جاڭا داۋىردەگى قوعامدىق قىزمەتتىڭ جوعارى ساپالى دامۋىنىڭ جاڭا تاراۋىن جازدى
— پارتيا 18 ـ قۇرىلتايىنان بەرگى قوعامدىق قىزمەت تابىستارى جونىندە جالپى شولۋ
شينحۋا اگەنتتىگىنىڭ تىلشىلەرى
جاڭا داۋىردەگى قوعامدىق قىزمەتتى ويداعىداي ىستەۋ پارتيانىڭ ٴتۇبىرلى باس ماقساتىن امالياتتا ايگىلەۋ، مەملەكەتتىڭ نەگىزگى ساتىنى باسقارۋ نەگىزىن بەكەمدەۋ، قوعامدىق ومىرشەڭ كۇشتى ونان ارى قاۋلاتۋ جانە كۇشەيتۋ، بۇقاراعا اناعۇرلىم ويداعىداي قىزمەت وتەۋ، حالىقتى باقىتقا كەنەلتۋ جونىنەن ماڭىزدى ٴمان الادى.
پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا مەن مەملەكەت ىستەرى دامۋىنىڭ جالپى جاعدايى ستراتەگيالىق بيىگىنەن ٴبىر قىدىرۋ كەلەلى شەشىم، ورنالاستىرۋ جاساپ، قوعامدىق قىزمەت امالياتىندا جاڭالىق اشۋدى، نازارياسىندا جاڭالىق اشۋدى، تۇزىمىندە جاڭالىق اشۋدى بار كۇشپەن جەدەلدەتىپ، قوعامدىق قىزمەتتە ماڭىزدى تابىستارعا قول جەتكىزۋدى ىلگەرىلەتىپ، جۇڭگوشا سوتسياليستىك قوعامدى باسقارۋدىڭ ابزالدىلىعى مەن ونىمدىلىگى كۇن سايىن كورنەكتىلەنىپ، ”جۇڭگو باسقارۋىنىڭ“ جاڭا جاعدايىن اشتى.
ۇلى جوبا كەسكىندەپ، باعداردى كوزدەپ، جاڭا داۋىردەگى قوعامدىق قىزمەتتىڭ نىق قاداممەن الىسقا جەتۋىنە شىنايى كەپىلدىك ەتتى
”جۇڭگو ۇلگىسىندەگى وسىزامانداندىرۋدا بەيبەرەكەت ەمەس، رەتتى، جاندى دا ٴتارتىپتى قوزعالىس ديناميكالىق تەپە ـ تەڭدىگىن جۇزەگە اسىرۋ قاجەت ٴارى ونى جۇزەگە اسىرۋعا بولادى“.
ومىرشەڭ كۇش پەن ٴتارتىپتىڭ قاتىناسىن ويداعىداي ٴبىر جاقتى ەتىپ، قوعامنىڭ جاندى دا جالىندى ٴارى اسا ٴتارتىپتى بولۋىنا شىنايى كەپىلدىك ەتۋ جۇڭگو ۇلگىسىندەگى وسىزامانداندىرۋ تاقىرىبىندا ٴتيىستى ٴمان الادى، قوعامدىق قىزمەت ماڭىزدى بورىش ارقالايدى.
” ٴار ەلدىڭ باسقارۋ امالياتىنا كوز جىبەرەر بولساق، ەگەر قوعامدىق باسقارۋ ەكونوميكالىق دامۋ اياق الىسىنا ىلەسە الماسا، ٴتۇرلى قوعامدىق قايشىلىقتار مەن ماسەلەلەر ٴونىمدى شەشىم تاپپاسا، ەكونوميكالىق دامۋدىڭ باياندى بولۋى قيىن بولىپ قانا قويماي، تۇتاس قوعام دا اۋمالى ـ توكپەلى بولۋى مۇمكىن“.
باس شۋجي شي جينپيڭنىڭ شىن ىقىلاستى ماڭىزدى سوزدەرىندە قوعامدىق قىزمەت جونىندە تەرەڭ وي جۇگىرتۋى، جان ـ جاقتى تولعانۋى قامتىلعان، جاڭا داۋىردە قوعامدىق قىزمەتتى كۇشەيتۋدىڭ ماڭىزدىلىعى، كوكەي تەستىلىگى تەرەڭ بايىمدالعان.
”پارتيا باسشىلىعى ارقىلى جالپى جاعدايدى ٴبىر تۇتاس مەڭگەرۋ كەرەك“، ”پارتيانىڭ جاڭادان گۇلدەنگەن سالاداعى بەدەلىن جانە ۇيىستىرۋ قۋاتىن كەڭەيتۋ كەرەك“، ”پارتيا قۇرىلىسى ارقىلى نەگىزگى ساتىنى باسقارۋعا جەتەكشىلىك ەتۋدى زور كۇشپەن ىلگەرىلەتۋ كەرەك“، بۇقارانىڭ تالاپ ـ تىلەگىن ٴبىلدىرۋ، مۇددەسىن سايكەستىرۋ، ۇقىق ـ مۇددەسىن قامتاماسىز ەتۋ ارناسىن ىركىلىسسىزدەندىرۋ جانە ارناعا ٴتۇسىرۋ كەرەك“، ”جۇڭگوشا سوتسياليستىك قوعامدى باسقارۋ جولىمەن بۇلجىماي ٴجۇرۋ كەرەك“...
باس شۋجي شي جينپيڭ قوعامدىق قىزمەتتى نە ٴۇشىن كۇشەيتۋ، قوعامدىق قىزمەتتى قالاي كۇشەيتۋ دەگەندى توڭىرەكتەي وتىرىپ ٴبىر قىدىرۋ ماڭىزدى بايىمداۋلار جاساپ، ٴبىر قىدىرۋ جاڭا يدەيالاردى، جاڭا كوزقاراستاردى، جاڭا تۇجىرىمداردى العا قويىپ، جاڭا داۋىردە قوعامدىق قىزمەتتى ويداعىداي ىستەۋگە بەتالىس كورسەتىپ، بويسۇنۋ ولشەمىن ازىرلەدى.
شي جينپيڭ جولداستى ۇيتقى ەتكەن پارتيا ورتالىق كوميتەتى جۇيەلى جوسپارلاپ، جوعارى دەڭگەيدە جوبالادى، پارتيانىڭ قوعامدىق قىزمەتكە باسشىلىعى جاپپاي كۇشەيدى. پارتيا 20 ـ قۇرىلتايى قوعامدىق باسقارۋ جۇيەسىن كەمەلدەندىرۋ جونىندە ستراتەگيالىق ورنالاستىرۋ جاسادى. پارتيا 20 ـ كەزەكتى ورتالىق كوميتەتىنىڭ ەكىنشى جالپى ٴماجىلىسى ورتالىق كوميتەت قوعامدىق قىزمەت ٴبولىمىن قۇرىپ، پارتيا ورتالىق كوميتەتىنىڭ فۋنكتسيالىق تاراۋى ەتۋدى، ولكە، قالا، اۋدان دارەجەلى پارتكومداردا قوعامدىق قىزمەت تاراۋىن قۇرۋدى ۇيعاردى. پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى قوعامدىق قىزمەت ٴتۇزىلىس ـ مەحانيزمىن اقاۋسىزداندىرۋ سياقتى ماڭىزدى رەفورما شارالارىن العا قويىپ، جاڭا داۋىردەگى قوعامدىق قىزمەتتىڭ ٴتۇيىندى مىندەتتەرىن ايقىندادى.
قوعامدىق قىزمەت ساياساتى، ٴتۇزىمى ۇزدىكسىز كەمەلدەندى. پارتيا ورتالىق كوميتەتى نەگىزگى ساتىنى باسقارۋ جۇيەسى مەن باسقارۋ قابىلەتىن وسىزامانداندىرۋ قۇرىلىسىن كۇشەيتۋ، الەۋمەتتىك اۋماق قىزمەتكەرلەرى قوسىنى قۇرىلىسىن كۇشەيتۋ، جاڭا داۋىردەگى ەرىكتى قىزمەت وتەۋ جۇيەسىن اقاۋسىزداندىرۋ، ارىز ـ ارمان قىزمەتىن زاڭمەن باسقارۋدى ىلگەرىلەتۋ سياقتى جاقتارداعى پىكىرلەردى بەكىتتى، باسىپ تاراتتى، جەر ـ جەر، تاراۋلار دا قاتىستى ولشەمدى حۇجاتتاردى جاساپ ـ شىعارىپ، جاڭا داۋىردە قوعامدىق قىزمەتتى ويداعىداي ىستەۋگە پارمەندى تۇزىمدىك كەپىلدىك ازىرلەدى.
قوعامدىق قىزمەت ٴتۇزىلىس ـ مەحانيزمى ٴۇرتىس اقاۋسىزداندى. 2023 ـ جىلى 12 ـ ايدا ورتالىق كوميتەت پارتيا قۇرىلىسى قىزمەتى باسشىلىق گرۋپپاسى ٴماجىلىس اشىپ، پارتيا قۇرىلىسى ارقىلى نەگىزگى ساتىنى باسقارۋعا جەتەكشىلىك ەتۋدى سايكەستىرۋ مەحانيزمىن ورناتىپ، تاراۋ اتتاعان قىزمەتتە سايكەسىپ، بىرگە ارەكەتتەنۋدى كۇشەيتىپ، پارتيا قۇرىلىسى ارقىلى نەگىزگى ساتىنى باسقارۋعا جەتەكشىلىك ەتۋدە ٴدوپ كەلگەن جاڭا جاعدايلاردى، جاڭا ماسەلەلەردى اقىلداسىپ شەشتى. ورتالىق كوميتەت دەڭگەيىندە نەگىزگى ساتى ۇيىمدىق قۇرىلىسى، ارىز ـ ارمان قىزمەتى بىرلەسكەن ٴماجىلىسى سياقتى مەحانيزمدەردى دە اقاۋسىزداندىرىپ، پارتيانىڭ قوعامدىق سالاداعى قاتىستى قىزمەتتەردى ٴبىر تۇتاس جوسپارلاۋىن پارمەندى تۇردە كۇشەيتتى.
پارتيا قۇرىلىسى ارقىلى جەتەكشىلىك ەتتى، جاڭا گۇلدەنگەن سالا، جاڭاشا جۇمىستانعان قاۋىم پارتياعا ىنتىعىپ، ەكونوميكانىڭ، قوعامنىڭ جوعارى ساپالى دامۋىنا دەم بەردى
2019 ـ جىلى كوكتەم مەرەكەسى قارساڭىندا باس شۋجي شي جينپيڭ بەيجيڭ چيانمىن شىتوۋ تار كوشەسىندەگى جەدەل جەتكىزۋ قىزمەت وتەۋ تۇيىنىنە بارىپ، قىزمەت ىستەپ جاتقان ”جەدەل جەتكىزۋشىلەرگە“ امانداستى. باس شۋجي تەبىرەنە بىلاي دەدى: ”جەدەل جەتكىزۋشىلەردىڭ“ قىزمەتى توتەنشە جاپالى، تاڭ اتقاننان كۇن باتقانعا دەيىن، بوران ـ شاشىنعا دا قاراماي قىزمەت ىستەيدى، مەرەكە جانە دەمالىس كەزدەرى ٴتىپتى دە قاربالاس بولادى، ەڭبەكشىل كىشكەنتاي بال اراسى سياقتى، ەڭ قاجىرلى ەڭبەكشىلەر، كوپشىلىكتىڭ تۇرمىسىنا قولايلىلىق اكەلدى.
رەفورما جاساعاننان، ەسىك اشقاننان بەرى سوتسياليستىك بازار شارۋاشىلىعىنىڭ ۇزدىكسىز دامۋىنا ىلەسە قىرۋار جاڭا ەكونوميكالىق ۇيىمدار، جاڭا قوعامدىق ۇيىمدار مولىنان پايدا بولدى. سوڭعى جىلدارى تۇعىر ەكونوميكاسى قارىشتاپ دامىپ، وعان جەدەل جەتكىزۋشى، ينتەرنەتتە ۋادەلەسەتىن زاكاز جەتكىزۋشى، ينتەرنەتتە ۋادەلەسەتىن اۆتوكولىك شوفەرى، جۇك اۆتوكولىك شوفەرى سياقتى قىرۋار جاڭاشا جۇمىستانعان قاۋىم شوعىرلاندى. وسى ۇيىمدار جانە قاۋىم ەكونوميكادا، قوعامدا ماڭىزدى رول ساۋلەلەندىردى.
پارتيا 18 ـ قۇرىلتايىنان بەرى جەر ـ جەر جاڭادان گۇلدەنگەن سالالارداعى پارتيا قۇرىلىسى قىزمەتىن كۇشەيتۋدىڭ ٴونىمدى جولىن بەلسەنە قاراستىرىپ، پارتكوم ٴبىر تۇتاس باسشىلىق ەتەتىن، ”ەكى جاڭا“ قىزمەت كوميتەتى ٴبىر تۇتاس جوسپارلاپ جەتەكشىلىك ەتەتىن، كاسىپ باسقارۋ تاراۋلارى ناقتى جەتەكشىلىك ەتەتىن، كاسىپ پارتيا ۇيىمدارى تىكە جاۋاپتى بولاتىن قىزمەت جۇيەسىن جاپپاي ورناتىپ، پارتيانىڭ ۇيىمدىق قامتىمى مەن قىزمەت قامتىمىن ۇزدىكسىز كەڭەيتىپ، ەكونوميكالىق، قوعامدىق دامۋدا ەڭ جاندى ۇيىمدار مەن قاۋىمداردى پارتيانىڭ توڭىرەگىنە ىنتىماقتاستىرىپ، ۇيىستىرىپ، وسى ۇيىمداردىڭ اقاۋسىز دامۋىن جەبەپ، وسى قاۋىمداردى پارتياعا تاباندىلىقپەن ىلەسۋگە جەتەكتەدى.
جالپىلىق مەنشىككە جاتپايتىن كاسىپورىنداردىڭ دامۋ بەتالىسىنا جەتەكشىلىك ەتتى _
2012 ـ جىلى جۇڭگو كوممۋنيستىك پارتياسى ورتالىق كوميتەتى كەڭسەسى جالپىلىق مەنشىككە جاتپايتىن كاسىپورىنداردىڭ پارتيا قۇرىلىسى قىزمەتىن كۇشەيتۋ جانە جاقسارتۋ جونىندەگى پىكىردى باسىپ تاراتتى. سول جىلى مەملەكەت بويىنشا جالپى مەنشىككە جاتپايتىن كاسىپورىنداردىڭ پارتيا قۇرىلىسى قىزمەتى ٴماجىلىسى بەيجيڭدە اشىلىپ، ”ەكىنى قامتۋدى“ مىقتى ۇستاۋ، پارتيا ۇيىمىنىڭ ”ەكى رولىن“ ويداعىداي ساۋلەلەندىرۋ، ”ەكى قوسىن“ قۇرىلىسىن كۇشەيتۋ سياقتى تالاپتاردى العا قويىپ، جالپىلىق مەنشىككە جاتپايتىن كاسىپورىندارداعى پارتيا ۇيىمىنىڭ فۋنكتسيالىق ورنى مەن جالپىلىق مەنشىككە جاتپايتىن كاسىپورىنداردىڭ پارتيا قۇرىلىسى قىزمەتىنىڭ ٴتۇزىلىس مەحانيزمى، نەگىزدىك قامتاماسىزداندىرۋى سياقتى ماسەلەلەر ايقىندالدى، بۇل وسى قىزمەتتىڭ جاپپاي جوعارىلاۋدىڭ جاڭا كەزەڭىنە وتكەندىگىن بەينەلەدى.
پارتيا قۇرىلىسى قىزمەتىن شىنايى يگەرۋ دە وندىرگىش كۇش. ٴتۇيىندى كاسىپورىن، ٴتۇيىندى ٴوڭىر، ٴتۇيىندى كاسىپتەردەن عيمارات، ساۋدا شەڭبەرى، باقشا رايونىنا دەيىن ٴتۇيىن ارقىلى اۋماقتى جەتەكتەپ، بولىكتى يگەرۋ ارقىلى اۋماقتى كەڭەيتىپ، پارتيا ۇيىمى مەن قىزمەتىنىڭ ناقتى، ٴونىمدى قامتۋىن ۇزدىكسىز كەڭەيتىپ، جالپىلىق مەنشىككە جاتپايتىن كاسىپورىنداردىڭ پارتيا قۇرىلىسى قىزمەتىن ۇزدىكسىز ىشكەرىلەي ىلگەرىلەتتى. پارتيا ۇيىمىنىڭ ساياسي جەتەكشىلىگىن كۇشەيتىپ، شارتقا ۇيلەسەتىن پارتيا مۇشەسى قارجى شىعارۋشى، جوعارى دارەجەلى باسقارۋشى سياقتىلاردىڭ كاسىپورىن پارتيا ۇيىمىنىڭ شۋجيى بولۋىن ىلگەرىلەتتى. پارتيا ۇيىمىنىڭ قيمىلىن كاسىپورىننىڭ ٴوندىرىس ـ تيجاراتىمەن تىعىز بايلانىستىرىپ، پارتيا مۇشەلەرىنىڭ ۇلگى كورسەتۋ ورنى، پارتيا مۇشەلەرىنىڭ جاۋاپكەرشىلىك اۋماعى سياقتى ادىستەردى جالپىلاستىرىپ، پارتيا مۇشەلەرىنىڭ ٴوندىرىس پەن نىساننىڭ ٴبىرىنشى شەبىندە جۇرەكتىلىكپەن اتويلاپ الدا ٴجۇرۋىن، قيىندىقتاردان قامال الۋىن، اۆانگارد ۇلگىلىك رولىن ساۋلەلەندىرۋىن ىلگەرىلەتتى، ”پارتيا قۇرىلىسى قۋاتتى، دامۋى قۋاتتى“ ٴبىر توپ وزات تيپتەر جارىققا شىقتى.
كاسىپتىك قوعامداردىڭ، ساۋدا قوعامدارىنىڭ رەفورمانى تەرەڭدەتۋىن جانە تيبىن وزگەرتىپ دامۋىن ىلگەرىلەتتى _
2015 ـ جىلى 6 ـ ايدا كاسىپتىك قوعامداردىڭ، ساۋدا قوعامدارىنىڭ اكىمشىلىك ورگانداردان قول ٴۇزۋ رەفورماسى باستالعاننان بەرى، بۇكىل ەل بويىنشا 70 مىڭنان استام كاسىپتىك قوعام، ساۋدا قوعامى ٴبولىنىپ شىعىپ، ۇكىمەتتىڭ اكىمشىلىك باسقارۋى مەن كاسىپتىك قوعامداردىڭ باسقارۋى ايىرىم جۇرگىزىلگەن، ۇقىق پەن جاۋاپكەرشىلىك ايقىن، زاڭ بويىنشا ٴوزىن ـ ٴوزى باسقاراتىن وسى زامانعى قوعامدىق ۇيىم ٴتۇزىلىسى العاشقى ادىمدا ورناتىلدى.
2023 ـ جىلى 12 ـ ايدا كاسىپتىك قوعامدار مەن ساۋدا قوعامدارىنىڭ رەفورماسى، دامۋى جونىندەگى بولىمدەر ارا بىرىككەن كەڭەسى رەتتەپ قۇرىلىپ، كاسىپتىك قوعامداردىڭ، ساۋدا قوعامدارىنىڭ رەفورما، دامۋ قىزمەتىن ٴبىر تۇتاس جوسپارلاپ سايكەستىرۋدى كۇشەيتتى. قاتىستى تاراۋلار قىزمەت جاۋاپكەرشىلىگىن تياناق ەتىپ، باسقارۋدى، قىزمەت وتەۋدى كۇشەيتىپ، كاسىپتىك قوعامداردىڭ، ساۋدا قوعامدارىنىڭ اقاۋسىز دامۋىن تىزە قوسا وتىرىپ ىلگەرىلەتتى. كاسىپتىك قوعامداردىڭ، ساۋدا قوعامدارىنىڭ پارتيا قۇرىلىسى قىزمەتى ۇزدىكسىز كۇشەيىپ، پارتيانى جاپپاي قاتاڭ باسقارۋ ىشكەرىلەي ىلگەرىلەتىلىپ، ىشكى باسقارۋ ۇزدىكسىز ارناعا ٴتۇسىپ، مەملەكەتكە، قوعامعا، بۇقاراعا، كاسىپكە قىزمەت وتەۋ بارىسىندا ٴوز ۇلەستەرىن قوستى.
جۇڭگو ماشينا ـ ەلەكتر ونىمدەرىن يمپورت ـ ەكسپورت ەتۋ ساۋدا قوعامىندا 15 مىڭنان استام مۇشە ورىن بار، ول ەلىمىزدىڭ ماشينا ـ ەلەكتر ونىمدەرىن يمپورت ـ ەكسپورت ەتۋدەگى، سىرتپەن سەلبەسۋدەگى ماڭىزدى دانەكەر جانە تۇعىر، 2024 ـ جىلى 5 ـ ايدا جۇڭگو _ فرانسيا كاسىپورىنشىلار كوميتەتىنىڭ 6 ـ رەتكى ٴماجىلىسىن ۇستىنە الىپ وتكىزدى. جۇڭگو كاسىپ سالاسىنا ىستەتىلەتىن توقىماشىلىق بۇيىمدار كاسىپ سالاسى قوعامى پارتيا ياچەيكاسى بۇكىل مەملەكەتتەگى وزات نەگىزگى ساتى پارتيا ۇيىمى بولىپ، جاۋىنگەر قورعاندىق رولىن ساۋلەلەندىرىپ، كاسىپتى دامىتۋدى دەمەپ، جوعارى تەحنيكالى توقىماشىلىق بۇيىمدارىنىڭ حاۋىپسىزدىگىن قورعاۋ، ەكولوگيانى قالپىنا كەلتىرۋ، مەملەكەت قورعانىس حاۋىپسىزدىگى قاتارلى سالالاردا كەڭ كولەمدە ىستەتىلۋىن ىلگەرىلەتتى... قاتىستى تاراۋلاردىڭ ساناعىنا قاراعاندا، 2023 ـ جىلدان بەرى ٴار دارەجەلى كاسىپتىك قوعامدار، ساۋدا قوعامدارى ۇكىمەتتىڭ قاتىستى تاراۋلارىنا جيىنى 65 مىڭعا جۋىق ساياساتتىق ۇسىنىس بەرىپ، 33 مىڭعا جۋىق ساۋداگەر شاقىرىپ قارجى ەنگىزۋ نىسانىنا دانەكەر بولعان.
جاڭا كاسىپ كۇيىنە، جاڭاشا جۇمىستانعان قاۋىمعا ساياسي جەتەكشىلىكتى جانە ۇيىستىرۋ قىزمەت وتەۋىن كۇشەيتتى _
قاتىستى تاراۋلاردىڭ تەكسەرۋ ساندى مالىمەتىندە كورسەتىلۋىنشە، ەلىمىزدە جاڭادان جۇمىستانعاندار 84 ميلليون ادامعا جەتكەن.
2023 ـ جىلى 10 تاراۋ بىرلەسىپ ساياساتتىق حۇجات شىعارىپ، جاڭا كاسىپ كۇيىنىڭ، جاڭاشا جۇمىستانعان قاۋىمنىڭ پارتيا قۇرىلىسى قىزمەتىن كۇشەيتۋ جونىندە تۇزىمدىك ورنالاستىرۋ جاسادى. ٴارقايسى كاسىپتىڭ باسقارۋ تاراۋلارى فۋنكتسيالىق باسىمدىعىن ساۋلەلەندىرىپ، جەر ـ جەردىڭ جەدەل جەتكىزۋ كاسىبى پارتكومى، ينتەرنەت زاكازىن جەتكىزۋ كاسىبى پارتكومى، ينتەرنەت كاسىبى پارتكومى سياقتىلاردى قۇرۋىن ىلگەرىلەتىپ، كاسىپتى باسقارۋدا پارتيا قۇرىلىسىن باسقارۋ تانىمىن كۇشەيتىپ، پارتيا قۇرىلىسى قىزمەتىنىڭ بىرىككەن كۇشىن قالىپتاستىردى.
الەۋمەتتىك اۋماق اسحاناسى، باسكەتبول الاڭى، باتارەيا اۋىستىرۋ پۋنكتى، اكىمشىلىك قىزمەت وتەۋ پۋنكتى... شاڭحاي پۋتو رايونىنىڭ ۋانيوۋ يىنلي جاڭا كاسىپ كۇيى بويىنشا جاڭاشا جۇمىستانعان قاۋىم پارتيا مۇشەلەرىنە، بۇقاراعا قىزمەت وتەۋ ورتالىعىنا بارساڭىز، 4000 شارشى مەترگە جۋىق كەڭىستىككە ەمدەۋ، اس ـ سۋ، دەمالۋ، ارەكەتتەنۋ سياقتى 20 نەشە فۋنكتسيالىق دانەكەر شوعىرلانىپ، پۋتو رايونىنداعى جاڭا جۇمىستانۋشىلاردىڭ كوڭىلىندەگى ”جانعا جايلى مەكەنگە“ اينالعان.
سوڭعى جىلدارى جەر ـ جەر ٴىس جۇزىندىك جاعدايمەن ۇشتاستىرىپ، كوپ ٴتۇرلى شارانى قاتار قولدانىپ، پارتيا مۇشەلەرىنە، بۇقاراعا قىزمەت وتەۋ ورتالىعى، اۋىل ـ قالاشىق (ٴمالى) قوعامدىق قىزمەت پۋنكتى، ”مەيىر جەتكىزۋ جاڭا بەكەتى“، شوفەر ٴۇيى سياقتىلارعا سۇيەنىپ، جاڭاشا جۇمىستانعان قاۋىمعا جانعا جايلى قىزمەت وتەدى. بەيجيڭ، تيانجين، شاندۇڭ سياقتى جەرلەر جاڭاشا جۇمىستانعان قاۋىمنىڭ ”دوستىق الەۋمەتتىك اۋماعىن“، ”دوستىق ساۋدا شەڭبەرىن“ سايكەستىرىپ قۇرىپ، ەلەكترسيكل ايداعانداردىڭ ەسىكتەن كىرۋى قيىن بولۋ، زاريادتاۋ قيىن بولۋ، دەمالۋ قيىن بولۋ، تاماقتانۋ قيىن بولۋ سياقتى ٴىس جۇزىندىك ماسەلەلەرىن ٴتۇيىندى تۇردە شەشىپ، ولاردى وركەنيەت ۇگىتىن جاساۋ، قيىنشىلىعى بار قاۋىمعا قارايلاسۋ سياقتى ەرىكتى قىزمەت وتەۋگە ات سالىسۋعا جەتەكتەپ، نەگىزگى ساتىنى باسقارۋدا بەلسەندى رول اتقاردى.
نەگىزدى كۇشەيتىپ، ٴتۇبىردى بەكەمدەدى، بۇقاراعا قىزمەت وتەدى، ٴتۇزىم باسىمدىعىن باسقارۋ ونىمدىلىگىنە ۇزدىكسىز اينالدىردى
انحۇيدىڭ تۇڭچىڭىنداعى ليۋچى كوشەسى 300 نەشە جىلدىڭ الدىندا سىپايىلىقپەن جول بەرەتىن، تاتۋلىقتى بارىنەن باعالى سانايتىن تاماشا اڭگىمەگە كۋا بولعان. تۇڭچىڭ قالاسى ٴداستۇرلى مادەنيەتتى نەگىزگى ساتىنى باسقارۋعا ٴسىڭىرىپ، ”جاڭا داۋىردەگى ليۋچى كوشەسى قىزمەت ٴادىسىن“ قالىپتاستىرىپ، قاينارىنان باسقارۋ، كوپ ارنامەن بىرگە باسقارۋ، جاراسىمدى، بىرگە يگىلىكتەنۋ سىندى نەگىزگى ساتىنى باسقارۋ جولىمەن ٴجۇردى.
2024 ـ جىلى 10 ـ ايدا باس شۋجي شي جينپيڭ انحۇيدا قىزمەت تەكسەرگەندە ليۋچى كوشەسىنە باردى. باس شۋجي بىلاي دەپ اتاپ كورسەتتى: ليۋچى كوشەسى الدىڭعىلاردىڭ قايشىلىقتى شەشۋدەگى تاريحي پاراساتىن ايگىلەدى، جۇڭحۋانىڭ تاڭداۋلى ٴداستۇرلى مادەنيەتىن اسقاقتاتۋدىڭ تاربيە ورنى رەتىندە جۇڭحۋا ۇلتىنىڭ سىپايىلىقپەن جول بەرۋگە ٴمان بەرەتىن، تاتۋلىقتى بارىنەن باعالى سانايتىن ٴداستۇرلى تاماشا ٴمورالىنىڭ رولىن ويداعىداي ساۋلەلەندىرىپ، تىنىش ٴومىر، شات ـ شادىمان تىرشىلىك كەشىرەتىن جاراسىمدى قوعامدىق ورتا جاراتۋ كەرەك.
پارتيا 18 ـ قۇرىلتايىنان بەرى جەر ـ جەر نەگىزگى ساتىنى بارىنشا يگەرۋدىڭ ايقىن باعدارىن بەرىك ورناتىپ، ادامداردىڭ نەگىزگى ساتىعا بارۋىن، اقشانى نەگىزگى ساتىعا جۇمساۋدى، ساياساتتى نەگىزگى ساتىعا بەيىمدەۋدى ىلگەرىلەتىپ، پارتيا قۇرىلىسى ارقىلى نەگىزگى ساتىنى باسقارۋعا جانە نەگىزگى ساتى بيلىگى قۇرىلىسىنا جەتەكشىلىك ەتۋدى كۇش سالا كۇشەيتتى. سوڭعى جىلدارى بەيجيڭ قالاسى ىزدەنىس جاساپ قالىپتاستىرعان ”اۋىل، ٴمالى باسقارماسى ىسقىرىق شالۋ، تاراۋلار دايىن بولۋ“، ”ارىز ـ ارماندى قابىلداي سالا دەرەۋ ٴبىتىرۋ“ سياقتى تاجىريبەلەر مەن ادىستەر بۇكىل ەل كولەمىندە كەڭىنەن جالپىلاستىرىلدى.
نەگىزگى ساتىنى باسقارۋداعى ”كۇش از، جۇك اۋىر بولۋ“ سىندى كورنەكتى ماسەلەلەردى شەشۋدى توڭىرەكتەي وتىرىپ، 2023 ـ جىلدان بەرى قاتىستى تاراۋلار ٴبىر قىدىرۋ ناقتى شارا شىعارىپ، ”جۇكتى جەڭىلدەتىپ، كۇشتى ارتتىرىپ، جولدى ىركىلىسسىزدەندىرىپ، كۇشتى شوعىرلاندىرۋ“ ارقىلى ٴارى نەگىزگى ساتىعا كۇش ۇستەۋگە ٴمان بەرىپ ٴارى نەگىزگى ساتىنىڭ اۋىرتپاشىلىعىن جەڭىلدەتۋدى ىلگەرىلەتىپ، كورنەكتى ىلگەرىلەۋشىلىككە قول جەتكىزدى.
قىستاق كادرلارى مىنالاردى ٴبىلدىردى: قىستاقتىڭ ماڭدايشالىعى ازايدى، قىستاقتان اشۋدى تالاپ ەتەتىن انىقتاما، قىستاقتىڭ بىتىرۋىنە تاپسىراتىن ىستەر ازايدى، قىستاق كادرلارىنىڭ قول تەلەفونىنداعى ۋيشين قىزمەت توبى دا ازايدى، نەگىزگى ساتى كادرلارى ٴتىپتى دە كوپ ۋاقىتى مەن زەيىن ـ زەردەسىن بۇقاراعا قىزمەت وتەۋگە جۇمسادى.
قوعامدىق قىزمەت بۇقاراعا كەڭ كولەمدە بەت الىپ، بۇقارامەن تىعىز بايلانىس جاساپ، بۇقاراعا تىكەلەي قىزمەت وتەدى.
جەر ـ جەر جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، ”ٴتورتتى اۋىل ـ قىستاققا جەتكىزۋ“ تۇزىمىنەن ويداعىداي پايدالانىپ، ارىز ـ ارمان ٴتۇزىمى رەفورماسىن تەرەڭدەتىپ، «ارىز ـ ارمان قىزمەتى ەرەجەسىن» مۇقيات تياناقتاندىرىپ، ارىز ـ ارمان قىزمەتىنىڭ زاڭمەن باسقارىلۋىن ىلگەرىلەتىپ، ارىز ـ ارمان ماسەلەسىن قاينارىنان باسقارۋدى كۇشەيتىپ، باسشى كادرلاردىڭ ارىز ـ ارمان قابىلداۋىن، تومەنگە بارۋىن ىشكەرىلەي ورىستەتىپ، بۇقارانىڭ زاڭدى ۇقىق ـ مۇددەسىن ٴونىمدى قورعادى.
حالىقتىڭ تىلەگىنە قۇلاق اسىپ، حالىقتىڭ اقىل ـ پاراساتىن شوعىرلاندىرىپ، حالىقتىڭ ۇسىنىسىن كەڭىنەن جينادى. حالىق شارۋاشىلىعى مەن قوعامدىق دامۋدىڭ بەس جىلدىق جوباسىنان وقۋ ـ اعارتۋ، ەمدەۋ، زەينەتكەرلىك سياقتى بۇقارا قاداعالاي نازار اۋدارىپ وتىرعان، مەملەكەت جوسپارىنا، حالىق تۇرمىسىنا ساياتىن ماڭىزدى قىزمەتتەرگە، بۇقارانىڭ ٴتول مۇددەسىنە ساياتىن ىستەرگە دەيىن بۇقارا ۇكىمەتتىڭ پورتال سايتى، باسشىلارعا ٴسوز قالدىرۋ تاقتاسى، 12345 اكىمشىلىك قىزمەت وتەۋدىڭ حالىققا قولايلى ىستىق لەنياسى سياقتى تۇعىرلار ارقىلى اڭىس ەتىپ، جارامدى اقىلدىڭ ”بۇقارا اراسىنان شىعىپ“، جاقسى ساياساتتىڭ ”بۇقاراعا جەتكىزىلۋىنە“ مۇمكىندىك جاسادى.
ەرىكتى قىزمەت وتەۋ قوعامدىق وركەنيەتتىڭ العا باسۋىنىڭ ماڭىزدى بەلگىسى.
2024 ـ جىلى 10 ـ ايعا دەيىن بۇكىل ەل بويىنشا تىركەلگەن ەرىكتى جيىنى 237 ميلليون ادامعا، ەرىكتى قىزمەت وتەۋ اترەتى ٴبىر ميلليون 350 مىڭعا جەتتى. قاربالاس قالالاردان شەت ـ شالعاي اۋىل ـ قىستاقتارعا دەيىن، مەملەكەت سالتاناتىنا قىزمەت وتەۋدەن چيڭحاي ـ شيزاڭ ۇستىرتىندەگى جابايى حايۋاناتتاردى قورعاۋعا دەيىن، اۋىل ـ قىستاقتى گۇلدەندىرۋدەن قاتەردەن اراشالاپ، اپاتتان قۇتقارۋعا دەيىن بارلىق جەردە ەرىكتىلەردىڭ قاراسى كوبەيىپ، ”ۋاقىت بولا قالسا ەرىكتى بولۋ، قيىنشىلىق بولا قالسا ەرىكتىلەردى ىزدەۋ“، ”ۇلەس قوسقانىم ٴۇشىن كوڭىلدىمىن“ دەۋ قوعامدىق جاڭا سالتقا اينالدى.
قوعامدىق قىزمەتكە كۇن سايىن نازار اۋدارىلدى، كوپتەگەن ادام نەگىزگى ساتىعا قىزمەت وتەۋ، بۇقاراعا قىزمەت وتەۋ داڭقتى ىستەرىنە بەلسەنە ات سالىستى. 2024 ـ جىلى بۇكىل ەلدەگى قوعامدىق قىزمەتكەرلەردىڭ كاسىپتىك تولىمدىلىق ەمتيحانىنا تىزىمدەلگەن ادام سانى ٴبىر ميلليون 889 مىڭعا جەتىپ، تاعى دا تاريحتاعى تىڭ ورە جاراتىلدى. قوعامدىق قىزمەت كاسىپتىك دارىندىلارى بالالار يگىلىگى، قارتتاردى كۇتىمدەۋگە قىزمەت وتەۋ، قوعامدىق قۇتقارۋ، كومەكتەسۋ، الەۋمەتتىك اۋماقتا تۇزەتۋ سياقتى سالالارعا كەڭىنەن تارالىپ، كاسىپتىك قىزمەت وتەۋدى ورىستەتىپ، بۇقارانىڭ دارالىققا يە، الۋان ٴتۇرلى قاجەتىن قاناعاتتاندىراتىن، ناقتى حالىق تۇرمىسى ماسەلەسىن شەشەتىن ماڭىزدى كۇشكە اينالدى.
جەل وڭىنان سوعىپ، كەمەلەر جەلكەن جايىپ، تاعى دا ۇدەرە العا تارتتى. جاڭا جورىقتا جاڭا جاعداي، جاڭا مىندەت الدىندا، قوعامدىق قىزمەتتە، ٴسوز جوق، جاڭا بورىشتى باتىلدىقپەن ارقالاپ، تىڭ ىسكەرلىك كورسەتۋ كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، جاڭا داۋىردەگى قوعامدىق قىزمەت، ٴسوز جوق، تولقىن جارا، باتىلدىقپەن العا ىلگەرىلەپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە تىڭ دا اناعۇرلىم زور ۇلەس قوسادى.
(شينحۋا اگەنتتىگىنىڭ 11 ـ ايدىڭ 4 ـ كۇنى بەيجيڭنەن بەرگەن حابارى)
