تيانشان تورى / شينجياڭ گازەتىنىڭ حابارى (ٴتىلشى ۋاڭ يايۇن حابارلايدى). اۆتونوميالى رايوندىق تۇرعىن ٴۇي جانە قالا، اۋىل قۇرىلىسى مەڭگەرمەسىنەن ۇعىسۋىمىزشا، 10 ـ ايدىڭ 24 ـ كۇنىنە دەيىن شينجياڭنىڭ بيىلعى قالا، اۋىلدارداعى جەر سىلكىنىسىنە ٴتوزىمدى بەيقۇت ٴۇي ينجەنەريا قۇرىلىسى تۇگەلدەي اياقتاعان. مۇنىڭ ىشىندە مالشىلاردىڭ قىسقى وتارىنداعى مال باعۋ تۇيىندەرىندە 20 مىڭ 850 ٴوندىرىس ٴۇيى (قونىس) سالىنىپ، جەر سىلكىنىسى تۋىلاتىن ٴتۇيىندى قاتەرلى وڭىرلەردەگى اۋىل ـ قىستاقتاردا سىلكىنىسكە ٴتوزىمدى، اپاتتان ساقتانۋ ينجەنەرياسى بويىنشا 24 مىڭ 200 تۇرعىن ٴۇي سالىنعان.
قالا، اۋىلداردىڭ جەر سىلكىنىسىنە ٴتوزىمدى بەيقۇت ٴۇي ينجەنەريا قۇرىلىسىن ىلگەرىلەتۋ — 2024 ـ جىلعى اۆتونوميالى رايوننىڭ حالىق تۇرمىسىنا قاتىستى 10 ناقتى ٴىسىنىڭ ٴبىرى. بيىل جىل باسىنان بەرى شينجياڭ مالشىلاردىڭ قىسقى وتارىنداعى مال باعۋ تۇيىندەرىندەگى ٴوندىرىس ۇيلەرى (قونىس) قۇرىلىسىن جانە جەر سىلكىنىسى تۋىلاتىن ٴتۇيىندى قاتەرلى وڭىرلەردەگى اۋىل ـ قىستاقتاردا تۇرعىن ۇيلەردىڭ سىلكىنىسكە ٴتوزىمدى، اپاتتان ساقتانۋ ينجەنەريا قۇرىلىسىن تىڭعىلىقتى ىلگەرىلەتىپ، پارتكوم باسشىلىق ەتۋ، ۇكىمەت جاۋاپتى بولۋ، سالالار باسقارۋ، ايماق، اۋدان نەگىزگى جاۋاپكەرلىكتى ارقالاۋ، اۋىل ـ قالاشىق تياناقتاندىرۋ قىزمەت پرينسيبى بويىنشا، قالا، اۋىل تۇرعىندارىنىڭ تۇرعىن ۇيلەرى مەن قىسقى وتارلاردىڭ حاۋىپسىزدىك كومەسكى قاتەرىن جاپپاي تەكسەرىپ، جەر سىلكىنىسى سياقتى جاراتىلىستىق اپات وڭاي تۋىلاتىن، كوپ تۋىلاتىن وڭىرلەردەگى سىلكىنىسكە توزىمدىلىك ولشەمىنە جەتپەگەن ۇيلەردى ٴتۇيىندى تۇردە بەكەمدەدى، وزگەرتتى.
2024 - جىلى 6 - ايدا، قۇمىل قالاسى يجوۋ رايونى ىرباۋ قالاشىعى توۋباۋ قىستاعىنداعى تۇرعىندار ءۇيىنىڭ سىلكىنىسكە ٴتوزىمدى، اپاتتان ساقتانۋ ينجەنەرياسى قۇرىلىسىنىڭ الدى - ارتىنداعى سالىستىرما سۋرەتى. سۋرەتتى ۋىن رۋباۋ تۇسىرگەن
ينجەنەريا قۇرىلىسىنىڭ ورنىقتى ىلگەرىلەۋىنە شىنايى كەپىلدىك ەتۋ ٴۇشىن، اۆتونوميالى رايون ٴار دارەجەلى كادرلاردى باۋلۋدى جانە قىزمەت وتەۋدى، جەتەكشىلىك ەتۋدى كۇشەيتىپ، ٴار دارەجەلى كادرلاردان جيىنى 12 مىڭعا تاياۋ ادامدى (رەت) كەزەكپەن تاربيەلەدى. قالا، اۋىلداردا جەر سىلكىنىسىنە ٴتوزىمدى بەيقۇت ٴۇي ينجەنەريا قۇرىلىسى ماماندار قامباسىن قۇرىپ، قاتىستى ماماندار مەن تەحنيكتەردى توپقا ٴبولىپ ٴارقايسى ايماق، وبلىستارعا بارىپ ناقتى تەكسەرۋ ـ زەرتتەۋ جۇرگىزۋگە جانە جەتەكشىلىك ەتۋ، قىزمەت وتەۋ قىزمەتىن ورىستەتۋگە ۇيىمداستىرىپ، ينجەنەريا قۇرىلىسى بارىسىندا ورىن تەپكەن قيىنشىلىقتار مەن ماسەلەلەردى دەر كەزىندە شەشتى. سونىمەن بىرگە مالشىلاردىڭ قىسقى وتارىنداعى مال باعۋ تۇيىندەرىندەگى ٴوندىرىس ۇيلەرىنىڭ (قونىس) حاۋىپسىزدىك كومەسكى قاتەرىن تەكسەرۋ تەحنيكالىق جەتەكشىلىك پرينسيبى مەن قۇرىلىس جەتەكشىلىك پرينسيبى سياقتىلاردى جاساپ جانە باسىپ تاراتىپ، اۋىل ـ قىستاقتا ٴۇي سالۋ تەحنيكالىق جەتەكشىلىك قولدانباسى، اۋىل ـ قىستاق ۇيلەرىن حاۋىپسىز پايدالانۋعا جەتەكشىلىك ەتۋ قولدانباسى سياقتىلاردى تاراتىپ، ٴار ۇلت ەگىنشى ـ مالشى بۇقاراسىنىڭ قۇرىلىس حاۋىپسىزدىگى تانىمىن جوعارىلاتتى.
قازىر اۆتونوميالى رايوندىق تۇرعىن ٴۇي جانە قالا، اۋىل قۇرىلىسى مەڭگەرمەسى قالا، اۋىلداردىڭ جەر سىلكىنىسىنە ٴتوزىمدى بەيقۇت ٴۇي ينجەنەرياسى قۇرىلىسىن ايماق، وبلىستاردا قايتالاي تەكسەرۋ جانە قۇرىلىس ٴبىتىپ كوشىپ كىرگەننەن كەيىنگى اياقتاتۋ قىزمەتتەرىن بار كۇشپەن ىلگەرىلەتىپ، قاتىستى مامانداردى ٴۇي سالعان شارۋا وتباسىلارىنىڭ ينفورماتسيا تىزىمدىگىن تۇتقيىل الىپ شىعۋعا، ٴۇي سالعان شارۋا وتباسىلارىنىڭ جاعدايىن ناقتى تەكسەرۋگە، بۇقارانىڭ رازىلىعىن بەتپە ـ بەت تەكسەرۋگە ۇيىمداستىردى ٴارى ينجەنەريا قۇرىلىسى قارجىسىن تولەۋ اياق الىسىنا قۋزاۋ ـ جەتەكشىلىك ەتۋ قىزمەتىن ٴبىر ۋاقىتتا ورىستەتىپ، ناقتى ٴىستىڭ شىنايى ىستەلۋىنە، يگى ٴىستىڭ ويداعىداي ىستەلۋىنە شىنايى كەپىلدىك ەتتى.
