□ شين شىجيان
تيانشان الابىنا قالىڭ قار جاۋىپ، قار ـ مۇزدى دالا قوناقتاردى قارسى الدى. وسى بىرنەشە كۇندە شينجياڭ اسا قىمباتتى ٴبىر توپ قوناقتى قارسى الدى، ولار شينجياڭدا ارالاپ ۇگىت لەكسيا جاساپ جۇرگەن، جانكۇيەرلەر ”وليمپيادا ۇجىمى“ اتاعان وليمپيادا سپورت جارىسىنىڭ 11 اعا جۇلدەگەرى ەدى. اۋەجايدان مەكتەپ اۋلاسىنا دەيىن، الەۋمەتتىك اۋماقتان اسكەري كازارماعا دەيىن... ولار بارعان جەردىڭ بارىندە شاپالاق داۋىستارى مەن الاقايلاعان ۇندەر ٴبىر ٴسات تولاستاعان جوق.
وسىنداي ٴبىر وزگەشە ”جۇلدىزدارعا تابىنۋ“ قيمىلى قالايشا قار ـ مۇز قۇرسانعان شينجياڭدا قىزۋ ورلەۋ كوتەردى؟ ويتكەنى بۇل تەك جاي عانا جۇڭگو دەنە تاربيە حيكاياسىن بايانداۋ ەمەس، ونان دا ماڭىزدىسى، داۋىرمەن نيەتتەس، باعىتتاس بولعان ىشكەرىلەي تىلدەسۋ، وسى رەتكى تىلدەسۋ بىزگە اعا جۇلدەگەرلىك مارتەبەنىڭ استارىندا جۇرەككە جەتەتىن ٴاماندا ٴبىر كۇش بولاتىنىن كورسەتتى.
بۇل كۇش _ وتانعا العىس ايتىپ، ٴومىر بويى باز كەشپەۋ. شينجياڭ شىفان داشۋەسىندەگى ۇگىت لەكسيا الاڭىندا لي يۋەحۇڭ بىلاي دەدى: ”قۇدىرەتتى وتانىمىز بولماسا، ٴبىزدىڭ حالىقارالىق جارىستارداعى شۇعىلالى ساتتەرىمىز بولماس ەدى“. پان جانلى بىلاي دەدى: ”مەن ٴبىر ٴوزىمنىڭ عانا كۇرەسىپ جاتپاعانىمدى، ارت جاعىمدا قۇدىرەتتى وتانىم بار ەكەندىگىن انىق بىلەمىن“. لي ۋىنۋىن بىلاي دەدى: ”جۇڭگو قۇراماسى ٴۇشىن، ٴسوز جوق، التىن مەدال الامىن دەگەن ٴۇن جۇرەگىمدە جاڭعىردى!“... وسىنداي تەرەڭ دە ىقىلاستى وتانشىلدىق سۇيىسپەنشىلىك بەينە جۇڭحۋا ۇلتىنىڭ ٴبىر تىلەك، ٴبىر نيەتپەن ٴوزىن تىنباي الۋەتتەندىرۋىنىڭ رۋحاني دانەكەرىندەي بولىپ، وسى قىستا ٴار ۇلت جاستارىنىڭ رياسىز كوڭىلىن تۇتاستىردى.
مۇنداي كۇش وتاندى بارىنەن جوعارى قويۋ، وتان ٴۇشىن داڭق اپەرۋ. مەيلى وليمپيادا سپورت جارىسىندا 3 رەت شايقاسقا شىققان لي يۋەحۇڭنىڭ ون نەشە جىلدىق كۇرەس بارىسىن ەسكە الۋى بولسىن، الدە پان جانلىنىڭ جۇڭگونىڭ سۋدا ٴجۇزۋ تاريحىندا سەرپىلىس جاساعان ەستەن كەتپەس ساتتەردى ٴبولىسۋى بولسىن نەمەسە لي ۋىنۋىننىڭ ارمانعا ۇمتىلىپ ٴوز شەگىنە سايىس جاريالاعان حيكاياسىن بايانداۋى بولسىن، بارلىعى دا وتاندى كوكەيدە ساقتاپ، جاۋاپكەرشىلىكتى مىقتاپ ارقالايتىن ورتاق ارمان ـ مۇراتتى جەتكىزدى. مۇنداي تەرەڭ ٴارى ماڭگىلىك وتانشىلدىق سەنىم ٴاربىر جۇڭگولىق ساڭلاقتىڭ قانىندا تاسىپ قانا قويماي، تاعى ٴاربىر جۇڭگولىقتىڭ رۋح شەجىرەسىندە تولقىپ جاتىر، ونان دا ماڭىزدىسى، ول ٴبىزدىڭ مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ساپارىندا ۋاقىت وتكەن سايىن جاڭالاناتىن، ماڭگى جالعاسا بەرەتىن ەكپىندەي ىلگەرىلەۋ كۇش ـ قۋاتىمىز.
نەگە نازار اۋدارساق، سونداي رۋحاني تالپىنىس بولادى؛ نەنى ارداقتاساق، سونداي قۇن بەتالىسى بولادى. وسى ”جۇلدىزدارعا تابىنۋ“ ورلەۋى شينجياڭداعى ٴار ۇلت جاس وسپىرىمدەرىنىڭ وتانشىلدىق سۇيىسپەنشىلىككە، وتانشىلدىققا دەگەن تەرەڭ شىنايى مويىنداۋىن تولىق ايگىلەدى. كوپشىلىك ”وليمپيادا ۇجىمىمەن“ بەتپە ـ بەت پىكىرلەسكەندەرىنە ەرەكشە جەلپىندى، بۇل ”پان جانلىنىڭ كەلبەتتى ٴارى ونەرلى“ ەكەندىگىن ۇناتۋ عانا ەمەس، سونداي ـ اق لي ۋىنۋىننىڭ ”ريتىمسىز شىرقاعان“ كوڭىلدىلىك فيلوسوفياسىنا سۇيىنگەندىك قانا ەمەس، ونان دا ماڭىزدىسى، ولاردىڭ وليمپيادا سپورت جارىسى الاڭىنان ۇگىت لەكسيا الاڭىنا دەيىن جاڭا داۋىردەگى جۇڭگو وبرازىن ايگىلەۋى سەبەبىنەن بولدى، ولار جاستىق ورالدىڭ ەڭ تاماشا ۇلگىسى، اناعۇرلىم كوپ جاس ارماندايتىن بەينە.
ٴدال ۇگىت لەكسيا الاڭىندا پان جانلىنىڭ قولتاڭباسىن العان ٴبىر تولىق ورتا مەكتەپ 3 ـ جىلدىعىنىڭ وقۋشىسى ايتقانداي، ”ٴبىز تابىنۋعا ٴتيىس جۇلدىزدار ٴدال وسىلار“، مۇنداي ورتاق سەزىم مەن ۇيىستىرۋ كۇشىنىڭ ٴار ۇلت جاس وسپىرىمدەرىنىڭ جۇڭحۋا دەنە تاربيە رۋحىن شىنايى مويىنداۋ سەزىمى مەن ماقتانىش سەزىمىن بارىنشا كۇشەيتەتىندىگى، سونداي ـ اق جۇڭحۋا ۇلتى ورتاق تۇلعا تانىمىن بەكەمدەۋ سىندى داۋىرلىك قۋاتتى ٴۇندى جاندى، ناقتى شارىقتاتاتىندىعى داۋسىز.
قاسىمىزداعى ۇلگىلەر كىسىنى ەڭ اسەرلەندىرەدى. وليمپيادا سپورت جارىسى جۇلدەگەرلەرىنىڭ بايانداعان ايانباي الىسۋ كەشىرمەلەرى مەن ىنتىماق اڭگىمەلەرى جۇڭحۋا دەنە تاربيە رۋحىنىڭ جاندى تۇسىندىرمەسى، جۇڭحۋانىڭ تاڭداۋلى مادەنيەتىنىڭ پارمەندى جالعاستىرىلۋى. ٴبىز وسى رۋحاني ٴناردىڭ ٴار ۇلت حالقىنىڭ جۇرەگىن نارلەندىرىپ، ٴار ۇلت حالقىن اناردىڭ دانىندەي تىعىز ۇيىستىرىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدا بەلسەندى رول اتقارۋىن ٴۇمىت ەتەمىز.
