— اۆتونوميالى رايوننىڭ قاتىستى تاراۋلارىنىڭ جاۋاپتىلارى مەملەكەتتىڭ ٴبىر قىدىرۋ تىڭنان قوسىلعان ساياساتىنىڭ تياناقتاندىرىلۋ جاعدايى جونىندە تىلشىلەردىڭ سۇراۋىنا جاۋاپ بەردى
انار بۇلت \ شينجياڭ گازەتىنىڭ ٴتىلشىسى شى شين
9 ـ ايدىڭ سوڭىنان بەرى پارتيا ورتالىق كوميتەتى، مەملەكەتتىك كەڭەس ماكرولىق ساياساتتىڭ تەرىس پەريودىن رەتتەۋدى كۇشەيتۋ، ىشكى سۇرانىستى ٴونىمدى ارتتىرۋ، كاسىپورىندارعا كومەكتەسۋ ـ سۇيەمەلدەۋ سەرپىنىن ارتتىرۋ، قورا ـ جاي بازارىنىڭ قۇلدىراۋىن تەجەپ، ورنىقتى قالپىنا كەلۋىن جەبەۋ، كاپيتال بازارىن سەرپىلتۋ سياقتى جاقتاردى ارقاۋ ەتىپ، ٴبىر قىدىرۋ تىڭنان قوسىلعان ساياساتتى كۇش سالا العا قويدى.
وسى ساياساتتاردىڭ شينجياڭداعى ۇشتاستىرىلۋ جانە تياناقتاندىرىلۋ جاعدايى قانداي؟ شينجياڭنىڭ قانداي ناقتى شارالارى بار؟ قاتىستى تاراۋلار ساياساتتىڭ پايداسىن قالاي جارىققا شىعارىپ، ەرەكشە شارالار ارقىلى ەكونوميكانىڭ ونان ارى جاقسارۋىن ىلگەرىلەتەدى؟ 11 ـ ايدىڭ 8 ـ كۇنى اۆتونوميالى رايوندىق حالىق ۇكىمەتى اقپارات كەڭسەسى مەملەكەتتىڭ ٴبىر قىدىرۋ تىڭنان قوسىلعان ساياساتىن تياناقتاندىرۋ، تاياۋ مەزگىلدەگى تۇتاس رايوننىڭ ەكونوميكالىق قىزمەتىن ويداعىداي ىستەۋ جاعدايى جونىندە اقپار جاريالاۋ ٴماجىلىسىن اشتى، اۆتونوميالى رايوندىق دامۋ جانە رەفورما كوميتەتى، قازىنا مەڭگەرمەسى، تۇرعىن ٴۇي جانە قالا، اۋىل قۇرىلىسى مەڭگەرمەسى، ساۋدا ىستەرى مەڭگەرمەسى، بازار باقىلاۋ ـ باسقارۋ مەكەمەسى، جۇڭگو حالىق بانكەسى شينجياڭ ۇيعۇر اۆتونوميالى رايوندىق بولىمشە بانكەسى سياقتى تاراۋلاردىڭ جاۋاپتىلارى قاتىستى ماسەلەلەر جونىندە تىلشىلەردىڭ سۇراۋلارىنا جاۋاپ بەردى.
قارجى قوسۋدى كۇش سالا ىلگەرىلەتىپ، تۇتاس جىلدىق نىسانا ـ مىندەتتەردى ورىندايمىز
سۇراۋ: اۆتونوميالى رايون قاتىستى ارەكەت جوباسىن شىعارىپ، ٴونىمدى قارجى قوسۋدى كەڭەيتۋدى العا قويدى، قارجى قوسۋدىڭ تەز ارادا تياناقتانىلۋىن ىلگەرىلەتەتىن قانداي شارالار بار ەكەندىگىن تانىستىرا الاسىزدار ما؟
جاۋاپ: مەملەكەتتىڭ ٴبىر قىدىرۋ تىڭنان قوسىلعان ساياساتى ٴبىزدىڭ ەكونوميكالىق قىزمەتتى ويداعىداي ىستەۋىمىزگە سەنىم ۇستەدى، كوڭىلىمىزدى ورنىقتىردى، جىلدىق قارجى قوسۋ نىساناسىن بۇلجىماي كوزدەپ، قارجى قوسۋ ساياساتىنىڭ باعىتتامالىلىعىن، ونىمدىلىگىن كۇش سالا جوعارىلاتىپ، قارجى قوسۋ سەرپىنىن ونان ارى كۇشەيتىپ، قۇرىلىس كۇشەمەلىلىگىن ساقتاپ، قارجى بەرۋ قارقىنىن تەزدەتىپ، ٴتورتىنشى ماۋسىمداعى قارجى قوسۋ قىزمەتىن ادەتتەگىدەن اسىرا ىلگەرىلەتەمىز.
الدىمەن، ٴىرى نىسانداردىڭ قارقىنىن تەزدەتۋدى بەلسەنە ىلگەرىلەتىپ، نەگىزدىك قۇرىلعى ”ون تورىن“ جانە 100 ميلليارد يۋاندىق دەڭگەيدەگى، 10 ميلليارد يۋاندىق دەڭگەيدەگى ينجەنەريالار نىسانى ٴتىزىمىن تولىقتاۋدى، كەمەلدەندىرۋدى تەزدەتىپ، ”شينجياڭ ەلەكترىن سىرتقا جەتكىزۋ“ 4 ـ ارنا جەلىسى ينجەنەرياسى سياقتى جاڭادان سالىنعان نىسانداردىڭ قۇرىلىس باستاۋىن بەلسەنە ىلگەرىلەتىپ، تارىم وزەنى مۇناي ايىرۋ حيميا ونەركاسىبىن ٴبىر تۇلعالاندىرۋ سياقتى نىسانداردىڭ الدىڭعى مەرزىمدىك قىزمەتىن جەدەلدەتەمىز.
سونىمەن قاتار نىسان قارجىسىن بەرۋدى دالمە ـ ٴدال، جوعارى ٴونىمدى جوعارىلاتىپ، ورتالىقتىڭ مەجە ەسەبىندەگى قارجى قوسۋ، جەرگىلىكتى ۇكىمەتتىڭ ارناۋلى زايومى، ەرەن ۇزاق مەرزىمدى ەرەكشە مەملەكەت زايومى سياقتى ساياساتتىق قارجى شىعىمىنىڭ اياق الىسىن تەزدەتىپ، ۇكىمەت قوسقان قارجىنىڭ ەرتەرەك ونىمدىلىك كورسەتۋىنە شىنايى كەپىلدىك ەتىپ، قارجى تياناقتانعان ەرەن ۇزاق مەرزىمدى ەرەكشە مەملەكەت زايومى نىسانىنىڭ جەدەل اتقارىلۋىن قۋزاپ، جاڭادان تاراتىلاتىن ارناۋلى زايوم نىسانى قۇرىلىسىن جەدەلدەتەمىز.
كەلەلى نىسان فاكتورلارىنا قىزمەت وتەۋدى قامتاماسىز ەتۋ جاعىندا، مەملەكەتتىك كەڭەس جانە ونىڭ قاتىستى تاراۋلارى بەكىتكەن تاس جول، تەمىر جول، مۇناي ـ گاز قۇبىر جەلىسى، سۋ يگىلىگى، سۋ ەلەكتر سياقتى قۇرىلىس نىساندارىنىڭ، اۆتونوميالى رايوندىق حالىق ۇكىمەتى بەكىتكەن ”14 ـ بەسجىلدىق“ جوباداعى نىساندار جانە ونىڭ قاتىستى تاراۋلارى بەكىتكەن كەلەلى نەگىزدىك قۇرىلعى، حالىق تۇرمىسى ينجەنەرياسى سياقتى قۇرىلىس نىساندارىنىڭ مەڭگەرۋ سيپاتىنداعى دارا ينجەنەريالارى مەن سايكەستى ينجەنەريالارىندا ورماندى جەردەن، شالعىندى جەردەن الدىمەن پايدالانۋدى ٴوتىنىش ەتۋگە، قاراپ تەكسەرۋ پىكىرى مەن بەكىتۋىن جەدەل دايىنداۋعا، ٴبىتىرۋ پەريودىن قىسقارتۋعا بولادى، ت،ب.
اۆتونوميالى رايون حالىقتىق كاسىپورىنداردىڭ كەلەلى نىسان قۇرىلىستارىنا قاتىسۋىن قولداپ، ٴتىپتى دە كوپ حالىقتىق كاپيتالدىڭ تەمىر جول، ەنەرگيا، سۋ يگىلىگى، قالانى جاڭالاۋ سياقتى كەلەلى نەگىزدىك قۇرىلعى نىسان قۇرىلىسىنا قاتىسۋىن ىلگەرىلەتەدى؛ ۇكىمەت پەن قوعامدىق كاپيتال سەلبەستىگىنىڭ جاڭا مەحانيزمىن ويداعىداي اتقارىپ، قوعامدىق كاپيتالدىڭ جاڭاشا نەگىزدىك قۇرىلعى سياقتى سالالارداعى قۇرىلىسقا قاتىسۋىن قولدايدى؛ حالىقتىق كاسىپورىنداردى نەگىزدىك قۇرىلعى REITs ٴتاسىلى ارقىلى قولداعى قازىنا ـ مۇلىكتى ىسكە قوسۋعا ىنتالاندىرادى.
اۆتونوميالى رايوندىق دامۋ جانە رەفورما كوميتەتى ”التى ماڭىزدى ٴتىزىمدى“ الدىن الا جوسپارلاپ، ٴتۇرلى الدىڭعى مەرزىمدىك دايىندىق قىزمەتتەرىن ويداعىداي ىستەۋدى جەدەلدەتىپ، نىساننىڭ كادەگە جاراۋ دارەجەسىن جوعارىلاتادى. كەلەر جىلعى ٴىشىنارا ”مەملەكەتتىڭ كەلەلى ستراتەگيالارىن اتقارۋ جانە ٴتۇيىندى سالالارداعى حاۋىپسىزدىك قابىلەتى“ قۇرىلىسى نىسان ٴتىزىمىن جانە ورتالىقتىڭ مەجە ەسەبىندەگى قارجى قوسۋ جوسپارىن الدىن الا جاريالاپ، ادامدى وزەك ەتكەن جاڭاشا قالا ـ قالاشىقتاندىرۋ قۇرىلىسى مەن قالانى جاڭالاۋ سياقتى ٴتۇيىندى سالالاردى ىلگەرىلەتۋدى ٴتۇيىندى تۇردە ارقاۋ ەتىپ، قارجى قوسۋ بەتالىسىنا ۇيلەسەتىن، الدىڭعى مەرزىمدىك قىزمەتى پىسىپ ـ جەتىلگەن، جاريالاۋ شارت ـ جاعدايىن ازىرلەگەن ٴبىر قىدىرۋ نىساندى مۇقيات سارالاپ، قارجىعا قول جەتكىزۋ قىزمەتىن ويداعىداي ىستەيدى. سونىمەن بىرگە ٴبىر قىدىرۋ كەلەلى ينجەنەريا نىساندارىن، ٴتۇيىندى ستراتەگيالىق مىندەتتەردى، كەلەلى رەفورما شارالارىن مۇقيات جوسپارلاپ، مەملەكەتتىڭ ”15 ـ بەسجىلدىق“ جوبا باعدارلاماسىنا ەنگىزۋگە كۇش سالادى.
قالانى جاڭالاۋ قىزمەتىن اناعۇرلىم تەرەڭدەتەمىز، ناقتىلاندىرامىز
سۇراۋ: قالانى جاڭالاۋ _ وسى رەتكى ٴبىر قىدىرۋ تىڭنان قوسىلعان ساياساتتىڭ ماڭىزدى جاعى، اۆتونوميالى رايوننىڭ قالانى جاڭالاۋدى، وزگەرتۋدى ىلگەرىلەتۋدە قانداي شارالارى بار ەكەندىگىن تانىستىرا الاسىزدار ما؟
جاۋاپ: قالانى جاڭالاۋ تۇرعىنداردىڭ تۇرمىس ورتاسىن جاقسارتۋدىڭ، قالانىڭ يقۋاتىن جوعارىلاتۋدىڭ، تاريحي مادەنيەت مۇرالاردى قورعاۋدىڭ، قالا ەكونوميكاسىنىڭ باياندى دامۋىن جەبەۋدىڭ ماڭىزدى تۇتقاسى رەتىندە، قالانىڭ حاۋىپسىزدىگىن، سەرپىمدىلىگىن جانە زەردەلىلەنۋ دەڭگەيىن جوعارىلاتىپ، قارجى قوسۋ سۇرانىسىن ىلگەرىلەتىپ، ەكونوميكانىڭ دامۋىن جەبەيدى. ٴبىز قالانى جاڭالاۋ قىزمەتىنىڭ اناعۇرلىم تەرەڭدەۋىن، ناقتىلانۋىن ىلگەرىلەتىپ، قالاداعى قىستاقتى وزگەرتۋ، ەسكى، كونە شاعىن اۋماقتاردى وزگەرتۋ جانە قالانىڭ جەر استى قۇبىر جەلىسىن جاڭالاۋ جاقتارىندا ۇزدىكسىز كۇش سالامىز.
قالاداعى قىستاقتى وزگەرتۋ جاعىندا، مەملەكەت الدەقاشان ايماق دارەجەلى قالالار مەن ٴارقايسى ايماق، وبلىس اكىمشىلىك ٴوڭىرى ورتالىق قالالارىنىڭ قالاداعى قىستاقتى وزگەرتۋ مىندەتىنە ٴوتىنىش بەرۋىنە بولاتىندىعىن ايقىندادى. كەزەكتە اۆتونوميالى رايوندىق تۇرعىن ٴۇي جانە قالا، اۋىل قۇرىلىسى مەڭگەرمەسى جەر ـ جەردى قالاداعى قىستاق جاعدايىن اداقتاۋعا ۇيىمداستىردى، 2025 ـ جىلى جەر ـ جەردە اتقارىلاتىن قالاداعى قىستاقتى وزگەرتۋدىڭ قورا ـ جاي ساتىلىم سوماسىن 10 ميلليارد يۋاننان اسىرۋعا، سونىمەن بىرگە اشەكەيلەۋ، ٴۇي ەلەكتر جابدىقتارى سياقتىلارعا جانامالاي قوسىلاتىن قارجىنىڭ ارتۋىنا جەبەۋ بولاتىنى مەجەلەنىپ وتىر. سونىمەن بىرگە جەر ـ جەردىڭ ەسكى، كونە شاعىن اۋماقتاردى وزگەرتۋدى ىلگەرىلەتۋىنە جەتەكشىلىك ەتىپ، شاعىن اۋماقتاردىڭ سۋمەن قامداۋ، جىلۋمەن قامداۋ، جانار گاز سياقتى نەگىزدىك قۇرىلعىلارىنداعى ولقىلىقتاردى اناعۇرلىم تولىقتاپ، اۆتوكولىك توقتاتۋ، جەدەل جەتكىزۋ، زاريادتاۋ باعاناسى سياقتى حالىققا قولايلى قىزمەت وتەۋ قۇرىلعىلارى كەمەلدەندىرىلەدى.
قالانىڭ جەر استى قۇبىر جەلىسىن وزگەرتۋ جاعىندا، اۆتونوميالى رايون قالالاردىڭ جەر استى ورتاسىنىڭ ٴىس جۇزىندىك جاعدايىنا جانە قالالاردىڭ بولاشاق دامۋ سۇرانىسىنا نەگىزدەلىپ، سالالاردىڭ ”15 ـ بەسجىلدىق“ جوباسىن جاساۋمەن ۇشتاستىرىپ، مۇقيات جوسپارلاپ، قالالاردىڭ جەر استى قۇبىر جەلىسى قۇرىلىس مىندەتىن مۇقيات جوسپارلاپ، عىلمي ورنالاستىرىپ، قالالاردىڭ جەر استى قۇبىر جەلىسىن جاڭالاۋدىڭ، وزگەرتۋدىڭ قۇرىلىس باستاۋ شارت ـ جاعدايىن ەرتەرەك ازىرلەۋىنە شىنايى كەپىلدىك ەتىپ، تەز ارادا ناقتى قىزمەت مولشەرىن قالىپتاستىرادى.
ٴبىر قىدىرۋ تىڭنان قوسىلعان فينانس ساياساتىندا ونىمدىلىككە قول جەتتى
سۇراۋ: جاقىندا جۇڭگو حالىق بانكەسى العا قويعان ٴبىر قىدىرۋ تىڭنان قوسىلعان فينانس ساياساتى قوعامدا كۇشتى اڭىس قوزعادى، بۇل ساياساتتاردىڭ شينجياڭداعى ۇشتاستىرىلۋ جانە تياناقتاندىرىلۋ جاعدايى قانداي؟
جاۋاپ: 9 ـ ايدىڭ 24 ـ كۇنى جۇڭگو حالىق بانكەسى ەكونوميكانىڭ ورنىقتى ارتۋىن قولدايتىن ٴبىر قىدىرۋ تىڭنان قوسىلعان ساياساتتى شىعاراتىندىعىن جاريالادى. ساياسات شىعارىلعاننان كەيىن، شينجياڭنىڭ فينانس جۇيەسى دەرەۋ اڭىس قايتارىپ، بەلسەنە ارەكەتتەنىپ، كوپ شارانى قاتار قولدانىپ، ساياساتتىڭ تياناقتانۋىن ىلگەرىلەتىپ، بەلگىلى ونىمدىلىككە قول جەتكىزدى.
ٴبىرىنشى، امانات اقشانىڭ ساقتىق قور مولشەرىن تومەندەتۋ ساياساتىن جەدەل تياناقتاندىردىق. 9 ـ ايدىڭ 27 ـ كۇنى جۇڭگو حالىق بانكەسى باس بانكەسى امانات اقشانىڭ ساقتىق قور مولشەرىن 0.5 پايىز تومەندەتتى. شينجياڭ قاراستىلىعىنداعى وسى رەتكى امانات اقشا ساقتىق قور مولشەرىن تومەندەتۋ ساياساتى شارتىنا ۇيلەسەتىن بانكەلەردەن كۇنلۇن بانكەسى مەن پاكيستان حابي بانكەسى شەكتى جاۋاپكەرشىلىك سەرىكتەستىگى ٴۇرىمجى بولىمشە بانكەسى بار، وسى ەكى بانكە 9 ـ ايدىڭ 27 ـ كۇنىنەن باستاپ امانات اقشانىڭ ساقتىق قور مولشەرىن %6.5تەن %6كە تومەندەتىپ، ٴبىر ميلليارد 500 ميلليون يۋان ۇزاق مەرزىمدى قارجى بوساتتى. امانات اقشا ساقتىق قور مولشەرىن تومەندەتكەننەن كەيىن، تۇتاس رايونداعى جەرگىلىكتى زاڭدىق تۇلعا بانكەلەردىڭ ورتاشا امانات اقشا ساقتىق قور مولشەرى %5.39تەن %5.26كە تومەندەپ، بۇكىل ەلدەگى ورتاشا دەڭگەيدەن 1.34 پايىز تومەن بولدى. بۇدان سىرت، ەسەپتەۋگە نەگىزدەلگەندە، مەملەكەتتىك بانكەلەردىڭ شينجياڭداعى بولىمشە، تارماق قۇرىلىمدارىنىڭ 10 ميلليارد 500 ميلليون يۋان ۇزاق مەرزىمدىك قارجى بوساتۋىنا بولادى.
ەكىنشى، ساياساتتىق ٴوسىم مولشەرىن تومەندەتۋدى اتقاردىق ٴارى جەتكىزۋ ارناسىن ىركىلىسسىزدەندىردىك. جۇڭگو حالىق بانكەسى شينجياڭ ۇيعۇر اۆتونوميالى رايوندىق بولىمشە بانكەسى ٴوسىم مولشەرىنىڭ تەجەمدى مەحانيزم رولىن تولىق ساۋلەلەندىرىپ، ناقتى ەكونوميكانىڭ كەشەندى قارجى قۇراۋ وزىندىك قۇنىنىڭ ورنىقتى تومەندەۋىن ۇزدىكسىز ىلگەرىلەتتى. 9 ـ ايدىڭ 27 ـ كۇنى جۇڭگو حالىق بانكەسى اشىق بازاردا 7 كۇندىك كەرى قايتارىپ ساتىپ الۋ ارقىلى ٴوسىم مولشەرىن 0.2 پايىز تومەندەتتى، سونىمەن بىرگە قارىز اقشانىڭ بازاردا مالىمدەلگەن باعا ٴوسىم مولشەرى مەن امانات اقشا ٴوسىم مولشەرىن تەڭ قادامدا تومەندەتۋگە جەتەكشىلىك ەتتى. وسى رەتكى ساياساتتىق ٴوسىم مولشەرىن تومەندەتۋدىڭ جەتەكتەۋىندە، شينجياڭداعى ٴارقايسى فينانس قۇرىلىمدارى دەرەۋ ارەكەتكە كەلىپ، جاڭادان تاراتىلعان قارىز اقشالاردىڭ بارلىعىندا تومەندەتىلگەننەن كەيىنگى LPR بويىنشا باعا تۇراقتاندىردى، مەجەمەن وسى رەتكى ٴوسىم مولشەرىن تومەندەتۋدەن كەيىن، شينجياڭ تۇرعىندارى مەن كاسىپورىندارى ٴار جىلى 8 ميلليارد يۋانعا جۋىق قارىز اقشا ٴوسىم شىعىمىن ۇنەمدەي الادى.
ٴۇشىنشى، قورا ـ جاي فينانس ساياساتىنىڭ جوعارى ٴونىمدى تياناقتانۋىن ىلگەرىلەتتىك. 10 ـ ايدىڭ 31 ـ كۇنى شينجياڭداعى ٴارقايسى بانكە قۇرىلىمدارى ىركىندى ٴۇي قارىز اقشاسىنىڭ ٴوسىمىن توبىمەن رەتكە سالۋدى ورىنداپ، LPRدان ‰30 ازايتۋدان تومەن بولمايتىنداي ەتىپ ٴبىر تۇتاس رەتكە سالدى. العاشقى ساناق بويىنشا، وسى ساياسات تۇتاس رايونداعى 314 ميلليارد 500 ميلليون يۋان ىركىندى ٴۇي قارىز اقشاسىن شارپيدى. سونىمەن بىرگە تۇتاس رايونداعى ٴبىرىنشى ٴۇي، ەكىنشى ٴۇي قارىز اقشاسىندا العاشقى تولەنەتىن اقشا سالىستىرماسىن جالپى قارىز اقشانىڭ %15ىنەن تومەن بولماۋ سىندى مەملەكەتتىك ەڭ تومەنگى ولشەم بويىنشا اتقارۋدى تۇراقتاندىردىق. ىركىندى قارجى قۇراۋ مەرزىمىن ۇزارتۋ جانە شارۋاشىلىق سيپاتتى قوجالىق ىستەرى قارىز اقشاسى سىندى ەكى ٴتۇرلى قارىز اقشا مەرزىمىن ۇزارتۋ ساياساتىنا مەڭزەس، ۇگىت سەرپىنىن ارتتىرىپ، فينانس قۇرىلىمدارىنىڭ دەر كەزىندە شارت ـ جاعدايى ۇيلەسەتىن قورا ـ جاي كاسىپورىندارىمەن ٴتۇيىلىسۋىن ىلگەرىلەتىپ، قارجى قۇراۋدى قولداۋدى كۇشەيتتىك. ەسەپتەۋ بويىنشا ەكى ٴتۇرلى قارىز اقشا مەرزىمىن ۇزارتۋ ساياساتى تۇتاس رايونداعى 109 ميلليارد يۋان قورا ـ جاي اشۋ قارىز اقشاسىنا، 15 ميلليارد 600 ميلليون يۋان شارۋاشىلىق سيپاتتى قوجالىق ىستەرى قارىز اقشاسىنا سايادى.
ٴتورتىنشى، جارنا بەلەتىن قايتا ساتىپ الۋ، ارناۋلى قارجىنى ارتتىرۋ بويىنشا قايتا قارىز اقشا الۋ ساياساتىنىڭ ەرتەرەك تياناقتانۋىن ىلگەرىلەتتىك. كەلەسى قادامدا، ٴبىر قىدىرۋ تىڭنان قوسىلعان فينانس ساياساتىن ۇزدىكسىز بەلسەنە ويداعىداي تياناقتاندىرىپ، فينانستىڭ ”بەس ۇلكەن جۇمىسىن“ تىڭعىلىقتى، ويداعىداي ورىنداپ، سەنىمدى قارىز جالپى مولشەرىنىڭ ۇيلەسىمدى، ريتىمىنىڭ ورنىقتى بولۋىن ساقتاپ، ٴتۇيىندى سالالار مەن ٴالسىز بۋىنداردى قولداۋ سەرپىنىن ۇزدىكسىز ارتتىرىپ، اۆتونوميالى رايون ەكونوميكاسىنىڭ جوعارى ساپالى دامۋىنا كۇش ۇستەيمىز.
شارۋاشىلىق نەگىزگى تۇلعالارىنىڭ باسەكەلەسە دامۋىنا تاماشا ورتا جاراتامىز
سۇراۋ: اۆتونوميالى رايون اكىمشىلىك زاڭ اتقارۋدى ارناعا ٴتۇسىرۋ، شارۋاشىلىق ـ ساۋدا ورتاسىن جاقسارتۋعا كۇش ۇستەۋ جاقتارىندا تاعى قانداي اناعۇرلىم پارمەندى شارا قولدانادى؟
جاۋاپ: اۆتونوميالى رايوندىق بازار باقىلاۋ ـ باسقارۋ مەكەمەسى زاڭ اتقارۋ ٴتاسىلىن ساپالىلاندىرۋعا، زاڭ اتقارۋ ارەكەتىن ارناعا تۇسىرۋگە ايرىقشا ٴمان بەرىپ، بازار باقىلاۋ ـ باسقارۋ سالاسىنىڭ «اكىمشىلىك جازالاۋ ۇكىمىن شىعارۋ ۇقىعىنىڭ لايىقتى بەلگىلەمەسىنە» جانە ۇكىم شىعارۋ ولشەمىنە (2024 ـ جىلعى نۇسقاسى) وزگەرىس ەنگىزىپ، ”تۇڭعىش رەت قايشىلىق جاساسا جازالاماۋ“، ”زاڭعا جەڭىل دارەجەدە قايشىلىق جاساسا جازالاماۋ“ سياقتى بەلگىلەمەلەر شىعارىپ، باۋىرمالدىقپەن، بايىپپەن باقىلاۋ ـ باسقارۋدى جانە قىزمەت وتەۋ سيپاتىنداعى زاڭ اتقارۋدى ىلگەرىلەتۋ جونىندە ىزدەنىس جاساپ، كاسىپورىنداردان اقى الۋ ولشەمىن باسقارۋ جانە كاسىپورىنداردىڭ اۋىرتپالىعىن جەڭىلدەتۋدى دەمەۋ قىزمەتىن كۇشەيتىپ، شارۋاشىلىق نەگىزگى تۇلعالارىنىڭ باسەكەلەسە دامۋىنا كۇش سالا تاماشا ورتا ازىرلەدى.
كەلەسى قادامدا، ٴبىز تومەندەگى شارالاردى قولدانىپ، شارۋاشىلىق ـ ساۋدا ورتاسىن ونان ارى ساپالىلاندىرامىز. ٴبىرىنشى، زاڭ اتقارۋ ۇستانىمىن ساپالىلاندىرىپ، قىزمەت وتەۋ سيپاتىنداعى زاڭ اتقارۋ ۇلگىسىن جالپىلاستىرامىز. ازىق ـ تۇلىك، ٴدارى ـ دارمەك، ٴونىم ساپاسى سياقتى بۇقارانىڭ ٴتول مۇددەسىنە قاتىستى ٴتۇيىندى سالالارداعى زاڭ اتقارۋ سەرپىنىن ارتتىرىپ، حالىق ٴۇشىن باقىلاۋ ـ باسقارۋدىڭ تەبىندى دە مەيىرلى بولۋىنا مۇمكىندىك جاسايمىز. ەكىنشى، ۇكىمنىڭ ٴبىرىڭعاي بولۋىنا تاباندى بولىپ، بازار باقىلاۋ ـ باسقارۋداعى زاڭ اتقارۋ ارەكەتىن قاتاڭ ارناعا تۇسىرەمىز. اكىمشىلىك جازا قولدانعان دەلولاردى قاراپ تەكسەرۋ ٴتۇزىمىن قاتاڭ تياناقتاندىرىپ، زاڭ اتقارۋدى باقىلاۋ، دەلو ارحيۆىن باعالاۋ ـ تەكسەرۋ، ”جاۋاپكەرشىلىگى جەڭىلدەتىلەتىن، كەشىرىلەتىن“ ىستەر ٴتىزىمىن اتقارۋدى ولشەمدەستىرىپ، ”سيفر + زاڭ اتقارۋ“ سىندى باسقارۋ جاڭا ۇلگىسىن ورناتىپ، زاڭدى ٴادىل، وركەنيەتتى اتقارۋ دەڭگەيىن ونان ارى جوعارىلاتامىز. ٴۇشىنشى، نازاردى ٴتۇيىندى سالالارعا شوعىرلاندىرىپ، كاسىپورىندارعا ساياتىن اقى الۋدى باسقارۋ سەرپىنىن ارتتىرامىز. كاسىپورىندارعا ساياتىن اقى الۋدىڭ باياندى باقىلاۋ ـ باسقارۋ مەحانيزمىن اقاۋسىزداندىرىپ، قايتالاي اقى الۋ، زورلىقپەن اقى الۋ سياقتى ماسەلەلەردى كۇش سالا جونگە سالىپ، كاسىپورىنداردىڭ اۋىرتپالىعىن جەڭىلدەتۋگە كومەكتەسەمىز. ٴتورتىنشى، سەلبەستىكتى، ىستەستىكتى كۇشەيتىپ، كاسىپتىك تولەم الۋ ارەكەتىن زاڭ بويىنشا ولشەمگە تۇسىرەمىز. ”قوس كەزدەيسوق، ٴبىر جاريا بولۋ“ باقىلاۋ ـ باسقارۋىن ىلگەرىلەتىپ، كاسىپورىندارعا ساياتىن اكىمشىلىك تەكسەرۋدى ارناعا ٴتۇسىرىپ، ٴادىل، ادىلەتتى، سەنىمدى، ٴتارتىپتى بازار ورتاسىن جاراتۋدى جەبەيمىز.
