شينحۋا اگەنتتىگىنىڭ 11 ـ ايدىڭ 24 ـ كۇنى بەيجيڭنەن بەرگەن حابارى. شينحۋا اگەنتتىگى 11 ـ ايدىڭ 24 ـ كۇنى «تاريحتىڭ دۇرىس جاعىندا تۇردى _ ٴتوراعا شي جينپيڭنىڭ 20 ەل توبى باسشىلارىنىڭ 19 ـ رەتكى باسشىلار ماجىلىسىنە قاتىناسۋى ٴارى برازيليادا مەملەكەتتىك ساپاردا بولۋى جونىندە ەستەلىك» اتتى كولەمدى ادەبي حابار جاريالادى.
ماقالادا بىلاي دەلىندى: جەرگىلىكتى ۋاقىت 11 ـ ايدىڭ 21 ـ كۇنى تاڭەرتەڭ ٴتوراعا شي جينپيڭ وتىرعان ارناۋلى ۇشاقتىڭ تاڭ ساۋلەسىنە مالىنىپ برازيليانىڭ استاناسى برازيليادان كوككە كوتەرىلۋىمەن 2024 ـ جىلعى ۋاقىتى ەڭ ۇزىن، ساپارى ەڭ ۇزاق ٴبىر رەتكى ٴىرى ەل ديپلوماتيا ارەكەتى تاريحقا جازىلدى.
وتكەن ىستەر _ ەندىگى ىستەردىڭ باستاماسى.
بۇل _ ”جۇڭگو _ لاتىن امەريكاسى ۋاقىتىنىڭ“ جاڭا باستالۋى. ٴتوراعا شي جينپيڭ پەرۋدە، برازيليادا مەملەكەتتىك ساپاردا بولىپ، لاتىن امەريكاسىنداعى ەلدەردىڭ باسشىلارىمەن ٴجيى ىقپالداستى، جۇڭگو _ لاتىن امەريكاسى قارىم ـ قاتىناسى ٴتىپتى دە كەڭ ورىسكە بەتتەدى.
ماقالادا بىلاي دەپ اتاپ كورسەتىلدى: بۇل جۇڭگونىڭ دۇنيە جۇزىمەن قارىم ـ قاتىناسىنىڭ تاريحي سيپاتتى وزگەرىسىندەگى تاعى ٴبىر جاڭا كوورديناتا. ازيا _ تىنىق مۇحيت ەكونوميكالىق سەلبەستىك ۇيىمىنىڭ (APEC) 31 ـ رەتكى باسشىلار بەيرەسمي ٴماجىلىسى، 20 ەل توبى باسشىلارىنىڭ (G20) 19 ـ رەتكى باسشىلار ٴماجىلىسى سىندى دۇنيە ٴجۇزى كوز تىككەن ەكى كوپ جاقتى ساحنادا ٴتوراعا شي جينپيڭ ماڭىزدى ٴسوز سويلەپ، ٴادىل دۇنيە ٴجۇزىنىڭ جاڭا جوباسىن كەسكىندەدى ٴارى جۇڭگونىڭ تۇرعىسى مەن ارەكەتىن باياندادى.
ماقالادا بىلاي دەلىندى: 11 ـ ايدىڭ 14 ـ كۇنىنەن 16 ـ كۇنىنە دەيىن پەرۋدىڭ ليماسىندا؛ 11 ـ ايدىڭ 17 ـ كۇنىنەن 21 ـ كۇنىنە دەيىن برازيليانىڭ ريو ـ دە جانەيروسىندا، برازيلياسىندا.
وسى ساتتەر، وسى قالالار جۇڭگو ديپلوماتياسىنىڭ جادىندا قالدى. ال جۇڭگونىڭ ”تاريحتىڭ دۇرىس جاعىندا تۇراتىن“ تالعامى مەن ارەكەتى دە دۇنيە ٴجۇزىنىڭ العا باسۋىنا جەتەكشىلىك ەتۋدە. دۇنيە ٴجۇزى جاڭا ديپلوماتيا حيكاياسىندا جۇڭگوعا قۇلاق ٴتۇردى، جۇڭگونى ٴتۇسىندى:
وندا ”ادامزاتتىڭ بولاشاعىن كوكەيىندە ساقتاپ، حالىقتىڭ قۇت ـ ىرىسىن ويلاۋ“ سىندى ٴىرى ەل سۇيىسپەنشىلىگى جاتىر؛
وندا ”دۇنيە ٴجۇزىنىڭ بىرگە گۇلدەنۋىن ىلگەرىلەتۋگە، ادامزاتتىڭ اناعۇرلىم تاماشا بولاشاق اشۋىنا اناعۇرلىم زور بىرىككەن كۇش ۇيىستىراتىن“ ٴىرى ەلدىڭ جاۋاپكەرلىك ارقالاۋى جاتىر.
ماقالا جۇڭگو حيكاياسىنىڭ الەمدەگى جاڭعىرىعى؛ بۇكىل جەر شارىن جونگە سالۋداعى قۇرۋشى كۇش؛ كوپ جاقتى ساحنانىڭ ەكى جاقتى ٴساتى؛ جاھاندى الىسسىنباي ٴتۇسىنىسىپ ـ ٴبىلىسۋ؛ تۇرلىشە كوز اياداعى لاتىن امەريكاسى ساپارى سىندى 5 بولىمگە بولىنگەن.
ماقالادا ”ٴبىز ىنتىماقتى، سەلبەستىكتى كۇشەيتىپ، الەمدىك سىن ـ سايىستى بىرگە قارسى الىپ، ادامزاتتىڭ تاعدىرلاس ورتاق تۇلعاسىن بىرگە قۇرۋعا، دۇنيە ٴجۇزىنىڭ بىرگە گۇلدەنۋىن ىلگەرىلەتۋگە، ادامزاتتىڭ اناعۇرلىم تاماشا بولاشاق اشۋىنا اناعۇرلىم زور بىرىككەن كۇش ۇيىستىرايىق“ دەلىندى. بۇل _ جۇڭگونىڭ دۇنيە جۇزىنە سالتاناتپەن جاريالاۋى، بۇل _ جۇڭگونىڭ دۇنيە جۇزىمەن قول ۇستاسا العا ىلگەرىلەۋى.
