ما شيڭرۇي قاشقار ايماعىندا تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى
قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەكەمدەۋگە قاتىستى ٴتۇرلى قىزمەتتەردى ىشكەرىلەي، ەگجەي ـ تەگجەيلى، ناقتى ىستەۋ كەرەك
11 - ايدىڭ 4 - كۇنىنەن 5 - كۇنىنە دەيىن اۆتونوميالى رايوندىق پارتكومنىڭ شۋجيى ما شيڭرۇي قاشقار ايماعىندا تەكسەرۋ - زەرتتەۋ جۇرگىزدى. سۋرەتتە: 11 - ايدىڭ 5 - كۇنى ما شيڭرۇي يوپۇرعا اۋداندىق ارىز - ارمان مەكەمەسىنە بارىپ، ارىز - ارمان ايتا كەلگەن بۇقارامەن ىشكەرىلەي پىكىر اۋىستىرىپ، ماسەلەنى شەشۋگە سول ورىندا جەتەكشىلىك ەتۋدە.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 11 ـ ايدىڭ 5 ـ كۇنى يوپۇرعادان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 11 ـ ايدىڭ 4 ـ كۇنىنەن 5 ـ كۇنىنە دەيىن قاشقار ايماعىندا تەكسەرۋ ـ زەرتتەۋ جۇرگىزىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جانە باس شۋجي شي جينپيڭنىڭ ولكە، مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ ـ تالقى كۋرسىنىڭ وقۋ باستاۋ سالتىندا سويلەگەن ماڭىزدى ٴسوزىنىڭ رۋحىن دايەكتىلەندىرىپ، تياناقتاندىرىپ، رەفورما وي جەلىسى، شارالارى ارقىلى وڭتۇستىك شينجياڭ سىندى ”شاحمات كوزىن“ جانداندىرۋدى ارقاۋ ەتىپ، ماكىتكە، يوپۇرعاعا بارىپ قاتىستى قىزمەتتەر جونىندە تەكسەرۋ ـ زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭ مەن پارتيا ورتالىق كوميتەتىنىڭ شينجياڭ قىزمەتى جونىندەگى ورنالاستىرۋلارىن باتىل دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ورنىقتىلىقتى يگەرۋ مەن دامۋدى جەبەۋ سىندى ەكى جاقتاعى قىزمەتتى ٴبىر تۇتاس جوسپارلاۋدى، ۇشتاستىرۋدى كۇشەيتىپ، جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىمەن تىعىز بايلانىستىرىپ ٴتۇرلى قىزمەتتەردى ىشكەرىلەي، ەگجەي ـ تەگجەيلى، ناقتى ىستەپ، ٴار ۇلت بۇقاراسىن ىنتىماقتاستىرىپ، باستاپ، اناعۇرلىم ٴونىمدى تۇردە ورنىقتىلىقتى قورعاپ، رەفورمانى يگەرىپ، دامۋدى جەبەپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتۋ كەرەك.
اۆتونوميالى رايوندىق پارتكوم قوعام ورنىقتىلىعىن قورعاۋدى باستان ـ اياق ماڭداي الدى ورىنعا قويۋعا تاباندى بولدى، ما شيڭرۇي حاۋىپسىزدىك، ورنىقتىلىق جانە نەگىزگى ساتىنى باسقارۋ قىزمەتىنە ايرىقشا ٴمان بەردى. ول ىلگەرىندى ـ كەيىندى ماكىت اۋدانى شينچىڭ جولى ساقشى بولىمشەسىندە جانە يوپۇرعا اۋداندىق قوعام حاۋىپسىزدىگى مەكەمەسىندە قىزمەت تەكسەرىپ، ٴبىرىنشى شەپتەگى حالىق ساقشىلارىنا امانداسىپ، قىزمەت تانىستىرۋىن تىڭداپ، ساقشى بولىمشەسىنىڭ جالپىلىق قولباسشىلىق كەڭسەسىنە، قوعام حاۋىپسىزدىگى مەكەمەسىنىڭ نەگىزدىك باسقارۋ ـ مەڭگەرۋ ورتالىعىنا بارىپ، ٴتۇيىندى قىزمەتتەردىڭ تياناقتاندىرىلۋ جاعدايىن تەكسەرىپ كوردى. ول بىلاي دەپ باسا دارىپتەدى: ورنىقتىلىقتى قورعاۋ كەلەلى جاۋاپكەرشىلىگىن باتىل ارقالاپ، نەگىزگى ساقشى كۇشىن ەڭ نەگىزگى ساتىعا ورنالاستىرۋعا تاباندى بولىپ، لاڭكەستىككە قارسى تۇرىپ، ورنىقتىلىقتى قورعاۋ جاۋاپكەرشىلىگىن شىن مانىندە سوڭعى ۇشقا دەيىن جەتكىزىپ، شارالاردى ٴبىرىنشى شەپتە تياناقتاندىرۋ كەرەك. دالمە ـ ٴدال تۇجىرىم جاساۋدى جانە حاۋىپ ـ قاتەردى پارىقتاۋدى كۇشەيتىپ، ەلەۋلى كومەسكى قاتەرلەردى تۋىلماي تۇرىپ باتىل بايقاۋ جانە ٴبىر جاقتى ەتۋ كەرەك. نەگىزگى ساتى قوعام حاۋىپسىزدىگى ورگاندارى رەفورمانى تەرەڭدەتۋ ارقىلى ۇستانىمدا بۇرىلىس جاساۋعا، مەحانيزمدى ساپالىلاندىرۋعا، فۋنكتسيانى شوعىرلاندىرۋعا دەم بەرىپ، ماماندانعان كۇشتەردى كۇش سالا قالىپتاستىرىپ، حاۋىپسىزدىك تورىن تىعىز، بەرىك توقۋى كەرەك.
ما شيڭرۇي جەكە ـ جەكە ماكىت اۋدانى ماكىت قالاشىعى جامە مەشىتىنە جانە يوپۇرعا اۋدانى جاڭا بازار مەشىتىنە بارىپ، ٴدىني قىزمەتكەرلەرمەن جانە دىنگە سەنەتىن بۇقارامەن ىقىلاستى اڭگىمەلەسىپ، ٴدىني قيمىلداردىڭ ورىستەتىلۋ جاعدايىن ۇعىستى. ول كوپشىلىككە بىلاي دەدى: باس شۋجي شي جينپيڭ مەن پارتيا ورتالىق كوميتەتىنىڭ كوڭىل ٴبولۋى جانە قامقورلىعىندا، شينجياڭداعى ٴار ۇلت بۇقاراسى تىنىش، جاراسىمدى ورتادان بىرگە يگىلىكتەنىپ، تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز جوعارىلادى. كوپشىلىك ۇزدىكسىز ٴبىر نيەتپەن ىنتىماقتاسىپ، العىس ايتىپ، ۇدەرە العا تارتىپ، باقىتتى تۇرمىستى بارعان سايىن جاقسارتۋى كەرەك. ما شيڭرۇي بىلاي دەپ باسا دارىپتەدى: ەلىمىزدە ٴدىندى جۇڭگوشالاندىرۋ بەتالىسىنا مىقتاپ تاباندى بولىپ، ٴدىن ىستەرىن زاڭ بويىنشا باسقارىپ، بۇقارانىڭ ٴدىني سەنىمىنە قۇرمەت ەتىپ، ولاردى دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ٴدىن كوزقاراسىن بەرىك ورناتۋعا جەتەكتەۋ كەرەك. ” 3 قوسىندى“ ويداعىداي قۇرۋعا، رولىن تولىق ساۋلەلەندىرۋگە كۇش سالىپ، دىنگە سەنەتىن بۇقارانى پارتيا مەن ۇكىمەتتىڭ توڭىرەگىنە تىعىز ىنتىماقتاستىرىپ، ٴدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك.
كەزەكتە شينجياڭ تاكلاماكان ٴشول جيەگىن تورلاۋ ينجەنەرياسىن بار كۇشپەن ىلگەرىلەتۋدە. ما شيڭرۇي ماكىت اۋدانىنىڭ قۇمدى تىزگىندەۋ جۇمىس باسىنا كەلىپ، جيەكتى تورلاۋ جوباسى مەن مىندەتىن ىلگەرىلەتۋ جونىندەگى تانىستىرۋدى تىڭداپ، كوپ ٴتۇرلى قۇمدى تىزگىندەۋ ۇلگىسىنىڭ قولدانىلۋ جاعدايىن ۇعىستى. ول بىلاي دەپ باسا دارىپتەدى: قۇمدى ٴشولدىڭ جيەگىن تورلاۋدى جانە كاسىپ سالاسىنىڭ ورنالاسۋىن، ۇزاق بولاشاقتىق دامۋدى جۇيەلى ويلاستىرىپ، ۇلگى نىساندارىن عىلمي تۇراقتاندىرىپ، بازارلاندىرۋ ٴادىسىن قولدانۋعا ٴمان بەرىپ، قۇمدى تىزگىندەۋ مەن ەكونوميكالىق دامۋدىڭ ٴبىر ـ بىرىنە ساي كەلۋىنە مۇمكىندىك جاساۋ كەرەك. ما شيڭرۇي بيىككە شىعىپ، ماكىتتىڭ بوراننان ساقتانىپ، قۇمدى بوگەۋ ەكولوگيالىق ورمان قۇرىلىسىنىڭ تابىستارىن تەكسەرىپ كوردى. جەرگىلىكتى ورىنداعى كادرلار مەن بۇقارانىڭ كۇش جالعاپ كۇرەس جۇرگىزۋىندە، بۇرىنعى اۋماقتى ٴشول دالا ورمان بەلدەۋلەرىنە اينالىپتى. ما شيڭرۇي بىلاي دەدى: قۇمدى تىزگىندەۋدى، جاسىلداندىرۋدى، بايۋدى ۇشتاستىرىپ، كاسىپ سالاسىن جەتىلدىرۋگە، ونىمدىلىكتى ارتتىرۋعا باسا ٴمان بەرىپ، حالىقتى بايىتۋدىڭ ەرەكشەلىككە يە قۇمدى تىزگىندەۋ جولىمەن ٴجۇرۋ كەرەك.
يوپۇرعا اۋدانىندا ما شيڭرۇي وسى اۋداننىڭ اۋىل شارۋاشىلىق سۋ ىستەرى قارجى قوسۋ توبىندا تەكسەرۋ ـ زەرتتەۋ جۇرگىزىپ، وسىزاماندانعان سۋارمالى وڭىردە سۋ ۇنەمدەۋ بويىنشا جاڭالاۋ ينجەنەرياسىنىڭ جۇمىس جۇرگىزۋ جاعدايىن تەكسەرىپ، مەملەكەت مەنشىگىندەگى مال ـ مۇلىك، مەملەكەت مەنشىگىندەگى كاسىپورىندار رەفورماسىن تەرەڭدەتىپ، وزەكتى فۋنكتسيانى ۇزدىكسىز كۇشەيتىپ، اۋىل ـ قىستاقتى كوزدەۋدى، اۋىل شارۋاشىلىعىن قۋاتتاندىرۋدى، شارۋالارعا تيىمدىلىك جاساۋدى ماڭىزدى باعدار ەتىپ، نىسانداردى اتقارۋ مەن شارۋاشىلىق باسقارۋدىڭ ساپاسىن، ونىمدىلىگىن ۇزدىكسىز جوعارىلاتىپ، اۋىل ـ قىستاقتى گۇلدەندىرۋ مەن وڭىرلەردىڭ جوعارى ساپالى دامۋىنا اناعۇرلىم ويداعىداي قىزمەت وتەۋدى باسا دارىپتەدى. اۋداندىق ارىز ـ ارمان مەكەمەسىندە ما شيڭرۇي ارىز ـ ارمان ايتا كەلگەن بۇقارامەن ىشكەرىلەي پىكىر اۋىستىرىپ، ماسەلەنى شەشۋگە سول ورىندا جەتەكشىلىك ەتىپ، بۇقارانىڭ ورىندى، زاڭدى مۇددە تالابىن زاڭمەن باسقارۋ وي جەلىسىنەن جانە زاڭمەن باسقارۋ تاسىلىنەن پايدالانىپ شەشىپ، قايشىلىق پەن داۋ ـ شاردى نەگىزگى ساتىدا شەشۋگە قۇلشىنۋدى باسا دارىپتەدى. ما شيڭرۇي تاعى يوپۇرعا اۋىلى قايعۇل قىستاعىنا بارىپ، قىستاق تۇرعىندار كوميتەتىن ارالاپ، پارتيا مۇشەلەرى مەن بۇقاراعا قىزمەت وتەۋ ورتالىعىنىڭ، حالىققا قولايلى ساقشى پۋنكتىنىڭ باسقارۋ، جۇمىس جۇرگىزۋ جاعدايىن ۇعىسىپ، قىستاق كادرلارىمەن جانە قىستاقتا تۇراتىن قىزمەت اترەتىندەگى جولداستارمەن اڭگىمەلەستى. ول بىلاي دەپ باسا دارىپتەدى: نەگىزگى ساتى پارتيا ۇيىمىنىڭ باسشىلىق قابىلەتىن، ۇيىمداستىرۋ قابىلەتىن، قىزمەت وتەۋ قابىلەتىن جوعارىلاتۋدى ٴتۇيىن ەتىپ، نەگىزگى ساتى پارتيا قۇرىلىسىن ۇزدىكسىز كۇشەيتىپ، ٴار ۇلت قىستاق تۇرعىندارىن جاراسىمدىلىقتى، ورنىقتىلىقتى ويداعىداي قورعاۋعا، كىرىستى ۇزدىكسىز ارتتىرىپ، بايۋعا باستاۋ كەرەك.
تەكسەرۋ ـ زەرتتەۋ بارىسىندا ما شيڭرۇي ماكىت اۋدانى قۇمقۇسار اۋىلىنىڭ اۋىل ـ قىستاقتارىنداعى جەكە ساۋدا ـ ونەركاسىپشىلەرگە، شارۋاشىلىق قۇرۋشىلارعا جانە يوپۇرعا اۋدانى يوپۇرعا اۋىلى قايعۇل قىستاعىنداعى بۇقاراعا امانداسا بارىپ، ولارمەن قىزۋ اڭگىمەلەسىپ، ولاردى تاباندىلىقپەن ىستەپ، ەڭبەكشىل قوس قولدارىمەن جاقسى تۇرمىس كەشىرۋگە شابىتتاندىردى.
ما شيڭرۇي تەكسەرۋ ـ زەرتتەۋ بارىسىندا بىلاي دەپ باسا دارىپتەدى: جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، قوعام ورنىقتىلىعىن قورعاۋدى بۇلجىماي ماڭداي الدى ورىنعا قويىپ، لاڭكەستىككە قارسى تۇرىپ، ورنىقتىلىقتى قورعاۋ تۇلعالىق جاۋاپكەرشىلىگىن ناقتىلاندىرىپ، ”ٴۇش ٴتۇرلى كۇشكە“ زاڭ بويىنشا قاتاڭ سوققى بەرۋ تەگەۋرىندى كۇيىن ساقتاۋ كەرەك. ۇدايىلانعان، ۇزاق ٴونىمدى مەحانيزمدى كەمەلدەندىرىپ، دالمە ـ ٴدال ساقتانۋ جانە تۋ باستان وڭاۋ دەڭگەيىن ۇزدىكسىز جوعارىلاتۋ كەرەك. ساياسي، ەكونوميكا، ۇلت، ٴدىن، يدەولوگيا سياقتى سالالارداعى حاۋىپ ـ قاتەرلەردەن، كومەسكى كىناراتتاردان ٴبىر تۇتاس ساقتانىپ جانە ونى جويىپ، حاۋىپسىز دامۋ تومەنگى شەگىن مىقتاپ ساقتاۋ كەرەك.
ما شيڭرۇي بىلاي دەپ باسا دارىپتەدى: وڭتۇستىك شينجياڭنىڭ شينجياڭ قىزمەتىندەگى ەرەكشە ماڭىزدى ورنىن تەرەڭ يگەرىپ، جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىن ارقاۋ ەتىپ، بيڭتۋان مەن جەرگىلىكتى ورىننىڭ سايكەسۋىن، ىشكەرىلەي توعىسۋىن كۇشەيتىپ، جۇرت تىلەگىن ۇيىستىرۋدى جەبەۋگە، حالىق تۇرمىسى قۇت ـ ىرىسىن ارتتىرۋعا ٴتيىمدى قىزمەتتەردى تىڭعىلىقتى تۇردە ويداعىداي ىستەۋ كەرەك. ۇلت، ٴدىن قىزمەتىن تىڭعىلىقتى ويداعىداي ىستەپ، ٴدىن ىستەرىن باسقارۋداعى زاڭمەن باسقارۋ مەحانيزمىن ۇزدىكسىز اقاۋسىزداندىرىپ، ٴدىن ىستەرىن باسقارۋ قابىلەتىن جوعارىلاتىپ، ەلىمىزدە ٴىسلام ٴدىنىن جۇڭگوشالاندىرۋدى ىشكەرىلەي ىلگەرىلەتۋ كەرەك. نەگىزگى ساتىنى يگەرۋ، نەگىز قالاۋ ايقىن باعدارىن بەرىك ورناتىپ، ٴتۇرلى بايلىقتىڭ نەگىزگى ساتىعا جەتكىزىلۋىن ىلگەرىلەتىپ، نەگىزگى ساتىنى باسقارۋ ونىمدىلىگىن ۇزدىكسىز جوعارىلاتىپ، قوعام ورنىقتىلىعى مەن باياندى تىنىشتىقتى جۇزەگە اسىرۋدىڭ نەگىزىن بەكەمدەۋ كەرەك. حالىق تۇرمىسىن جاقسارتۋدى، ىنتىماقتى كۇشەيتۋدى ارقاۋ ەتىپ، ەرەكشە، باسىمدىققا يە كاسىپ سالالارىن جەدەل جەتىلدىرىپ، زورايتىپ، جۇمىستانىپ كىرىستى ارتتىرۋ ارناسىن كەڭەيتىپ، جوعارى ساپالى دامۋ جەتىستىكتەرىنەن ٴار ۇلت بۇقاراسىن اناعۇرلىم جاقسى يگىلىكتەندىرۋ كەرەك.
ما شيڭرۇي بىلاي دەپ باسا دارىپتەدى: ەكونوميكالىق اينالىمعا تالداۋ جاساۋدى، ورنالاستىرۋدى كۇشەيتىپ، كومەسكى كۇشتى دەن قويا اشىپ، قوزعاۋشى قۋاتتى ارتتىرىپ، سوڭعى 2 ايداعى ەكونوميكالىق قىزمەتتى بار كۇشپەن ويداعىداي يگەرىپ، تۇتاس جىلداعى ەكونوميكالىق، قوعامدىق دامۋ نىسانا ـ مىندەتتەرىن قۇلشىنا جۇزەگە اسىرۋ كەرەك.
تيان يۇڭ قاتىستى تەكسەرۋ ـ زەرتتەۋگە قاتىناستى.
