ادامداردىڭ ٴداستۇرلى تانىمىندا تەڭىز دەڭگەيىنەن بيىك تاۋلى وڭىرلەر سورتاڭ جەرلەر كۇرىش ەگۋمەن قاتىسسىز سياقتى. الايدا، بيىل شەريا اۋدانىنىڭ تاۋلى رايونىنداعى جاقا اۋىلى لانگۇي قىستاعى ادامدى جەلپىندىرەتىن ٴبىر جەتىستىككە يە بولدى — تەڭىز دەڭگەيىنەن جوعارى تاۋلى وڭىردەگى سورتاڭ جەرگە سىناق رەتىندە 300 مۋ كۇرىش ەگىپ تابىسقا جەتىپ، مول ٴونىم كەرەمەتىنە قول جەتكىزدى.
شەريا اۋدانى جاقا اۋىلى تەڭىز دەڭگەيىنەن 2100 مەتر بيىكتىكتەگى تاۋلى وڭىرگە ورنالاسقان، اتاۋلى ەرەكشە جەر ۇزاق جىلداردان بەرى تەڭىز دەڭگەيىنەن بيىك، توپىراعىندا تۇز قۇرامى جوعارى بولۋداي ناشار شارت - جاعدايىنا يە بولعاندىقتان، كۇرىش سىندى ٴوسۋ ورتاسىنا ٴبىرشاما تالعامپاز ەگىس داقىلدارىنىڭ ەگىلۋ مۇمكىندىگى جوق دەپ قارالعان. الايدا، عىلمي زەرتتەۋ قىزمەتكەرلەرى مەن جەرگىلىكتى ورىنداعى اۋىلدىق پارتكوم، ۇكىمەت، سونداي - اق اۆتونوميالى رايوندىق راديو - تەلەۆيزيا مەڭگەرمەسىنىڭ قىستاقتا تۇراتىن قىزمەت اترەتى استە ءۇمىتىن ءۇزىپ كورمەدى. ولار زەرتتەۋ، تاجىريبە جاساۋ ارقىلى بيىل سورتاڭعا ٴتوزىمدى جاڭا كۇرىش سورتىن ەگىپ، ەگىمشىلىك تەحنيكاسىن جاقسارتتى. توپىراقتى ەگجەي - تەگجەيلى جاقسارتۋدان سۋاراتىن سۋ قاينارىن عىلمي تەڭشەۋگە دەيىن، ٴاربىر بۋىنعا سانسىز كۇش - قۋاتىن ارنادى. سىناق رەتىندە ەگىلگەن كۇرىش جايقالا ٴوسىپ، اۋىر كۇرىش ماساقتارى بەلىن ٴيىپ، مول ءونىم شاتتىعىن بەينەلەپ تۇرعانداي.
العاشقى مەجەگە قاراعاندا، ءار مۋ جەردىڭ ءتۇسىمى 350 كيلوگرامنان جوعارى بولىپ، مەجەدەگىدەن ارتىق بولدى. وسى رەتكى سىناق رەتىندە ٴساتتى ەگۋ استىق ٴونىمىن ارتتىرۋعا جاڭا جول اشىپ قانا قالماستان، ادامزاتتىڭ تابيعاتتى وزگەرتۋدەگى، جەر بايلىعىنان پايدالانۋداعى شەكسىز كومەسكى كۇشىن ٴتىپتى دە دالەلدەدى، سونداي - اق جاعراپيالىق شارت - جاعدايى ۇقساس رايونداردىڭ اۋىل شارۋاشىلىعىنىڭ دامۋىنا تىڭ ٴۇمىت باعىشتادى جانە تاجىريبە توپتادى. كەلەر جىلى شەريا اۋدانى جاقا اۋىلى كۇرىش ەگۋ كولەمىن ونان ارى كەڭەيتىپ، وسى تابىستان اناعۇرلىم كوپ ادامدى يگىلىكتەندىرمەكشى.
(شەريا اۋداندىق توعىسپالى مەديا ورتالىعىنىڭ تىلشىلەرى لي ليفۋ، جاۋ يانبين)
