اۆتونوميالى رايوندىق حالىق ۇكىمەتى پارتيا باسشىلىق گرۋپپاسى نازاريا ۇيرەنۋ وزەكتى گرۋپپاسى تەكسەرۋ ـ زەرتتەۋ جەتىستىكتەرى جونىندە اۋىس ـ كۇيىس جاساۋ ٴماجىلىسىن وتكىزدى
تەكسەرۋ ـ زەرتتەۋ جەتىستىكتەرىن قيىن ماسەلەلەردى شەشۋدىڭ شاراسىنا اينالدىرۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 11 ـ ايدىڭ 16 ـ كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتى پارتيا باسشىلىق گرۋپپاسى نازاريا ۇيرەنۋ وزەكتى گرۋپپاسى جۋىقتا تەكسەرۋ ـ زەرتتەۋ جەتىستىكتەرى جونىندە اۋىس ـ كۇيىس جاساۋ ٴماجىلىسىن وتكىزىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جانە باس شۋجي شي جينپيڭنىڭ ولكە، مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ ـ تالقى كۋرسىنىڭ ساباق باستاۋ سالتىندا سويلەگەن ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ۇيرەنىپ، دايەكتىلەندىرىپ، يدەيانى ونان ارى ازات ەتىپ، شىنايى يگەرىپ ناقتى ىستەپ، تەكسەرۋ ـ زەرتتەۋدى تىڭعىلىقتى ويداعىداي ىستەپ، تەكسەرۋ ـ زەرتتەۋ جەتىستىكتەرىن امالياتقا جەتەكشىلىك ەتەتىن، قيىن ماسەلەلەردى شەشەتىن، قىزمەتتى ىلگەرىلەتەتىن وي جەلىسىنە، ادىسكە جانە ساياسات ـ شاراعا شىن مانىندە اينالدىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ كەرەكتىگىن باسا دارىپتەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴماجىلىستى باسقاردى ٴارى ٴسوز سويلەدى.
اۆتونوميالى رايوندىق پارتكومنىڭ ٴبىر تۇتاس ورنالاستىرۋلارىنا ساي، اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ مۇشەلەرى ”ٴتورتتى نەگىزگى ساتىعا ٴتۇسىرۋدى“ ىشكەرىلەي امالياتتا ايگىلەپ، تەكسەرۋ ـ زەرتتەۋدى بارىنشا ورىستەتىپ، جۇڭحۋا ۇلتى ورتاق تۇلعا تانىمىن بەكەمدەۋ، ەرەكشەلىككە، باسىمدىققا يە كاسىپ سالالارى، شينجياڭ ەركىن ساۋدا سىناق رايونى قۇرىلىسى، جۇمىستاندىرۋ، بيڭتۋاننىڭ جوعارى ساپالى دامۋى، قورا ـ جاي كاسىبى بازارىنىڭ ورنىقتى، اقاۋسىز دامۋى، ۇكىمەتتىك شيپاحانالار رەفورماسى، تيانشاننىڭ سولتۇستىك بوكتەرىندەگى قالالار شوعىرىنىڭ ەنەرگيا قۇرىلىمىن رەتتەۋ سياقتىلارعا باعىتتاي وتىرىپ ماسەلەلەرگە ىشكەرىلەي تالداۋ جاساپ، شارا ـ ۇسىنىستاردى العا قويدى.
ۇيرەنۋدە، زەرتتەۋ ـ تالقىدا ۇكىمەت پارتيا باسشىلىق گرۋپپاسىنىڭ مۇشەلەرى وزدەرىنىڭ ۇيرەنۋ جانە تەكسەرۋ ـ زەرتتەۋ جاعدايىمەن ۇشتاستىرا وتىرىپ سوزگە شىقتى. كوپشىلىك بىلاي دەپ قارادى: پارتيا 18 ـ قۇرىلتايىنان بەرى باس شۋجي شي جينپيڭ جانە پارتيا ورتالىق كوميتەتى شينجياڭ قىزمەتىنە ايرىقشا ٴمان بەرىپ، ٴبىر قىدىرۋ كەلەلى شەشىمدەردى، ورنالاستىرۋلاردى جاساپ، شينجياڭنىڭ ەكونوميكالىق، قوعامدىق دامۋىندا تاريحي تابىستارعا قول جەتۋىنە، تاريحي وزگەرىستەر جارىققا شىعۋىنا جەتەكشىلىك ەتتى. الدا شينجياڭ قىزمەتىن ويداعىداي ىستەۋدەگى بورىشتىلىق سەزىم مەن جاۋاپكەرشىلىك سەزىمدى اناعۇرلىم كۇشەيتىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىن ۇيرەنۋدىڭ، ۇگىتتەۋدىڭ، دايەكتىلەندىرۋدىڭ تەرەڭدەۋىن، ناقتىلانۋىن ٴۇرتىس ىلگەرىلەتىپ، جوعارى ساپالى دامۋدى كۇش سالا ىلگەرىلەتىپ، قىزمەت ستيلىنە شىن مانىندە بۇرىلىس جاساپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتاپ تياناقتاندىرىپ، ”ەكىنى تۇراقتاندىرۋدى“ ٴىس جۇزىندىك ارەكەتى ارقىلى تاباندىلىقپەن قولداپ، ”ەكىنى قورعاۋدى“ باتىل ورىندايمىز.
كوپشىلىكتىڭ پىكىرىن، زەرتتەۋ ـ تالقىسىن تىڭداعاننان كەيىن ەركىن تۇنياز بىلاي دەپ اتاپ كورسەتتى: جاڭا داۋىردەگى پارتيانىڭ شينجياڭدى باسقارۋ جالپى جوباسى شينجياڭ قىزمەتىن سالماقتايتىن ماڭىزدى ولشەم، ٴبىز ٴار قىزمەتتى ورىستەتۋىمىزدە، ٴار مىندەتتى ىلگەرىلەتۋىمىزدە جاڭا داۋىردەگى پارتيانىڭ شينجياڭدى باسقارۋ جالپى جوباسىن جەتەكشى ەتىپ، ولشەم ەتىپ، پارتيا ورتالىق كوميتەتىنىڭ تالاپتارىن قاز ـ قالپىندا ناقتاپ تياناقتاندىرۋىمىز كەرەك. پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋدى، دايەكتىلەندىرۋدى باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرىپ، اۆتونوميالى رايوندىق 10 ـ كەزەكتى پارتكوم ون ەكىنشى جالپى ماجىلىسىندەگى تالاپتارعا ساي، جوعارى ساپالى دامۋعا ىقپال تيگىزەتىن تەرەڭ قاتپارلى قايشىلىقتاردى، ماسەلەلەردى شىن مانىندە رەفورما وي جەلىسى ارقىلى شەشۋىمىز كەرەك. نەگىزگى جەلىنى مىقتى يگەرىپ، جۇڭحۋا ۇلتى ورتاق تۇلعا تانىمىن اناعۇرلىم ناقتى، جاندى، ٴونىمدى بەكەمدەپ، ٴار ۇلت بۇقاراسىنىڭ ”بەستى شىنايى مويىنداۋىن“ ٴۇرتىس كۇشەيتۋىمىز كەرەك. يدەيانى ازات ەتىپ، نازاردى كاسىپ سالاسىن شوعىرلاندىرۋ قۇرىلىسى، جوعارى دەڭگەيدە سىرتقا ەسىك اشۋدى كەڭەيتۋ، حالىق تۇرمىسىن قامتاماسىز ەتۋ سياقتى ٴتۇيىندى قىزمەتتەرگە شوعىرلاندىرىپ، باعىتتامالىققا يە ٴبىر توپ رەفورما شارالارىن كوپتەپ جوسپارلاپ اتقارىپ، جوعارى ساپالى دامۋدىڭ قوزعاۋشى كۇشىن ونان ارى كۇشەيتۋىمىز كەرەك. حالىقتى وزەك ەتۋگە تاباندى بولىپ، حالىق تۇرمىسى سالاسىنداعى ولقىلىقتاردى، جەتەرسىزدىكتەردى كۇش سالا تولىقتاپ، ٴار ۇلت بۇقاراسىنىڭ تاماشا تۇرمىسقا دەگەن ارمان ـ تىلەگىن ۇزدىكسىز قاناعاتتاندىرۋىمىز كەرەك.
ەركىن تۇنياز بىلاي دەپ باسا دارىپتەدى: تەكسەرۋ ـ زەرتتەۋدى ماسەلەگە وي جۇگىرتىپ، شەشىم جاساۋدىڭ نەگىزگى العى شارتى، جوعارى ساپالى دامۋداعى قيىن ماسەلەلەردى شەشۋدىڭ شەشۋشى شاراسى جانە پارتيانىڭ بۇقارامەن، كادرلاردىڭ بۇقارامەن بايلانىسىن قويۋلاتۋدىڭ ٴونىمدى جولى ەتىپ، تەكسەرۋ ـ زەرتتەۋدىڭ باياندى مەحانيزمىن ٴۇرتىس كەمەلدەندىرىپ، تەكسەرۋ ـ زەرتتەۋ جەتىستىكتەرىن كادەگە جاراتىپ پايدالانۋدى تىڭعىلىقتى ىلگەرىلەتىپ، ٴار سالاداعى جينالىپ قالعان قيىن ماسەلەلەردى، ٴسىڭىستى كىناراتتار مەن قاساڭ دەرتتەردى ٴونىمدى شەشۋدى اناعۇرلىم جوعارى ولشەممەن، اناعۇرلىم جوعارى تالاپپەن، اناعۇرلىم ناقتى شارامەن ىلگەرىلەتۋ كەرەك.
