— 11 وليمپيادا اعا جۇلدەگەرى شينجياڭ شىفان داشۋەسىنە كەلىپ، ەسەيىپ ـ ەرجەتۋ حيكايالارىن ٴبولىستى
انار بۇلت \ شينجياڭ گازەتىنىڭ ٴتىلشىسى ۋاڭ جيڭجيڭ
”وليمپيادا اعا جۇلدەگەرى دەگەنىمىز ماحاببات، اششى تەر، شاتتانا كۇلۋ جانە سەرىك بولۋ، ٴار كۇنى اڭىرىپ بوس قيالعا سالىنۋ، 3 جىلدان استام ۋاقىتتا، مەن ٴبىر ارمانعا قانات قاقتىم، سول ارمانىم قازىرگە دەيىن جالعاسىپ كەلەدى، مەن وزىمە لي ۋىنۋىن تەز ەسىڭدى جي، ساحناعا شىعىپ ٴسوز سويلەيتىن كەز كەلدى دەدىم.“ 11 ـ ايدىڭ 25 ـ كۇنى شينجياڭ شىفان داشۋەسىنىڭ (كۇنلۇن مەكتەپ رايونى) دەنە تاربيە سارايىندا ”پاريجدە شەشۋشى جەڭىسكە جەتۋ · وليمپيادا سپورت جارىسىندا ٴوزىن ايگىلەۋ _ وليمپيادا اعا جۇلدەگەرلەرىمەن جۇزدەسۋ“ ارالاپ ۇگىت لەكسيا جاساۋ شينجياڭ بەكەتى قيمىلىنىڭ باستالۋ سالتىندا ٴزىل تەمىر كوتەرۋدەن وليمپيادا اعا جۇلدەگەرى لي ۋىنۋىننىڭ قىزىقتى، يۋمورلى سوزىنە وقىتۋشى ـ وقۋشىلار دۋ قول شاپالاق سوقتى.
”جارالاندىم، ساتسىزدىككە دە جولىقتىم، الايدا، ەشقاشان باز كەشپەدىم، ويتكەنى بۇل مەنىڭ اسىل ارمانىم، مەن تاڭداۋلى ٴزىل تەمىر كوتەرۋ سپورتشىسى بولىپ، وتانعا داڭق اپەرۋدى ويلادىم“. لي ۋىنۋىننىڭ بۇل ٴسوزى شينجياڭ شىفان داشۋەسى دەنە تاربيە شۋەيۋانى 3 ـ جىلدىعىنىڭ وقۋشىسى تيان مانشيدىڭ سۇراۋىنا جاۋاپ بەردى. باسكەتبول ماماندىعىن نەگىز ەتىپ وقيتىن وقۋشى رەتىندە، ماشىق كەزىندەگى ماشاقاتتى ساتتەرگە جولىققاندا، ول تالاي رەت وزىنەن ـ ٴوزى تاباندىلىق كورسەتۋدىڭ ٴمانىن سۇراعان. ”لي ۋىنۋىننىڭ بولىسكەن حيكاياسىن تىڭداعان سوڭ، مەن جاۋاپ تاپتىم، وندا وتە كۇشتى سەنىم بار ەكەن، ٴوزىنىڭ تاڭداۋلى سپورتشى بولاتىنىنا، مەملەكەتتىڭ اتاق ـ ابىرويى ٴۇشىن كۇرەس جاسايتىنىنا سەنگەن، ارمانى بەرىك بولعاندىقتان، العان بەتىنەن قايتپاعان“، ـ دەدى تيان مانشي.
”جۇرتشىلىق كوبىندە وليمپيادا اعا جۇلدەگەرلەرىنىڭ قول جەتكىزگەن ناتيجەلەرىن عانا كورەدى، وليمپيادا اعا جۇلدەگەرلەرىمەن بەتپە ـ بەت وتىرىپ، ولاردىڭ اعا جۇلدەگەر بولۋدىڭ الدىنداعى سانسىزداعان ساتسىزدىگىن ەستىپ، اناعۇرلىم كوپ كۇش ـ قۋات الدىم“. شينجياڭ شىفان داشۋەسى 1 ـ جىلدىعىنىڭ وقۋشىسى تەكران تالەت بىلاي دەدى: ”داشۋەگە كەلگەننەن كەيىن بولاشاعىمدى ويلاپ باسىم قاتتى، نىسانامدى، باعىتىمدى تابا الماعانداي بولدىم. مەن وزىمە ٴتان ارمان تىكتەپ، سول ارماندى جۇزەگە اسىرۋ ٴۇشىن قۇلشىنا كۇرەس جاساۋىم كەرەك“.
باستالۋ سالتىندا شينجياڭ شىفان داشۋەسى كوركەمونەر شۋەيۋانىنىڭ وقۋشىلارى ارالاپ ۇگىت لەكسيا جاساۋعا قاتىناسقان 11 وليمپيادا اعا جۇلدەگەرىنە وزگەشە تارتۋ _ قولمەن سىزىلعان 11 اجۋا سۋرەت پورترەتىن دايىندادى. پان جانلىنى سىزعان وقۋشىلار وتە كوپ بولدى، شينجياڭ شىفان داشۋەسى كوركەمونەر شۋەيۋانى اسپيرانت 1 ـ جىلدىعىنىڭ وقۋشىسى كى جياشيننىڭ سىزعانى ەڭ سوڭىندا تاڭدالدى. وسى تۋىندىداعى سۋ مونشاقتارى جۇڭحۋانىڭ ٴداستۇرلى مادەنيەتىندەگى ورنەك پەن سۋ تولقىنى ورنەكتەرىن بىرلەستىرىپ، وزىندىك ەرەكشەلىككە يە بولدى. سۋرەتتەگى قازان باس كارتون وبرازىنداعى پان جانلى مالتاۋ كوزىلدىرىگىن تاققان، موينىنا ٴبىر التىن مەدال اسقان. ”وعان ۇسىنعان كەزدە، ول ’قاتتى ۇناتقانىن‘ ايتىپ، قايتا ـ قايتا ’راقىمەت‘ دەدى، تاعى ماعان قولتاڭباسىن قالدىردى“، ـ دەدى كى جياشين اسەرلەنە.
سول كۇنگى قيمىلدا شينجياڭ شىفان داشۋەسىنە قاراستى ورتا مەكتەپ تولىق ورتا 3 ـ جىلدىعىنىڭ وقۋشىسى چىن جىندا پان جانلىنىڭ قولتاڭباسىن الدى. ”قاتتى تەبىرەندىم! مەن 8 جاسىمنان باستاپ سۋ مالتاۋدى ۇيرەندىم، مەن پان جانلىنىڭ جان كۇيەرىمىن“. چىن جىن بىلاي دەدى: ”پان جانلى مەنىڭ مالتاۋ باس كيىمىمە قولتاڭباسىن قالدىرىپ، مەنى ۇزدىكسىز قۇلشىنۋعا جىگەرلەندىردى. مەنىڭ ول سياقتى ۇلى سپورتشى بولۋىم مۇمكىن ەمەس، الايدا جوعارى مەكتەپكە ەمتيحان بەرۋ سىندى جارىستا ٴوزىمنىڭ اعا جۇلدەگەرىم بولامىن. وسى وليمپيادا اعا جۇلدەگەرلەرى مىنە ٴبىز تالپىناتىن جۇلدىزدار بولۋعا لايىق.
