ٴۇشتۇرپان اۋدانى اقيار قالاشىعى جوعارعى كوكۋلا قىستاعىنىڭ تۇرعىندارى كومىر الۋدا. سۋرەتتى ەرىكتى ٴتىلشى ۋ يۇڭ تۇسىرگەن
تيانشان تورى - شينجياڭ زاڭ گازەتىنىڭ حابارى (ءتىلشى دۇڭ يانلياڭ، ەرىكتى ٴتىلشى شى حاۋشۋان حابارلايدى). تاياۋدا ٴۇشتۇرپان اۋدانى اقيار قالاشىعى جوعارعى كوكۋلا قىستاعى تۇرعىندار كوميتەتىنىڭ ەسىك الدىندا قىستاق تۇرعىندارىنىڭ جۇزىنەن باقىت كۇلكىسى ەسىپ، تاراتىلاتىن كومىردى الۋعا اسىقتى.
بۇقارانىڭ قىستاعى جىلىنۋ ماسەلەسىن شىن مانىندە شەشۋ ٴۇشىن، ٴۇشتۇرپان اۋداندىق حالىق سوتى مەكەمەسىنىڭ اقيار قالاشىعى جوعارعى كوكۋلا قىستاعىندا تۇراتىن قىزمەت اترەتى 30 توننا كومىر ساتىپ الىپ، قاجەت ەتكەن 60 وتباسىنا تاراتىپ بەرىپ، ولاردىڭ كوكەيتەستى ماسەلەسىن شەشتى.
ٴار توننا كومىردىڭ دەر كەزىندە، جەتكىلىكتى مولشەردە قىستاق تۇرعىندارىنا تاراتىلۋىنا كەپىلدىك ەتۋ ٴۇشىن، قىزمەت اترەتىنىڭ مۇشەلەرى ەگجەي ـ تەگجەيلى تىزىمگە الىپ، تارتىپپەن تاراتىپ، ٴبىر وتباسىن دا قاعىس قالدىرماۋعا شىنايى كەپىلدىك ەتتى. قىستاق تۇرعىندارى كومىردى تاپسىرىپ الىپ ۇيىنە قايتاردان بۇرىن، قىزمەت اترەتىنىڭ مۇشەلەرى كومىردى حاۋىپسىز پايدالانۋ بىلىمدەرىن ەگجەي ـ تەگجەيلى تانىستىرىپ، كوپشىلىككە حاۋىپسىزدىك تانىمىن كۇشەيتىپ، كومىر ىستەتكەندە اۋا الماستىرۋعا كوڭىل ٴبولىپ، كومىرتەگى شالا توتىعىنان ۋلانۋدان ساقتانۋدى تاپسىردى.
”ٴار جىلى قىزمەت اترەتى قامقورلىقپەن تاراتقان كومىردى تاپسىرىپ الامىن، جاسىم ۇلعايىپ، ءجۇرىس-تۇرىسىم قولايسىز بولىپ قالدى، قىزمەت اترەتى كومىرىمدى ەسىك الدىنا جەتكىزىپ بەرەدى، سىزدەرگە ەرەكشە العىس ايتامىن“، ـ دەدى جالعىز تۇراتىن قاريا ابدوللا راشيت كومىر جەتكىزىپ بەرگەن قىزمەت اترەتىنىڭ مۇشەلەرىنە.
”بۇقارانىڭ قىستان جىلى ءوتۋى قىزمەت اترەتى مەن قىستاق تۇرعىندار كوميتەتىنىڭ كوڭىلىندەگى ٴىرى ٴىس، ٴبىز بۇقارانىڭ ٴىس جۇزىندىك قيىنشىلىعىن شەشۋدى ماڭداي الدى ورىنعا قويىپ، مەيىر باعىشتاۋ، حالىققا تيىمدىلىك جاساۋ ساياساتتارىن شىن مانىندە تياناقتاندىرامىز“، ـ دەدى.ٴۇشتۇرپان اۋداندىق حالىق سوتى مەكەمەسىنىڭ اقيار قالاشىعى جوعارعى كوكۋلا قىستاعىندا تۇراتىن ٴبىرىنشى شۋجي، قىزمەت اترەتىنىڭ باستىعى شيە فاجان.
بيىل جىل باسىنان بەرى، ٴۇشتۇرپان اۋداندىق حالىق سوتى مەكەمەسى جىبەرگەن ورىننىڭ ارتقى تىرەك سۇيەمەلدەۋ رولىن تولىق ساۋلەلەندىرىپ، 2 قىزمەت اترەتىنە 190 مىڭ يۋان حالىق ٴۇشىن ناقتى ٴىس ىستەۋ قاراجاتىن بەرىپ، نەگىزگى ساتىعا ناقتى ءىس ىستەپ بەرىپ، بۇقارا ٴۇشىن جاقسى ءىس ىستەپ، بۇقارا ەڭ كوڭىل ٴبولىپ وتىرعان، ەڭ تىكە، ەڭ شىنايى قيىنشىلىقتاردى شەشىپ، اۋىل ـ قىستاقتى گۇلدەندىرۋدى بەرىك كەپىلمەن قامدادى.
