شينجياڭ باعدارناما جاريالادى
جوعارى مەكتەپتەردەگى جانە عىلمي زەرتتەۋ ورىندارىنداعى كاسىپتىك تەحنيكتەر ىستەي ٴجۇرىپ كاسىپورىن قۇرۋعا ىنتالاندىرىلادى
انار بۇلت \ شينجياڭ گازەتىنىڭ ٴتىلشىسى جاۋ چۇنحۋا 11 ـ ايدىڭ 14 ـ كۇنى ۇرىمجىدەن حابارلايدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىمىزشا، جوعارى مەكتەپتەردىڭ، عىلمي زەرتتەۋ ورىندارىنىڭ جۇڭگو (شينجياڭ) ەركىن ساۋدا سىناق رايونىندا جاڭالىق اشۋ، شارۋاشىلىق قۇرۋ قىزمەتىن ويداعىداي جۇرگىزۋىنە ىشكەرىلەي جەتەكشىلىك ەتۋ ٴۇشىن، تاياۋدا شينجياڭ «اۆتونوميالى رايوننىڭ جوعارى مەكتەپتەردەگى، عىلمي زەرتتەۋ ورىندارىنداعى كاسىپتىك تەحنيكتەردىڭ ىستەي ٴجۇرىپ قوسىمشا جاڭالىق اشۋىن، ىستەي ٴجۇرىپ كاسىپورىن قۇرۋىن اتقارۋ باعدارناماسىن» (قىسقارتىلىپ «باعدارناما» دەلىنەدى) جاريالاعان.
«باعدارنامانىڭ» قولدانىلۋ كولەمى اۆتونوميالى رايونداعى جوعارى مەكتەپتەر، عىلمي زەرتتەۋ ورىندارى كاسىپتىك تەحنيكالىق جۇمىس ورىندارىنا ۇسىنىسپەن ىستەتكەن، عىلىم ـ تەحنيكادا جاڭالىق اشۋ نەمەسە عىلمي زەرتتەۋ جەتىستىكتەرىن كادەگە جاراتۋ قىزمەتىمەن شۇعىلداناتىن باسشىلىق مىندەتىندە ەمەس عىلمي زەرتتەۋ قىزمەتكەرلەرىنىڭ ٴوز مەكەمە ورنىنداعى كاسىپ سالاسىنا جۋىق كەلەتىن كاسىپورىندار، عىلمي زەرتتەۋ قۇرىلىمدارى، جوعارى مەكتەپ سياقتىلارعا بارىپ قوسىمشا جاڭالىق اشۋىن نەمەسە ٴوزى شۇعىلداناتىن ماماندىققا قاتىستى شارۋاشىلىق قۇرۋ نىساندارىنان پايدالانىپ ىستەي ٴجۇرىپ كاسىپورىن قۇرۋىن قامتيدى.
ٴوتىنىش بەرۋ ٴتارتىبى جەكە ادام ٴوتىنىش ەتۋ، مەكەمە ورىن تەكسەرىپ بەكىتۋ، ەستەلىككە الۋ سىندى 3 بۋىندى قامتيدى. جەكە ادام ٴوزى جازباشا ٴوتىنىش تاپسىرعاننان كەيىن، مەكەمە ورىن كادرلار قىزمەتىن باسقارۋ ۇقىق كولەمى بويىنشا نەگىزگى جاۋاپتى تاراۋدىڭ بەكىتۋىنە جولدايدى، مەكەمە ورنىنداعى اشىق جاريالاۋ 5 قىزمەت كۇنىنەن كەم بولماۋى كەرەك. اۆتونوميالى رايوندىق نەمەسە جەر ـ جەردىڭ (وبلىس، قالا) ادام كۇشى بايلىعى، قوعامدىق قامتاماسىزداندىرۋ تاراۋلارىنا تىزىمگە الدىرعاننان كەيىن ورىستەتۋگە بولادى.
«باعدارنامادا» مىنالار ايقىن كورسەتىلدى: ٴىسورىندارى ىستەي ٴجۇرىپ قوسىمشا جاڭالىق اشاتىن، ىستەي ٴجۇرىپ كاسىپورىن قۇراتىن كاسىپتىك تەحنيكتەرمەن قوسىمشا جۇمىس ىستەۋدىڭ باستالۋ، اياقتالۋ ۋاقىت شەگى (قوسىمشا ىستەۋ پرينسيپ بويىنشا، ەڭ ۇزاق بولعاندا، بۇرىنعى قىزمەت ورنىنداعى قىزمەت جىل شەگىنەن اسپاۋى كەرەك)، قۇپيالىقتى ساقتاۋ، ٴبىلىم مەنشىك ۇقىعىن قورعاۋ سياقتى ىستەردى كەلىسۋ كەرەك. شارۋاشىلىق قۇرۋ نىساندارى ٴىسورىندارىنىڭ ٴبىلىم مەنشىك ۇقىعىنا، عىلمي زەرتتەۋ جەتىستىكتەرىنە ساياتىن بولسا، ٴىسورىندار، عىلمي زەرتتەۋ قىزمەتكەرلەرى، قاتىستى كاسىپورىندار كەلىسىم جاساسىپ، ۇقىق ـ مۇددە ٴبولىسى سياقتى مازمۇنداردى ايقىندايدى.
عىلمي زەرتتەۋ قىزمەتكەرلەرى قوسىمشا قىزمەت ىستەي ٴجۇرىپ جاڭالىق اشۋعا، قىزمەت ىستەي ٴجۇرىپ كاسىپورىن قۇرۋعا ٴوتىنىش بەرسە، ٴوز قىزمەت ورنىنىڭ مىندەت جاۋاپكەرشىلىگىن ادا ەتۋگە، ٴوز قىزمەتىن ورىنداۋعا كەپىلدىك ەتۋى ٴتيىس؛ عىلمي زەرتتەۋ قىزمەتكەرلەرى قوسىمشا قىزمەت ىستەي ٴجۇرىپ جاڭالىق اشقان نەمەسە قىزمەت ىستەي ٴجۇرىپ كاسىپورىن قۇرعان مەزگىلدە كادرلار قاتىناسى تۇرعان ورىنمەن كەڭەسىپ، ٴبىر اۋىزدىلىققا كەلسە، سالىستىرمالى تۇردە يكەمدى، قولايلى قىزمەت ۋاقىتىن جولعا قويۋىنا بولادى، كادرلار قاتىناسى تۇرعان ورىنداعى ەڭبەكاقى، قوعامدىق قامسىزداندىرۋ سياقتى ٴتۇرلى يگىلىك مامىلەلەرى ىقپالعا ۇشىرامايدى، وسى بارىستا قول جەتكىزگەن ناتيجەلەرىن ولاردىڭ كاسىپتىك اتاعىن باعالاۋدىڭ (قوسىمشا قىزمەت ىستەيتىن ورىنعا نەمەسە قۇرىلعان كاسىپورىنعا ٴوتىنىش بەرۋىنە بولادى)، نىسان مالىمدەۋ، قىزمەت ورنىنا باسەكەمەن قابىلدانۋ، باۋلۋ، باعالاۋ، سيلاۋدىڭ ماڭىزدى نەگىزى رەتىندە قاراۋعا بولادى؛ باسشىلىق مىندەتتە ەمەس عىلمي زەرتتەۋ قىزمەتكەرلەرى ۇكىمەت قىزمەتكەرىنە جاتپايدى، قوسىمشا قىزمەت ىستەيتىن كاسىپورىننىڭ جانە قىزمەت ىستەي ٴجۇرىپ كاسىپورىن قۇرۋدىڭ ەڭبەكاقى، سيلىق اقشا، جارنالىق ۇقىق ارقىلى شابىتتاندىرۋ سياقتى ەڭبەكاقىلارىن الۋىنا بولادى، العان ەڭبەكاقىسى تۇرعان مەكەمە ورنىنىڭ ناتيجە ەڭبەكاقىسىنىڭ جالپى مولشەرىن باسقارۋ كولەمىنە ەنگىزىلمەيدى، بۇل جونىندە مەملەكەتتىڭ بولەك بەلگىلەمەسى بار بولسا، سول بەلگىلەمە بويىنشا اتقارىلادى؛ قوسىمشا قىزمەت ىستەپ جۇرگەن ورىن نەمەسە قۇرعان كاسىپورىن زاڭ بويىنشا قوسىمشا قىزمەت ىستەي ٴجۇرىپ جاڭالىق اشۋشىلار، قىزمەت ىستەي ٴجۇرىپ كاسىپورىن قۇرۋشىلار ٴۇشىن جۇمىس ۇستىندە جارالانعانداردى قامسىزداندىرۋ قاراجاتىن تاپسىرۋلارى كەرەك، ولار كادرلار قاتىناسى تۇرعان ورىننان باسقا جەردە جۇمىس ىستەپ جاتقان كەزىندە جۇمىس ۇستىندە جارالانسا، زاڭ بويىنشا جۇمىس ۇستىندە جارالانعانداردى قامسىزداندىرۋ مامىلەسىنەن يگىلىكتەنەدى، قاتىستى ورىن نەمەسە كاسىپورىن جۇمىس ۇستىندە جارالانعانداردى قامسىزداندىرۋ جاۋاپكەرشىلىگىن ۇستىنە الادى. كاسىپورىندار قوسىمشا قىزمەت ىستەي ٴجۇرىپ جاڭالىق اشۋشىلاردىڭ جەكەلىك امانات زەينەتكەرلىك قامسىزداندىرۋىنا قاتىناسۋىنا قوسىمشا قاراجات بەرۋگە ىنتالاندىرىلادى.
قوسىمشا قىزمەت ىستەي ٴجۇرىپ جاڭالىق اشقان، قىزمەت ىستەي ٴجۇرىپ كاسىپورىن قۇرعان عىلمي زەرتتەۋ قىزمەتكەرلەرى ٴوز ەركىمەن قوسىمشا قىزمەت ىستەيتىن ورىنعا بارىپ قىزمەت ىستەسە نەمەسە قىزمەت ىستەي ٴجۇرىپ كاسىپورىن قۇرعان مەزگىلدە ۇسىنىسپەن ىستەتۋ توقتامىن كۇشىنەن قالدىرۋدى ورتاعا قويسا، ٴىسورىندار ولارمەن ۇسىنىسپەن ىستەتۋ توقتامىن دەر كەزىندە كۇشىنەن قالدىرىپ، قاتىستى راسمياتتاردى وتەپ، كادرلار قاتىناسىن توقتاتۋى كەرەك.
قاتىستى كاسىپتەر جونىندە اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ٴىسورىندارداعى كادرلاردى باسقارۋ باسقارماسىنان كەڭەس سۇراۋىنا بولادى.
