جوبا ارقىلى جەتەكشىلىك ەتىپ، شينجياڭ سۋ يگىلىگىنىڭ جوعارى ساپالى دامۋىن ىلگەرىلەتۋ كەرەك

اۆتونوميالى رايوندىق پارتكوم سۋ بايلىعىن باسقارۋ كوميتەتى ماماندار كوميتەتى ٴماجىلىسىن اشتى

جوبا ارقىلى جەتەكشىلىك ەتىپ، شينجياڭ سۋ يگىلىگىنىڭ جوعارى ساپالى دامۋىن ىلگەرىلەتۋ كەرەك

　　انار بۇلت \ شينجياڭ گازەتىنىڭ ٴتىلشىسى كاڭ حاۋيان 11 ـ ايدىڭ 18 ـ كۇنى ۇرىمجىدەن حابارلايدى. 11 ـ ايدىڭ 18 ـ كۇنى اۆتونوميالى رايوندىق پارتكوم سۋ بايلىعىن باسقارۋ كوميتەتى ماماندار كوميتەتىنىڭ 2024 ـ جىلعى 2 ـ رەتكى ٴماجىلىسى ۇرىمجىدە اشىلدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ٴتوراعاسى چىن ۋيجۇن ماجىلىسكە قاتىناستى ٴارى ٴسوز سويلەدى.

　　جۇڭگو ينجەنەريا اكادەمياسىنىڭ اكادەميگى، اۆتونوميالى رايوندىق پارتكوم سۋ بايلىعىن باسقارۋ كوميتەتى ماماندار كوميتەتىنىڭ مەڭگەرۋشى مۇشەسى ۋاڭ حاۋ ٴماجىلىستى باسقاردى. ٴماجىلىس شينجياڭ سۋ بايلىعىنىڭ جالپى تۇلعالىق جوباسىنىڭ ارالىق جەتىستىگى، ٴتۇيىندى كولدەردى قورعاۋ سياقتى زەرتتەۋ بايانداماسىن قارادى، تىڭدادى، اكادەميكتەر، ماماندار پىكىر اۋىستىرىپ، تالقى جۇرگىزدى ٴارى كەڭەس پىكىرىن قالىپتاستىردى.

　　ٴماجىلىس مىنالاردى باسا دارىپتەدى: پارتيا ورتالىق كوميتەتى شينجياڭعا بەلگىلەپ بەرگەن ەرەكشە ماڭىزدى ستراتەگيالىق ورىندى كوزدەۋ بارىسىندا، شينجياڭ سۋ يگىلىگىنىڭ ماڭىزدى تىرەكتىك جانە نەگىزگى قامتاماسىزدىق رولى اناعۇرلىم كورنەكتىلەندى. جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋدى كوزدە ۇستاپ، مەملەكەت دامۋىنىڭ كەلەلى جاعدايىنا اناعۇرلىم زور ۇلەس قوسۋ ٴۇشىن، شينجياڭ سۋ يگىلىگى قىزمەتى جوعارى دەڭگەيدەگى جوبانى كۇشەيتىپ، عىلمي، جۇيەلى جوسپارلاپ، سۋ حاۋىپسىزدىگىن، سۋمەن قامتاماسىز ەتۋ قابىلەتىن اناعۇرلىم جوعارىلاتۋدى اسا قاجەت ەتەدى.

　　ٴماجىلىس مىنالاردى اتاپ كورسەتتى: شينجياڭ سۋ يگىلىگى شىت جاڭا دامۋ كەزەڭىنە ٴوتىپ، ەڭ جاقسى التىن دامۋ مەزگىلىندە تۇر، جوبا ارقىلى جەتەكشىلىك ەتىپ، جوعارى ساپالى دامۋدى ىلگەرىلەتۋگە تاباندى بولۋ كەرەك. اكادەميكتەر، ماماندار شينجياڭ سۋ بايلىعىن باسقارۋ قىزمەتىندەگى ”اقىل ـ پاراسات قويماسى“ جانە عىلىم جونىنەن جاۋاپكەرشىلىك ارقالاۋشى رەتىندە، ارناۋلى تاقىرىپتا كەڭەس الۋ بارىسىندا تامىرىن ۇستاپ، جاعدايىن سۇراپ تەكسەرىپ، اقىل ايتىپ، كەڭەس بەرىپ، شينجياڭ سۋ بايلىعىنان ۇنەمدى، شوعىرلى، جوعارى ٴونىمدى پايدالانۋعا جوبا تىرەگىن ازىرلەۋلەرى كەرەك.

　　جۇڭگو ينجەنەريا اكادەمياسىنىڭ اكادەميكتەرى دىڭ ميڭجياڭ، چىن شياڭشىڭ، جۇڭگو عىلىم اكادەمياسىنىڭ اكادەميگى شياۋ ۋىنجياۋ ماجىلىسكە قاتىناستى.