شي جينپيڭ حات جولداپ ”مىڭشياڭ“ اتتى مۇحيت بۇرعىلاپ بارلاۋ كەمەسىنىڭ جاسالىپ بولىپ قاتارعا قوسىلعاندىعىن قۇتتىقتاعاندا بىلاي دەپ باسا دارىپتەدى
تەڭىز ـ مۇحيت عىلىم ـ تەحنيكاسىندا جاڭالىق اشۋدى كۇشەيتىپ، حالىقارالىق تەڭىز ـ مۇحيت سەلبەستىگىن كەڭەيتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە، ادامزاتتىڭ تاعدىرلاس ورتاق تۇلعاسىن قۇرۋدى جەدەلدەتۋگە اناعۇرلىم زور ۇلەس قوسۋ كەرەك
قۇتتىقتاۋ حاتى
”مىڭشياڭ“ اتتى مۇحيت بۇرعىلاپ بارلاۋ كەمەسى جاسالىپ بولىپ قاتارعا قوسىلۋ ورايىندا، زەرتتەۋگە، جاساۋعا ات سالىسقان ورىنداردى جانە بارلىق جولداستى قىزۋ قۇتتىقتايمىن!
”مىڭشياڭ“ اتتى كەمەنىڭ تەڭىز سىناعىنىڭ تابىستى بولۋى ٴارى رەسىمي قاتارعا قوسىلۋى ەلىمىزدىڭ تەرەڭ تەڭىزگە كىرۋ، تەرەڭ تەڭىزدى بارلاۋ، تەرەڭ تەڭىزدى اشۋ جاعىندا ماڭىزدى ٴبىر قادام باسقاندىعىن كورسەتەدى، تەڭىز ـ مۇحيتتا قۋاتتى ەل قۇرۋدا، عىلىم ـ تەحنيكادا قۋاتتى ەل قۇرۋدا قول جەتكىزگەن تاعى ٴبىر كەلەلى جەتىستىگى سانالادى. سىزدەر بۇكىل مەملەكەت بويىنشا جۇمىلاتىن جاڭاشا ٴتۇزىلىس ابزالدىلىعىن ساۋلەلەندىرىپ، ٴورىس اشا جاڭالىق اشۋ، ىنتىماقتاسىپ ىستەستىك جاساۋ، قامال الىپ قيىندىقتى جەڭۋ، شىڭعا باتىلدىقپەن شىعۋ رۋحىن اسقاقتاتىپ، كوپ ٴتۇرلى دۇنيە جۇزىلىك تەحنيكالىق قيىن ماسەلەدەن قامال الىپ، جاڭا داۋىردەگى جۇڭگو عىلىم ـ تەحنيكا قىزمەتكەرلەرىنىڭ سەنىمىن، ٴوزىن الۋەتتەندىرۋىن جانە بورىش ارقالاۋىن تولىق ايگىلەدىڭىزدەر.
سىزدەردىڭ كۇش ۇستىنە كۇش قوسىپ، وسى ٴبىر كەلەلى عىلىم ـ تەحنيكا قوندىرعىسىنان ويداعىداي پايدالانىپ، تەڭىز ـ مۇحيت عىلىم ـ تەحنيكاسىندا جاڭالىق اشۋدى كۇشەيتىپ، حالىقارالىق تەڭىز ـ مۇحيت سەلبەستىگىن كەڭەيتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە، ادامزاتتىڭ تاعدىرلاس ورتاق تۇلعاسىن قۇرۋدى جەدەلدەتۋگە اناعۇرلىم زور ۇلەس قوسۋلارىڭىزدى ٴۇمىت ەتەمىن.
شي جينپيڭ
2024 ـ جىلى 11 ـ ايدىڭ 17 ـ كۇنى
(شينحۋا اگەنتتىگىنىڭ 11 ـ ايدىڭ 17 ـ كۇنى بەيجيڭنەن بەرگەن حابارى)
شينحۋا اگەنتتىگىنىڭ 11 - ايدىڭ 17 - كۇنى گۋاڭجوۋدان بەرگەن حابارى. ەلىمىز دەربەس جوبالاپ جاساعان تۇڭعىش مۇحيت بۇرعىلاپ بارلايتىن ”مىڭشياڭ“ اتتى كەمە 11 - ايدىڭ 17 - كۇنى گۋاڭجوۋدا رەسمي قاتارعا قوسىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ حاتىن جولداپ، قىزۋ قۇتتىقتايتىندىعىن ءبىلدىردى.
شي جينپيڭ قۇتتىقتاۋ حاتىندا بىلاي دەپ اتاپ كورسەتتى: ”مىڭشياڭ“ اتتى كەمەنىڭ تەڭىز سىناعىنىڭ تابىستى بولۋى جانە رەسمي قاتارعا قوسىلۋى ەلىمىزدىڭ تەرەڭ تەڭىزگە كىرۋ، تەرەڭ تەڭىزدى بارلاۋ، تەرەڭ تەڭىزدى اشۋ جاعىندا ماڭىزدى قادام باسقاندىعىن كورسەتەدى، تەڭىز ـ مۇحيتتا قۋاتتى ەل قۇرۋدا، عىلىم ـ تەحنيكادا قۋاتتى ەل قۇرۋدا قول جەتكىزگەن تاعى ٴبىر كەلەلى جەتىستىگى سانالادى. سىزدەر بۇكىل مەملەكەت بويىنشا جۇمىلاتىن جاڭاشا ٴتۇزىلىس ابزالدىلىعىن ساۋلەلەندىرىپ، ٴورىس اشا جاڭالىق اشۋ، ىنتىماقتاسىپ ىستەستىك جاساۋ، قامال الىپ قيىندىقتى جەڭۋ، شىڭعا باتىلدىقپەن شىعۋ رۋحىن اسقاقتاتىپ، كوپ ٴتۇرلى دۇنيە جۇزىلىك تەحنيكالىق قيىن ماسەلەدەن قامال الىپ، جاڭا داۋىردەگى جۇڭگو عىلىم ـ تەحنيكا قىزمەتكەرلەرىنىڭ سەنىمىن، ٴوزىن الۋەتتەندىرۋىن جانە بورىش ارقالاۋىن تولىق ايگىلەدىڭىزدەر.
شي جينپيڭ بىلاي دەپ باسا دارىپتەدى: سىزدەردىڭ كۇش ۇستىنە كۇش قوسىپ، وسى ٴبىر كەلەلى عىلىم ـ تەحنيكا قوندىرعىسىنان ويداعىداي پايدالانىپ، تەڭىز ـ مۇحيت عىلىم ـ تەحنيكاسىندا جاڭالىق اشۋدى كۇشەيتىپ، حالىقارالىق تەڭىز ـ مۇحيت سەلبەستىگىن كەڭەيتىپ، جۇڭگو ۇلگىسىندەگى وسىزامانداندىرۋدى ىلگەرلەتۋگە، ادامزاتتىڭ تاعدىرلاس ورتاق تۇلعاسىن قۇرۋدى جەدەلدەتۋگە اناعۇرلىم زور ۇلەس قوسۋلارىڭىزدى ٴۇمىت ەتەمىن.
”مىڭشياڭ“ اتتى كەمەنىڭ قاتارعا قوسىلۋ قيمىلى 11 ـ ايدىڭ 17 ـ كۇنى گۋاڭجوۋدا وتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى حى ليفىڭ قيمىلعا قاتىناسىپ، شي جينپيڭنىڭ قۇتتىقتاۋ حاتىن وقىدى، ”مىڭشياڭ“ اتتى كەمەنىڭ رەسمي قاتارعا قوسىلعاندىعىن جاريالادى ٴارى ٴسوز سويلەدى. ول بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى قۇتتىقتاۋ حاتى جاڭا ٴداۋىردىڭ جاڭا جورىعىندا ەلىمىزدىڭ تەرەڭ تەڭىز ىستەرىنىڭ دامۋىنا ايقىن العا باسۋ بەتالىسىن كورسەتتى، ٴتۇبىرلى بويسۇنۋ ولشەمىن ازىرلەدى. ماڭىزدى قۇتتىقتاۋ حاتىنىڭ رۋحىن ىشكەرىلەي ۇيرەنىپ، ٴتۇسىنىپ، باتىل دايەكتىلەندىرىپ، تياناقتاندىرىپ، ”مىڭشياڭ“ اتتى كەمەنى ىسكە قوسىپ باسقارۋدى كۇشەيتىپ، ٴتول جاسامپازدىق سيپاتتى، جەتەكشىلىك سيپاتتى عىلىم ـ تەحنيكادان قامال الۋدى تەزدەتىپ، عىلىم ـ تەحنيكا جەتىستىكتەرىن كادەگە جاراتۋدى ىلگەرىلەتىپ، حالىقارالىق اۋىس ـ كۇيىستى، سەلبەستىكتى تەرەڭدەتۋ كەرەك. پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، ”مىڭشياڭ“ اتتى كەمە قۇرىلىسىنىڭ قۇندى تاجىريبەلەرىن مۇقيات قورىتىندىلاپ، بۇكىل مەملەكەت بويىنشا جۇمىلاتىن جاڭاشا ٴتۇزىلىس ابزالدىلىعىن ساۋلەلەندىرىپ، تاماشا ستيلدى اسقاقتاتىپ، ٴار جاقتىڭ كۇشىن ۇيىستىرىپ، تەرەڭ تەڭىز ىستەرى دامۋىنىڭ تىڭ ساتىعا كوتەرىلۋىن ٴۇرتىس ىلگەرىلەتۋ كەرەك.
”مىڭشياڭ“ اتتى مۇحيت بۇرعىلاپ بارلاۋ كەمەسىنىڭ جالپى تونناجى شامامەن 33 مىڭ توننا، سۋ ىعىستىرۋ مولشەرى 42 مىڭ 600 توننا، ٴۇرتىس ٴجۇرۋ ارالىعى 15 مىڭ تەڭىز ميلى، ەڭ ۇلكەن بۇرعىلاۋ تەرەڭدىگى 11 مىڭ مەتر، بۇكىل جەر شارى تەڭىز ايدىنىنىڭ شەكتەۋسىز قاتىناۋ وڭىرىندە جۇمىس جۇرگىزۋ قابىلەتىن ازىرلەگەن.
