— شينجياڭنىڭ ”ٴبىر بەلدەۋ، ٴبىر جول“ وزەكتى رايونى قۇرىلىسىن جەدەلدەتكەندىگى جونىندە ەستەلىك
شينحۋا اگەنتتىگىنىڭ تىلشىلەرى \ لي زىلياڭ، چۋ حاڭ، گۋان چياۋچياۋ
تاريح پەن وسى زامان توعىسىپ، ايبىندى دا الۋان ٴتۇستى كارتينانى بىرگە ورنەكتەدى، بۇل ارا جىبەك جولى ەكونوميكالىق بەلدەۋىنىڭ وزەكتى رايونى _
يۇيمىنگۋاننىڭ سىرتىندا ”قۇرىش كەرۋەن“ قۇبا تۇزدەگى قۇمدى تەڭىزدەن كەسىپ ٴوتتى؛ شەكاراداعى بايىرعى ايالدامالاردا جۇڭگو مەن شەتەل ساۋداگەرلەرى باس قوسىپ، زاتتار دۇنيەنىڭ ٴتورت بۇرىشىنا جەتكىزىلدى؛ تيانشاننىڭ قارلى كورىنىسى قالانىڭ دۋماندى جاڭا كورىنىسىن ايشىقتادى.
شينجياڭنىڭ جوعارى دەڭگەيدە سىرتقا ەسىك اشۋىن ىلگەرىلەتۋگە باس شۋجي شي جينپيڭ ايرىقشا نازار اۋدارىپ بىلاي دەپ اتاپ كورسەتتى: شينجياڭنىڭ وزگەشە وڭىرلىك ورىن باسىمدىعىن ساۋلەلەندىرىپ، جاڭا دامۋ ارناسىنا بەلسەنە قىزمەت وتەپ جانە ونىمەن توعىسىپ، سىرتقا ەسىك اشۋ قىزمەتىن ٴىس جۇزىندىكتى تياناق ەتە وتىرىپ ويداعىداي يگەرىپ، ”ٴبىر بەلدەۋ، ٴبىر جول“ وزەكتى رايونى قۇرىلىسىن تەزدەتىپ، شينجياڭدى ەلىمىزدىڭ باتىسقا ەسىك اشۋداعى الدىڭعى شەبىنە اينالدىرۋ كەرەك.
شەكارا وتكەلى ەكونوميكاسى جەدەل كوركەيىپ، سىرتقى ساۋدانىڭ جاڭا كاسىپ كۇيىندە، جاڭا ۇلگىسىندە جاڭالىق اشا دامۋ جارىققا شىعىپ، جەر ـ جەردىڭ مادەنيەت ساياحاتى جوعارى ورلەۋگە كوتەرىلىپ، ىقپالى ارتا ٴتۇستى... شينجياڭ ەركىن ساۋدا سىناق رايونى ماڭدايشالىعىن اشىپ قۇرىلعان ٴبىر جىلدان بەرى، ”ٴبىر بەلدەۋ، ٴبىر جولدى“ بىرگە قۇرۋ ىشكەرىلەي ىلگەرىلەتىلىپ، باتىسقا ەسىك اشۋدىڭ تولقىنى جوڭكىلىپ، تيانشان الابىندا ازيا _ ەۆروپا قۇرلىعىن تۇتاستىراتىن التىن ارنالار جەدەل اشىلىپ، شينجياڭنىڭ ەسىك اشۋدىڭ الدىڭعى شەبى رەتىندەگى يقۋاتى كۇن سايىن كورنەكتىلەندى.
التىن ارنادا التىن قوردالاندى
【باس شۋجيدىڭ ٴسوزى】”جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتىپ، شينجياڭنىڭ وڭىرلىك ەسىك اشۋ ستراتەگياسىن مەملەكەتتىڭ باتىسقا ەسىك اشۋىنىڭ جالپى تۇلعالىق ورنالاستىرۋىنا ەنگىزىپ، اشىق تيپتەگى ەكونوميكالىق تۇزىلىستە جاڭالىق اشىپ، سىرتقا ەسىك اشۋدىڭ ٴىرى ارناسىن جەدەل ورناتۋ كەرەك“ _ 2022 ـ جىلى 7 ـ ايدا باس شۋجي شي جينپيڭ شينجياڭدا قىزمەت تەكسەرگەندە، تەكسەرۋ ـ زەرتتەۋ جۇرگىزگەندە وسىلاي دەپ باسا دارىپتەدى.
【ناقتى اڭگىمە】”قۇرىش كەرۋەن“ جىبەك جولىنداعى مەرۋەرتتى تۇتاستىردى
11 ـ ايدىڭ 6 ـ كۇنى، تيانشان تاۋىنىڭ سولتۇستىك بوكتەرى. جاڭعىرعان گۋدوك داۋىسىنا ىلەسە، 45 كانتينەرگە اۆتوكولىك بولشەكتەرىن تولتىرا تيەگەن پويەز شينجياڭ تارباعاتاي ايماعىنىڭ شيحۋ تەمىر جول جۇك الاڭىنان اتتانىپ، قازاقستاننىڭ الماتىسىنا جول الدى. بۇل جۇڭگو _ ەۆروپا (ورتا ازيا) كەزەكشى پويەزىنىڭ شيحۋ ۆوگزالىنىڭ رەسمي اشىلىپ، ”قۇرىش كەرۋەنگە“ جاڭا مۇشە قوسىلعاندىعىنىڭ بەلگىسى بولدى.
شيحۋ ونەركاسىپ باقشا رايونىن باسقارۋ كوميتەتىنىڭ مەڭگەرۋشىسى لوۋ دىجى بىلاي دەدى: ”شيحۋ ۆوگزالىنىڭ اشىلۋى سولتۇستىك شينجياڭ ىشكى وڭىرلەرىنىڭ ەسىك اشۋىنىڭ، دامۋىنىڭ جاڭا تاراۋىن اشتى“! تاياۋدا لوۋ دىجى قىزمەتتەستەرىمەن باقشا رايونىنداعى كاسىپورىنداردى تەكسەرىپ بەكىتۋ جانە جۇمىسقا قابىلداۋ قىزمەتىمەن قاربالاس بولدى، كەزەكشى پويەز قاتىناعان كۇنى ونەركاسىپ باقشا رايونى جۇڭچىڭ شينجيان ساتىپ الۋ كاسىبى سياقتى 6 كاسىپورىنمەن كەلىسىم جاساسىپ، سوماسى 51 ميلليارد 620 ميلليون يۋانعا جەتتى.
شيحۋ قالاسى سىندى جوڭعار ويپاتىنىڭ باتىس وڭتۇستىك جيەگىنە ورنالاسقان وسى قالا تاريحتا شىعىس پەن باتىس ساۋداسىنىڭ شەشۋشى ٴتۇيىنى بولعان. جۋىق جىلداردان بەرى، شيحۋ قۇرلىقتىق پورت تۇرىندەگى زات اينالىمى تورابىن ارقالاعان قالا رەتىندە، جەرگىلىكتى ورىننىڭ زات اينالىمى ونىمدىلىگى كورنەكتى جوعارىلاۋمەن بىرگە، ورتا ازيا، ەۆروپا سياقتى جەرلەرمەن ەكونوميكا ـ ساۋدا اۋىس ـ كۇيىسىن دە جەبەدى.
شيحۋ قالاسى تانان ساۋدا، زات اينالىمى قىزمەت وتەۋ ورتالىعى پارتيا باسشىلىق گرۋپپاسىنىڭ شۋجيى ۋاڭ جياڭ بىلاي دەپ تانىستىردى: بيىل شيحۋ تەمىر جول ارناۋلى لەنياسىنان ۇشەۋىن سالادى ٴارى ىسكە قوسادى، تەمىر جولدىڭ جىلدىق تاسىمالداۋ قۋاتى مەجەمەن 3 ميلليون 500 مىڭ تونناعا جوعارىلايدى. مۇنىمەن شيحۋ قالاسىنىڭ قىزاناق، كومىر سياقتى ساپالى ونىمدەرى ەۆروپا _ ازيا بازارىنا تىكە جەتەدى، سونىمەن بىرگە ەۆروپا، ورتا ازيا سياقتى جەرلەردىڭ ساپالى تاۋارلارى دا شينجياڭعا ىركىلىسسىز كىرەدى.
تاياۋدا، شينجياڭنىڭ تەمىر جول جانە تاس جول شەكارا وتكەلدەرى ەرەكشە قاربالاستىققا ٴتۇستى. الاتاۋ ساعاسى شەكارا وتكەلىندە ٴتۇرلى ـ ٴتۇستى كانتينەرلەر بەينە قۇراما قوبديشا ىسپەتتى دەن قويا ٴبىرىنىڭ ۇستىنە ٴبىرى قويىلىپ، كرانمەن تيەلىپ، تاسىمال اۆتوكولىكتەرى قايشالىسىپ جاتتى؛ ەركەشتام شەكارا وتكەلىندە قىدىرما ساۋداگەرلەردىڭ اياعى ۇزىلمەدى، شاڭحاي، شاندۇڭ، انحۇي سياقتى جەرلەردەن كەلگەن اۆتوكولىكتەر وتكەلدەن ٴتارتىپتى، جىلدام ٴوتىپ، مەملەكەت قاقپاسىنىڭ سىرتىنا جول الدى.
جۇڭگو تەمىر جولى ٴۇرىمجى مەكەمەسى توبى شەكتى سەرىكتەستىگىنىڭ ساناق ساندى مالىمەتىندە كورسەتىلۋىنشە، بيىل الدىڭعى 10 ايدا شينجياڭ قورعاس، الاتاۋ ساعاسى تەمىر جول شەكارا وتكەلدەرىنەن جيىنى 13 مىڭ 500 جۇڭگو _ ەۆروپا كەزەكشى پويەزى قاتىناپ، سايكەس مەزگىلدەگىدەن %13.4 ارتقان؛ شەكارا وتكەلىنەن وتكىزىلگەن جۇك مولشەرى 23 ميلليون 762 مىڭ تونناعا جەتىپ، سايكەس مەزگىلدەگىدەن %12.3 ارتقان.
شەكارا وتكەلى تورابىنىڭ گۇلدەنۋىنىڭ استارىندا ازيا _ ەۆروپا التىن ارناسىنىڭ جارىققا شىعارعان ”التىن اسەرى“ جاتىر.
جۋىق جىلداردان بەرى، اۆتونوميالى رايون ”شىعىسپەن بايلانىس جاساپ، باتىسقا شىعارۋ“ جول تورى قۇرىلىسىن جەدەل ىلگەرىلەتىپ، ”كەڭىستىك جىبەك جولى“ ۇزدىكسىز ۇزارىپ، كەڭەيىپ، كاسىپ سالاسىنىڭ دامۋى مەن شارۋاشىلىق ـ ساۋدا ورتاسى سايكەستى كۇش سالىپ، ەسىك اشۋعا، دامۋعا تىڭ ومىرشەڭ كۇش ۇستەدى.
بيىل الدىڭعى ٴۇش ماۋسىمدا شينجياڭنىڭ سىرتقى ساۋدا يمپورت ـ ەكسپورت جالپى قۇنى 322 ميلليارد 390 ميلليون يۋانعا جەتىپ، سايكەس مەزگىلدەگىدەن %29 ارتىپ، ارتۋ جىلدامدىعى بۇكىل ەل بويىنشا الدىڭعى ورىندى يەلەدى. شينجياڭ ۇيعۇر اۆتونوميالى رايوندىق ساۋدا ىستەرى مەڭگەرمەسىنىڭ باستىعى شيڭ تاۋ مىنالاردى ٴبىلدىردى: ”باتىسقا ەسىك اشۋدىڭ ’التىن ارنالىق‘ رولى كۇن سايىن كورنەكتىلەنىپ، وراسان زور ’التىن اسەرىن‘ ۇزدىكسىز تاراتۋدا“.
شار تاراپتى تۇتاستىرعان ”التىن بەكەت“
【باس شۋجيدىڭ ٴسوزى】”حالىقارا، ەل ٴىشى سىندى ەكى بازاردان، ەكى ٴتۇرلى بايلىقتان اناعۇرلىم ويداعىداي پايدالانىپ، جاڭا دامۋ ارناسىنا بەلسەنە قىزمەت وتەۋ جانە ونىمەن توعىسۋ كەرەك“_ 2022 ـ جىلى 7 ـ ايدا باس شۋجي شي جينپيڭ شينجياڭدا قىزمەت تەكسەرگەندە، تەكسەرۋ ـ زەرتتەۋ جۇرگىزگەندە وسىلاي دەپ باسا دارىپتەدى.
【ناقتى اڭگىمە】”كورىكتى جايلاۋ“ سيفر تولقىنىن قارسى الدى
ٴۇرىمجى _ ”كورىكتى جايلاۋ“ دەگەن ماعىنانى بىلدىرەتىن قالا اتى، ال بۇگىنگى تاڭدا، تەحنيكاداعى وزگەرىس پەن ساۋدادا جاڭالىق اشۋ وسى ارادا تىڭ ومىرشەڭ كۇشتى قاۋلاتتى.
11 ـ ايدىڭ 11 ـ كۇنى، يان ـ ان كوشەسىندەگى مەيلينگۋ يمپورت ەتىلگەن قورعامالى باجى تاۋارلارىن سەزىنۋ ورتالىعىنىڭ ىشىندەگى تەرى قورعاۋ، بەزەنۋ اۋماعىندا ادامدار قايشالىستى. ٴبىر ۇيعۇر بويجەتكەن كوزدىڭ جاۋىن الاتىن تاۋارلاردىڭ ىشىنەن ٴبىر ٴاتىردى تاڭداپ الىپ، ەكىلىكتى جايمالاپ تاپسىرىس بەرگەننەن كەيىن، تاۋار 24 ساعات ىشىندە ونىڭ ۇيىنە جەتكىزىلەتىن بولدى.
”قوس 11“دىڭ كەلۋىمەن ٴۇرىمجى شەكارا اتتاعان ەلەكتروندى ساۋدا ماركالى تاۋارلاردى بولشەك ساتاتىن كاسىپورىندار زات دايىنداۋمەن، سورەگە شىعارۋمەن قاربالاس بولىپ، ينتەرنەت جەلىسىندە جانە جەلىدەن تىس ساتىلاتىن يمپورت تاۋارلاردىڭ ٴتۇرىن مولايتتى. ٴۇرىمجى كەشەندى قورعامالى باجى اۋماعىنىڭ قويماسىنداعى سان مىڭداعان قورعامالى باجى تاۋارلارى تۇتاستاي ازىرلەنىپ، جولدانۋعا دايىندالدى.
”شينجياڭنىڭ جەرگىلىكتى شەكارا اتتاعان ەلەكتروندى ساۋدا ماركالى تاۋارلاردى بولشەك ساتۋ ورنى رەتىندە، ’مەيلينگۋ‘ قازىر 60تان استام مەملەكەتتىڭ ايگىلى ماركالارىمەن سەلبەستىك جاساستى“. كاسىپورىننىڭ جاۋاپتىسى زايدوللا تۇرسۇن بىلاي دەدى: ٴۇرىمجى شەكارا اتتاعان ەلەكتروندى ساۋدا كەشەندى سىناق رايونىنىڭ ساياساتتىق باسىمدىعى رەتىندە، شەكارا اتتاعان ەلەكتروندى ساۋدا ىستەرىمىزگە شەكسىز مۇمكىندىك ازىرلەدى. كەلەر جىلى اناعۇرلىم كوپ شەكارا اتتاعان ەلەكتروندى ساۋدا ماركالارىن جەتىلدىرۋدى ٴارى ينتەرنەت جەلىسىنەن تىس سەزىنۋ دۇكەنىن وڭتۇستىك شينجياڭعا جەتكىزۋدى جوسپارلاپ وتىرمىن.
بىلتىر 11 ـ ايدا شينجياڭ ەركىن ساۋدا سىناق رايونى ماڭدايشالىق اشىپ قۇرىلدى. ەلىمىزدىڭ باتىس سولتۇستىك شەكارا رايونداردا قۇرعان تۇڭعىش ەركىن ساۋدا سىناق رايونى رەتىندە، ٴبىرقىدىرۋ رەفورما سىناق ٴتۇيىنى مىندەتى ىركەس ـ تىركەس تياناقتانىپ، شەكارا اتتاعان ەلەكتروندى ساۋدا سياقتى ساۋدانىڭ جاڭا كاسىپ كۇيىنە دامۋدىڭ جاڭا تۇعىرىن ازىرلەدى.
بىرنەشە جىلدىڭ الدىندا، باس شتابى ۇرىمجىگە ورنالاسقان شينجياڭ سىلۋتۇڭ ينفورماتسيا، عىلىم ـ تەحنيكا شەكتى سەرىكتەستىگى ٴداستۇرلى حالىقارالىق ساۋدا كاسىپورنى بولاتىن، يلۇتۇڭ شەكارا اتتاعان ەلەكتروندى ساۋدا تۇعىرىن قۇرۋ ارقىلى قازىر شينجياڭداعى تۇڭعىش جەلىدەگى ساۋدا، جەلىدەن تىس اۆتوكولىك تاسىمالى سياقتىلاردى شوعىرلى ٴبىر تۇلعالاندىرعان شەكارا اتتاعان ەلەكتروندى ساۋدا ايىرباس تۇعىرىنا اينالدى.
”ٴبىز ي ـ ۋدان زاتپەن قامدايتىن ارتقى قامبا، شينجياڭ شەكارا وتكەلىنەن ورتالىق قامبا، ورتا ازيا بازارىنان شەتەل قامبا جۇيەسىن ورنالاستىردىق، مەملەكەت ساياساتىنىڭ قولداۋىندا، سەرىكتەستىكتىڭ تۇعىر ساۋدا، تاسىمال، قامبادا ساقتاۋ قۋاتى بارعان سايىن كۇشەيدى“. شينجياڭ سىلۋتۇڭ ينفورماتسيا، عىلىم ـ تەحنيكا شەكتى سەرىكتەستىگىنىڭ باس ديرەكتورى مىڭ شيۋلي بىلاي دەپ تانىستىردى: كاسىپورىننىڭ قازىر شەتەل بازارىنداعى پايدالانۋشىلارىنىڭ سانى 180 مىڭنان اسىپ، ەل ىشىندە 400دەن استام دۇكەن ىرگە تەپتى.
جۋىق جىلداردان بەرى، شينجياڭدا شەكارا اتتاعان 4 ەلەكتروندى ساۋدا كەشەندى سىناق رايونى، 2 بازاردان ساتىپ الۋ ساۋدا ٴتاسىلى سىناق ٴتۇيىنى سياقتىلار بەكىتۋدەن ٴوتىپ، ٴتۇرلى اشىق تۇعىرلار شوعىرلانىپ، توعىسىپ، حالىقارا، ەل ٴىشى سىندى ەكى بازاردان، ەكى ٴتۇرلى بايلىقتان اناعۇرلىم ويداعىداي پايدالاندى.
ورتا، شىعىس بولىكتەردەگى كاسىپ سالاسىنىڭ ويىسۋىن بەلسەنە قابىلداپ، توڭىرەكتەگى ەلدەردىڭ ەرەكشەلىككە يە كاسىپ سالاسىمەن باسىمدىقتار ارقىلى ٴبىرىن ـ ٴبىرى تولىقتاپ، شىعىسپەن بىرلەسىپ باتىسقا شىعارۋ، باتىستان ەنگىزىپ شىعىستان اكەلۋدىڭ كاسىپ سالاسى تىزبەگىن، قامداۋ تىزبەگىن اقاۋسىزداندىرىپ، سيفرلى ەكونوميكا سياقتى جاڭا كاسىپ كۇيلەرىن بەلسەنە كەڭەيتتى... ازيا ـ ەۆروپاعا بەت العان، ٴتورت توڭىرەكتى تۇتاستىرعان شينجياڭ جاڭا دامۋ ارناسىنا بەلسەنە قىزمەت وتەۋدە جانە ونىمەن توعىسۋدا.
8 ـ كەزەكتى جۇڭگو _ ازيا _ ەۆروپا كورمەسى بيىل ۇرىمجىدە وتكىزىلدى، 50 مەملەكەت پەن ٴوڭىردى، حالىقارالىق ۇيىمدى، 30 ولكە، اۆتونوميالى رايون، توتە قاراستى قالاداعى جانە شينجياڭداعى 2100دەن استام كاسىپورىن مەن قۇرىلىمدى كورمەگە قاتىناسۋعا باۋراپ، 395 ەكونوميكا ـ ساۋدا سەلبەستىك نىسانىنا قول قويىسىپ، جالپى سوماسى 615 ميلليارد 552 ميلليون يۋانعا جەتتى.
”شينجياڭ ەندىگارى شەت ـ شالعاي ٴوڭىر ەمەس، قايتا وزەكتى رايونعا، وزەكتى وڭىرگە اينالادى“، ـ دەدى زايدوللا تۇرسۇن.
”باعالى بايلىقتىڭ“ ىقپالى ارتتى
【باس شۋجيدىڭ ٴسوزى】”شينجياڭنىڭ ساياحاتىن اشىق ۇستاۋ تەبىنىن ارتتىرىپ، ەل ٴىشى ـ سىرتىنداعى ساياحاتشىلاردى شينجياڭعا كەلىپ ساياحاتتاۋعا شابىتتاندىرۋ كەرەك“ _ 2023 ـ جىلى 8 ـ ايدا باس شۋجي شي جينپيڭ شينجياڭ ۇيعۇر اۆتونوميالى رايوندىق پارتكوم مەن ۇكىمەتتىڭ، شينجياڭ ٴوندىرىس ـ قۇرىلىس بيڭتۋانىنىڭ قىزمەت مالىمەتىن تىڭداعاندا وسىلاي دەپ باسا دارىپتەدى.
【ناقتى اڭگىمە】تاۋ ـ وزەن الابىنداعى بايىرعى قالا تارتىمدىلىق سيلادى
قاشقار، بايىرعى جىبەك جولىنداعى قاتىناستىڭ ماڭىزدى ٴتۇيىنى.
بيىل 31 جاستاعى ٴماۋلان تۇراق قاشقاردىڭ ٴداستۇرلى كيىم ـ كەشەكتەرىندەگى مادەنيەت ەلەمەنتتەرىنە كىشكەنتايىنان قۇمارتىپ ٴوستى. ”شەشەم تىگىنشى بولاتىن، بالا كەزىمنەن ونىڭ كيىم تىككەنىنە قاراپ، قاشقاردىڭ ٴداستۇرلى كيىم ـ كەشەكتەرىنە قاتتى قىزىقتىم.“ 2018 ـ جىلى نانچاڭ داشۋەسىنەن وقۋ تاۋىسقاننان كەيىن، ول قاشقارعا قايتىپ كەلىپ ”رۋمي“ مادەنيەت جاسامپازدىعى دۇكەنىن اشىپ، نەگىزىنەن ٴتۇرلى كيىممەن ساياحاتتىق سۋرەتكە تارتۋ جۇمىسىمەن شۇعىلداندى.
ساناقتا كورسەتىلۋىنشە، قاشقار بايىرعى قالا كورىنىس ٴوڭىرى بيىل 1 ـ ايدان 10 ـ ايعا دەيىن 19 ميلليون 545 مىڭ 300 ساياحاتشى (رەت) قابىلداپ، جالپىلىق ساياحات كىرىسى 8 ميلليارد 718 ميلليون يۋانعا، ساياحات كاسىبىندە تىكە جۇمىستانعاندار 52 مىڭ 400 ادامعا جەتكەن.
”كونە قالا ساياحاتىنىڭ دۋمانى ماعان شارۋاشىلىق قۇرۋ ورايىن بەردى“. ٴماۋلان تۇراق بىلاي دەدى: قازىر مەن ٴداستۇرلى مادەنيەت كونسەرتى سياقتى سالالاردا جاڭا جۇمىستاردى باستادىم.
جۋىق جىلداردان بەرى، شينجياڭ شەكارادان كىرىپ ساياحاتتاۋعا قولايلىلىق جاساۋ دەڭگەيىن جوعارىلاتۋعا كۇش سالىپ، شەكارادان كىرگەن ساياحاتشىلاردىڭ كىرۋ راسمياتىن اناعۇرلىم ساپالىلاندىرىپ، ساياحاتتا سىرتقا ەسىك اشۋ سەرپىنىن ارتتىردى.
تاياۋدا، شينجياڭ بۇراتالا موڭعۇل اۆتونوميالى وبلىسىنداعى سايرام كولىندە العاشقى قار جاۋدى. ”كولدىڭ ٴبىر شەتى تاس جول، اينالاسى قارلى تاۋ، بۇل ەرەكشە كوركەم جەر ەكەن، شينجياڭ وسىنداي وزگەشەلىككە يە“، ـ دەدى گرەتسيادان كەلگەن يوناننا ماريا پيەري.
كوكتەمدەگى قار ـ مۇز ەرىگەن كوركەم كورىنىستەر، جازداعى ساحارا گۇل تەڭىزى، كۇزدەگى سارى التىنداي ساحارا، قىستاعى قارلى القاپ تاڭعاجايىپ كورىنىسى... سايرام كولى ٴوڭىرى ٴار ماۋسىمدا وزىندىك ەرەكشە كورىنىسكە يە. سايرام كولى ايگىلى كورىنىس ٴوڭىرىن باسقارۋ كوميتەتى ساياحاتتى دامىتۋدى باسقارۋ مەكەمەسىنىڭ ورىنباسار باستىعى يۇي تيڭ بىلاي دەدى: ”كورىنىس ٴوڭىرى ساياحات قۇرىلعىلارىنىڭ ۇزدىكسىز كەمەلدەنۋىنە جانە ساياحات ونىمدەرىنىڭ ۇزدىكسىز مولايۋىنا ىلەسە، سايرام كولى ٴتورت ماۋسىمعا بىردەي ۇيلەسەتىن الەمدىك ساياحات نىسانالى جەرىن تۇلعالايدى“.
”كوكتەم مەرەكەسىنە ارنالعان ساۋىق كەش ەستەمەسى“ قاشقاردىڭ مادەنيەت ساياحاتىن جانداندىرۋدان ”التايىم“ اتتى ٴوتىمدى تەاتر التايدىڭ ساياحاتىن قىزدىرا تۇسكەنگە دەيىن، وزگەشە كورىنىس پەن گۋمانيتارلىق بايلىق شينجياڭنىڭ ”ٴۇش تاۋ، ەكى ويپاتىن“ حالىقتى بايىتىپ، شەكارانى گۇلدەندىرۋدىڭ ”باعالى بايلىعىنا“ اينالدىردى.
تانىستىرۋعا قاراعاندا، بيىل الدىڭعى ٴۇش ماۋسىمدا شينجياڭ قابىلداعان ساياحاتشى 200 ميلليوننان (رەت) اسىپ، ساياحات كىرىسى 233 ميلليارد 762 ميلليون يۋانعا جەتىپ، سايابىر مەزگىلدە دە سايابىرلاماعان، قاۋىرت مەزگىلدە ٴتىپتى دە قاۋىرت بولعان جاعداي جارىققا شىققان.
”التىشۋار كوشەسىنەن باياننىڭ ٴۇنى سارناي ما؟ الەكساندىردىڭ بولكاسى پىستى ما“؟ تامىلجىعان ٴان «المانىڭ حوش ٴيىسى» قۇلجا قالاسىنىڭ التىشۋار كوشەسىندە شىرقالدى.
ٴتۇن ورتاسى بولدى، التىشۋار كوشەسى كورىنىس ٴوڭىرىنىڭ شام ـ شىراقتارى ٴالى دە جۇلدىزداي جايناپ تۇر، ساياحاتشىلار دۋماندى كوشەلەردى ارالاپ، تاماشا ساتتەردەن ٴلاززاتتانۋدا. ”وسى ٴبىر ـ ەكى جىلدا كەزەكشى ۇشاق كوبەيىپ، ساياحات ارناۋلى پويەزى كەلىپ، جەر ـ جەردىڭ ديالەكتىن، ٴار ەلدىڭ تىلدەرىن وسى ارادان ەستي الاتىن بولدىق. اناعۇرلىم كوپ ساياحاتشىنىڭ كەلىپ ارالاۋىن، شينجياڭنىڭ شەكسىز باۋرامدىلىعىن سەزىنۋىن ٴۇمىت ەتەمىن“، ـ دەدى جەرگىلىكتى تۇرعىن ٴالفيرا ٴىليار.
(شينحۋا اگەنتتىگىنىڭ 11 ـ ايدىڭ 13 ـ كۇنى ۇرىمجىدەن بەرگەن حابارى)
