انار بۇلت \ شينجياڭ گازەتىنىڭ تىلشىلەرى ۋاڭ نا، ٴجازيرا نەسىپبەك
جىجياڭنىڭ نيڭبوسى ٴميناۋار ٴاليدىڭ مەكەنىنەن 5000 كيلومەتردەن استام قاشىقتىقتا.
18 جىلدىڭ الدىندا ٴميناۋار تۇڭعىش رەت قۇمدى ٴشولدىڭ جيەگىندەگى شاعىن قالاشىقتان وسى اراعا كەلدى. كوگىلدىر تەڭىز ونىڭ اۋىلعا ساعىنىشىن باسا المادى، ”ۇيدەن نەدەگەن الىس، ويلاعانىمنان دا ۇزاق ەكەن“، ”بولدى، ۇيگە قايتايىن“، ـ دەپ جىلاپ جىبەردى ول.
مۇعالىمنىڭ، ساباقتاستارىنىڭ قامقورلىعى بولماشى ۇشقىن ىسپەتتى ”جول ورتادان قايتۋدى ويلاعان“ شينجياڭدىق بويجەتكەنگە قۋات بەردى. كەيىن ول وسى ارادا قالدى ٴارى بىرتىندەپ نيڭبو كاسىپتىك تەحنيكالىق شۋەيۋانىنىڭ جەتەكشىسى بولىپ جەتىلىپ، ٴوزىنىڭ كۇش ـ قۋاتىمەن ٴتىپتى دە كوپ بالانىڭ ارمانىنا قانات ٴبىتىردى.
ءميناۋار ءالي (الدىڭعى قاتاردىڭ ورتاسىندا) وقۋشىلارمەن بىرگە مەكتەپ اۋلاسىندا كەتىپ بارادى. سۋرەتتى تىلشىلىك قابىلداۋشى قامداعان
وقۋشىلاردىڭ ”جول باستاۋشىسى“ بولدى
11 ـ ايدىڭ 1 ـ كۇنى تۇستەن بۇرىن نيڭبو قالاسىندا نوسەر قۇيدى، نيڭبو كاسىپتىك تەحنيكالىق شۋەيۋانى ”ٴميناۋار قىزمەت كەڭسەسىندە“ ٴميناۋار بار زەيىنىمەن لەكسيا قولجازباسىن وزگەرتىپ جاتقانىندا، قۇلاعىنا: ”مۇعالىم، سالەمەتسىز بە، وقۋشىلار ىستەرى ورتالىعىنا قالاي بارادى...“ دەگەن داۋىس ەستىلدى، داۋىس وتە تومەن، سىرتتا قۇيىپ تۇرعان نوسەر داۋىسى بۇل داۋىستى باسىپ كەتكەن سياقتى.
باسىن كوتەرگەن ٴميناۋار ەسىكتىڭ الدىندا تۇرعان ۇيالشاق قىز وقۋشىنى كوردى. قىزمەت كەڭسەسى 1 ـ قاباتتا بولعاندىقتان، جول سۇراي كەلەتىن جاڭادان مەكتەپكە قابىلدانعان وقۋشىلار كوپ بولاتىن. ٴميناۋار كۇلىمسىرەپ، سابىرلىلىقپەن جول كورسەتىپ، بەينە كەزىندەگى ٴوزىن كورگەندەي بولۋشى ەدى.
1986 ـ جىلى ٴميناۋار قاشقار ايماعى يوپۇرعا اۋدانىنداعى قوس قىزمەتكەر وتباسىندا تۋعان. ول ەسەيگەن جىلدارى جەرگىلىكتى ورىنداعى ادامدار قوڭىرقالتا تۇرمىس كەشىرەتىن، يدەيالارى دا وتە ەسكىشىلدەۋ بولاتىن، اۋەلى، وڭتۇستىك شينجياڭدا كوپتەگەن اتا ـ انا وقۋدىڭ پايداسى جوق، قىز بالا ەسەيگەننەن كەيىن ەرتەرەك كۇيەۋگە شىعۋى كەرەك دەپ قارايتىن.
اۋەلى، جوعارى مەكتەپ ەمتيحانى اياقتاعاننان كەيىن، ٴميناۋار شينجياڭ سىرتىنداعى داشۋەلەردى تالاپ كەستەسىنە تولتىرۋ ـ تولتىرماۋ جونىندە ٴارى ـ ٴسارى بولعاندا، شەشەسى ونىڭ قولىن قاتتى قىسىپ تۇرىپ: ”سەن قايدا بارساڭ دا، شەشەڭ سەنى قولدايدى“، ـ دەدى.
2006 ـ جىلى 9 ـ ايدا ٴميناۋار بىرنەشە ساباقتاسىمەن بىرگە نيڭبو داشۋەسىنە كەلىپ تىزىمدەلەدى. پويەزدەن اۆتوكولىككە اۋىسىپ، نيڭبوعا جەتكەندە ٴتۇن ورتاسى بولعان ەدى، مەكتەپكە قالاي بارۋ كەرەك، ول داعدارىپ قالدى. سەبەزگىلەگەن جاڭبىردا اۆتوكولىك ايالداماسىنىڭ ماڭىنداعى ٴبىر كىشكەنە دۇكەننىڭ عانا شامى جانىپ تۇرعان ەدى. قالجىراۋمەن بىرگە ۇرەي باسقان ول جەتەكشىسىنە تەلەفون شالادى، ويلاماعان جەردەن ٴبىر شالعاندا ـ اق تەلەفون جالعانادى، ”ساباقتاس ابىرجىما، سول ورنىڭدا توسىپ تۇر، مەن قازىر بارامىن“.
جەتەكشىسىنىڭ ٴتۇن ورتاسىندا ”وتكەلدەن وتكىزۋى“ وعان بۇدان كەيىن وقۋشىلاردى ”وتكەلدەن وتكىزۋشى“ بولۋعا بەلىن بەكەم بايلاتتى.
العاش مەكتەپكە كىرگەندە، كلاس جەتەكشىسى تاڭەرتەڭ ەرتە ىستىق بۇرشاق ۋىزىن، ماي شۇيكە اكەلىپ بەردى؛ كۇن سۋىعاندا، كومپيۋتەر مۇعالىمى 2 پوپايكا اكەلىپ بەردى... مۇعالىمداردىڭ قامقورلىعى ٴميناۋاردىڭ جۇرەگىن جىلىتتى، ول مەكتەبىن ٴسۇيدى، سۇيىسپەنشىلىككە تولى قالاعا قۇمارتتى.
2011 ـ جىلى ٴميناۋار ۇسىنىس بويىنشا نيڭبو كاسىپتىك شۋەيۋانىنىڭ جەتەكشى مۇعالىمدىق قىزمەت ورنىنا قابىلداندى. ول ٴاربىر وقۋشىنىڭ جاتاق عيماراتىن، وتباسى جاعدايىن، ماماندىعىن، اۋەسىن ەستەلىككە الدى، ولارعا سەرىك بولىپ ۇيرەندى، دوپ وينادى، كورمەنى ارالادى، ولاردى باستاپ ادەبيەت ـ كوركەمونەر كونسەرتىنە، الەۋمەتتىك يگىلىك قيمىلدارىنا قاتىناستى... قىزمەت، دەمالىس كەزىندە دە وقۋشىلاردىڭ جانىنان تابىلىپ، تاۋلىك بويى تەلەفون قابىلداۋمەن ابىگەر بولدى.
بىلىنبەي ٴجۇرىپ، ٴميناۋار وقۋشىلاردىڭ سەنىمدى سەرىگىنە، بۇكپەسىز سىر شەرتىسەتىن، كوڭىلدەگى سىرلارىن بولىسەتىن ”ٴميناۋار اپەكەسىنە“ اينالدى.
اقيدا قاسىمنىڭ ٴۇيى ٴۇرىمجى قالاسىندا، بيىل داشۋەنىڭ 2 ـ جىلدىعىندا وقيدى. ەندى عانا نيڭبوعا بارعانىندا جەرگىلىكتى ورىننىڭ كليماتى مەن اس ـ سۋىنا ۇيلەسە الماي، ۇنەمى كورپەسىنە تىعىلىپ جىلاي بەرەتىن. ”ٴميناۋار اپەكە ۇنەمى ٴبىزدى ۇيىنە شاقىرىپ، بىزگە داپانجي جاساپ، پالاۋ باسىپ، كاۋاپ پىسىرىپ بەرەدى. پالاۋ جەگەنىمىزدە بەينە ۇيگە قايتقانداي بولامىز“، ـ دەدى اقيدا جۇزىنەن باقىت لەبى ەسىپ.
ٴميناۋار ساتىعا، تۇرگە، مەزگىلگە ٴبولىپ قىزمەت وتەۋدىڭ، باسقارۋدىڭ ”ٴميناۋار قىزمەت ٴادىسىن“ قورىتىندىلاپ، جاڭا وقۋشىلاردىڭ مەكتەپكە ٴتۇسۋ، وقۋ، تۇرمىس، قوعامدىق اماليات، مەكتەپ بىتىرگەننەن كەيىن اۋىلعا قايتۋ، وقۋ تاۋىسىپ اۋىلىنا قايتۋ، ۇستاز ەڭبەگىن اقتاۋ سياقتى جالپى بارىستىق جەتەكشىلىك ەتۋ مەحانيزمىن ورناتتى. ول تاعى باس بولىپ قۇرعان ”ٴميناۋار قىزمەت كەڭسەسى“، ”جۇڭحۋا ۇلتى ورتاق تۇلعا تانىمىن بەكەمدەۋ جونىندەگى سارا لەكسياسى“ ساباعى يدەيا ـ ساياسي ساباعىن جاندى دا قىزىقتى ەتىپ وتۋگە مۇمكىندىك جاسادى.
2017 ـ جىلى قۇرىلعان ”ٴميناۋار قىزمەت كەڭسەسى“ ”ومىرشەڭ كۇشكە تولى وداق ياچەيكاسىن“ جەتىلدىرۋ، ”الەۋمەتتىك يگىلىك بويىنشا قىزمەت وتەۋ ۇجىمىن“ ۇيىمداستىرۋ، ”بۇلتتىق ميكرو ساباقحاناسىن“ قۇرۋ سياقتى ”التى ٴبىر“ ينجەنەرياسى ارقىلى وقۋشىلارعا ٴوز تالانتتارىن ساۋلەلەندىرەتىن، ەسەيىپ شىڭدالاتىن تۇعىر ازىرلەدى. ٴميناۋار وقۋشىلاردى باستاپ ٴتۇرلى مەكتەپ اۋلاسى مادەنيەتىن، قوعامدىق پراكتيكا اماليات قيمىلىن ورىستەتتى.
”نيڭبو ماعان مەيىر سيلادى، مەن دە ٴوز كۇشىمدى ارناپ، وقۋشىلارعا كومەكتەسىپ وقۋشىلاردىڭ نيڭبوعا ٴتىپتى دە ويداعىداي، ٴتىپتى دە تەز ٴسىڭىپ، وسى ارادا ەسەيىپ ـ ەرجەتۋىنە كومەكتەسسەم دەيمىن“، ـ دەدى ٴميناۋار.
اناعۇرلىم كوپ ”انار ٴدانىن“ باۋلىدى
”مەنىڭ وقۋشىلارىم ٴموپ ـ ٴمولدىر اناردىڭ دانىندەي“، ”ولاردىڭ كەيبىرەۋى جىجياڭدا قالدى، كەيبىرەۋى اۋىلىنا قايتىپ ەكونوميكالىق، قوعامدىق دامۋدى ىلگەرىلەتۋگە، ۇلتتار ىنتىماعىن قورعاۋعا كۇش قوسۋدا“. 11 ـ ايدىڭ 4 ـ كۇنى جىجياڭ ولكەسى حۋجوۋ قالاسى دىچيڭ اۋدانىندا ٴميناۋار ساباق مىنبەسىنە شىعىپ، مەكتەپ اۋلاسىنداعى ٴار ۇلت وقۋشىلارىنىڭ بىرگە ۇيرەنۋ، الەۋمەتتىك يگىلىك ىستەرىمەن بىرگە اينالىسۋ، بىرگە ەسەيىپ ـ ەرجەتۋ حيكاياسىن ٴبولىستى.
تاياۋدا ٴميناۋارعا ”مەملەكەتتىك ۇلتتار ىنتىماعىنداعى، العاباسارلىعىنداعى ۇلگىلى جەكە“ اتاعى بەرىلدى. بەيجيڭنەن نيڭبوعا قايتىپ كەلگەننەن كەيىن، ول دامىل تاپپاي ٴتۇرلى قالالاردا، مەكتەپتەردە، الەۋمەتتىك اۋماقتاردا ۇگىت لەكسيا جاسادى.
”ٴميناۋار اپەكەم قاشاندا وسىلاي ىستەيدى، وراتى كەلسە بولدى وقۋشىلارىن ماقتايدى“. كورەرمەندەر ورنىندا ٴمۇتالىپ ٴماتتۇردى شاپالاق سوعىپ تۇرىپ وسىلاي دەدى. 21 جاستاعى ول ٴميناۋاردىڭ وقۋشىسى، بيىل 6 ـ ايدا مەكتەپ بىتىرگەن، قازىر ”ٴميناۋار قىزمەت كەڭسەسىنىڭ“ ارناۋلى كومەكشىسى.
ٴمۇتالىپ داشۋەدەگى 3 جىلدا وقىتۋشىسىنىڭ ماقتاۋىندا باسقا ٴبىر ادامعا وزگەرگەندەي بولدىم دەپ ويلايدى، ”ٴۇيىم حوتاننىڭ اۋىل ـ قىستاعىندا، داشۋەگە وقۋعا تۇسۋدەن بۇرىن، بارعان ەڭ الىس جەرىم قاشقار قالاسى ەدى. نيڭبوعا العاش كەلگەندە پۋتۇڭحۋام وتە ناشار بولاتىن، زات ساتىپ العاندا سويلەۋدەن تارتىناتىنمىن“، ـ دەدى.
مىنەزى تۇيىق ٴمۇتالىپ ٴتىپتى دە قوراشسىنىپ، اڭكى ـ تاڭكى بولادى. ٴميناۋار ونى داشۋەگە وتە الۋىڭنىڭ ٴوزى ۇيرەنۋ قابىلەتىڭنىڭ وتە كۇشتى ەكەندىگىن تۇسىندىرەدى دەپ شابىتتاندىرادى، سونداي ـ اق ونى ”ٴميناۋار قىزمەت كەڭسەسى“ مەملەكەتتە ٴبىر تۇتاس قولدانىلاتىن ٴتىل ـ جازۋعا باۋلۋ ۇجىمىنىڭ ساباعىن تىڭداۋعا اپارىپ، ٴبىر ـ ٴبىر ارىپتەن وعان دىبىستاۋدى ۇيرەتەدى.
”ٴميناۋار اپەكە ماعان ۇزدىكسىز وراي بەرىپ، مىندەت ارقالاتتى، 3 جىلدان بەرى مەن نەداۋىر تولىستىم“. ٴمۇتالىپ بىلاي دەدى: مەنىڭ پۋتۇڭحۋا دەڭگەيىم 2 ـ دارەجەلى B دەڭگەيگە جەتىپ، ”ٴميناۋار قىزمەت كەڭسەسى“ مەملەكەتتە ٴبىر تۇتاس قولدانىلاتىن ٴتىل ـ جازۋعا باۋلۋ ۇجىمىنىڭ نەگىزگى لەكتورىنا اينالدىم، اپتاسىنا، از دەگەندە، 3 رەت جىجياڭ ولكەسىنىڭ كوپ جەرىنە بارىپ، شينجياڭدىق جۇمىسكەرلەرگە پۋتۇڭحۋانى مىندەتتى تۇردە ۇيرەتەمىن.
”ٴميناۋار قىزمەت كەڭسەسى“ مەملەكەتتە ٴبىر تۇتاس قولدانىلاتىن ٴتىل ـ جازۋعا باۋلۋ ۇجىمى _ ٴميناۋاردىڭ داشۋە وقۋشىلارىن باستاپ قۇرعان الەۋمەتتىك يگىلىك قىزمەت وتەۋ ۇجىمى، ولاردىڭ مىندەتى _ شينجياڭدىق جۇمىسكەرلەر ٴبىرشاما شوعىرلانعان كاسىپورىن، الەۋمەتتىك اۋماق سياقتىلارعا بارىپ پۋتۇڭحۋا بويىنشا باۋلۋ، شەبەرلىككە باۋلۋ، ت. ب. قازىر 1000عا جۋىق جۇمىسكەردىڭ شىعىس بولىكتەگى تەڭىز جاعالاۋىنداعى قالالاردا ورنىقتى جۇمىستانۋىنا كومەكتەسىپ ۇلگىردى.
نيڭبو كاسىپتىك شۋەيۋانى وقۋشىلار قىزمەتى ٴبولىمىنىڭ باستىعى چىن جىشۇن بىلاي دەدى: مەكتەپتىڭ ”مەكتەپ پەن جەرگىلىكتى ورىن بىرگە قۇرۋ“ سەلبەستىك مەحانيزمىن ورناتۋىنداعى ماقسات _ ۇلتتاردىڭ تاتۋ ـ ٴتاتتى ٴوتۋىن، ٴبىر جاعادان باس، ٴبىر جەڭنەن قول شىعارۋىن، جاراسىمدى دامۋىن جەبەۋ. قازىر ”ٴميناۋار قىزمەت كەڭسەسىنىڭ“ رولى مەكتەپپەن عانا شەكتەلمەيدى، ول كوپىرگە، بايلانىس كوپىرىنە، اۋىس ـ كۇيىس كوپىرىنە، دوستىق كوپىرىنە ٴتىپتى دە ۇقسايدى.
يۇي داندان يۇنناننان كەلگەن جۋاڭزۋ بويجەتكەن، نيڭبو كاسىپتىك شۋەيۋانى ساۋدا اعىلشىن ٴتىلى ماماندىعىنىڭ 3 ـ جىلدىق وقۋشىسى. داشۋەنىڭ 1 ـ جىلدىعىندا يۇي داندان ”باقىت انار ٴدانى“ ۇگىت لەكسيا اترەتىنە قاتىناسىپ، ميناۋارمەن بىرگە جىجياڭنىڭ جەر ـ جەرىندە ۇلتتار ىنتىماعىن ۇگىتتەدى. قىسقى، جازعى دەمالىس كەزىندە ول اۋىلىنا قايتىپ، اۋىلداستارىنا سىرتتا ۇيرەنۋدەن العان تابىستارىن اڭگىمەلەپ بەردى، سونداي ـ اق نيڭبودا ٴار ۇلت اعا ـ باۋىر، اپەكە ـ سىڭلىلەردىڭ قالاي ىنتىماقتاسا كۇرەس جۇرگىزگەندىگىن اڭگىمەلەدى.
10 جىلدان بەرى، ۇگىت لەكسيا اترەتى جىجياڭ، شينجياڭ، گانسۋ، نيڭشيا سياقتى كوپتەگەن ولكەدەگى (توتە قاراستى قالا، اۆتونوميالى رايون) 49 اۋدانعا (رايون، قالا) بارىپ، 670 رەتتەن استام ۇگىت لەكسيا قيمىلىن ورىستەتىپ، شارپىعان ادام سانى 80 مىڭنان (رەت) استى.
ٴميناۋاردىڭ ٴالى ەسىندە، كوپ جىلدىڭ الدىندا گۇيجوۋ ولكەسى چيانشينان بۋ ـ يزۋ، مياۋزۋ اۆتونوميالى وبلىسىندا ۇگىت لەكسيا جاساعاندا، ول الىستاعى تاۋدى نۇسقاپ تۇرىپ كوپشىلىكتەن: ”تاۋدىڭ ارعى جاعىندا نە بار“؟ ـ دەپ سۇراعاندا، 13 _ 14 جاستارداعى ٴبىر قىز بالا: ”تاۋدىڭ ارعى جاعىندا تاعى دا تاۋ بار“، ـ دەپ جاۋاپ بەرەدى. ول بالاعا: ”تاۋدىڭ ارعى جاعىندا كەڭ كوسىلگەن ٴورىس بار“، ـ دەيدى.
بيىل 8 ـ ايدا ٴميناۋار وسى قىز بالانىڭ تەلەفونىن قابىلدايدى _ تەلەفوندا ول جىجياڭداعى داشۋەگە قابىلدانىپ، سول كەزدەگى ارمانىن جۇزەگە اسىرعاندىعىن، ۇگىت لەكسيا اترەتىنە قاتىناسىپ، ”اناردىڭ ٴدانى“ بولۋدى ويلايتىندىعىن ايتادى.
ٴميناۋار: مىنە بۇل 10 جىلدىق تاباندىلىقتىڭ ٴمانى، ـ دەدى.
جاستىق كوكتەمگە كۇرەس ٴتۇسىن بەردى
11 ـ ايدىڭ 14 ـ كۇنى تۇستەن كەيىن ۇرىمجىدە قىرباق قار جاۋدى، يان ـ ان جولىنا ورنالاسقان ٴبىر كەڭسە عيماراتىندا ٴدىلمۇرات عيني ۇجىم باستاپ تىكە تاراتۋدا زات ساتىپ جاتتى، توراپتاستار لەبىز قالدىرىپ، كەڭەس سۇراپ، تاپسىرىس بەرۋدە، ينتەرنەت جەلىسىندە، ينتەرنەت جەلىسىنەن تىسقارى قاۋىرت جۇمىس جۇرگىزىلۋدە.
ەلەكتروندى ساۋدا مايتالمانى بولعان ٴدىلمۇراتتىڭ بۇگىنگى كۇندە وزىنە سەنىمى مىعىم. الايدا بىرنەشە جىلدىڭ الدىندا ول مۇنداي ەمەس ەدى. نيڭبو كاسىپتىك شۋەيۋانىندا وقىپ جۇرگەن كەزىندە وتباسىندا قيىنشىلىق بولعاندىقتان، ٴميناۋار ونىڭ جۇمىس ىستەي ٴجۇرىپ وقۋ جۇمىس ورنىن ٴوتىنىش ەتۋىنە كومەكتەسەدى. مەكتەپ بىتىرگەننەن كەيىن ٴدىلمۇرات ۇرىمجىگە قايتىپ كەلىپ شارۋاشىلىق قۇرىپ، بەزەنۋ بۇيىمدارىن جانە تازالىق بۇيىمدارىن ۋاكىلەتتى ساتادى، كەيىن ٴوز ماركاسىن جاراتادى، سوڭعى 2 جىلدا سەرىكتەستىگىنىڭ جىلدىق ساتىلىم سوماسى 10 ميلليون يۋاننان اسادى.
2019 ـ جىلى ٴدىلمۇرات كاسىبىن جاڭادان باستاعاندا، انا مەكتەبىنە 10 مىڭ يۋان جىلۋ اتاپ، مۇقتاجى بار ٴىنى ـ قارىنداستارىنا كومەكتەسەدى. ”ٴميناۋار اپەكەم كەزىندە بىزگە تابىسقا جەتۋدىڭ العاشقى قادامى شىن جۇرەكتەن العىس ايتا بىلۋدە دەيتىن. مەن وقۋعا كومەك قورىن قۇرىپ، قيىنشىلىعى بار اناعۇرلىم كوپ وقۋشىنىڭ وقۋىن تامامداۋىنا كومەكتەسۋدى جوسپارلاپ وتىرمىن“، ـ دەدى ٴدىلمۇرات.
وقۋشىلاردىڭ ٴوسىپ ـ جەتىلۋى ٴميناۋارعا باقىت سەزىمىن سيلادى جانە وعان سۇيىنەدى.
10 - ايدىڭ 31 - كۇنى ءميناۋار ءالي ”اعا ساباقتاستارمەن جۇزدەسۋ“ نەگىزگى تاقىرىبىنداعى كلاس جيىنىن وتكىزىپ، وقۋشىلاردىڭ تۇيتكىلدەرىن شەشىپ بەردى. سۋرەتتى انار بۇلت \ شينجياڭ گازەتىنىڭ ءتىلشىسى ۋاڭ نا تۇسىرگەن
قادىردان ابدۇشكۇر ٴميناۋار جەتەكتەگەن 1 ـ كەزەكتەگى وقۋشى، مەكتەپ بىتىرگەننەن كەيىن توقسۋ اۋداندىق سالىق مەكەمەسىنىڭ كادرى بولدى. ٴپايزاۋات اۋدانى حوشاۋات قالاشىعى يۇگەمەچىلىك قىستاعىندا قىستاقتا تۇرعاندا، ول ٴار كۇنى تاڭەرتەڭ ورنىنان تۇرعاننان شام سونگەنشە قاربالاس جۇمىس ىستەپ، بار امالدى قولدانىپ اۋىلداستاردىڭ ٴوندىرىس، تۇرمىس بارىسىنداعى قيىنشىلىعىن شەشۋىنە كومەكتەسىپ، كوپشىلىكتى كىرىستەرىن ارتتىرىپ، بايۋعا باستادى. قىزمەتتى جاقسى ىستەگەندىكتەن، 2018 ـ جىلى اۆتونوميالى رايوننىڭ كەدەيلىكتەن ارىلتۋدان قامال الۋ سيلىعىنا يە بولدى.
2023 ـ جىلى مەكتەپ بىتىرگەن ما لەي وقۋداعى كەزىندە ”ٴميناۋار قىزمەت كەڭسەسى“ ۇيىمداستىرعان ٴتۇرلى قيمىلدارعا ٴبىرىن قالدىرماي قاتىناسقاندىقتان، بارعان سايىن سوزگە شەشەن بولا تۇسەدى. مەكتەپ ٴبىتىرۋدىڭ الدىندا ول قىسقاشا ٴومىر بايان جازعاندا امالياتتىق كەشىرمەسىن A4 قاعازعا 3 بەت تولتىرىپ جازادى، بۇل ونىڭ نيڭبوداعى ٴبىر مەديا سەرىكتەستىگىنە ديكتورلىققا قابىلدانعاندا كوپتەگەن جۇمىس ىزدەۋشىلەردىڭ ىشىنەن توپ جارىپ العا شىعۋىنا مۇمكىندىك جاساپ، قىزمەت ورايىنا يە بولادى. قازىر ما لەي تاڭداۋلى ديكتور بولىپ، نيڭبودا تۇرىپ قالدى.
2023 ـ جىلدىق وقۋشىسى لي كاڭۋىننىڭ قاعاز قيما قيۋعا شەبەر ەدى. ”ٴميناۋار قىزمەت كەڭسەسى“ الەۋمەتتىك يگىلىك قيمىلىن وتكىزگەندە، ول ماڭايداعى بالاباقشاسى، الەۋمەتتىك اۋماق تۇرعىندارىنا قاعاز قيمانىڭ تاريحي توركىنىن، كوركەمونەرلىك ەرەكشەلىگىن ٴتۇسىندىرىپ، كوپشىلىكپەن بىرگە قاعاز قيادى. ”وسىنداي ٴتاسىل ارقىلى جۇڭحۋانىڭ تاڭداۋلى ٴداستۇرلى مادەنيەتىن تاراتۋ توتەنشە ماعىنالى“، ـ دەدى لي كاڭۋىن.
2011 ـ جىلى 9 ـ ايدان قازىرگە دەيىن ٴميناۋار جالپى 10 كەزەكتە 28 ۇلتتان 5000عا جۋىق مەكتەپ بىتىرگەن وقۋشى تاربيەلەدى، وقۋشىلارى باقباق سياقتى بۇكىل ەلدىڭ جەر ـ جەرىنە تارالدى. شۇعىلدانعان ماماندىقتارى تۇرلىشە بولعانىمەن، الايدا ولاردىڭ جاستىق كوكتەمدەرى مەيىرگە تولى ٴارى شۇعىلالى ەدى.
تاياۋدا ٴميناۋار ٴىشىنارا وقۋشىلاردا مەكتەپ ٴبىتىرۋ الدىنداعى الاڭداۋشىلىق بار ەكەندىگىن، مەكتەپ ٴبىتىرۋ باسەكەسى مەن قىسىمىنا ٴدوپ كەلگەندە نە ىستەرىن بىلمەي داعدارىپ قالعاندىعىن ۇعىسادى. ول ”اعا ـ اپەكەلەرمەن اڭگىمە“ نەگىزگى تاقىرىپتىق كلاس جيىنىن ۇيىمداستىرىپ، ما لەي سياقتى بۇرىن مەكتەپ بىتىرگەن 3 وقۋشىنى كوپشىلىكتىڭ كوڭىل تۇيىنشەگىن شەشۋگە ۇسىنىس ەتەدى.
اعا ـ اپەكەلەرمەن اڭگىمە ادامدى اسەرلەندىرەدى. اياقتالعاندا وقۋشىلار زور داۋىسپەن وزدەرىنىڭ كۇرەس نىسانالارىن ايتادى، كەيبىرەۋى اسكەرگە قاتىناسىپ وتاندى قورعايمىن دەسە، كەيبىرەۋى بۇعالتىر بولامىن، تاعى بىرەۋلەرى مۇعالىم بولامىن دەيدى...
ٴميناۋار كوپشىلىككە جاستىق كوكتەمنىڭ تولقىن جارا العا ىلگەرىلەۋ ەكەندىگىن، ال كۇرەستىڭ جاستىق كوكتەمنىڭ ەڭ كوركەم نەگىزگى ٴتۇسى ەكەندىگىن ايتادى.
