سىچۋاندىق قوناقتار قار ـ مۇز مەكەنىنە كەلىپ ”شينجياڭدى قۇشۋعا“ شاقىرىلدى

　　2024 ـ جىلعى شينجياڭنىڭ قىسقى مادەنيەت ـ ساياحات جالپىلاستىرۋ قيمىلى چىڭدۋدا وتكىزىلدى

　　سىچۋاندىق قوناقتار قار ـ مۇز مەكەنىنە كەلىپ ”شينجياڭدى قۇشۋعا“ شاقىرىلدى

　　انار بۇلت \ شينجياڭ گازەتىنىڭ ٴتىلشىسى يىن لۋ 11 ـ ايدىڭ 15 ـ كۇنى چىڭدۋدان حابارلايدى. ”التىشۋار كوشەسىنەن باياننىڭ ٴۇنى شىعا ما؟ الەكساندردىڭ بولكاسى پىستى ما“؟... بۇل جالعىز ادام ايتقان جەكە ٴان بولۋمەن بىرگە، 100دەن استام ادام قوسىلا ايتقان حور، 11 ـ ايدىڭ 15 ـ كۇنى شينجياڭ كوركەمونەر تەاترحاناسى مۇقام كوركەمونەر ۇيىرمەسىنىڭ ارتيسى چىڭدۋ لۇڭحۋ بينجياڭتيان كوشەسىندە شينجياڭ بوياۋى قانىق «المانىڭ حوش ٴيىسى» ٴانىن شىرقاعاندا، سول جەردەگى كورەرمەندەر قوسىلا شىرقاپ، ”شينجياڭدى قۇشۋ“ 2024 ـ جىلعى شينجياڭنىڭ قىسقى مادەنيەت ـ ساياحات جالپىلاستىرۋ قيمىلىنىڭ چىڭدۋ بەكەتىندە سول ارانى دۋمانعا بولەدى.

　　وسى رەتكى جالپىلاستىرۋ قيمىلىن اۆتونوميالى رايوندىق مادەنيەت جانە ساياحات مەڭگەرمەسى ۇيىمداستىرعان، تۇتاس شينجياڭنىڭ ٴارقايسى ايماق، وبلىس، قالالارىنان كەلگەن مادەنيەت ـ ساياحات تانىستىرۋشىلارى، مادەنيەت، ساياحات كاسىپورىندارى، سونداي ـ اق كورىنىس ٴوڭىرى ۋاكىلدەرى، سول ارادا شىت جاڭا شينجياڭنىڭ قىسقى ساياحات لەنياسى ونىمدەرىن، قىسقى ساياحات تۇتىنۋ جونىندەگى ساياساتتاردى كورسەتىپ، سىچۋاندىق ساياحاتشىلاردى ”شينجياڭدى قۇشۋ“ ساپارىنا اتتانۋعا شاقىردى.

　　داحاي داڭعىلىنان توراڭعى ورمانىنا دەيىن، تەمىر شىڭىنان تيانشان بوعدا كولىنە دەيىن، باعراش كولىنەن قاناسقا دەيىن، قىزىل تاس ۇڭگىرىنەن يوتقان بايىرعى قالاسىنا دەيىن، بويلىقتان جالىن تاۋعا دەيىن تۇتاس شينجياڭنىڭ جەر ـ جەرىنەن كەلگەن مادەنيەت ـ ساياحات تانىستىرۋشىلارى ٴان اۋەنىنە بىرلەستىرىپ تانىستىرۋدا، سىچۋاندىق ساياحاتشىلار جانە مادەنيەت ـ ساياحات كاسىپورىندارى شينجياڭنىڭ كوپ نەگىزدى ساپالى مادەنيەت ـ ساياحات بايلىعىن، مول دا ەگجەي ـ تەگجەيلى ساياحات ونىمدەرىن، سونداي ـ اق ”ىشەر اس، تۇرارجاي، ٴجۇرىس ـ تۇرىس، ساياحات، زات ساتىپ الۋ، كوڭىل اشۋ“ جاعىنداعى تيىمدىلىكتەردى جانە ٴبىر رەت ىشكەرىلەي ۇعىستى.

　　سونىمەن بىرگە، كوپشىلىك شينجياڭنىڭ ٴوز كولىگىمەن ساياحاتتاۋ، ەرەكشە ساياحات، حالىقتىق سالت ـ سانا ساياحاتى، شەكارا ساياحاتى، ساۋىقتىرۋ ـ كۇتىمدەۋ ساياحاتى، شارلاۋ ساياحاتى سياقتىلارعا قىزۋ ىنتا بايقاتتى، سىچۋانداعى كوپتەگەن ساياحات كووپەراتيۆتەرى بىلاي دەپ قارادى: وسى ساياحات ونىمدەرىنىڭ بازار بولاشاعى جاقسى، ساياحاتشى سۇرانىسى كوپ، شينجياڭداعى ساياحات كووپەراتيۆتەرىمەن اناعۇرلىم كوپ نىسان سەلبەستىگىن جۇزەگە اسىرۋدى ٴۇمىت ەتەمىز.

　　سوڭعى جىلدارى شينجياڭ مەن سىچۋان ٴار سالاداعى سەلبەستىكتى ۇزدىكسىز تەرەڭدەتتى، سىچۋان ولكەلىك مادەنيەت جانە ساياحات مەڭگەرمەسىنىڭ 2 ـ دارەجەلى شارلاۋشىسى زوۋ جيان بىلاي دەپ قارادى: ەكى جەردەدە مول ٴارى وزىندىك ەرەكشەلىككە يە مادەنيەت ـ ساياحات بايلىعى بار، بۇل ەكى جاقتىڭ مادەنيەت ـ ساياحات سەلبەستىگىندە تىعىز بايلانىسۋىنداعى ٴارى ٴوزارا تولىقتاۋىنداعى ماڭىزدى العى شارت، وسى رەتكى تانىستىرۋ ارقىلى شينجياڭ مەن سىچۋاننىڭ مادەنيەت ـ ساياحات كاسىبىنىڭ ەكى جاقتىڭ مادەنيەت ـ ساياحات كاسىپ سالاسىنىڭ جوعارى ساپالى دامۋىن بىرگە ىلگەرىلەتۋىن ٴۇمىت ەتەمىز.

　　18 ـ كەزەكتى شينجياڭ قىسقى ساياحات كاسىپ سالاسى ساۋدا كورمەسى جانە 2023 ـ جىلعى شينجياڭ دابىرالى قار مەرەكەسى وسى ايدا شىمدىلدىعىن اشادى، شاڭعى تەبۋ، قاردا سىرعاناۋ، قاردى تاماشالاۋ، ٴوز كولىگىمەن ساياحاتتاۋ، ساۋىقتىرۋ ـ كۇتىمدەۋ، حالىقتىق سالت ـ سانا، زەرتتەۋ، ۇيرەنۋ، ٴدامدى تاعامنان اۋىز ٴتيۋ سياقتى كوپ نەگىزدى، جالپىلىق سيپاتتى قار ـ مۇز ساياحاتى ۇلگىسىن ارقاۋ ەتە وتىرىپ، شينجياڭ مادەنيەت ـ ساياحات كاسىبى 15 سارا لەنيانى ۇسىندى.

　　”مىڭ ەستىگەننەن ٴبىر كورگەن ارتىق، مىڭ كورگەننەن ٴبىر رەت باستان كەشىرگەن ارتىق. ٴبىز شينجياڭنىڭ ساپالى مادەنيەت جانە ساياحات بايلىعىن ۇزدىكسىز ويداعىداي اشىپ، ويداعىداي ايگىلەپ، ويداعىداي پايدالانىپ، نەگىزدىك قۇرىلعى قۇرىلسىن ونان ارى زورايتىپ، ساپار حاۋىپسىزدىگىن قامتاماسىز ەتۋ جانە كورىنىس اۋماعىنىڭ قىزمەت وتەۋ ساپاسىن جوعارىلاتىپ، ينفورماتسيامەن قامداۋ جانە اقشا تولەۋدى قولايلىلاستىرۋدى ساپالىلاندىرىپ، اناعۇرلىم كۇشتى ىقپالعا يە مادەنيەت ـ ساياحات ونىمدەرىن جاراتىپ، جوبالاپ، ٴاربىر جەردى سان مىڭداعان ساياحاتشىلار اڭسايتىن ساياحات نىسانالى جەرىنە اينالدىرىپ، كوپشىلىككە كەلگەنىنە وپىق جەمەيتىن سەزىم سيلايمىز“، ـ دەدى اۆتونوميالى رايوندىق مادەنيەت جانە ساياحات مەڭگەرمەسىنىڭ 2 ـ دارەجەلى شارلاۋشىسى ۋاڭ جيە.

　　سول كۇنى جانە 2024 ـ جىلعى شينجياڭ مادەنيەت ـ ساياحات كاسىپورىندارىنىڭ دالمە ـ ٴدال ٴتۇيىلىستىرۋ ٴماجىلىسى (چىڭدۋ بەكەتى) وتكىزىلدى، جۇڭگو جاستار ساياحات كووپەراتيۆى باس كووپەراتيۆى شينجياڭ حالىقارالىق ساياحات كووپەراتيۆى شەكتى جاۋاپكەرشىلىك سەرىكتەستىگى، حوتان يۇيدۋ مادەنيەت ـ ساياحات شەكتى سەرىكتەستىگى، شينجياڭ شياۋياۋ جياچي حالىقارالىق ساياحات كووپەراتيۆى شەكتى سەرىكتەستىگى، شينجياڭ مەيچىڭ زايشيان حالىقارالىق ساياحات كووپەراتيۆى شەكتى جاۋاپكەرشىلىك سەرىكتەستىگى سىچۋاننىڭ جەرگىلىكتى ورنىنداعى 4 مادەنيەت ـ ساياحات كاسىپورنىمەن جەكە ـ جەكە نىسان سەلبەستىك كەلىسىمىنە قول قويدى.