بۇكىل شينجياڭداعى تۇڭعىش ۇشاقتى قورعامالى باجى بويىنشا رەمونتتاۋ جانە الەۋمەتتىك قورعامالى باجى قامباسى كاسىبى ىسكە قوسىلدى
ما شيڭرۇي ىسكە قوسۋ سالتىنا قاتىناستى ٴارى ماڭدايشالىق اشتى، ەركىن تۇنياز، جاڭ جۋ ارناۋ ٴسوز سويلەدى
11 - ايدىڭ 8 - كۇنى بۇكىل شينجياڭداعى تۇڭعىش ۇشاقتى قورعامالى باجى بويىنشا رەمونتتاۋ جانە الەۋمەتتىك قورعامالى باجى قامباسى كاسىبى جۇڭگو (شينجياڭ) ەركىن ساۋدا سىناق رايونىنىڭ ءۇرىمجى اۋماعىندا ىرگە تەۋىپ ىسكە قوسىلدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، ءۇرىمجى قالالىق پارتكومنىڭ شۋجيى جاڭ جۋ، جۇڭگو وڭتۇستىك اۆياتسيا توبىنىڭ باس ديرەكتورى حان ۋىنشىڭ رەمونتتاۋ بازاسى مەن قورعامالى باجى قامباسىنىڭ ماڭدايشالىعىن اشتى.
□ سۋرەتتى انار بۇلت\ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 11 ـ ايدىڭ 8 ـ كۇنى ۇرىمجىدەن حابارلايدى. شينجياڭ ەركىن ساۋدا سىناق رايونى قۇرىلعاندىعىنىڭ ٴبىر جىلدىعى قارساڭىندا، 11 ـ ايدىڭ 8 ـ كۇنى بۇكىل شينجياڭداعى تۇڭعىش ۇشاقتى قورعامالى باجى بويىنشا رەمونتتاۋ جانە الەۋمەتتىك قورعامالى باجى قامباسى كاسىبى ەركىن ساۋدا سىناق رايونىنىڭ ٴۇرىمجى اۋماعىندا ىرگە تەۋىپ ىسكە قوسىلدى. اۆتونوميالى رايوندىق پارتكومنىڭ شۋجيى ما شيڭرۇي ىسكە قوسۋ سالتىنا قاتىناستى ٴارى رەمونتتاۋ بازاسى مەن قورعامالى باجى قامباسىنىڭ ماڭدايشالىعىن اشتى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى جاڭ جۋ، جۇڭگو وڭتۇستىك اۆياتسيا توبىنىڭ باس ديرەكتورى حان ۋىنشىڭ سالتقا قاتىناستى ٴارى ارناۋ ٴسوز سويلەدى.
وسى رەتكى ۇشاقتى قورعامالى باجى بويىنشا رەمونتتاۋ جانە الەۋمەتتىك قورعامالى باجى قامباسى كاسىبىنىڭ ىسكە قوسىلۋى _ شينجياڭ ەركىن ساۋدا سىناق رايونى ٴۇرىمجى اۋماعىنىڭ تۇزىمدە جاڭالىق اشۋداعى تاعى ٴبىر جەتىستىگى. بۇل كاسىپ ٴارى وڭتۇستىك اۆياتسيا توبىنىڭ بۇكىل ەل كولەمىندەگى تۇڭعىش ۇشاقتى قورعامالى باجى بويىنشا رەمونتتاۋ كاسىبى سانالادى، ٴۇرىمجى ايروپورت تيبىندەگى مەملەكەتتىڭ زات اينالىمى تورابىن قۇرۋ، حالىقارالىق اۆياتسيا تورابىن تۇلعالاۋ جونىنەن ماڭىزدى مانگە يە. قورعامالى باجى بويىنشا رەمونتتاۋ ”الەمدىك رەمونتتاۋ“ دەپ تە اتالادى. مۇنداي كاسىپ ٴۇرىمجى حالىقارالىق اۋەجايىن سۇيەنىش ەتىپ، تەحنيكالىق قامتىمى جوعارى، ۇستەمە قۇنى جوعارى، وزىندىك قۇنى تومەن، ونىمدىلىگى جوعارى بولۋ سياقتى وزگەشە ارتىقشىلىعىن ساۋلەلەندىرىپ، بۇكىل الەمنەن كەلگەن اۆياتسيا اسپاپتارىن رەمونتتاۋ قاجەتىن اناعۇرلىم جوعارى ونىمدىلىكپەن ٴبىر جاقتى ەتەدى.
ەركىن تۇنياز بىلاي دەپ اتاپ كورسەتتى: اۆتونوميالى رايوندىق پارتكوم مەن ۇكىمەت مەملەكەتتىڭ جالپى جاعدايىنداعى شينجياڭنىڭ ستراتەگيالىق ورنىن مىقتاپ يگەرىپ، رەفورما جاساۋ، جاڭالىق اشۋ شارالارى ارقىلى شينجياڭ ەركىن ساۋدا سىناق رايونى قۇرىلىسىن ىلگەرىلەتتى. ۇشاقتى قورعامالى باجى بويىنشا رەمونتتاۋ جانە الەۋمەتتىك قورعامالى باجى قامباسى كاسىبىنىڭ ىرگە تەبۋى ٴۇرىمجى حالىقارالىق اۆياتسيا تورابى قۇرىلىسىن جەدەلدەتۋدەگى ماڭىزدى شارا، الداعى جەردە ٴۇرىمجى ايروپورت تيبىندەگى مەملەكەتتىڭ زات اينالىمى تورابىنىڭ قىزمەت وتەۋ قابىلەتىن جوعارىلاتۋىنا پارمەندى تىرەك بولادى. شينجياڭ الداعى جەردە پارتيا ورتالىق كوميتەتىنىڭ ەركىن ساۋدا سىناق رايونىنىڭ دەڭگەيىن ٴوسىرۋ ستراتەگياسىن اتقارۋ جونىندەگى شەشىمدەرىن، ورنالاستىرۋلارىن ىشكەرىلەي تياناقتاندىرىپ، ەركىن ساۋدا سىناق رايونىنىڭ رەفورما سىناق ٴتۇيىنى مىندەتىنىڭ تياناقتانىپ، ونىمدىلىك كورسەتۋىن بار كۇشپەن ىلگەرىلەتىپ، كوشىرۋگە، جالپىلاستىرۋعا بولاتىن تاجىريبەلەر مەن تۇزىمدەردىڭ اناعۇرلىم كوپ جاسامپازدىق جەتىستىكتەرى جونىندە ىزدەنىس جاسايدى. وڭتۇستىك اۆياتسيا توبىنىڭ شينجياڭمەن جان ـ جاقتى سەلبەستىكتى تەرەڭدەتىپ، ۇشاقتى قورعامالى باجى بويىنشا رەمونتتاۋدىڭ تۇتاس كاسىپ سالاسى تىزبەگىن كەمەلدەندىرىپ، حالىقارالىق كاسىپ بازارىن كەڭەيتىپ، شينجياڭنىڭ سىرتقى ساۋدادا جاڭالىق اشا دامۋىنا تىڭ قوزعالىس قۋات ۇستەۋىن ٴۇمىت ەتەمىز.
جاڭ جۋ مىنالاردى ٴبىلدىردى: شينجياڭ ەركىن ساۋدا سىناق رايونىنىڭ ٴۇرىمجى اۋماعى ماڭىزدى بورىش، جاۋاپكەرشىلىك ارقالاۋدا، الداعى جەردە رەفورمانى جاپپاي تەرەڭدەتۋدى ٴتۇبىرلى قوزعاۋشى كۇش ەتىپ، اناعۇرلىم ىرىقتى ەسىك اشۋ ستراتەگياسىن اتقارىپ، اۋەجاي ماڭى ەكونوميكالىق اۋماعىنىڭ، حالىقارالىق قۇرلىقتىق پورت اۋماعىنىڭ، كەشەندى قورعامالى باجى اۋماعىنىڭ رەفورما جاساپ، جاڭالىق اشا ىقپالداسا دامۋىن ىلگەرىلەتىپ، جوعارى دەڭگەيدە ەسىك اشۋ ارقىلى جوعارى ساپالى دامۋدى ىلگەرىلەتەدى. ەركىن ساۋدا سىناق رايونىنىڭ تۇزىمدە جاڭالىق اشۋ، ۇشاقتى قورعامالى باجى بويىنشا رەمونتتاۋ جانە قورعامالى باجى قامباسى ساياساتتارىنىڭ قوسا قولداۋى الداعى جەردە ٴۇرىمجى حالىقارالىق اۋەجايىنىڭ حالىقتىق اۆياتسيا بازارىنداعى باسەكەلىك قۋاتى مەن ىقپال قۋاتىن بارىنشا جوعارىلاتىپ، مەملەكەتتىڭ باتىسقا ەسىك اشۋ ستراتەگياسىنا جانە ”ٴبىر بەلدەۋ، ٴبىر جول“ وزەكتى رايونى قۇرىلىسىنا اناعۇرلىم ويداعىداي قىزمەت وتەيدى.
حان ۋىنشىڭ مىنالاردى ٴبىلدىردى: شينجياڭداعى تۇڭعىش ۇشاقتى قورعامالى باجى بويىنشا رەمونتتاۋ جانە الەۋمەتتىك قورعامالى باجى قامباسى كاسىبىنىڭ ىسكە قوسىلۋى ەركىن ساۋدا سىناق رايونىنىڭ تۇزىمدە جاڭالىق اشۋىن ىلگەرىلەتىپ، اۆياتسيالىق رەمونتتاۋ كاسىپ سالاسى تىزبەگىن ۇزارتىپ، ”قورعامالى باجى +“ سىرتقى ساۋدا جاڭا كاسىپ كۇيىن جەتىلدىرىپ، شينجياڭنىڭ رەمونتتاۋ بازاسى كاسىبىنىڭ تەرەڭدىگى مەن كەڭدىگىن ونان ارى ۇلعايتىپ، اۆياتسيالىق رەمونتتاۋ كاسىپ سالاسىنىڭ جوعارى ساپالى دامۋىن ىلگەرىلەتۋگە پايدالى. وڭتۇستىك اۆياتسيا توبى الداعى جەردە ەسىك اشۋ، سەلبەسۋ، بىرگە يگىلىكتەنۋ ۇستانىمىنان جازباي، شينجياڭ ەركىن ساۋدا سىناق رايونى قۇرىلىسىنا، ەركىن ساۋدا سىناق رايونى مەن حالىقتىق اۆياتسيا كاسىبىنىڭ سەلبەستىگىن جەبەۋگە كۇش قوسادى.
ىسكە قوسۋ سالتىندا ۇشاقتى قورعامالى باجى بويىنشا رەمونتتاۋ كاسىبىن بەكىتۋ حۇجاتى وقىلدى، ٴۇرىمجى كەدەنىندەگى نەگىزگى جاۋاپتى جولداس ٴسوز سويلەدى، سونداي ـ اق كەلىسىم جاساۋ سالتىن وتكىزدى.
چىن ۋيجۇن، سۇن حۇڭمەي، ۋاڭ گاڭ، ورتالىقتىڭ شينجياڭداعى جانە اۆتونوميالى رايوننىڭ قاتىستى ورىندارىنداعى جاۋاپتى جولداستار، ٴۇرىمجى قالاسىنداعى، سونداي ـ اق جوعارى، جاڭا تەحنيكالىق اشۋ رايونىنداعى (جاڭا قالا رايونى) قاتىستى جاۋاپتى جولداستار، قاتىستى كاسىپورىنداردىڭ جانە اۆياتسيا سەرىكتەستىكتەرىنىڭ ۋاكىلدەرى قاتارلىلار سالتقا قاتىناستى.
قيمىل كەزىندە، ما شيڭرۇي وڭتۇستىك اۆياتسيا توبىنىڭ شينجياڭداعى كاسىپتەرىن دامىتۋ جاعدايىن تاپتەشتەي ۇعىستى ٴارى جۇڭگو اۆياتسيالىق جانار ماي ماتەريالدارى توبىنىڭ شينجياڭ اۆياتسيالىق جانار ماي ماتەريالدارى شەكتى سەرىكتەستىگىنە بارىپ تەكسەرۋ ـ زەرتتەۋ جۇرگىزىپ، قىزمەت تانىستىرۋىن تىڭداپ، بەنزين كۇبىسى اۋماعىن باسقارۋ ناقتى جاعدايىن تەكسەرىپ كوردى. ما شيڭرۇي ٴارقايسى كاسىپورىنداردان شينجياڭ ەركىن ساۋدا سىناق رايونى مەن جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ كەلەلى ورايىن مىقتى يگەرىپ، اسىرەسە، ٴۇرىمجى حالىقارالىق اۆياتسيا تورابى قۇرىلىسىنىڭ، شينجياڭ اۆياتسيا ىستەرى دامۋىنىڭ جاڭا جاعدايىن، تىڭ سۇرانىسىن يگەرىپ، ىشكەرىلەي زەرتتەۋ جۇرگىزىپ، جاڭالىق اشىپ، ىسكەرلىك كورسەتىپ، ورتا ازيا سياقتى توڭىرەكتەگى ەلدەرمەن ناقتى ىستەر سەلبەستىگىن ۇزدىكسىز كەڭەيتىپ، حالىقارالىق كاسىپ ىستەرى كولەمىن كەڭەيتىپ، شينجياڭنىڭ جوعارى دەڭگەيدە سىرتقا ەسىك اشۋىن ىلگەرىلەتۋ بارىسىندا ٴوزارا پايدا جەتكىزىپ تەڭ يگىلىككە كەنەلۋدى جۇزەگە اسىرۋدى ٴۇمىت ەتتى. ما شيڭرۇي بىلاي دەپ باسا دارىپتەدى: ەركىن ساۋدا سىناق رايونىن قۇرۋ _ شينجياڭنىڭ جاڭا داۋىردە رەفورما جاساۋدى، ەسىك اشۋدى ىلگەرىلەتۋدەگى كەلەلى بورىشى، مىندەتى. پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ كەلەلى رەفورما ورنالاستىرۋلارىنا مۇقيات تۋرالانىپ ەركىن ساۋدا سىناق رايونىنىڭ دەڭگەيىن ٴوسىرۋ ستراتەگياسىن جەدەل اتقارىپ، ٴتۇزىلىس ـ مەحانيزم رەفورماسىن جانە تۇزىمدە جاڭالىق اشۋدى ىشكەرىلەي ىلگەرىلەتىپ، قۇرىلىس جۇرگىزۋ ساپا ـ ونىمدىلىگىن ۇزدىكسىز جوعارىلاتىپ، جاڭا داۋىردەگى رەفورما جاساۋدىڭ، ەسىك اشۋدىڭ جاڭا بەلەسىن كۇش سالا تۇلعالاۋ كەرەك. قاتىستى باسشى كادرلار تەكسەرۋ ـ زەرتتەۋ ستيلىن بارىنشا ساۋلەلەندىرىپ، ٴبىرىنشى شەپكە ىشكەرىلەي بارىپ، سول ورىندا جۇمىس جۇرگىزىپ، كورنەكتى ماسەلەلەردى كۇش سالا شەشىپ، ٴتۇرلى ٴتۇيىندى قىزمەتتەردىڭ تياناقتانىپ، ونىمدىلىك كورسەتۋىن تىڭعىلىقتى ىلگەرىلەتۋى كەرەك.
