شي جينپيڭ جۇڭحۋا مەملەكەتتىك قامداۋ ـ ساتۋ سەلبەستىك باس كووپەراتيۆى قۇرىلعاندىعىنىڭ 70 جىلدىعى قارساڭىندا ماڭىزدى نۇسقاۋ بەرىپ، بىلاي دەپ باسا دارىپتەدى
پارتيا مەن ۇكىمەتتىڭ شارۋا بۇقاراسىمەن تىعىز بايلانىس جاساۋىندا ويداعىداي كوپىر، دانەكەر بولىپ، قامداۋ ـ ساتۋ سەلبەستىك ىستەرى جوعارى ساپالى دامۋىنىڭ جاڭا تاراۋىن قۇلشىنا جازۋ كەرەك
لي چياڭ بەكىتۋ جازدى
شينحۋا اگەنتتىگىنىڭ 11 ـ ايدىڭ 28 ـ كۇنى بەيجيڭنەن بەرگەن حابارى. جۇڭحۋا مەملەكەتتىك قامداۋ ـ ساتۋ سەلبەستىك باس كووپەراتيۆى قۇرىلعاندىعىنىڭ 70 جىلدىعى قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ماڭىزدى نۇسقاۋ بەردى، سونداي ـ اق بۇكىل ەلدەگى قامداۋ ـ ساتۋ سەلبەستىك كووپەراتيۆى جۇيەسىندەگى قالىڭ كادرلارعا، جۇمىسشى ـ قىزمەتكەرلەرگە ىقىلاستى سالەم جولدادى، ماداقتالىپ ـ سيلانعان وزات كوللەكتيۆتەر مەن وزات جەكەلەردى قىزۋ قۇتتىقتادى.
شي جينپيڭ بىلاي دەپ اتاپ كورسەتتى: 70 جىلدان بەرى، قامداۋ ـ ساتۋ سەلبەستىك كووپەراتيۆى باستان ـ اياق پارتيانىڭ وزەكتى مىندەتىن ارقاۋ ەتىپ، ىرىقتىلىقپەن كەلەلى جاعدايعا قىزمەت ەتىپ، قالا ـ اۋىل بۇقاراسىنا قىزمەت وتەۋ، اۋىل ـ قىستاق ەكونوميكاسىن گۇلدەندىرۋ، كەدەيلىكتەن ارىلتۋدان قامال الۋعا دەم بەرۋ، شارۋالار كىرىسىنىڭ ارتۋىن جەبەۋ، اۋىل ـ قىستاقتىڭ گۇلدەنۋىن ىلگەرىلەتۋ سياقتى جاقتاردا بەلسەندى رول اتقاردى.
شي جينپيڭ بىلاي دەپ باسا دارىپتەدى: جاڭا ٴداۋىردىڭ جاڭا جورىعىندا ٴار دارەجەلى پارتكومدار مەن ۇكىمەتتەر قامداۋ ـ ساتۋ سەلبەستىك كووپەراتيۆى قىزمەتىنە باسشىلىقتى جانە قولداۋدى ونان ارى كۇشەيتىپ، وسى كۇشتەن ويداعىداي تولىق پايدالانۋى كەرەك. قامداۋ ـ ساتۋ سەلبەستىك كووپەراتيۆى جاڭا دامۋ ۇستانىمىن مۇقيات امالياتتا ايگىلەپ، اۋىل شارۋاشىلىعىنا، اۋىل ـ قىستاقتارعا تامىر تارتىپ، نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، جالپىلىق رەفورمانى تەرەڭدەتىپ، مەحانيزمدە جاڭالىق اشۋدى كۇشەيتىپ، شارۋالاردىڭ وندىرىسىنە، تۇرمىسىنا قىزمەت وتەۋدىڭ جانە وسى زامانعى اۋىل شارۋاشىلىعىنىڭ دامۋىن جەبەۋدىڭ كەشەندى تۇعىرىن ۇزدىكسىز تۇلعالاپ، پارتيا مەن ۇكىمەتتىڭ شارۋا بۇقاراسىمەن تىعىز بايلانىس جاساۋىندا ويداعىداي كوپىر، دانەكەر بولىپ، قامداۋ ـ ساتۋ سەلبەستىك ىستەرى جوعارى ساپالى دامۋىنىڭ جاڭا تاراۋىن قۇلشىنا جازىپ، اۋىل ـ قىستاقتىڭ جاپپاي گۇلدەنۋىن ىلگەرىلەتۋگە، اۋىل شارۋاشىلىعىندا قۋاتتى ەل قۇرۋدى جەدەلدەتۋگە اناعۇرلىم زور ۇلەس قوسۋى كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ، بىلاي دەپ اتاپ كورسەتتى: قامداۋ ـ ساتۋ سەلبەستىك كووپەراتيۆى باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، بورىش ارقالاۋدى ەستە بەرىك ساقتاپ، وزگەشە باسىمدىقتى ساۋلەلەندىرىپ، رەفورما جاساپ، جاڭالىق اشۋدى تەرەڭدەتىپ، شارۋاشىلىق باسقارۋ دەڭگەيىن كۇش سالا جوعارىلاتىپ، شارۋالارعا قىزمەت وتەۋ نەگىزىن ۇزدىكسىز نىعايتىپ، اۋىل شارۋاشىلىعى ٴوندىرىس قۇرال ـ جابدىقتارىمەن قامداۋ، اۋىل شارۋاشىلىق ونىمدەرىن اينالىمعا سالۋ، اۋىل شارۋاشىلىعىنا قوعامداندىرىپ قىزمەت وتەۋ، قايتا تۋىندايتىن بايلىقتى جيناپ الىپ قايتا پايدالانۋ سياقتى ٴتۇيىندى قىزمەتتەردىڭ جوعارى ساپالى دامۋىن ونان ارى ىلگەرىلەتىپ، شارۋالاردىڭ وندىرىسىنە، تۇرمىسىنا اناعۇرلىم ويداعىداي قىزمەت وتەپ، قالا مەن اۋىلدىڭ توعىسپالى دامۋىن ىلگەرىلەتۋ، اۋىل شارۋاشىلىعىنىڭ، اۋىل ـ قىستاقتىڭ وسىزاماندانۋىن جەدەلدەتۋ جولىندا اناعۇرلىم زور رول ساۋلەلەندىرۋ كەرەك.
جۇڭحۋا مەملەكەتتىك قامداۋ ـ ساتۋ سەلبەستىك باس كووپەراتيۆى قۇرىلعاندىعىنىڭ 70 جىلدىعىن اتاپ ٴوتۋ ٴماجىلىسى 11 ـ ايدىڭ 28 ـ كۇنى بەيجيڭدە اشىلدى. ماجىلىستە شي جينپيڭنىڭ ماڭىزدى نۇسقاۋى جانە لي چياڭنىڭ بەكىتۋى جەتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى ليۋ گوجۇڭ ماجىلىسكە قاتىناستى ٴارى ٴسوز سويلەدى. ول مىنانى ٴبىلدىردى: 70 جىلدىق داڭقتى داستۇرگە يە قامداۋ ـ ساتۋ سەلبەستىك كووپەراتيۆى پارتيا 18 ـ قۇرىلتايىنان بەرى، مەملەكەتتىڭ استىق حاۋىپسىزدىگىنە شىنايى كەپىلدىك ەتۋ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋ، اۋىل ـ قىستاقتىڭ جاپپاي گۇلدەنۋىن ىلگەرىلەتۋ ٴۇشىن ماڭىزدى ۇلەس قوستى. جاڭا ٴداۋىردىڭ جاڭا جورىعىندا بۇكىل ەلدەگى قامداۋ ـ ساتۋ سەلبەستىك كووپەراتيۆى جۇيەسى باس شۋجي شي جينپيڭنىڭ ماڭىزدى نۇسقاۋىنىڭ جانە لي چياڭ زۇڭليدىڭ بەكىتۋىنىڭ تالابىن ىشكەرىلەي ۇيرەنىپ، دايەكتىلەندىرىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، قالا مەن اۋىلدىڭ توعىسپالى دامۋىن جەبەۋ، اۋىل ـ قىستاقتىڭ جاپپاي گۇلدەنۋىن ىلگەرىلەتۋ بارىسىندا تاعى دا تىڭ ۇلەس قوسۋى كەرەك. پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، شارۋالارعا قىزمەت وتەۋ باس ماقساتىن ەستە بەرىك ساقتاپ، ٴتۇيىندى سالالار مەن شەشۋشى بۋىندارداعى رەفورمانى تەرەڭدەتىپ، وزىندىك قۇرىلىستى جاپپاي كۇشەيتىپ، قامداۋ ـ ساتۋ سەلبەستىگى ىستەرى جوعارى ساپالى دامۋىنىڭ جاڭا تاراۋىن جازۋ كەرەك.
ماجىلىستە ادام كۇشى بايلىعى جانە قوعامدىق قامتاماسىزداندىرۋ مينيسترلىگى، جۇڭحۋا مەملەكەتتىك قامداۋ ـ ساتۋ سەلبەستىك باس كووپەراتيۆى بۇكىل ەلدىڭ قامداۋ ـ ساتۋ سەلبەستىك كووپەراتيۆى جۇيەسىندەگى وزات كوللەكتيۆتەردى، ەڭبەك ۇلگىلەرىن جانە وزات قىزمەتكەرلەردى بىرلەسىپ ماداقتاپ ـ سيلادى، سيلىققا يە بولعانداردىڭ ۋاكىلدەرى لەبىز ٴبىلدىردى.
جۇڭحۋا مەملەكەتتىك قامداۋ ـ ساتۋ سەلبەستىك باس كووپەراتيۆى 1954 ـ جىلى قۇرىلعان. 70 جىلدىق دامۋ ارقىلى قامداۋ ـ ساتۋ سەلبەستىك كووپەراتيۆى جالپى بارىس بويىنشا اۋىل شارۋاشىلىعىنا قوعامداندىرىپ قىزمەت وتەۋگە قاراي جەدەل كەڭەيىپ، قالا، اۋىل الەۋمەتتىك اۋماقتارىنا جان ـ جاقتى قىزمەت وتەۋگە قاراي ٴورىس اشىپ، جالپىلىق، كولەمدەنگەن، باياندى شارۋالارعا قىزمەت وتەۋ جۇيەسىن جەدەل قالىپتاستىرىپ، اۋىل ـ قىستاقتىڭ جاپپاي گۇلدەنۋىن ىلگەرىلەتۋ، اۋىل شارۋاشىلىعىندا قۇدىرەتتى ەل قۇرۋدى جەدەلدەتۋ بارىسىندا وزگەشە باسىمدىعىن جانە ماڭىزدى رولىن ساۋلەلەندىردى.
