الدىڭعى 10 ايدا تيانشاننىڭ سولتۇستىك باۋرايىنداعى قالا شوعىرلارىنىڭ ورتاشا اۋا ساپاسى جاقسى كۇن سانى %90كە جەتتى
نەگىزگى قالالاردىڭ بۇكىل ەلدىڭ اۋا ساپاسىنداعى قاتارى زور مولشەردە جوعارىلادى
انار بۇلت \ شينجياڭ گازەتىنىڭ ٴتىلشىسى لي شيڭ 11 ـ ايدىڭ 17 ـ كۇنى ۇرىمجىدەن حابارلايدى. اۆتونوميالى رايوندىق ەكولوگيالىق قورشاعان ورتا مەڭگەرمەسىنەن ۇعىسۋىمىزشا، 1 ـ ايدان 10 ـ ايعا دەيىن تيانشاننىڭ سولتۇستىك باۋرايىنداعى قالا شوعىرلارىنىڭ قورشاعان ورتا اۋا ساپاسىندا ”ٴبىر جوعارىلاۋ، ەكى ازايۋ“ جۇزەگە اسىپ، ورتاشا اۋا ساپاسى جاقسى كۇن سانى سالىستىرماسى %90كە جەتىپ، سايكەس مەزگىلدەگىدەن 5 پايىز جوعارىلاعان؛ PM2 .5نىڭ ورتاشا قويۋلىعى، اۋىر لاستانعان كۇن سانى سالىستىرماسى بىردەي سايكەس مەزگىلدەگىدەن ازايعان.
الدىڭعى 10 ايدا، ”ٴۇرىمجى _ سانجى _ شىحىزى“ ٴوڭىرى بىلتىر ”ٴبىر جوعارىلاۋ، ەكى ازايۋ“ جىلدىق نىساناسىن تابىستى ورىنداۋ نەگىزىندە، قورشاعان ورتا اۋا ساپاسىن ۇزدىكسىز جاقسارتىپ، اۋا ساپاسى جاقسى كۇن سانى سالىستىرماسىن سايكەس مەزگىلدەگىدەن 5.6 پايىز جوعارىلاتىپ، PM2 .5دى سايكەس مەزگىلدەگىدەن تورتتەن بىرگە تاياۋ ازايتىپ، اۋىر لاستانعان كۇن سانىن سايكەس مەزگىلدەگىدەن %60كە تاياۋ ازايتقان. ٴۇرىمجى قالاسىنىڭ، شىحىزى قالاسىنىڭ، ۋجياچۇي قالاسىنىڭ، سانجى قالاسىنىڭ بۇكىل ەلدەگى ايماق دارەجەلى جانە ودان جوعارى 339 قالا قاتارىنداعى ورىن رەتى جەكە ـ جەكە 53 ورىن، 45 ورىن، 45 ورىن، 40 ورىن كوتەرىلگەن. اسىرەسە، ٴۇرىمجى قالاسى ەكولوگيالىق قورشاعان ورتا مينيسترلىگى جاريالاعان 1 ـ ايدان 9 ـ ايعا دەيىنگى بۇكىل ەلدەگى 168 ٴتۇيىندى قالانىڭ اۋا ساپاسى وزگەرىس دەڭگەيى ٴبىرشاما جاقسى بولۋ جانە PM2 .5 قويۋلىق وزگەرىس دەڭگەيى ٴبىرشاما جاقسى بولۋ تىزىمىندە تۇگەلدەي 2 ـ ورىنعا كوتەرىلگەن.
الدىڭعى 10 ايدا ”كۇيتۇن _ مايتاۋ _ ٴۇرىمجى“ ٴوڭىرىنىڭ، ىلە اڭعارى ٴوڭىرىنىڭ اۋا ساپاسى جاقسى كۇن سانى سالىستىرماسى تۇگەلدەي جوعارىلاعان؛ PM2 .5 سايكەس مەزگىلدەگىدەن جەكە ـ جەكە ازايعان؛ ىلە وزەنى اڭعارى وڭىرىندە اۋىر لاستانعان اۋا رايى كورىلمەگەن.
11 ـ ايدىڭ 17 ـ كۇنى ٴۇرىمجى قالاسى ميدۇڭ رايونى تيەچاڭگوۋ قالاشىعى داساۋتان قىستاعىنىڭ تۇرعىنى تيە چيۋشياڭ تاڭەرتەڭگى اسىن ىشكەننەن كەيىن، قىسقى شۋاقتى كۇن ساۋلەسىندە دوستارىمەن بىرگە شىنىعۋ گيمناستيكاسىن وينادى، ”اسپان توتەنشە اشىق، اۋا دا تۇنىق، كۇن نۇرىنان كوزدى اشا المايسىز. قازىر مەن ۇنەمى سىرتقا شىعىپ كۇن شۋاقتاپ، ارەكەتتەنەمىن“.
سوڭعى جىلدارى بۇكىل رايوندا جوعارىدان تومەنگە دەيىن شي جينپيڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، اۆتونوميالى رايوندىق پارتكومنىڭ، ۇكىمەتتىڭ ورنالاستىرۋلارىنا ساي، بار كۇشپەن قامال الىپ، قاينارىنان وڭاۋ مەن سايكەسۋدى كۇشەيتىپ، تيانشاننىڭ سولتۇستىك باۋرايىنداعى قالالار شوعىرىنىڭ اۋا ساپاسىنىڭ ٴۇرتىس جاقسارۋىن ىلگەرىلەتتى.
2023 ـ جىلى ”ٴۇرىمجى _ سانجى _ شىحىزى“ وڭىرىندە جيىنى 135 ٴتۇيىندى كاسىپورىن ”ٴبىر كاسىپورىنعا ٴبىر شارا“ اتقارىپ، بيىل 4 تۇردەگى لاس زاتتاردىڭ شىعارىلۋ مولشەرى 50 توننادان اساتىن تىڭنان كوبەيگەن 39 كاسىپورىن ”ٴبىر كاسىپورىنعا ٴبىر شارا“ اتقاردى.
شينجياڭ جۇڭنىڭ ۋانيۋان حيميا ونەركاسىبى شەكتى سەرىكتەستىگى _ ٴىرى كومىر حيميا ونەركاسىبى كاسىپورنى، باستىسى، سينتەزدىك اممياك، ۋرەا قاتارلى ونىمدەردى وندىرەدى. بيىل الدىڭعى جارتى جىلدا وسى سەرىكتەستىك ”ٴبىر كاسىپورىنعا ٴبىر شارا“ جوباسىنا ساي، پار قازانى ٴتۇتىنىن ونىمدىلىگىن جوعارىلاتىپ جاڭالاۋ نىسانىن اتقاردى. سەرىكتەستىك قورشاعان ورتانى قورعاۋ ٴبولىمىنىڭ جاۋاپتىسى ۋاڭ ماۋجۇي بىلاي دەپ تانىستىردى: ٴبىز بيىل جاڭادان قۇرعان اممياكتى سينتەزدەۋ ارقىلى كۇكىرتسىزدەندىرۋ مۇناراسى جانە ونىڭ سايكەستى جۇيەسى وندىرىسكە قوسىلعاننان كەيىن، اممياكتىڭ شىعارىلۋىن اناعۇرلىم ازايتىپ، بارىنشا از شىعارۋ نەگىزىندە ەرەن تازا شىعارۋ ولشەمىنە جەتۋگە بولادى.
مۇنان سىرت، شينجياڭ بۇكىل ەل كولەمىندە 65 توننادان تومەن كومىر جاعاتىن پار قازاندارىن قاتاردان قالدىرۋ، وڭاۋ ارەكەتىن ەڭ الدىمەن اتقارىپ، بيىل 65 توننادان تومەن كومىر جاعاتىن پار قازانىنان جاڭادان 133ىن قاتاردان قالدىرىپ، ”ٴۇرىمجى _ سانجى _ شىحىزى“، ”كۇيتۇن _ مايتاۋ _ ٴۇرىمجى“ وڭىرىندە كومىر جاعۋدىڭ نەگىزىنەن جوعالۋىن جۇزەگە اسىرعان.
