انار بۇلت \ شينجياڭ گازەتىنىڭ ٴتىلشىسى جاڭ لەي، پراكتيكانت ليۋ دان 11 ـ ايدىڭ 8 ـ كۇنى ۇرىمجىدەن حابارلايدى. 11 ـ ايدىڭ 8 ـ كۇنى اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 15 ـ رەتكى ٴماجىلىسى ۇرىمجىدە وتكىزىلدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ٴماجىلىستى باسقاردى.
تۇراقتى كوميتەت قۇرامىنداعىلاردان 51 ادام ماجىلىسكە قاتىناستى، بۇل زاڭدا بەلگىلەنگەن ادام سانىنا ۇيلەسەدى.
ٴماجىلىس «شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ ٴماردان مۇحيتتىڭ اۆتونوميالى رايوندىق حالىق ۇكىمەتىنىڭ ورىنباسار ٴتوراعاسى مىندەتىنەن بوساۋ ٴوتىنىشىن قابىلداۋ جونىندەگى قاۋلىسىن»، «شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ ٴمۇتالىپ روزىنىڭ اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ باس حاتشىسى مىندەتىنەن بوساۋ ٴوتىنىشىن قابىلداۋ جونىندەگى قاۋلىسىن» داۋىسقا سالىپ ماقۇلدادى.
ٴماجىلىس داۋىسقا سالۋ ارقىلى پان شيدى اۆتونوميالى رايوننىڭ ورىنباسار ٴتوراعالىعىنا تاعايىنداۋدى ۇيعاردى.
ٴماجىلىس تاعى باسقا دا كادرلاردى مىندەتكە تاعايىنداۋ، مىندەتىنەن قالدىرۋ ىستەرىن داۋىسقا سالدى، سونداي ـ اق اۆتونوميالى رايوننىڭ جاڭادان مىندەتكە تاعايىندالعان مەملەكەت قىزمەتكەرلەرىنىڭ نەگىزگى زاڭ الدىندا سەرت بەرۋ سالتى وتكىزىلدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى ۋاڭ ميڭشان، لي نيڭپيڭ، توحتى ياقۇپ، پيڭ شينلاي، ۋاڭ گوحى، ٴمامتىمىن قادىر ماجىلىسكە قاتىناستى.
اۆتونوميالى رايوننىڭ ورىنباسار ٴتوراعاسى مۇقيات جارمۇقامەت، اۆتونوميالى رايوندىق جوعارى حالىق سوتى مەكەمەسىنىڭ باستىعى ٴدىلشات سايىم، اۆتونوميالى رايوندىق حالىق پروكۋراتۋراسىنىڭ باس پروكۋرورى گاۋ جيميڭ، اۆتونوميالى رايوندىق باقىلاۋ ـ تەكسەرۋ كوميتەتىندەگى قاتىستى جاۋاپتى جولداستار قاتارلىلار ماجىلىسكە سىرتتاي قاتىناستى.
11 ـ ايدىڭ 8 ـ كۇنى تۇستەن بۇرىن اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 40 ـ رەتكى مەڭگەرۋشىلەر ٴماجىلىسى تۇراقتى كوميتەت ٴماجىلىسىنىڭ ٴتۇرلى كەڭەستىك تاقىرىپتاردى قاراۋ احۋالىنان جاسالعان مالىمەتتى تىڭداپ، تۇراقتى كوميتەتتىڭ جالپى ماجىلىسىندە داۋىسقا سالۋعا تاپسىرىلاتىن كەڭەستىك جوبالاردى بەلگىلەدى.
