تيانشان تورى - شينجياڭ گازەتىنىڭ حابارى ( ٴتىلشى ياۋ گاڭ حابارلايدى). 11 ـ ايدىڭ 22 ـ كۇنى تۇستەن بۇرىن 18 ـ كەزەكتى شينجياڭ قىسقى ساياحات كاسىپ سالاسى ساۋدا كورمەسى (تومەندە قىسقارتىلىپ ”قىسقى ساياحات كورمەسى“ دەلىنەدى) جانە 2024 ـ جىلعى شينجياڭ دابىرالى قار مەرەكەسى شينجياڭ حالىقارالىق ٴماجىلىس ـ كورمە ورتالىعىندا باستالدى.
11-ايدىڭ 22-كۇنى تۇستەن بۇرىن 18 ـ كەزەكتى شينجياڭ قىسقى ساياحات كاسىپ سالاسى ساۋدا كورمەسى جانە 2024 ـ جىلعى شينجياڭ دابىرالى قار مەرەكەسى شينجياڭ حالىقارالىق ٴماجىلىس ـ كورمە ورتالىعىندا باستالدى. سۋرەتتى تيانشان تورى - شينجياڭ گازەتىنىڭ ٴتىلشىسى ياۋ گاڭ تۇسىرگەن
وسى كەزەكتى قىسقى ساياحات كورمەسى جانە 2024 ـ جىلعى شينجياڭ دابىرالى قار مەرەكەسى ”قار ـ مۇز جىبەك جولى . شينجياڭىم“ دەگەندى نەگىزگى تاقىرىپ ەتىپ، قار ـ مۇز ساياحاتىن، دەنە تاربيە جارىستارىن، قىسقى تۇتىنۋدى ورگانيكالى ۇشتاستىرىپ، ساياحات پەن دەنە تاربيەنىڭ، قامداۋ مەن تۇتىنۋدىڭ، مەرەكە مەن جارىستىڭ، عىلىم ـ تەحنيكا مەن جابدىقتاردىڭ كوپ جاقتى توعىسۋىن بەلسەنە ىلگەرىلەتەدى. قازاقستان، مالايزيا سياقتى 10 مەملەكەتتەن كەلگەن كورمەگە قاتىناسۋشى ساۋداگەرلەر، سونداي ـ اق ەل ٴىشى ـ سىرتىنان 400دەن استام كاسىپورىن كورمەگە قاتىناسادى.
17 ـ كەزەكتى قىسقى ساياحات كورمەسىن ٴساتتى وتكىزۋ شينجياڭنىڭ قىسقى مادەنيەت ـ ساياحاتىنىڭ دامۋىن جەبەيتىن جانە جەتەكتەيتىن، شينجياڭنىڭ قار ـ مۇز بايلىعى مەن قار ـ مۇز مادەنيەتىن ايگىلەيتىن ماڭىزدى تەرەزەگە اينالدى. شينجياڭ دابىرالى قار مەرەكەسى جاڭالىق اشۋ ارقىلى سومدالعان قار ـ مۇز ٴتۇيىندىIPى. بيىلعى دابىرالى قار مەرەكەسىنىڭ وزەكتى جارىسى ”FWT دۇنيە جۇزىلىك دالالىق شاڭعى اينالمالى جارىسى“ جىكبەلەڭ حالىقارالىق شاڭعى دەمالىس اۋماعىندا وتكىزىلەدى، دۇنيە ٴجۇزىنىڭ جەر ـ جەرىنەن، ەل ىشىندەگى كلۋبتاردان كەلگەن 150دەن استام ساڭلاق تۇگەل سىننان وتەدى. وسى ارالىقتا 18 ٴتۇرلى نەگىزگى سايكەستى قيمىل جانە 222 قار ـ مۇز ساياحاتى، قار ـ مۇز جارىسى قيمىلى شينجياڭنىڭ جەر ـ جەرىندە ورىستەتىلەدى.
سوڭعى جىلدارى شينجياڭ ساپالى قار ـ مۇز بايلىعىن تياناق ەتىپ، قار ـ مۇز ونىمدەرىنىڭ كاسىپ كۇيىن بايىتىپ، قار ـ مۇز ساياحاتى ماركاسىن جاراتىپ، قار ـ مۇز بايلىعى ارتىقشىلىعىن قار ـ مۇز ەكونوميكاسىنىڭ دامۋ ارتىقشىلىعىنا اينالدىرۋدى ىلگەرىلەتىپ، دۇنيە ٴجۇزىنىڭ قار ـ مۇز ساياحاتىنداعى نىسانالى جەر قۇرىلىسىن جەدەل ىلگەرىلەتتى. ”قىستا شينجياڭعا كەلىپ شاڭعى تەبۋ“ ورلەۋى ۇزدىكسىز جوعارىلاپ، قار ـ مۇز ساياحاتى ماركاسىنىڭ ونىمدىلىگى ۇزدىكسىز كورنەكتىلەندى.
اۆتونوميالى رايون باسشىلارىنان ۋاڭ جيانشين، ٴمامتىمىن قادىر، سۇن حۇڭمەي، باتۋ اشىلۋ سالتىنا قاتىناستى.
