جۋىق جىلداردان بەرى، اقشي اۋدانى قۇلانسارىق اۋىلىنىڭ بەدەل قىستاعى تاۋ، وزەن، ەگىس، ورمان، كول سياقتى ەكولوگيالىق بايلىق ابزالدىلىعىن جان - جاقتى اشىپ، اۋىل-قىستاق ەرەكشە كاسىبىنىڭ تيبىن وزگەرتىپ، دارەجەسىن جوعارىلاتۋدى ىلگەرىلەتىپ، جەر بايلىعى مەن كۇن ەنەرگياسى بايلىعىنىڭ ابزالدىلىقتارىن ەكولوگيالىق ەكونوميكا ابزالدىلىعىنا اينالدىرىپ، كوللەكتيۆتىك شارۋاشىلىقتىڭ ۇلعايۋى مەن بۇقارانىڭ كىرىسىن ارتتىرۋدى ءونىمدى تۇردە جەبەدى. 10 - ايدىڭ 31 - كۇنى، قۇلانسارىق اۋىلىنىڭ بەدەل قىستاعىنداعى 303.8 كيلوۆاتتىق بىتىراندى فوتوۆولتتىق ەلەكتر ستانسياسى رەسمي جەلىگە تۇتاستىرىلىپ ەلەكتر تاراتا باستادى، بۇل تاعى ءبىر كاسىپ سالاسى ارقىلى سۇيەمەلدەۋ نىسانىنىڭ ىرگە تەۋىپ، تامىر تارتقاندىعىنىڭ بەلگىسى.
قۇلانسارىق اۋىلىنىڭ بەدەل قىستاعىنداعى 303.8 كيلوۆاتتىق بىتىراندى فوتوۆولتتىق نىسانعا جالپى 1 ميلليون 173 مىڭ 600 يۋان قارجى قوسىلعان، بۇل جۇڭگو حۋانىڭ توبى شينجياڭ ەنەرگيا اشۋ شەكتى سەرىكتەستىگىنىڭ سۇيەمەلدەۋ قارجىسى، يەلەگەن جەر كولەمى 3.027 مۋ، جالپى گەنەراتور سيىمدىلىعى 620Wp ،303.8kWp كۇن ەنەرگياسى باتەرەياسىنىڭ بولشەكتەرى 490، نىسان 7 - ايدىڭ 16 - كۇنى جۇمىس باستاپ، 10 - ايدىڭ 31 - كۇنى رەسمي جەلىگە تۇتاستىرىلىپ، ىسكە قوسىلىپ ەلەكتر تاراتا باستادى، قازىر جابدىقتاردىڭ اينالىمى ورنىقتى. اتالعان نىسان جىلىنا مەجەمەن 400 مىڭ كيلوۆات توك تاراتادى، قىستاق كوللەكتيۆ شارۋاشىلىعىنا جىلىنا مەجەمەن 100 مىڭ يۋان ورنىقتى كىرىس كىرگىزەدى.
جۇڭگو حۋانىڭ توبى شينجياڭ ەنەرگيا اشۋ شەكتى سەرىكتەستىگىنىڭ بەدەل قىستاعىندا تۇراتىن قىزمەت اترەتىنىڭ باستىعى، قىستاق ءبىرىنشى شۋجيى ۋاڭ ۋان بىلاي دەدى: ”كەلەسى قادامدا، بەدەل قىستاعىنىڭ از جەلدەن ەلەكتر شىعارۋ جانە جەل ەنەرگياسى مەن كۇن نۇرى ەنەرگياسىنىڭ ءبىرىن - ءبىرى تولىقتاۋ قۇرىلىسى جوباسىن ىشكەرىلەي دالەلدەن وتكىزىپ، 2 - مەرزىمدىك جاڭا ەنەرگيا نىسانى قۇرىلىسىن ىلگەرىلەتىپ، قىستاق كوللەكتيۆ شارۋاشىلىعىن ۇزدىكسىز زورايتىپ، قىستاق تۇرعىندارىنىڭ مەڭگەرۋگە بولاتىن كىرىسىن ۇزدىكسىز ارتتىرىپ، ’اۋىل-قىستاقتى گۇلدەندىرۋ + اۋىل-قىستاق ساياحاتى + ونەركاسىپ ساياحاتى‘ سىندى جاڭا دامۋ جاعدايىن قالىپتاستىرۋدا ارشىنداي العا باسامىز“.
(اقشي اۋداندىق توعىسپالى مەديا ورتالىعىنىڭ تىلشىلەرى ۇلانبەك ءادىل، چىن لي)
