شينحۋا اگەنتتىگىنىڭ 11 ـ ايدىڭ 18 ـ كۇنى ريو ـ دە جانەيرودان بەرگەن حابارى (تىلشىلەر سۇن حاۋ، جاۋ يان). جەرگىلىكتى ۋاقىت 11 ـ ايدىڭ 18 ـ كۇنى تۇستەن بۇرىن مەملەكەت ٴتوراعاسى شي جينپيڭ ريو ـ دە جانەيرودا 20 ەل توبى باسشىلار ماجىلىسىنە قاتىناسىپ جاتقان كەزىندە انگليا باس ٴۋازىرى ستارمەرمەن كەزدەستى.
شي جينپيڭ بىلاي دەپ اتاپ كورسەتتى: قازىر دۇنيە ٴجۇزى جاڭا اۋمالى ـ توكپەلى وزگەرىس مەزگىلىنە ٴوتتى. جۇڭگو مەن انگليا بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلى جانە دۇنيە جۇزىندەگى نەگىزگى ەكونوميكالىق تۇلعا رەتىندە، ٴوز ەلدەرىنىڭ دامۋىن ىلگەرىلەتۋ اۋىر مىندەتىن ارقالاۋمەن بىرگە، الەمدىك سايىستارعا توتەپ بەرۋ جاۋاپكەرشىلىگىن دە ارقالاپ وتىر. ەكى جاق ستراتەگيالىق سەرىكتەستىك ورنىنان جازباي، ٴوزارا قۇرمەت ەتۋگە، اشىق سەلبەسۋگە، اۋىس ـ كۇيىس جاساپ، ٴوزارا ۇلگى الۋعا تاباندى بولىپ، ٴوزارا پايدا جەتكىزىپ تەڭ يگىلىككە كەنەلۋدى جۇزەگە اسىرۋى، جۇڭگو _ انگليا قارىم ـ قاتىناسىنىڭ اقاۋسىز، ورنىقتى دامۋىنىڭ كەلەسى تاراۋىن بىرگە جازۋى كەرەك.
شي جينپيڭ بىلاي دەپ باسا دارىپتەدى: جۇڭگو مەن انگليا ەكى ەلدىڭ تاريحي مادەنيەتىندە، قۇن ۇستانىمىندا، قوعامدىق تۇزىمىندە پارىق بولعانىمەن، الايدا ورتاق مۇددەسى كەڭ، ەكى جاق قارسى جاقتىڭ دامۋىنا بايىپتىلىقپەن، وبيەكتيۆ تۇرعىدا مامىلە جاساپ، ستراتەگيالىق بايلانىستى كۇشەيتىپ، ساياسي ٴوزارا سەنىمدىلىكتى نىعايتىپ، جۇڭگو _ انگليا قارىم ـ قاتىناسىنىڭ ورنىقتى بولۋىنا، شىنايى بولۋىنا، باياندى بولۋىنا شىنايى كەپىلدىك ەتۋى كەرەك. ەكى ەل ساۋدا، قارجى قوسۋ، تازا ەنەرگيا، فينانستىق قىزمەت وتەۋ، ەمدەۋ، حالىق تۇرمىسى سياقتى سالالاردا كەڭ سەلبەستىك كەڭىستىگىنە يە، ٴورىستى ۇزدىكسىز كەڭەيتىپ، ەكى ەل حالقىن اناعۇرلىم ويداعىداي يگىلىككە كەنەلتۋ كەرەك. ەكى جاق قولامتالى ماسەلەلەردى ساياسي جولمەن شەشۋدى ىلگەرىلەتىپ، جاساندى زەردە جاعىنداعى الەمدىك باسقارۋدى كۇشەيتىپ، دۇنيە ٴجۇزى ەكونوميكاسىنىڭ ارتۋىن جەبەۋگە، ٴار ەلدىڭ بىرگە دامۋىن جۇزەگە اسىرۋعا ۇلەس قوسۋى كەرەك.
ستارمەر بىلاي دەدى: انگليا مەن جۇڭگو اراسىندا كەڭ كولەمدى ورتاق مۇددە بار، الەمدىك سايىستاردى شەشۋدە، دۇنيە ٴجۇزىنىڭ بەيبىتشىلىگى مەن دامۋىن قورعاۋدا ماڭىزدى جاۋاپكەرشىلىك ارقالاۋدا. انگليا مەن جۇڭگونىڭ ۇزاقتان جالعاسقان، پارمەندى قارىم ـ قاتىناسى ەكى ەل جانە دۇنيە ٴجۇزى جونىنەن توتەنشە ماڭىزدى. انگليا جاق ٴوزارا قۇرمەت ەتۋ جانە تەڭدىك، ادالدىق رۋحىن ۇستانىپ، جۇڭگو جاقپەن تىلدەسۋدى كۇشەيتىپ، ٴوزارا ٴتۇسىنىسۋدى نىعايتىپ، ەكونوميكا ـ ساۋدا، عىلىم ـ تەحنيكا، قازىنا ـ فينانس، دەنساۋلىق ساقتاۋ، ەمدەۋ، وقۋ ـ اعارتۋ، كليمات وزگەرىسىنە توتەپ بەرۋ سياقتى كەڭ سالالاردا اۋىس ـ كۇيىس جاساۋدى، سەلبەستىك ورىستەتۋدى ٴۇمىت ەتەدى. انگليا مەن جۇڭگو كوپ جاقتىلىققا تاباندى بولادى، انگليا جاق جۇڭگو جاقپەن كوپ جاقتى بايلانىستى، سايكەستىكتى كۇشەيتىپ، وڭىرلىك قولامتالى ماسەلەلەردى ساياسي جولمەن شەشۋدى ىلگەرىلەتۋدى قالايدى.
ساي چي، ۋاڭ ي قاتارلىلار كەزدەسۋگە قاتىناستى.
شينحۋا اگەنتتىگىنىڭ 11 ـ ايدىڭ 18 ـ كۇنى ريو ـ دە جانەيرودان بەرگەن حابارى (تىلشىلەر جۋ چاۋ، ۋ حاۋ). جەرگىلىكتى ۋاقىت 11 ـ ايدىڭ 18 ـ كۇنى تۇستەن بۇرىن مەملەكەت ٴتوراعاسى شي جينپيڭ ريو ـ دە جانەيرودا 20 ەل توبى باسشىلار ماجىلىسىنە قاتىناسىپ جاتقان كەزىندە اۆستراليا زۇڭليى البانەسپەن كەزدەستى.
شي جينپيڭ بىلاي دەپ اتاپ كورسەتتى: بىلتىر 11 ـ ايدا ٴبىز بەيجيڭدە جۇڭگو _ اۆستراليا قارىم ـ قاتىناسىنىڭ ۇزاق بولاشاقتىق دامۋىنا ساياتىن ستراتەگيالىق سيپاتتى، جالپى جاعدايلىق سيپاتتى، بەتالىستىق سيپاتتى ماسەلەلەر جونىندە ىشكەرىلەي پىكىرلەستىك. ٴبىر جىلدان استام ۋاقىتتان بەرى، ەكى ەلدىڭ ٴار جىكتەگىلەرى تىعىز بايلانىستى، بارىس ـ كەلىستى ساقتاپ، ٴبىز كەلىسكەن ماڭىزدى ورتاق تانىمداردى تياناقتاندىرۋدى بەلسەنە ىلگەرىلەتىپ، بەلسەندى ىلگەرىلەۋشىلىككە قول جەتكىزدى. جۇڭگو مەن اۆستراليا اراسىندا ٴتۇبىرلى مۇددە قاقتىعىسى جوق، ەكى جاق تەك ٴوزارا قۇرمەت ەتۋگە، تەڭ تۇرعىدا مامىلە جاساۋعا، پارىقتاردى ساقتاپ، ورتاقتىققا ۇمتىلۋعا تاباندى بولسا بولعانى، جۇڭگو _ اۆستراليا قارىم ـ قاتىناسى، ٴسوزسىز، ويداعىداي داميدى. جۇڭگو جاق اۆستراليا جاقپەن بىرگە اناعۇرلىم تولىسقان، ورنىقتى، اناعۇرلىم ناتيجەلى جۇڭگو _ اۆستراليا جالى بەتتىك ستراتەگيالىق سەرىكتەستىك قارىم ـ قاتىناسىن ورناتۋدى ىلگەرىلەتىپ، وڭىرگە جانە دۇنيە جۇزىنە اناعۇرلىم كوپ ورنىقتىلىق جانە ايقىندىق ۇستەۋدى قالايدى.
شي جينپيڭ بىلاي دەپ اتاپ كورسەتتى: 250دەن استام اۆستراليا كاسىپورنى بيىلعى جۇڭگو حالىقارالىق يمپورت كورمەسىنە قاتىناسىپ، تاريحتاعى تىڭ دەڭگەيدى جاراتتى، بۇل اۆستراليا جاق كاسىپورىندارىنىڭ جۇڭگونىڭ ەكونوميكاسى مەن ەكى ەلدىڭ سەلبەستىگىنە بەرگەن ”سەنىم بەلەتى“. ەكى جاق ٴوزارا پايدا جەتكىزىپ تەڭ يگىلىككە كەنەلەتىن سەلبەستىك جاعدايىن كەڭەيتۋگە تاباندى بولۋى كەرەك. جۇڭگو جاق اۆستراليانىڭ اناعۇرلىم كوپ ساپالى ونىمدەرىن يمپورت ەتۋدى قالايدى، جۇڭگو كاسىپورىندارىن اۆسترالياعا بارىپ قارجى قوسىپ، كاسىپتى گۇلدەندىرۋگە ىنتالاندىرادى، اۆستراليا جاقتىڭ جۇڭگو كاسىپورىندارىنا ٴادىل، جاريا، كەمسىتپەيتىن شارۋاشىلىق ـ ساۋدا ورتاسىن ازىرلەۋىن ٴۇمىت ەتەدى. جۇڭگو مەن اۆستراليا ەكەۋى دە ەكونوميكانىڭ جاھاندانۋى مەن ەركىن ساۋدانىڭ قولداۋشىسى، قورعاۋشىسى، ەكى جاق سايكەسۋ مەن سەلبەستىكتى كۇشەيتىپ، قورعامپازدىققا قارسى تۇرىپ، ٴار ەلدىڭ ەسىك اشۋ بارىسىندا وراي مەن مۇددەدەن تەڭ يگىلىكتەنۋىن ىلگەرىلەتىپ، بىرگە دامۋدى جۇزەگە اسىرۋى كەرەك.
البانەس مىنالاردى ٴبىلدىردى: اۆستراليا مەن جۇڭگونىڭ جالپى بەتتىك ستراتەگيالىق سەرىكتەستىك قارىم ـ قاتىناس ورناتقاندىعىنىڭ 10 جىلدىعى قارساڭىندا، ٴتوراعا شي جينپيڭمەن تاعى دا كەزدەسكەنىمە وتە قۋانىشتىمىن. مەن بىلتىر جۇڭگوعا ساپارلاپ قايتقاننان بەرى، اۆستراليا _ جۇڭگو قارىم ـ قاتىناسى ساۋدانى قامتىعان ٴارقايسى سالادا ادامدى جەلپىندىرەتىن ىلگەرىلەۋشىلىككە قول جەتكىزىپ، ەكى ەل حالقىن شىن مانىندەگى يگىلىككە كەنەلدىردى. اۆستراليا جاق ٴبىر جۇڭگو ساياساتىن اتقارۋعا تاباندى بولادى، ”بايلانىستى الشاقتاتۋعا“ قارسى تۇرادى، ەكونوميكانىڭ جاھاندانۋىن ىلگەرىلەتۋدى دارىپتەيدى، جۇڭگو جاقپەن ەنەرگيا تيبىن وزگەرتۋ، كليمات وزگەرىسى سياقتى جاقتارداعى سەلبەستىكتى كۇشەيتۋدى ٴۇمىت ەتەدى. جۇڭگونىڭ دامۋى ازيا _ تىنىق مۇحيت ٴوڭىرىنىڭ باياندى ورنىقتىلىقتى ساقتاۋى مەن ارتۋىنا ماڭىزدى ۇلەس قوستى، اۆستراليا جاق جۇڭگونىڭ ازيا _ تىنىق مۇحيت ەكونوميكالىق سەلبەستىك ۇيىمى سياقتى كوپ جاقتى مەحانيزمدە اتقارعان ماڭىزدى رولىن القايدى، جۇڭگونىڭ 2026 ـ جىلعى ازيا _ تىنىق مۇحيت ەكونوميكالىق سەلبەستىك ۇيىمىنىڭ وتاعاسى بولۋىن قولدايدى، جۇڭگو جاقپەن كوپ جاقتى بايلانىستى كۇشەيتىپ، وڭىرلىك بەيبىتشىلىكتى، ورنىقتىلىقتى جانە گۇلدەنىپ ـ كوركەيۋدى، دامۋدى جەبەۋدى قالايدى.
ساي چي، ۋاڭ ي قاتارلىلار كەزدەسۋگە قاتىناستى.
