۇلگىسىندە جاڭالىق اشىپ، ۇلتتار ىنتىماعىنىڭ تۇقىمىن ٴار ۇلت وقۋشىلارىنىڭ جۇرەگىنە تەرەڭ ەكتى.
ٴميناۋار جىجياڭ ولكەسى جۇڭحۋا ۇلتى ورتاق تۇلعا تانىمىن بەكەمدەۋ زەرتتەۋ بازاسىنىڭ بايلىق باسىمدىعىنان پايدالانىپ، «جۇڭحۋا ۇلتى ورتاق تۇلعا تانىمىن بەكەمدەۋ جونىندە ەگجەي ـ تەگجەيلى ٴتۇسىندىرۋ» ساباعىن اشتى، سونىمەن بىرگە ”مامان جەتىلدىرۋ ساباقحاناسىنان“، ”لانمو بۇلتتىق ساباقتارى“ بۇلتتىق ميكرو ساباقحاناسىنان پايدالانىپ، ينتەرنەت جەلىسىندەگى تاربيە ساباعىن شىعارىپ، يدەيا ـ ساياسي ساباعىن جاندى دا قىزىقتى ٴوتتى.
ٴميناۋار مۇعالىمنىڭ ساباعى ادامدى ەرەكشە باۋرايدى، ول بىزگە ٴبىلىم ۇيرەتىپ قانا قويماي، قالاي ادام بولۋدى، قايتكەندە كوپ نەگىزدى مادەنيەتتىڭ توعىسۋى بارىسىندا ەسەيىپ ـ ەرجەتۋدى دە ۇيرەتتى“، ـ دەدى وقۋشى نيمان سايرىن.
تالاي جىلدان بەرى ٴميناۋار تاربيەلەگەن ٴار ۇلت وقۋشىلارى نازاريالىق ۇگىت لەكسيا سويلەۋ، اۋىل ـ قىستاقتى گۇلدەندىرۋ، ەرىكتى قىزمەت وتەۋ سياقتى نەگىزگى ساتىنىڭ ٴبىرىنشى شەبىندە كۇرەس جۇرگىزىپ، جەرگىلىكتى ورىننىڭ ەكونوميكالىق، قوعامدىق دامۋىن ىلگەرىلەتەتىن جانە ۇلتتار ىنتىماعىن قورعايتىن ”جالىندى كۇشكە“ اينالدى.
”ٴاربىر انار ٴدانىن تىعىز ۇيىستىرىپ، ۇلتتار ىنتىماعى گۇلىن بارلىق جەردە شەشەك اتتىرامىن“. وقىتۋشىلىق تۇرعىدان قوعامنىڭ قۇنارلى توپىراعىنا كوز جىبەرگەندە، ٴميناۋار باستان ـ اياق تەرەڭ سۇيىسپەنشىلىكپەن ۇلتتار ىنتىماعى گۇلىن دەن قويا باپتاپ كەلەدى.
ساباقحاناداعى يدەيالىق تاربيە ساباعىنان سىرت، ٴميناۋار ٴار ۇلت جاستارى مەن ورەندەرىنىڭ ٴوزارا كىرىككەن ۇيرەنۋ، تۇرمىس ورتاسىن بەلسەنە جاراتىپ، وقۋلىقتاعى ۇلتتار ىنتىماعى يدەيالىق تاربيەسىن مەكتەپ تۇرمىسىنىڭ ٴار قىرىنا تەرەڭ ٴسىڭىردى.
”بۇل ارادا ٴار ۇلت حالقىنىڭ جەرگىلىكتى سالت ـ ساناسى بار، كوپشىلىكتىڭ ەكسكۋرسيالاۋىن قارسى الامىز!“ وقۋشىلار شوعىرلانعان ساۋدا رايونىندا ٴبىر ”انار قىزاردى · ٴميناۋار حالىقتىق سالت ـ سانا مادەنيەت ايالداماسى“ كوپتەگەن وقۋشىلاردى باۋرادى، مادەنيەت ايالداماسىنداعى وتباسى سالتىن جالعاستىرۋ، حالىقتىق سالت ـ سانادان ٴلاززات الۋ، ٴدامدى تاعامنان ٴدام تاتۋ سياقتى قيمىلدار توقتاۋسىز ورىستەتىلدى، قيمىلدا وقۋشىلار جۇڭحۋانىڭ تاڭداۋلى ٴداستۇرلى مادەنيەتى جونىندەگى تانىمى مەن تۇسىنىگىن ۇزدىكسىز جوعارىلاتۋمەن بىرگە، بىرتىندەپ ٴسىڭىرۋ بارىسىندا جۇڭحۋا ۇلتى ورتاق تۇلعا تانىمىن ونان ارى بەكەمدەي ٴتۇستى.
2017 ـ جىلى ٴميناۋار ”ٴميناۋار قىزمەت كەڭسەسىن“ قۇردى. قىزمەت كەڭسەسى قۇرىلعاننان كەيىن، وسى ۇجىمداعىلار جۇمىس ىستەۋشىلەر ٴبىرشاما شوعىرلانعان كاسىپورىندار، الەۋمەتتىك اۋماق سياقتىلارعا بارىپ، مەملەكەتتە ٴبىر تۇتاس قولدانىلاتىن ٴتىل ـ جازۋعا باۋلۋ، ونەرگە باۋلۋ سياقتى قىزمەت وتەۋلەردى ورىستەتىپ، 1000عا جۋىق جۇمىسشىنىڭ شىعىس بولىكتەگى تەڭىز جاعالاۋىنداعى قالالاردا ورنىقتى جۇمىستانۋىنا ٴساتتى دەم بەردى.
”ٴار ۇلت اناردىڭ دانىندەي تىعىز ۇيىسۋى كەرەك. وقۋشىلاردىڭ جول باستاۋشىسى رەتىندە، ولاردى تىعىز ىنتىماقتاسىپ، ۇلتتار ىنتىماعى، العاباسارلىعىنىڭ امالياتتا ايگىلەۋشىسى بولۋعا جەتەكتەۋ _ مەنىڭ اۋەلگى ماقساتىم“، ـ دەدى ٴميناۋار.
