شينحۋا اگەنتتىگىنىڭ 11 ـ ايدىڭ 15 ـ كۇنى ليمادان بەرگەن حابارى (تىلشىلەر ۋاڭ لينيۋان، مىڭ يفي). جەرگىلىكتى ۋاقىت 11 ـ ايدىڭ 15 ـ كۇنى جۇڭگو ورتالىق راديو ـ تەلەۆيزيا باس ستانسياسى جاساعان «كوكەيگە قونىمدى ”سوزدەر“ — شي جينپيڭ ۇناتاتىن قاناتتى سوزدەر» ٴۇشىنشى بولىگىن (يسپان تىلىندەگى نۇسقاسى) تاراتۋ سالتى ليمادا وتكىزىلدى. پەرۋ زۇڭتۇڭى بولۋارت قيمىلعا ارناپ بەينە ەكراندا ٴسوز سويلەپ، باعدارلامانىڭ پەرۋدە تاراتىلعاندىعىن قۇتتىقتادى. پەرۋدىڭ ساياسي سالاسىنداعى، ەكونوميكا سالاسىنداعى، مادەنيەت سالاسىنداعى، ٴىلىم سالاسىنداعى، مەديا سالاسىنداعى، ت. ب ايگىلى قايراتكەرلەردى قامتىعان 200گە جۋىق ادام قيمىلعا قاتىناستى. باعدارلاما سول كۇننەن باستاپ پەرۋ مەملەكەتتىك راديو ـ تەلەۆيزيا ستانسياسى، پەرۋ تەلەۆيزيا بىرلەسىپ تاراتۋ تورى، پەرۋ راديو باعدارلاماسى توبى تەلەۆيزور كليەنتى سياقتى كوپتەگەن تۇعىرلاردا تاراتىلدى.
«كوكەيگە قونىمدى ”سوزدەر“ — شي جينپيڭ ۇناتاتىن قاناتتى سوزدەر» ٴۇشىنشى بولىگىندە (يسپان تىلىندەگى نۇسقاسى) نازار مادەنيەتتى جالعاستىرۋ، ەكولوگيالىق وركەنيەت، كەدەيلىكتەن ارىلتۋدان قامال الۋ، وركەنيەتتەردىڭ اۋىس ـ كۇيىسى، ٴوزارا ۇلگى الۋى سياقتى نەگىزگى تاقىرىپقا شوعىرلاندىرىلىپ، ٴتوراعا شي جينپيڭنىڭ سوزدەرىنىڭ اۋەلگى دىبىسى مەن ارعى ـ بەرگىنى تىلگە تيەك ەتكەن كلاسسيكالىق ۇزىندىلەر تاڭداپ الىنىپ، جۇڭحۋانىڭ ۇشان ـ تەڭىز ٴداستۇرلى مادەنيەتىندە قامتىلعان جاڭا داۋىرلىك ٴمان جانە الەمدىك قۇندىلىق سۇرىپتالىپ، ٴتۇسىندىرىلىپ، ٴتوراعا شي جينپيڭنىڭ ەرەن ساياسي پاراساتى مەن تەرەڭ تاريحي مادەنيەت مايەگى جاندى ايگىلەنگەن.
