انار بۇلت \ شينجياڭ گازەتىنىڭ ٴتىلشىسى شى شين 11 ـ ايدىڭ 8 ـ كۇنى ۇرىمجىدەن حابارلايدى. 11 ـ ايدىڭ 8 ـ كۇنى وتكىزىلگەن مەملەكەتتىڭ ٴبىرقىدىرۋ تىڭنان قوسىلعان ساياساتتارىن تياناقتاندىرىپ، تاياۋ مەزگىلدەگى تۇتاس رايوننىڭ ەكونوميكالىق قىزمەتىن ويداعىداي ىستەۋ جاعدايى جونىندەگى اقپار جاريالاۋ ماجىلىسىنەن ۇعىسۋىمىزشا، مەملەكەتتىڭ ٴبىرقىدىرۋ تىڭنان قوسىلعان ساياساتتارىنىڭ شينجياڭدا تياناقتانىپ، ونىمدىلىك كورسەتۋىن ىلگەرىلەتىپ، ەرەن شارالار ارقىلى ەكونوميكانىڭ ونان ارى جاقسارۋىن ىلگەرىلەتىپ، تۇتاس جىلداعى مەجەدەگى نىسانا ـ مىندەتتەردى قۇلشىنا ورىنداۋ ٴۇشىن، اۆتونوميالى رايون تاياۋدا «مەملەكەتتىڭ ٴبىرقىدىرۋ تىڭنان قوسىلعان ساياساتتارىن تياناقتاندىرىپ، تاياۋ مەزگىلدەگى تۇتاس رايوننىڭ ەكونوميكالىق قىزمەتىن ويداعىداي ىستەۋ جونىندەگى ارەكەت جوباسىن» (تومەندە قىسقارتىلىپ «ارەكەت جوباسى» دەلىنەدى) شىعارعان.
بيىل جىل باسىنان بەرى كۇردەلى دە قۇبىلمالى سىرتقى ورتا جانە جاپالى دا اۋىر رەفورما، دامۋ، ورنىقتىلىق مىندەتتەرى الدىندا، اۆتونوميالى رايوندىق پارتكوم مەن ۇكىمەت مەملەكەت قىزمەتىنىڭ جالپى جاعدايىنداعى شينجياڭنىڭ ستراتەگيالىق ورنىن كوزدەپ، جوعارى ساپالى دامۋ مەن جوعارى دەڭگەيدەگى حاۋىپسىزدىكتى ٴبىر تۇتاس جوسپارلاپ، مەملەكەتتە بار ساياسات پەن ٴبىرقىدىرۋ تىڭنان قوسىلعان ساياساتتى دالمە ـ ٴدال تياناقتاندىرىپ، ارتىقشىلىقتى ساۋلەلەندىرىپ، ولقىلىقتاردى تولىقتاۋعا كۇش سالدى. الدىڭعى ٴۇش ماۋسىمدا تۇتاس رايوننىڭ ەكونوميكاسىندا جالپى تۇلعالىق جاقتان ورنىقتى، ورنىقتىلىق بارىسىندا ىلگەرىلەگەن جاعداي جارىققا شىعىپ، كوپ ٴتۇرلى ەكونوميكالىق كورسەتكىش ساندى مالىمەتتەرى بۇكىل ەلدە الدىڭعى ورىندا تۇردى.
9 ـ ايدىڭ 26 ـ كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسى ٴماجىلىسى ٴبىرقىدىرۋ تىڭنان قوسىلعان ساياساتتى العا قويعاننان كەيىن، اۆتونوميالى رايون مەملەكەتتىڭ قاتىستى مينيسترلىكتەرىمەن، كوميتەتتەرىمەن ٴتۇيىلىسۋدى بەلسەنە كۇشەيتىپ، «ارەكەت جوباسىن» اقىلداسىپ شىعارىپ، جيىنى 6 جاقتاعى مىندەتتى بەلگىلەدى.
قازىنا ساياساتىن كۇش سالا، ٴونىمدى اتقارۋ جاعىندا، قازىنالىق كىرىس زاڭ، بەلگىلەمە بويىنشا جوعارىلاتىلىپ، ٴار دارەجەلى ۇكىمەتتەردىڭ ”ٴۇشتى قامتاماسىز ەتۋ“ جاۋاپكەرشىلىگى قاتايتىلىپ، ناقتىلاندىرىلىپ، قازىنالىق حاۋىپ ـ قاتەردەن ساقتانۋ قامالى بەكەمدەلىپ، ساياسات بەتالىسىنىڭ بىردەيلىگى شىنايى كۇشەيتىلىپ، ساياساتتىڭ شوعىرلانۋىن ساپالىلاندىرۋ مىقتى يگەرىلىپ، ۇگىتتەۋ، جەتەكتەۋ تەبىنى ارتتىرىلىپ، قوعامدىق مەجە ورنىقتىرىلادى.
ٴونىمدى قارجى قوسۋدى ونان ارى كەڭەيتۋ جاعىندا، جىلدىق قارجى قوسۋ نىسانا ـ مىندەتى كوزدەلىپ، نىسان قارجىسىن تولەۋ مولشەرى دالمە ـ ٴدال، جوعارى ٴونىمدى جوعارىلاتىلىپ، حالىقتىق كاسىپورىنداردىڭ كەلەلى نىسانداردى قۇرۋعا ات سالىسۋىنا قولداۋ كورسەتىلىپ، بەلگى سيپاتتى ٴبىر توپ كەلەلى ينجەنەريالاردىڭ تياناقتانۋى ىلگەرىلەتىلىپ، نىسان قۇرىلىسى فاكتورلارىن قامتاماسىز ەتۋ كۇشەيتىلىپ، قالانىڭ جاڭالانۋى ۇزدىكسىز ىلگەرىلەتىلىپ، اناعۇرلىم كوپ ناقتى قىزمەت مولشەرىن قالىپتاستىرۋعا كۇش سالىنىپ، ۇكىمەتتىڭ قارجى قوسۋ ارقىلى جەتەكتەۋ رولى اناعۇرلىم ويداعىداي ساۋلەلەندىرىلەدى.
نەگىزگى سالالارداعى تۇتىنۋ ۇزدىكسىز كەڭەيتىلەدى. تاۋار تۇتىنۋدىڭ، تۇتىنۋعا قىزمەت وتەۋدىڭ سايكەستى كۇش سالۋىنا تاباندى بولىپ، ەرەكشەلىككە يە تۇتىنۋ مەن مادەنيەت، ساياحات، دەنە تاربيە تۇتىنۋى بارىنشا جەبەلىپ، كەڭ كولەمدى جابدىقتاردى جاڭالاۋ جانە تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ ساياساتى ويداعىداي تياناقتاندىرىلىپ، ەرەكشە قاۋىمدى قولداۋ تەبىنى ارتتىرىلىپ، كوپ ٴتۇرلى شارانى قاتار قولدانىپ جۇمىستانۋ ورنىقتىرىلىپ، كىرىستى ارتتىرۋ جەبەلەدى.
كاسىپورىندارعا كومەكتەسۋ ـ سۇيەمەلدەۋ، قيىنشىلىعىن شەشۋ جاعىندا، قازىنا ـ باجى ساياساتى مەن فينانستىق قولداۋ تەبىنى ارتتىرىلىپ، كاسىپورىنداردىڭ قارجى سۇرانىمى ماسەلەسى ۇيلەسىمدى شەشىلىپ، زاڭ اتقارۋ ٴتاسىلى ارناعا ٴتۇسىرىلىپ، شارۋاشىلىق ـ ساۋدا ورتاسى ۇزدىكسىز جاقسارتىلىپ، كاسىپورىنداردىڭ شيراقى بەينەمەن شەپكە اتتانۋىنا، كۇش توپتاپ دامۋىنا مۇمكىندىكتىڭ بارىنشا كومەك جاسالىپ، حالىقتىق شارۋاشىلىقتىڭ دامۋى، زورايۋى جەبەلەدى.
قورا ـ جاي بازارىنىڭ قۇلدىراۋدى تەجەپ، ورنىقتى قالپىنا كەلۋى جەبەلەدى. ”اق تىزىمدىكتەگى“ نىسانداردى كەڭەيتىپ قارجى قوسۋ ويداعىداي يگەرىلىپ، ىركىندى تاۋار ۇيلەردىڭ قابىلدانۋى جەدەلدەتىلىپ، تۇرعىنداردىڭ تۇرعىن ٴۇي قارىز اقشا اۋىرتپالىعى ازايتىلىپ، قالا ىشىندەگى قىستاقتاردى جاڭالاۋ جانە قاتەرلى، كونە ۇيلەردى جاڭالاۋ بەلسەنە اتقارىلىپ، قالا قورا ـ جاي كاسىبىنە قارجى قۇراۋدى سايكەستىرۋ مەحانيزمىنىڭ رولى تولىق ساۋلەلەندىرىلىپ، قورا ـ جاي كاسىپورىندارىنىڭ قارىز، قارجى قۇراۋ قىسىمى جەڭىلدەتىلىپ، تۇرعىن ٴۇيدىڭ ”كونەسىن ساتىپ، جاڭاسىن الۋ“ كۇش سالا ىلگەرىلەتىلىپ، بۇقارانىڭ تۇرعىن ٴۇي قاجەتى اناعۇرلىم ويداعىداي قاناعاتتاندىرىلادى.
كاپيتال بازارىن سەرپىلتۋگە كۇش سالىنادى. قاراستى رايونداعى جارناسى بازارعا شىعارىلعان سەرىكتەستىكتەردى بىرىكتىرىپ ساتىپ الۋ، قايتا قۇرۋ ىلگەرىلەتىلىپ، ٴتۇرلى تيجارات تۇلعالارىنىڭ بازارلانعان، زاڭمەن باسقارىلاتىن فاكتورلار بايلىعىن بىرىكتىرىپ ساتىپ الۋ، قايتا قۇرۋ ارقىلى كۇشەيۋىنە، ساپالىلانۋىنا، زورايۋىنا قولداۋ كورسەتىلەدى. جارناسى بازارعا شىعارىلعان سەرىكتەستىكتەردىڭ بازار قۇنىن باسقارۋدى كۇشەيتۋىنە قولداۋ كورسەتىلىپ، قارجى قوسۋ قۇنىن جوعارىلاتىپ، جارناگەرلەردىڭ قارىمجىسىن قايتارۋ كۇشەيتىلىپ، قارجى قوسۋشىلاردىڭ سەنىمى ارتتىرىلادى.
