ما شيڭرۇي اۆتونوميالى رايوندىق پارتكوم سۋ بايلىعىن باسقارۋ كوميتەتىنىڭ 2024 ـ جىلعى 2 ـ رەتكى ٴماجىلىسىن باسقارىپ اشقاندا بىلاي دەپ باسا دارىپتەدى
باس شۋجي شي جينپيڭنىڭ سۋ باسقارۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، شينجياڭنىڭ سۋ بايلىعىنان شوعىرلى، ۇنەمدى، جوعارى ٴونىمدى پايدالانۋ دەڭگەيىن جاپپاي جوعارىلاتۋ كەرەك
ەركىن تۇنياز، جاڭ جۋ قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 11 ـ ايدىڭ 19 ـ كۇنى ۇرىمجىدەن حابارلايدى. اۆتونوميالى رايوندىق پارتكوم سۋ بايلىعىن باسقارۋ كوميتەتى 11 ـ ايدىڭ 19 ـ كۇنى تۇستەن بۇرىن 2024 ـ جىلعى 2 ـ رەتكى ٴماجىلىسىن اشىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جانە باس شۋجي شي جينپيڭنىڭ ولكە، مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ ـ تالقى كۋرسىنىڭ وقۋ باستاۋ سالتىندا سويلەگەن ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ سۋ باسقارۋ جونىندەگى ماڭىزدى بايىمداۋلارىن ۇيرەنىپ، دايەكتىلەندىرىپ، قاتىستى قىزمەت مالىمەتىن تىڭداپ، سۋ بايلىعىن جوعارى ٴونىمدى اشۋ، پايدالانۋ قىزمەتىن ىلگەرىلەتۋدى اقىلداستى. اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكوم سۋ بايلىعىن باسقارۋ كوميتەتىنىڭ مەڭگەرۋشىسى ما شيڭرۇي ٴماجىلىستى باسقاردى ٴارى ٴسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى جاڭ جۋ ماجىلىسكە قاتىناستى.
ٴماجىلىس شينجياڭ سۋ بايلىعى جالپى تۇلعالىق جوباسىنىڭ ارالىق جەتىستىگى، شينجياڭنىڭ سۋ بايلىعىن اشۋعا، پايدالانۋعا قاتىستى تەكسەرۋ ـ زەرتتەۋ جاعدايى، شينجياڭنىڭ جەر استى سۋىنان پايدالانۋ جاعدايى جونىندەگى مالىمەتتى تىڭدادى. اۆتونوميالى رايوندىق پارتكوم سۋ بايلىعىن باسقارۋ كوميتەتى ماماندار كوميتەتىنىڭ ماماندارى ۋاڭ حاۋ، دىڭ ميڭجياڭ، شياۋ ۋىنجياۋ، چىن شياڭشىڭ، ياڭ چيڭ قاتارلىلار پىكىر اۋىستىرىپ، تالقى ورىستەتتى.
جۋىق جىلداردان بەرى اۆتونوميالى رايوندىق پارتكوم باس شۋجي شي جينپيڭنىڭ سۋ باسقارۋ جونىندەگى ماڭىزدى بايىمداۋلارىنىڭ جانە شينجياڭنىڭ سۋ يگىلىگى قىزمەتى جونىندەگى ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ، شينجياڭنىڭ باياندى تىنىشتىعىن جۇزەگە اسىرۋ بيىگىندە تۇرىپ، تاريحقا جاۋاپتى بولۋ پوزيتسياسىمەن شينجياڭنىڭ وڭىرلىك جاعدايىن، سۋ جاعدايىن تياناق ەتىپ، جۇيە كوزقاراسى ارقىلى سۋ بايلىعىن باسقارۋ ۇستانىمىندا، مەحانيزمىندە، ادىسىندە تەرەڭ بۇرىلىس تۋىلۋىن جەبەدى. سۋ بايلىعىن باسقارۋ كوميتەتىن جانە ماماندار كوميتەتىن قۇرىپ، وڭتۇستىك شينجياڭدا تارىم وزەنىنىڭ ”توعىز قاينارىن، ٴبىر نەگىزگى اعارىن“ ٴتۇيىن ەتكەن، سولتۇستىك شينجياڭدا ”التى وزەن، ٴبىر كولدى“ ٴتۇيىن ەتكەن سۋ بايلىعىن شوعىرلى، ٴبىر تۇتاس باسقارۋ مەحانيزمىن ورناتىپ، سۋ بايلىعىن بيڭتۋان مەن جەرگىلىكتى ورىن ٴبولىپ الاتىن، الاپتاردى، وڭىرلەردى كوپ جاقتان باسقاراتىن باسقارۋ جاعدايىن وزگەرتتى؛ نازاردى سۋ بايلىعىنىڭ ۋاقىت، كەڭىستىك تارالىمىنىڭ بىركەلكى بولماۋى ماسەلەسىنە شوعىرلاندىرىپ، جوعارى دەڭگەيدە جوبالاۋدى كۇشەيتىپ، سۋ ۇنەمدەۋدى شەشۋشى ٴتۇيىن، سۋ ساقتاۋدى نەگىز، سۋدى رەتتەۋدى تولىقتاۋىش، سۋدى مولايتۋدى قامتاماسىزدىق ەتىپ، ٴبىر توپ كەلەلى سۋ يگىلىگى ينجەنەريا قۇرىلىسىن جەدەل ىلگەرىلەتىپ، شينجياڭنىڭ سۋ بايلىعىن اشۋدى، پايدالانۋدى اناعۇرلىم جۇيەلىلەندىرىپ، عىلميلاندىرىپ، ەگجەي ـ تەگجەيلىلەندىردى، سۋدىڭ ەكونوميكانىڭ، قوعامنىڭ جوعارى ساپالى دامۋىنداعى جانە ەكولوگيالىق ورتانى قورعاۋداعى تىرەكتىك كۇشى، ۇلەس قوسۋ كۇشى كورنەكتى جوعارىلادى، اسىرەسە، سۋ بايلىعىنىڭ پارمەندى قامتاماسىزدىعىنىڭ ارقاسىندا، شينجياڭدا استىق ٴونىمى ٴۇرتىس جوعارىلاپ، كىرىس ارتىپ، مەملەكەتتىڭ استىق حاۋىپسىزدىگىن قامتاماسىز ەتۋگە بەلسەندى ۇلەس قوستى. شينجياڭنىڭ ەكولوگيالىق ورتاسى ٴۇرتىس بەكەمدەلىپ، جاقسارۋعا بەت الىپ، شولەيتتەنگەن جانە قۇمايتتانعان جەر كولەمى بىردەي ازايىپ، بۇكىل ەل بويىنشا قۇمايتتانعان جەر كولەمى كەڭەيگەن بىردەن ـ ٴبىر ولكە بولۋ تاريحىنا قوش ايتتى.
كوپشىلىكتىڭ پىكىرىن، تالقىسىن تىڭداعاننان كەيىن، ما شيڭرۇي بىلاي دەپ اتاپ كورسەتتى: باس شۋجي شي جينپيڭنىڭ سۋ باسقارۋ جونىندەگى ماڭىزدى بايىمداۋلارىن ۇزدىكسىز ىشكەرىلەي ۇيرەنىپ، جەتە ٴتۇسىنىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شىن مانىندە دەڭگەيدى جوعارىلاتىپ، يدەيانى بىرلىككە كەلتىرىپ، شينجياڭنىڭ سۋ ماسەلەسىنىڭ تاريحىن، رەالدىعىن جانە بولاشاعىن جەتە تانىپ جانە يگەرىپ، ساياسي جاقتان، ەكونوميكالىق جاقتان، ەكولوگيالىق جاقتان كىرىسۋگە تاباندى بولىپ، مەملەكەت بەلگىلەگەن شينجياڭنىڭ ەرەكشە ماڭىزدى ستراتەگيالىق ورنىن كوزدەپ، ٴارقايسى جاقتىڭ شينجياڭنىڭ سۋ ماسەلەسىنە شىندىقتى ونان ارى ٴىس جۇزىنەن ىزدەۋ تۇرعىسىنان قاراۋىنا، شينجياڭنىڭ سۋ قىزمەتىن اناعۇرلىم جۇيەلى، عىلمي جوسپارلاۋىنا، شينجياڭنىڭ سۋ بايلىعىنان اناعۇرلىم دالمە ـ ٴدال، جوعارى ٴونىمدى پايدالانۋىنا جەتەكشىلىك ەتۋ جانە ونى جەبەۋ كەرەك.
ما شيڭرۇي بىلاي دەپ باسا دارىپتەدى: سۋ _ شينجياڭنىڭ ەكونوميكالىق، قوعامدىق دامۋىنىڭ جان تامىرى. سۋ بايلىعىنان پايدالانۋ ونىمدىلىگى قانشالىق جوعارى بولسا، شينجياڭنىڭ دامۋ كەڭىستىگى دە سونشالىق زور بولادى. پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ ”سۋ ۇنەمدەۋدى الدىڭعى ورىنعا قويۋ، كەڭىستىك جاعىندا بىركەلكى بولۋ، جۇيەلى باسقارۋ، ەكى جاقتان كۇش سالۋ“ سىندى سۋ باسقارۋ وي جەلىسىن تياناقتاندىرىپ، شينجياڭنىڭ سۋ بايلىعىن عىلمي باسقارۋ جانە جوعارى ٴونىمدى پايدالانۋ دەڭگەيىن جوعارىلاتۋداعى قامال الۋ ٴتۇيىنىن ونان ارى دالمە ـ ٴدال تاۋىپ، سۋ ۇنەمدەۋ، سۋ ساقتاۋ، سۋدى رەتتەۋ، سۋدى مولايتۋ قىزمەتىندە ۇزدىكسىز تىڭ ونىمدىلىككە قول جەتكىزۋدى ٴبىر تۇتاس جوسپارلاپ ىلگەرىلەتۋ كەرەك. سۋ بايلىعىن باسقارۋ ٴتۇزىلىسى رەفورماسىن كۇش سالا تەرەڭدەتىپ، تۇتاس شينجياڭدا ٴبىر تۇتاس سۋ بايلىعىن باسقارۋ باسشىلىق مەحانيزمىن اقاۋسىزداندىرىپ، كەمەلدەندىرىپ، جەرگىلىكتى ورىن مەن بيڭتۋاننىڭ، الاپتار مەن وڭىرلەردىڭ سايكەسە باسقارۋىن كۇشەيتىپ، سۋ بايلىعىن عىلمي جايعاستىرۋدى، دالمە ـ ٴدال ورنالاستىرۋدى، شوعىرلى، ۇنەمدى پايدالانۋدى جۇزەگە اسىرۋعا ٴتۇزىلىس ـ مەحانيزم قامتاماسىزدىعىن ازىرلەۋ كەرەك. سۋ بايلىعىن جايعاستىرۋ قابىلەتىن جەدەل جوعارىلاتىپ، كوز الداعىنى تياناق ەتىپ، بولاشاقتى كوزدەپ، ٴبىر توپ كەلەلى سۋ يگىلىگى تورابى ينجەنەريا قۇرىلىسىن بەلسەندى ىلگەرىلەتىپ، شينجياڭ سۋ تورىنىڭ نەگىزگى جۇلگەسىن جەدەل قالىپتاستىرىپ، سۋ بايلىعىن رەتتەۋ، ساقتاۋ قابىلەتىن جوعارىلاتۋ؛ تاسقىندى سۋ بايلىعىنا اينالدىرىپ پايدالانۋدى كۇشەيتىپ، قايتا تۋىندايتىن سۋ، كەرمەك سۋ، بۇلت سۋى سياقتى بايلىقتاردان پايدالانۋدى كۇشەيتۋ كەرەك. سۋ ۇنەمدەۋ قىزمەتىن ۇزاق ۋاقىت ىشكەرىلەي ويداعىداي ىستەپ، ٴبىر توپ ٴىرى، ورتا تيپتەگى سۋارمالى وڭىردە سۋ ۇنەمدەۋ بويىنشا جاڭالاۋ ينجەنەرياسىن جانە سۋ سىڭبەيتىن توعان قۇرىلىسىن جەدەل اتقارىپ، وسى زامانعى اۋىل شارۋاشىلىعىندا سۋ ۇنەمدەۋ تەحنيكاسىن زور كۇشپەن جالپىلاستىرىپ، جاڭا داۋىردەگى ”كارىزدى“ جەرگىلىكتى جاعدايعا قاراي دامىتىپ، سۋ بايلىعىنان شوعىرلى، ۇنەمدى پايدالانۋ دەڭگەيىن جوعارىلاتۋ كەرەك. سۋ ەكولوگياسىن، سۋ ورتاسىن قورعاۋ قۇرىلىسىن جۇيەلى ويداعىداي يگەرىپ، جەر استى سۋى قالىپتان تىس الىنعان وڭىرلەردى جونگە سالۋدى كۇشەيتىپ، جەر استى سۋىن اشۋ مولشەرىن اشۋعا بولاتىن كولەم ىشىندە مەڭگەرۋ؛ وزەن، كول باستىعى ٴتۇزىمىن قاتاڭ تياناقتاندىرىپ، ٴتۇيىندى الاپتاردىڭ ەكولوگياسىن جونگە سالۋدى جەدەل ىلگەرىلەتىپ، سۋ بايلىعىن قورعاۋ، سۋ ورتاسىن جونگە سالۋ، سۋ ەكولوگياسىن قالپىنا كەلتىرۋ، سۋ اپاتىنان ساقتانۋ قىزمەتتەرىن ٴبىر تۇتاس جوسپارلاپ ويداعىداي ىستەۋ كەرەك.
تيان شياڭلي، چىن ۋيجۇن، چىن ميڭگو، ۋاڭ جيانشين، قادەن كابەن، اۆتونوميالى رايوندىق ۇكىمەتتەگى، ساياسي كەڭەستەگى قاتىستى باسشىلار، اۆتونوميالى رايوندىق پارتكوم سۋ بايلىعىن باسقارۋ كوميتەتىنە مۇشە ورىندارداعى جاۋاپتى جولداستار جانە ماماندار كوميتەتىندەگى قاتىستى ماماندار، اۆتونوميالى رايوننىڭ جانە بيڭتۋاننىڭ قاتىستى ورىندارىنداعى، قاتىستى ايماق ـ وبلىستارىنداعى جاۋاپتى جولداستار ماجىلىسكە قاتىناستى.
