انار بۇلت \ شينجياڭ گازەتىنىڭ ٴتىلشىسى سو رۇڭجى 11 ـ ايدىڭ 15 ـ كۇنى ۇرىمجىدەن حابارلايدى. ”قازىر ەرەن بازاردىڭ ساۋداسى كورىم بولعانىمەن، وتكەندە ٴبىز سەنىم ماسەلەسى سەبەبىنەن قىسىلىپ قالعان ەدىك.“ 11 ـ ايدىڭ 14 ـ كۇنى كاسىپورىننىڭ سەنىمدىلىك جازالاۋى دەر كەزىندە قالپىنا كەلمەگەندىگى سەبەپتى ساۋدالىق مەردىگەر شاقىرۋ، مەردىگەرلىككە مالىمدەلۋدە شەكتەمەگە ۇشىراپ، بازار باقىلاۋ ـ باسقارۋ تاراۋىنىڭ كومەگىندە كاسىپورىننىڭ سەنىمدىلىگى قالپىنا كەلگەندىگىن اۋىزعا العاندا، شينجياڭداعى بەلگىلى سەرىكتەستىكتىڭ مەردىگەر شاقىرۋ گرۋپپاسىنىڭ جاۋاپتىسى لي حانىم جوعارى ٴونىمدى، قولايلى سەنىمدىلىكتى قالپىنا كەلتىرۋ مەحانيزمىن القادى.
بىلتىر 6 ـ ايدا وسى سەرىكتەستىك ٴونىم ساپاسى ماسەلەسى سەبەبىنەن بازار باقىلاۋ ـ باسقارۋ تاراۋى جاعىنان جازالانىپ، مەملەكەتتىك كاسىپورىنداردىڭ سەنىمدىلىك ينفورماتسياسىن اشىق جاريالاۋ جۇيەسىندە ەسكەرتۋ بەرىلىپ، قاتىستى جازانىڭ كەسىرىنەن سەنىمدىلىگى قالپىنا كەلمەگەن ەدى. بيىل 7 ـ ايدا سەرىكتەستىكتىڭ مەردىگەر شاقىرۋى، مەردىگەرلىككە مالىمدەلۋى شەكتەمەگە ۇشىراعاننان كەيىن، لي حانىم ٴۇرىمجى قالالىق بازار باقىلاۋ ـ باسقارۋ مەكەمەسىنە جاعدايدى ٴتۇسىندىردى. بۇل مەكەمە زاڭ بويىنشا، بەلگىلەمەگە ساي، ەرەكشە ٴىستى ەرەكشە ٴبىتىرۋ پرينسيبىنە تاباندى بولىپ، ەرەن بازارعا بارىپ قاتىستى ونىمدەردىڭ ساپاسىنىڭ تولىمدىلىعىن تەكسەرىپ تۇراقتاندىرعاننان كەيىن، سەرىكتەستىكتىڭ سەنىمدىلىكتى تۇزەتۋىنە كومەكتەسىپ، قالىپتى شارۋاشىلىق كۇيىن قالپىنا كەلتىردى.
اۆتونوميالى رايوندىق بازار باقىلاۋ ـ باسقارۋ مەكەمەسىنىڭ ساندى مالىمەتىندە كورسەتىلۋىنشە، 2022 ـ جىلدان باستاپ رايونىمىز سەنىمدىلىكتى جوعارىلاتۋ ارەكەتىن اتقارىپ، سەنىمدىلىكتى قالپىنا كەلتىرۋ قىزمەت وتەۋىن ساپالىلاندىرعاننان بەرى، رايونىمىز جيىنى 677 مىڭنان استام شارۋاشىلىق تۇلعاسىنىڭ سەنىمدىلىگىن قالپىنا كەلتىرگەن، مۇندا جيىنى 625 مىڭنان استام قالىپسىز تىزىمدىكتەگى شارۋاشىلىق تۇلعاسىنىڭ، جيىنى 28 مىڭ 800دەن استام زاڭعا اۋىر قايشىلىق جاساعان شارۋاشىلىق تۇلعاسىنىڭ، جيىنى 23 مىڭ 300دەن استام اكىمشىلىك جازالاۋعا ۇشىراعان شارۋاشىلىق تۇلعاسىنىڭ سەنىمدىلىگىن قالپىنا كەلتىرگەن.
2014 ـ جىلى 10 ـ ايدىڭ 1 ـ كۇنىنەن باستاپ «كاسىپورىندار ينفورماتسياسىن اشىق جاريالاۋدىڭ ۋاقىتشا ەرەجەسى» اتقارىلعاننان بەرى، رايونىمىزداعى بازار باقىلاۋ ـ باسقارۋ تاراۋلارى سەنىمدىلىك ينفورماتسياسىن اشىق جاريالاۋ قىزمەتىن جاپپاي جولعا قويىپ، مەملەكەتتىك كاسىپورىنداردىڭ سەنىمدىلىك ينفورماتسياسىن اشىق جاريالاۋ جۇيەسىن قۇرىپ جانە ىسكە قوسىپ، كاسىپورىندارعا ساياتىن ٴتۇرلى سەنىمدىلىك ينفورماتسيالارىن ٴبىر تۇتاس شوعىرلاندىرىپ، كاسىپورىنداردىڭ سەنىمدىلىك پورترەتىن قالىپتاستىردى.
كاسىپورىنداردىڭ سەنىمدىلىكتەن ايرىلۋ ارەكەتىنىڭ ۇنامسىز ىقپالىن ازايتۋىنا كومەكتەسۋ ٴۇشىن، اۆتونوميالى رايوندىق بازار باقىلاۋ ـ باسقارۋ مەكەمەسى جوعارى ٴونىمدى، قولايلى سەنىمدىلىكتى قالپىنا كەلتىرۋ مەحانيزمىن قۇرىپ، كوپ شارانى قاتار قولدانىپ شارۋاشىلىق تۇلعالارىنىڭ سەنىمدىلىكتى قالپىنا كەلتىرۋىنە كومەكتەستى. كاسىپورىنداردىڭ سەنىمدىلىگىن قالپىنا كەلتىرۋ ۇلگىسىندە ۇزدىكسىز جاڭالىق اشىپ، ”ٴتورت ٴبىر“ قىزمەت وتەۋ شاراسىن اتقاردى، ياعني ”ٴبىر كنوپكامەن كورسەتۋ، ٴبىر ٴتارتىپ، ٴبىر توردا ٴبىر تۇتاس ٴبىتىرۋ، ٴبىر تەرەزەدە قابىلداۋ“ سەنىمدىلىكتى قالپىنا كەلتىرۋ قىزمەت وتەۋ ۇلگىسى ارقىلى كاسىپورىنداردىڭ سەنىمدىلىكتى قايتا سومداۋىنا كومەكتەستى.
بىلتىر اۆتونوميالى رايون «سەنىمدىلىك قىزمەت وتەۋىن كۇشەيتىپ، كاسىپورىنداردىڭ جوعارى ساپالى دامۋىن قولداۋ جونىندەگى ٴبىرقانشا شارانى» العا قويىپ، سەنىمدىلىكتەن ايرىلعان كاسىپورىنداردىڭ سەنىمدىلىكتى قالپىنا كەلتىرۋىن قولداۋ سياقتى 10 ٴتۇرلى شارا ارقىلى سەنىمدىلىكتى باقىلاۋ ـ باسقارۋدىڭ باياندى مەحانيزمىن ورناتتى. بيىل جىل باسىندا «بازار باقىلاۋ ـ باسقارۋ سەنىمدىلىك جۇيەسى قۇرىلىسىنىڭ جوعارى ساپالى دامۋىن ىلگەرىلەتۋ جونىندەگى ٴبىرقانشا شارانى» العا قويىپ، سەنىمدىلىك ينفورماتسيا تۇعىرى قۇرىلىسى، ٴبىر تۇتاس قوعامدىق سەنىمدىلىك شارتتى سيفرىن باسقارۋدى كەمەلدەندىرۋ، سەنىمدىلىك ينفورماتسياسىن جيناۋدى، شوعىرلاندىرۋدى، اشىق جاريالاۋدى، تەڭ ٴبولىسۋدى كۇشەيتۋ سياقتى 23 شارانى تياناقتاندىرۋدى ىلگەرىلەتىپ، بازار باقىلاۋ ـ باسقارۋ سەنىمدىلىك جۇيەسى قۇرىلىسىنىڭ جوعارى ساپالى دامۋىن تىڭعىلىقتى ىلگەرىلەتىپ، ٴتىپتى دە كوپ كاسىپورىننىڭ ومىرشەڭ كۇشتى قاۋلاتۋىنا كومەكتەستى.
اۆتونوميالى رايوندىق بازار باقىلاۋ ـ باسقارۋ مەكەمەسىنىڭ قاتىستى جاۋاپتىسى مىنالاردى ٴبىلدىردى: رايونىمىز سەنىمدىلىكتى قالپىنا كەلتىرۋ قىزمەت مەحانيزمىن ۇزدىكسىز ساپالىلاندىرىپ، شارۋاشىلىق تۇلعالارىنىڭ سەنىمدىلىكتەن ايرىلۋ ارەكەتتەرىن تۇزەتۋىنە، تاماشا سەنىمدىلىكتى قايتا سومداۋىنا جەتەكشىلىك ەتەدى جانە كومەكتەسەدى. قاتەلىكتەرىن تۇزەتكەن كاسىپورىندار مەن جەكە ساۋدا ـ ونەركاسىپشىلەردى زاڭ بويىنشا جەكە ـ جەكە شارۋاشىلىق قالىپسىز تىزىمىنەن شىعارىپ نەمەسە قالىپتى تىركەلۋ جاعدايىن قالپىنا كەلتىرىپ، سەنىمدىلىك شەكتەمەسىن كۇشىنەن قالدىرۋىنا، ۇنامسىز ىقپالدى جويۋىنا، دۇرىس شارۋاشىلىق ارناسىنا تۇسۋىنە كومەكتەسىپ، ەكونوميكانىڭ جوعارى ساپالى دامۋىنا دەم بەرەدى.
